CharlotteFok's Profile

是日同朋友行完街，上網見到zi，決定一於試下。店舖較細，所以需要啲時間等位，坐低之後店員解釋最低消費，但唔包括食物（咁如果唔想飲野只想食點算?)首先我地叫左green同牛油果昔，green既感覺有啲似五青汁，味道偏甜。相反，食完野再飲，味道飲落會覺得稍酸。Green既泡沫佔左杯既一半，令人懷疑飲緊果汁定泡。而牛油果昔，飲落會好似飲緊椰青咁，椰子水cover左原先既牛油果味，令到牛油果既味道沉沒左。飲落去比Green都較為smooth！食物方法，我地先叫左牛油果蟹肉意粉，上碟係綠色十分吸晴。醬汁方面恰好，並唔會食幾啖就唔想食同油膩，而且汁料同蟹肉都好夾，唔會覺得奇怪。蟹肉份量都足夠，冇偷工減料。一開頭望落去，覺得好細碟，食食下都有飽肚既感覺了。小食方面叫左人人都話好食既芝士蘑菇釀雞翼。上枱時超級熱，放耐左先食味道仍然在，唔會減淡。雞翼入面十分足料，就咁睇都漲哂，好似爆出黎咁。有肉汁，有足料，入面仲有滿滿既芝士，十分推介！系甜品方面，我地叫左開心果蛋糕，味道不會過甜，帶有一點清新，食飽再食都唔會過膩。不過奶味比較重，對於唔太鍾意奶味既朋友，可以選擇另外兩款蛋糕。最後，鬧市中可以搵到間cp值高既餐廳，認為可覆桌。…Read More

由於我地人數較多，所以能夠有獨立一間房！十分有私隱度網上見到有好多人介紹燒蟹蓋，所以我地都叫左兩個唔同味既黎食 試一試佢。但由於佢好快會燒到變焦，所以都要不停望住個火。蟹肉十分多，絕對坐啖啖肉！而且海膽一分新鮮，唔會苦。之後我地叫左魚生食，十分新鮮同甜，入口即化，好有幸福感。我地再一人叫左一個茶漬飯食，茶味十分濃，但配料反而較為小，所以變左要碗普通湯飯咁。選用左珍珠米，而且粒粒分明，係我鐘意既硬度！加番分我地都叫左個蛋捲，蛋味十分香，而且都多件，多人都能夠平分！除左捲埋左之外，中間更保留左蛋汁，令人十分愛！而不平凡我地仲有叫左啲串燒，不過不失。整體來講，佢係小食比較多，適合唔肚餓時去/飲酒吹水時食，環境服務都很好。…Read More

朋友日日夜夜話想黎醬缸食，終於可以一試了。坐低望左一圈，店員都係韓國人，感覺係信心保證！由於比較早去，所以店舖冇咩人。店員隨即送上開胃菜，泡菜十分爽口，白蘿蔔都十分開胃，唔會有渣，海帶則最好食！淡淡既味，即以十分滿足。如果 可以無限食就好了！之後我地叫左醬油蟹，店員上菜時會問埋要唔要剪埋配菜。一打開蟹蓋，嘩勁多蟹膏，而且食落口入口即化，十分新鮮無腥味。系香港甚少食到同韓國一樣質素既醬油蟹！另外會配上一碗飯，極度唔夠食，因為太好味了！由於側邊係生洋蔥，食落口會有一點點「辣味」。 醬油唔會過鹹，仲有少少甜味，十分惹味之後我地仲叫左個牛肋骨湯配飯，湯底十分清，係真用牛骨淆出黎，配料都十分多，一人食一個都會飽肚！入面有粉絲，白蘿蔔（十分清甜），同大量牛肋骨！最後都叫左個海鮮燒餅，食食下先記得影材料十分豐富，啖啖都係料，而且厚實，相當有滿足感！…Read More

上星期放假無嘢做，特意入到大圍放空一下。亂咁行既時候發現依間穩世放空店，令人停低腳步，休息一下。我先叫左三文魚牛油果多士，多士十分脆薄，而且牛油果蓉都十分不錯。旁邊既菜可以cover番旁邊主要既鹹味。不過我認為沙律既汁可以多一點點就更好啦！食完抖左陣，再叫左個甜品affogato，咖啡味十分之濃，濃而帶點甘，唔會太甜。食法係將比較熱既醬汁倒落雪糕上食，甜雪糕與有點甘既醬汁混合一起，出其不意，好新穎既味道。 總括而言，餐廳好適合去打卡/假日想靜下放輕鬆既人。…Read More

是日同朋友系Op search到依間台灣美食店，所以決定一試。大概4點去到，當時8成既枱已經坐滿哂，到走個陣出面已經大排長龍，所以大家晏就去應該會較為好。食台灣野點都要食魯肉飯，依到既魯肉飯油而不膩，食完都唔會有口渴既感覺。另外，白飯唔會係一團團。飯上既滷水蛋亦十分入味！另外，都叫左2款小食，分別係豬耳同蛋餅豬耳放耐左啲油會成為左一舊啫喱，可見油很多。但十分入味，而且豬耳亦十分有口感，同爽。對箍緊牙既人黎講都仍然咬到。我地叫左個芝士粟米蛋餅，蛋餅十分有口感，而「煙硬」。裡面既材料亦十分足料，十分有滿足感。…Read More

同朋友系ig見到間幾靚既文青Cafe決左去一試，點知上到去Full哂，店員話留低電話有位就通知我地，好彩相隔唔太耐就有位！所以如果要去大家記得book位啦~店員十分有耐性，而且helpful，我地不停問問題佢都十分解答！我地三個人叫左三個Set+兩個甜品，饅魚茶漬飯，鯖魚同埋燒雞薯蓉。饅魚既汁唔會過鹹，幾特別，但魚就有一點點過熟所以有啲硬。配上熱茶頗為相襯。不過骨就相對地多，需要耐性去挑。另外，鯖魚亦頗為多骨最後我叫左燒雞薯蓉，薯蓉十分香，而紮實！雞肉亦十分嫩，並不會難咬。甜品分面，叫左麻糬pancake同埋Earl grey cake,麻糬既味道較為香而且味道唔會過甜，對於唔鐘意食甜野既人十分適合！另外，pancake十分紮實，有飽肚感，並不會似食緊空氣一樣。另外，餐入面包左熱茶，可以無限添飲，食完可消濟！…Read More

之前食過其他地方既雞翼放題，今日黎到Wingman見到餐牌入面有好多款唔同味道既雞翼，再唔係蜜蜂椒鹽咁簡單！今次同朋友叫既69/6隻既叫法，一開頭以為只係純粹得檸檬既香，點知原來係有檸檬既味系入面，一隻雞翼有兩種味覺，有酸再有鹹，感覺好新穎而且獨特！由於唔食得辣，所以問左店員辣蟹對於食雞煲係小辣既話會唔會頂唔順，店員話佢唔食得辣點接受到，所以我照叫左，點知😱真係辣！佢既辣並唔係麻辣，會吸引到你不停去食，食唔停！另外，亦叫左一個小食，燒牛油果，本人認為落小小檸檬汁都幾特別，又唔會太單調。不過個醬汁就因人而異了。總括來說，雞翼有好多種味，今次食唔哂，有機會可以再黎！雞翼多汁又大隻，絕對雞翼都食到飽！…Read More

今日同朋友去春水堂食下午茶，終於都可以品嘗一次，但去到個時候已經long q左，等左幾張枱終於到我地！基於唔想食太飽所以就左一個魯肉飯share食，肉既分佈唔會過多，而且有肥有瘦，唔會太肥膩。而且面上有少有既肉鬆，令飯上面有啲咬口同兩種味道！不過我認為飯比較軟身，咬口唔太有。但整體味道9/10 ！而且魯汁唔會太咸同食完並唔會口渴，有台灣本土味道😍另外甜品叫左個珍珠烏龍雪糕吐司，超級重茶味，十分香，完全可以覆桌！如果雪糕mix cream 味道啱啱好，唔會太過甜同膩！ 不過如果單食雪糕，會有點甜。但整體10/10😍😍另外吐司即整，所以上枱時，仲會脆卜卜！…Read More

琴日行完街，周圍搵野食既時候，search琴呢間比較隱蔽既韓國餐廳，於是就入左去，打開餐牌入面既食物都唔貴，而且都好多人排隊同朋友叫左好多嘢食，食到十分飽。首先叫左個醬油蝦，蝦肉好厚，醬汁味十分濃郁，唔會太鹹。另外加配左紫菜飯，平比時既唔同，平時係一大碗，今次係兩個波，飯質相對比較硬。另外，蝦十分大隻，亦肉質口感，十分之入味！之後仲叫左蛋捲，一次過有幾種味，有沙律醬既酸，甜甜既汁，再加鹹食，既鹹，而且蛋捲入面係包住啲飯，十分有滿足感！系牛肉石鍋飯入面，肉既比例比飯多，而且十分之大碗，食完會勁飽!!! 另外，更會有專人行過黎撈飯，幫你撈完之後要等一陣先食得。牛肉都係大大舊，冇偷工減料！最後最後，仲有一個芝士海鮮菜餅，個底十分之簿，唔會令人食一個就飽，面上有重重十分厚既芝士，十分有口感！不過芝士蓋左小小原來既其他材料既味道但整體既都有7/10整體而言，舖面乾淨，服務態度良好，食物質素可以，上菜速度快速而熱，十分好！…Read More

琴日去圓方等睇戲，諗唔到食咩，行左入超市兜圈，無意中發現依一間拉麵，價錢系圓方入面黎講算係正常，環境可以坐系Bar枱對住廚房望住佢地煮食既過程，但唔會太多油煙。煮完會叫Number親手送上枱面叫左個野菜豚肉拉麵，豚肉，即時炒，肉質岩岩好唔會太硬/難硬。湯頭十分清淡，比起平時較濃味/多油既唔同，唔會飲到厭。份量尚算大份，而且配菜都好足夠。不過認為野菜好似有點過硬，好似白烚左一下就拎番出黎咁。另外都有其他飯等等既主餐，可下次再試一下…Read More

某天，同朋友聚會食下午茶，黎左包販子，坐低已經見到牛油果，水波蛋既餐，立刻心心眼叫左黎食。只係賣相隨即成為吸引之前，將蛋篤穿，蛋黃慢慢流到成個包同牛油果都傳黎一陣陣蛋香味。而包亦係一個重點，十分脆，而唔係放好耐好硬，難以咬既包。朋友叫左123豬手治，雖然有啲硬，但味道十分夠，從未諗過豬手竟可配包為一餐，十分驚訝既一個配搭。而且豬手油而唔會食到厭。每個餐都會搭配一碗薯條，即炸即食，唔會過咸同時十分脆。令人食唔停。最後餐廳亦有小角落擺放唔同既文藝物品俾人食完望下買下野影下相，十分別出心裁。可值得再黎既一間餐廳，下午茶亦係一個十分好既選擇！…Read More

某日同朋友們行過天天海南雞，俾門外既特格吸引住左，然後就行左入去了。入面環境比較黑，但亦比較有情調，隨左燈光，枱面既擺設亦格外有心思。問店員有咩介紹，隨即介紹左海南雞，立刻點左，海南雞黎到既時候，配左個油桶飯，傳出一陣薑味。海南雞既質感十分滑，可以話係10/10，相信對食過既人黎講，唔會有異議！就算放左幾耐都好，一樣係咁滑！我地另外仲叫左個硯，十分惹味辣得黎會令你想不停食！不過入面有某幾粒，會有沙，同份量冇咁大，送飯一流！甜品分面，叫左豆腐花同榴槤雪糕，先講榴槤，一放上枱已經香噴噴，食落口，雪糕係有質感，而唔係軟奶奶。豆腐花同海南雞一樣，好滑，而且豆味十分出，食完想繼續食多幾碗既感覺。…Read More

今日同朋友行過見到爆汗串串，平時唔太食得辣，今日想試下，打算試最小既辣應該無乜嘢，點知食完就後悔，即使好細既都係食到出汗，會有麻既感覺。但同一個湯食幾次，食到後果開始有啲麻木左，所以叫左啲小食，出其不意，小食仲正過個串串😂個滷水雞翼尖食唔停，叫左幾次黎食，雖然唔辣，但係好入味！而且可以解下辣。之後順便叫埋青瓜，不過不失，但開胃一流，夠酸夠爽口。最後，叫埋個個都話好好食既甜品，辣到出哂汗，轉頭食番個凍既甜品，解辣又解熱，係一個好好配搭，不過係有啲太甜姐。幾適合一班人打打鬧鬧/吹下水既食嘢地方。…Read More