aliomgx's Profile

今日晏晝lunch time 外賣自取左一碗芋圓控返公司食，同平時嗌嘅嘢差唔多。呢次奶茶凍同雞蛋布丁都係正常水準，包心芋圓好食，但芋泥比較硬身(有時都會係咁，好彩就會食到好食嘅質感)，同埋平時冇出過事嘅地瓜圓竟然意外地失色，味冇乜變，但口感比平時硬好多，好韌，少少似嚼香口膠咁，可以嚼一排(食過咁多次，呢次真係有啲差)，應該可以再煮耐少少？不過總體黎講算不過不失，會考慮會唔會再嗌地瓜圓，希望店家可以改善一下先。…Read More

終於有時間上黎俾返個好評啦！事緣係上星期放工同老公嚟呢度撐枱腳，點知未食到一半，屋企有急事要即刻離開。老闆娘聽到超快手，立刻幫我哋打包咗啲飯。因為屋企人係有急事入醫院，到夜啲所有嘢settled已經好夜 ，醫院餐廳已經閂左門，附近又冇嘢食，好彩有老闆娘準備嘅飯🥹嗰下超感動！雖然個飯凍咗，但係個心係暖嘅，嘢食依然好好食，冇因為温度低咗而改變！🥰依家屋企人都好返啦！多謝晒貼心嘅老闆娘❤️希望大家都可以多啲支持下呢間小店！我會再返嚟幫襯㗎！…Read More