JC_hkfoodie's Profile

上個月又同D朋友去無二三食晚飯，我地之前都黎食過三次，都開始變成呢度既熟客，主要係鍾意呢度D野食整得好好味，價錢又合理，環境亦都舒舒服服～餐廳氛圍偏向"和洋風"，今次臨近聖誕去仲多咗D聖誕佈置！今次發現餐牌吸睛咗，款式比之前豐富咗～ 餐牌入面有分唔同種類既食物，例如沙律／冷盤／炸物／煮物／鐵板／燒物／麻糬堡／烏冬／飯類／甜品 等等。。最開心見到喺炸物入面加咗我至鍾意既海苔魷魚鬚！第一樣見到即嗌既就係海苔魷魚鬚， 份量都幾大兜！炸得好香脆，脆漿入面滿滿既海苔碎包住彈牙既魷魚鬚，食到停唔到口。。之後煮物就揀咗鰻魚玉子燒，呢款都係新菜式～份量亦都幾大份，厚厚既蛋卷包住唔少鰻魚喺入面，咬落去口感好嫩滑，蛋香味濃郁兼帶有微微甜味，再配合埋鰻魚同埋甜甜地既鰻魚醬汁一齊食 味道好夾！鐵板就揀個鐵板洋蔥豚肉，上菜時香氣撲鼻，豚肉同洋蔥都相當多，豚肉口感軟滑，再夾埋洋蔥既香甜同埋D醬汁一齊食，如果有埋碗白飯就正喇食落口仲夾雜D爽脆既甘荀絲，令口感更加豐富咗～跟住燒物就要咗蒜香味噌烤茄子，除咗聞到好香之外 賣相都好吸引，茄子烤到軟綿綿既質感，蒜香味噌味夠濃郁，好惹味！仲叫咗個和風炒飯，呢個又係新加既菜式～入面有日式叉燒，甘荀絲，翠肉瓜同埋雞蛋，睇到餐牌介紹呢度既日式叉燒係老闆自家製，味道口感都認真唔錯～肥瘦適中～而整體炒飯味道好香，而且粒粒分明，平時唔多食澱粉質既朋友都破例食咗一半。。呢度除咗野食多選擇之外， 飲品都有好多款，例如即磨咖啡／奶類飲品／有汽梳打／無汽飲品／乳酪沙冰等等，而且呢度仲有唔同種類既酒！我地今次就飲咗榛子朱古力，無花果洛神花漾 同埋 荔枝玫瑰梳打～三杯都係又靚又好飲！杯朱古力好香濃，餐牌上面寫係用VALRHONA 100%，google咗原來係法國高質既朱古力品牌～另外兩杯飲落都好清爽而且甜度岩岩好！最後試埋款新甜品都唔錯，呢杯芭菲我地揀咗雲尼拿雪糕，佢仲有士多啤梨同埋榛子朱古力味雪糕揀～芭菲入面既材料都幾豐富，除咗上面有雪糕球，百力滋同埋杏仁片，杯入面仲有cream，脆脆，自家製藍莓啫喱，榛子威化，自家製雞蛋布丁  同埋 oreo朱古力餅碎 等等，有多重唔同既口感～…Read More

下午茶叫左個沙嗲湯底香茅豬扒粉絲, 佢有輕量版 ($39)同埋標準版($49)揀, 我就叫左輕量版試下, 但黎到之後我發覺好大碗喎, 即刻心諗"咁都叫輕量版? 好彩冇叫標準版....."!! 香茅豬扒有兩塊, 聞落好香香茅味, 每塊唔算大塊但幾厚切. 咬開肉質一D都唔鞋, 好鬆軟呀. 碗粉絲都好正, 沙嗲湯底幾濃味, 沙嗲味夠香又唔會好辣. 質地少少杰身, 又唔會好漏, 湯底既配粹都唔少, 見到加左D花生碎, 蔥粒, 芽菜同埋芝麻~  而粉絲既份量真係唔少...夾起連埋D沙嗲湯一齊食好味呀...食完勁飽. $39呢個餐仲有凍飲真係算抵食, 雖然要加一, 但埋單佢又會每$20比$2 coupon你下次用, 所以都OK.…Read More

上星期六行過見到凱施隻港式奶茶換左個新包裝, 個樽靚左, 於是又買支飲下. 呢隻奶茶好耐以前買過一次黎飲, 覺得幾好飲但就略為甜左DD,  今次再買黎飲, 依然好好飲, 甜度比之前更加恰當, 相信佢地應該調較過個甜味! 奶茶最重要係有奶味又有茶味, 呢隻既茶味濃但冇澀口, 奶味都好香, 口感順滑, 我覺得比好多茶餐廳更好飲.... 原價$15一支, 買任何野加$12就換到, 所以我搵左樣全場最平既$3 蓮蓉酥..而家加埋都係$15咋! 本身對蓮蓉酥都冇乜期望, 純粹諗住買D野加錢換奶茶. 但點知都有D驚喜, 一打去包裝聞到呢個蓮蓉酥好香, 酥皮幾薄有好多層, 入面既蓮蓉餡都好足料, 又唔會好甜. 除左呢隻味, 仲有伍仁酥同埋豆沙酥. $3性價比好高, 抵食過奇華榮華果D啦...…Read More

n個月前曾經試過呢隻半熟芝士蛋糕, 印象中係好好味, 早幾日喺hktv mall見到有優惠劵..原價75蚊用優惠劵59蚊就買到...見抵左16蚊於是買黎食多次回一回味啦. 咁今日出開尖沙咀, 就順便去換埋啦, 費事之後大頭蝦會唔記得左換... 換既時候都好方便, 出示返電話張coupon就ok.呢隻芝士蛋糕, 睇落去無乜特別, 但食落幾surprise. 今次專登慢慢食, 食真D佢個半熟口感, 真係幾正, 整件蛋糕都好鬆軟幼滑, 咬落去好軟綿濕潤, 有入口即溶既感覺. 味道亦都好岩心水, 奶油芝士味好香濃, 甜度亦都適中, 又完全冇"溜"既感覺. 每件細細件, 的的"色色", 好易入口, 一口氣食左三件先停到手.…Read More

原來太子呢頭有間細細地既上海菜館, 而家已經買少見少, 通常都係大型連鎖店, 好多小店都一間一間做唔住要倒閉, 所以我同朋友二話不說就入去試試啦. 好彩我地黎早一步, 約7點左右已經開始愈來愈多人了. 我地2人都唔係好餓, 所以只叫左三樣野, 煎鍋貼, 小籠包同埋上海粗炒.三樣野最出色係煎鍋貼, 上枱時熱辣辣的, 鍋貼大大隻, 煎到金黃色, 賣相已經好吸引呀. 咬入口皮脆又唔覺得乾硬, 內裡既肉餡又幾夠味, 好香又唔會勁油! 其次係上海粗炒, 都好大碟, 亦都好足料, 通常有既菜同埋菇都好充足, 味道都唔會好鹹, 但就略為炒得濕左些少, 乾身D會正D. 而小籠包就一般水準啦, 塊皮唔算好薄, 內裡湯汁唔太多, 勝在熱辣辣同埋味道都OK. 下次有機會都會再幫襯!…Read More

第一次試呢間燒味餐廳, 感覺都挺不錯的, 雖然店面細細, 但裝修比普通燒味餐廳靚同乾淨, 仲播住D音樂, 好似入左間CAFE咁環境感覺都幾舒服! 咁岩下午茶時間, 我就叫左個叉燒切雞瀨, 好快就有得食, 賣相幾得喎, 切雞好似係脾位, 肥膏多左少少, 但味道都唔差, 肉質嫩滑,  而這裡的叉燒是味噌叉燒不是蜜汁叉燒, 味道都幾香, 肥瘦適中, 肉質唔會鞋, 不過我始終覺得蜜汁味既叉燒應該會好食D! 而瀨粉口感相當唔錯, 質感爽滑, 湯底淡香, 整體比起大集團的燒味瀨好多了.…Read More

下午茶叫左個雞腿肉茄蛋湯底米線(好似$28), 茄蛋湯底味道唔錯, 幾開胃, 濃郁亦夠杰身, 裡面真係有一舊舊去了皮的蕃茄肉, 但又唔會太酸, 仲有好多蛋花, 個湯底係滿意的...可惜..雞腿肉份量真係太少....食勻成碗...都係得幾塊又薄又細塊嘅雞肉...真係孤寒左少少囉....米線方面, 有D米線係軟腍, 但有D米線咬落仲有少少硬, 但軟腍果D米線撈埋湯底食都幾好食既~ 最後個茄蛋湯都飲左一半~$28包杯汽水, 性價比可以~ 不過衛生麻麻, 望到張椅子後方幾dirty...…Read More

1月1日到了翠園飲茶, 原來呢度仲有推車仔賣點心, 那天不太肚餓所以兩人只叫了5款點心:牛肉腸: 賣相唔太好, 最面果條塊皮爛爛地, 不過味道正, 裡面牛肉餡應該有檸檬葉, 好香好好食. 腸粉都算薄滑.燒賣: 賣相超靚, 一見到已經好吸引, 咬落肉質彈牙, 隻蝦又大隻爽口, 好食!沙嗲牛柏葉: 最差呢個點心, 冇沙嗲味之外, 質地超腍冇咬口, 完全唔煙軔, 差!!香滑麻蓉包: 而家好少見到酒樓有麻蓉包了, 個餡都好香, 幾好食, 滑度就一般般啦九層紅棗糕: 雖然話九層, 但只係數到六層咋啵味道好香紅棗味,  質地黏黏地, 幾好~ 服務來說正正常常啦, 但埋單時搞左好耐...第一次拎張單來 收多左錢...跟住等左好耐再拎第二張單來...又拎錯....最後第三次先無錯.同埋場內地方放太多枱, 要推埋點心車, 位置真係有D迫.…Read More

夜晚在通菜街找野食, 經過呢間"i Noodles"有店員積極介紹他們的晚餐, 話送沙律送甜品, 好似幾正咁, 就入去坐低了..坐低望清楚發現他們的晚餐是不包飲品的...照叫了個D餐"鰻魚汁照燒雞扒讚歧烏冬" ($68). 好快就送上他們說的前菜沙律了...一望原來是一堆不太新鮮的生菜絲, 再加半粒車厘茄和一些沙律醬...好求其.....感覺是有點中伏了.. 到烏冬來到後, 先試試他們的自家豚骨湯底, 嗯..有點鹹... 配料有些粟米,昆布, 蔥, 菜苗, 芝麻, 芽菜, 半隻蛋 (相片多了半隻蛋是朋友給我的), 印象中和隔離間的火山石好似.....但味道差很遠.. 這個烏冬真係好普通...份量都幾少...鰻魚汁照燒雞扒都冇乜特別, 唔係好食到鰻魚汁味..最後有甜品一客..原來是每人一粒日式菓子...不過不失..$68主要得碗烏冬食又唔包飲品...覺得唔抵食....下次應該唔會再來了.…Read More