Dr.Lam's Profile

食完碟飯，侍者貼心的說趟櫃有紙巾🧻我說不用了，我有手巾，他才醒起：”Sorry ，唔記得你話走飲管！”非常有禮貌，撞著我這種煩人都好耐心💕T餐的三寶飯，我不要雞翼要埋札肉可以嗎？”可以！“T餐的餐茶薄荷青檸梳打，可以走薄荷嗎？”可以！”食物也好，以後可以多啲嚟！…Read More

提前跟老豆慶祝父親節，我們一家以前住紅磡，七、八十年代紅磡區好多上海館子，可能因為咁培養到明明唔係上海人，但都好鬼鍾意食上海菜囉呢間店，幫襯好多年，但只限於喜慶日子才去，因為價錢有點貴，這夜我們5個人，埋單千六，沒有鮑蔘翅肚，但味道絕對高分，尤其是個填鴨，皮脆肉嫩，十分juicy，加埋個薄到透明嘅粉皮，我真係連續我食咗三件還有個酒釀丸子，不得了，非常好味，如果糖水鋪有得食就好lu其他呢？個餐寫芙蓉蒸膏蟹，以為是一隻蟹，原來是蛋白蒸蟹膏，有誤導成分，而且味道好一般，因為10分滿分的話，我覺得有6分腥至於碟刴椒蒸魚旗腩，好多魚油，條魚過肥，食一嚿已好滯清炒蝦仁都好一般，唔會再叫，最嚴重係砂窩雲呑雞，雲呑爛溶溶，但其實好可能係我哋盛湯時整爛，但真係唔出色囉！除此之外，頭盤個拍青瓜好味，本身唔鍾意嗰朕草青味都覺好味，頭盤醉乳鴿太暖，唔係嗰回事，雖然好像彈多於讚，但我覺得呢度真心好味，不過我們這夜貪平叫套餐，食了一些本來不是我們口味的菜而已，值得一提的是服務態度，絕對的好，重點是雖然全店爆座，但還是可以隨時找到肯仆埋嚟應機的伙計，難得…Read More

屋企樓下得一間茶記，焗去，但好多時都寧願出大圍，衰在今日落雨，是旦啦！今日想食飯，於是就叫了個梅菜扣肉套餐，我沒整蠱他們，上桌時碟梅菜扣肉飯的確好似人哋食淨，我直情有一種想衝出門口一走了之嘅衝動。味道呢？梅菜好稔，直情稔到齋用條脷頂都可以溶了嚿梅菜，扣肉非常之咁鞋，但D飯同梅菜味道都ok，飯係一粒粒，唔錯，但D梅菜扣肉，雖然話味道不俗，但我硬係形住個味好似以前食嘅罐頭梅菜扣肉，可以查證到？或有知情者告訴我就好了…Read More

一走進這店，覺得環境好舒服，我坐在窗口位，可睇到彌敦道街景，最欣賞是這店好寧靜，不是寂靜，總之好舒服，南亞waitress 服務超窩心，又好禮貌，一切都非常滿意，但食物就——非常一般。首先，價錢不算相宜，三個人吃，經openrice 訂座有85折都要接近1000埋單，但價錢不是問題，order前我們是知幾多錢，問題出於味道，不能說難食，但距離好味還需要少少時間？尤其辣椒炒蟹，$398一隻，但走油過度糟蹋了隻蟹，而且不夠新鮮，最讓人期待嘅蟹汁也水汪汪，好失望！其他菜都ok，泰式豬髀就太多獻，味道也不好，最要命是墊底的酸菜，根本未醃夠時間。…Read More

本身是大圍友，所以幾乎每天lunch都幫襯68，雖然大圍茶記林立，但就硬係唔知典解，大部分嘅凍檸茶出品都麻麻，我就是為了一杯凍檸茶幾乎每天光顧68，因為杯凍O tea好有茶味，但略嫌甜了少許，如果叫少甜又唔夠甜噃！吹脹食物方面，我幾buy這店的車仔麵，但就唔會order傳統車仔麵食嘅餸，即魚旦、豬紅、豬腸，事關擺明是茶記兼賣車仔麵，怎會是食開嗰種傳統味道？我喜歡的是豬心、豬粉腸，因為我是內臟fans而且呢度嘅辣椒油好正，我之前說過，我幾乎天天來，但都喺度撞過唔少住其他地區的朋友，他們都說為了呢度嘅辣椒油來我更喜歡呢度嘅車仔麵加冬菜惹味好多;其實這店的招牌豬扒上海麵和海蜇芝麻雞碟頭飯都是非常不俗，但試過一次是鹹了許多，不過整體來說是ok，起碼有其特別之處，你見過有茶記賣豬心、豬粉腸車仔麵未？還有芝麻雞海蜇碟頭飯和雪菜肉絲豬扒上海麵，個配搭真係幾抵死，最重要是合自己口味…Read More

原本真係唔想再幫襯，但老豆生日開口想食打冷，有大圍又好像沒有正式打冷，好吧，就試多次吧食物方面，好好多，蠔餅香脆可口，蠔仔大大粒，重點是不會像上一次咁，上桌時是凍的這次熱辣辣春菜煲好味豉椒炒蜆就陰功豬，隻隻蜆都好像發育不良咁，鹵水雙拼ok，大腸不是太肥那種。由於上次食個芋泥甜到想噴，我今次要清心爽，老媽子就唔聽我勸，企硬要芋泥，典知，今次個芋泥唔太甜，還好香，至於我嘅清心爽就甜到好像食完即晚會有糖尿病，其實典解品質管理唔做好一些？次次靠彩數咁伙計方面，真係nice咗，可能平日無咁忙？連碟芋泥痴了隻蚊滋要求換，伙計都沒黑面，有進步。…Read More

星期一在朗豪睇戲，廢事煩就喺food court揾食，輾轉去了茶木，先在門外看menu，一個主管物體叫我看旁邊的menu，原來我阻住原本用來排隊的counter，但當時根本無人排隊是旦心態下決定食呢間，主管就話限時1.5小時，講真，我都唔會食碟頭飯食1.5小時，但感覺好唔好，接下來朋友叫甜品，想問侍佢叫嗰種甜品有沒有仙草？怎料，侍應叫朋友諗清楚先再落order，我個fd即刻著燈，因為真係唔知嗰樣甜品有沒有仙草但我就覺得個侍應唔係特登或唔耐煩，她根本唔識應對，應該是培訓不足，我明白做飲食好少有培訓，但也應該教教前線工作人員的基本禮貌。其實店裡其他侍應都ok，好像我望一望她(好像是金毛短髮)，她已走來問我需要甚麼？服務態度不錯👍食物方面，ok，但一碟鹵水蛋肉燥飯真的不值$73，其實我都明，香港寸金尺土，所以主管好緊張，要追數啩？但又講真，作為打工仔邊個唔緊張？萬幾銀一個月，租金去了一半，食個碟頭飯要七十幾，還要被限時…Read More

其實一嚟到感覺不錯，因為朋友說這裡的辣沒甚料到，所以一來便要中辣，後來窩心的侍應說，中辣對許多人來說，是幾辣，不如叫小辣，如不夠辣才加辣，果然，小辣已辣到飛起，侍應都好有耐性為我加水，減輕辣度，食物方面，只能說，合格，價錢、份量、質素，只屬合格。重點是，到兩點last call 後，客人陸逐埋單，但我12點半行人店第一句就問，這裡幾點打烊？侍應答兩點last call ，我們就一行三人進去，怎料，落完last call 及埋單後，以及客人都走清後，兩位侍者坐著眼睜睜的看著我，但其實當時才不過埋單後十多分鐘，但她們就是一直眼睜睜看著我，好恐怖，我已經用最快速度吃完我們last call 所order 的食物，好陰功又恐怖😭食物方面，其實真的不太滿意，叫了半隻雞，但挾到超過5嚿雞頸我們不是叫鴕鳥，為什麼會有，這樣多頸？其他雞的部位，都是碎濕濕，同行兩位朋友都說是給我們雞下欄，還有薯粉，唔掂，撈起，一點湯都沾不上，不能殊殊聲咁食，還有豬紅$15一碟得6嚿😅整體而說，不會再幫襯，如果是食物不妥，還會給予機會，但侍應竟因爲要趕客，而坐著用眼神盯著你，太可怕😱…Read More

個人好鍾意食上海菜，所以上網找到這間蒲東小館，星期六幫襯，要等位，但好快有位，不過伙計叫冧巴叫得好細聲，過了幾張我先留意到原來一早有位。我們兩個人叫了5小碟冷盤，雞絲粉皮十分出，我不嬲不大喜歡麻醬都覺好味其他幾碟涼菜都ok、不過不失，最正是個排骨炒粗，好多汁，但唔係水汪汪，也不太甜和油淋淋，其實食得上海菜預了味濃及油膩，但這間真正恰到好處但另一個鮮肉小龍包就好普通，㸃小龍包的薑絲醋也不正宗和不好味，下次不會再叫，留quota食其他好過，還有砂窩醃篤鮮，好好飲，D咸肉出晒味，筍鮮甜，但嗰啲好像豆乾的物體就太多。總括而言，我們都好滿意，但食完成晚都好口乾，唔知係味精定咸肉嘅關係？值得一提，就是這裡的姐姐伙計非常友善，又滿臉笑容，就連後生仔伙計都好，未必是招呼周到，但確實好nice又笑容滿面，讓人在好開心的環境下更能大快朵頤…Read More

以前久不久就會來這裡吃飯，雖然價錢較貴，但這裡的蠔餅和鵝腸十分出色，抵這店愈做愈旺，但這一切一切已成過去，上星期六晚有朋友從台灣回來，知他想念打冷菜，就選定這間，早知道這小店已出名，為免等位，於是早三天打去訂座，我們一行11人，但伙計說訂座必須食套餐我說套餐幾多錢？我們就叫返這個數，換來是沒禮貌的回應：「唔得！」好吧，我就早一點去等位，8㸃食，我就同另一個朋友6:30去攞位先，我們先叫可樂，想著邊吹水邊等齊人，伙計就話：「飲乜鬼嘢可樂？飲咸檸七啦！」其實這樣街坊式招呼，我是完全接受的，但之後伙計的服務態度讓我知道，他們不是當我們街坊，而是犯人真的用呼喝的語氣來「招呼」我們好吧，心想鬼叫你嘢好味咩？抵人吋嘅，怎料，全桌十多樣菜，真的沒有一碟是好吃？我不是網絡水兵，沒必要長篇大論去唱衰一間鋪頭，但呢間嘢實在過分，椒鹽鮮魷全是漿、蠔餅是凍的:(鹵水拼盤成三嚿幾水，難食，最要命是辣酒煮花螺，完全不是這回事，好像一個唔識煮這味菜的人憑想像創作出來咁，如果說每家店都有不同煮法的辣酒花螺，我就只能說這家店的獨家辣酒花螺非常失敗，一碟花螺有幾多粒吖？我哋11個人都竟然食唔晒？還有碟螄蚶，叫了兩碟、剩了一碟半照計白灼的應沒甚麼技術可言，但就是腥亨亨，連汁醬都唔好味，成晚最能入口的算是樁菜排骨煲，總括而言，全晚都好失望，不會再幫襯…Read More

早知道今時今日在香港做食店甚艱難，難請人、租金貴、食材價格上漲所以好多時，不是太過分都不會開名，甚或，遇到好食店，都會用心打篇食評來表揚下，但這間強記雞粥的出品真的讓人太失望，田雞粥的田雞唔新鮮，味道不理想，但接受範圍內的質素，最可怕是白菜仔炒鮮魷，份量少得可怕，又水汪汪，好像叫錯了上湯白菜浸鮮魷，而且鮮魷又是唔新鮮，食味不佳，像塑膠重點是價錢，一碟韮菜豬紅要$70之前食過，味道真係跟街邊小食店相差無幾我還是會幫襯，希望店主見到我的意見會多加改善，我希望見返以前的強記…Read More

好多年沒去加太賀，想不到變得如此差勁，首先，我們的刺身(竹)不新鮮，出晒水，羊架over cook 蟹粥無味，赤貝壽司也都食得出不新鮮，因為咬落是稔，不是赤貝應有的爽脆，嗰杯士多啤梨飲先可怕，賣相好肉酸，恕我得罪，真有點像嘔吐物其他的食物不致於難吃，但就像二百多元的放題質素最令人失望的是待應的服務態度，甫坐下，我問有沒有生蠔，待應說有，但得兩隻，一隻是$52、另一隻是$53，後來生蠔吧的師傅更正兩款都是$52，問待應拿隻杯，她的表情好像好為難？像是怪我為何問她拿杯，埋單後問都唔問便把髒碟放落另一隻還有兩件鰻魚煎餅的碟，其實我還打算食，全店得兩桌客，為何咁趕？…Read More

因為某人的關係，被連累呢期要常常入元朗，上次去過這間車仔麵，感覺不錯，今回特意encore ，發現多了許多新送有辣汁豬肺同南乳腩肉，而且只係賣$14我不嬲鍾意食豬肺，但次次想食都要去太興飲佢嘅杏汁豬肺湯，但其實我向來麻麻地杏汁，而且$48一碗得嗰幾嚿，都幾貴，而呢度都係每碟得幾嚿，但$14咋喎，重點係炆得非常淋同入味，但又唔會淋到無晒咬口，總括來說，真係又抵又好味另外個南乳腩肉，真係做到入口即溶，惹味得來唔會太過咸，令人食得好罪疚雖然多咗好多新送，但我依然encore 豬腸，事關呢度用嘅係碎腸，好入味，而且無上次咁淋，好有咬感如果呢檔嘢開喺我樓下就好了…Read More

好耐無飲唐茶，又唔係真係食好多，所以就選擇呢間小店，激死，碟帶子腸粉上桌是凍的，我和朋友一人食了一嚿才知，向店員反映，一個像老闆的男人說拿回去蒸已浸了豉油，還蒸？我說想取消？老闆沒反應，也不肯再整過碟，最後，翻蒸的腸粉是一夾就爛非常難食又難受。服務態度也非常唔掂，每碟㸃心逐碟上，像飲宴味道淡而無味，要落豉油，但蝦餃同雞札都十分唔錯，足料、新鮮，之但係服務態度如此不濟，幾好味都難以再去光顧，而且其他㸃心只是一般的水準，犯不著要食得唔唔開心…Read More

一直都鍾意食越南菜，記憶中呢間是ok，而且以前喺九龍城幾出名，咁就再encore，唉，老實說，唔可以話難食，但真係唔好味囉，個牛柳粒over cook，海南雞有朕好奇怪嘅雞味蒸粉包一般，包入面唔夠沙葛，所以食起來唔夠爽口，牛肉粉嚿蘿蔔非常美味、又腍又甜春卷一般，反而個西米糕味道唔錯，但又係唔夠料，芋頭好少好少、栗米得嗰半粒仔，食得唔夠𣈱快。值得一提係呢度D伙計，幾唔醒目，堆到滿桌子食物，都唔會主動嚟執走D吉碟，我要叫兩次才記得執，因為第二次我同伙計講，你快點執走隻吉碟，否則，我要捧住隻碟食飯㗎嘞…Read More