moodygirl's Profile

Nowadays I don’t expected there is good services provided by restaurants in Hong Kong, heard lots of terrible services in this restaurant, so I never expect a good services to be provided. Came here on a Tuesday night before 6pm, only 2-3 tables with customers at that time. When we arrived, we got seated at the corner at the back and the waiter passed us a QR code for placing order. We ordered the Kimchee pancake, boneless chicken and one strawberry drinks. It took around 10 mins for our drink and another 10 mins for the pancake to be served. The pancakes looked normal, however when you flip it over, it’s all burnt at the back. There are total 6 pcs and at least 2 of them were burnt. Definitely they overcooked the pancakes. The taste was actually good but I had to remove all the burnt part before I eat. Boneless chicken didn’t arrived until we finished the pancakes which took at least 40 mins to be served. We were 1/2 full at that time and we needed to take away the left over back home. Chicken is juicy and tasty tho. …Read More

Steak and Fries 我以前鐘意去La Vache, 公司响Soho, 平時行過見到Flat Iron Steak 成日都好多人，所以決定lunch 去試吓。Lunch set 包Steak, Salad and Fries ($158), 加$10可以任飲distilled or sparkling water. 我叫咗Gaucho Steak 廚師發辦牛扒，要咗medium, 上枱塊扒中間粉紅色啱啱好，個阿根庭青醬好好味，薯條炸得剛剛好，勁好食。可惜唔可以好似La Vache 咁refill。Overall 好好食，買單連埋加一$185，响Soho 呢個價錢算ok. 一定會再去。見到外賣app 可以落order, 下次試吓買外賣返公司食。…Read More

呢期好鍾意食酸菜魚，响外賣app見到呢間舖個名好搞笑，麻Q煩 🤣🤣，決定試下。叫咗個單人套餐-青麻魚片配苕粉包一罐可樂 $118，都幾貴，不過如果好食都冇所謂。外賣到咗分開2個盒，大碗嘅係湯同魚，細嘅係苕粉。大嗰碗成碗都係湯同花椒，魚片都係得三四塊，連配菜嘅酸菜同金菇都少得可憐，苕粉得半碗都冇。我一個女人食完飲咗半碗湯都唔飽 😭 雖然味道不錯，但係真係好過份，全部都係魚碎同姜。咁嘅價錢，真心唔值。以後都唔幫襯佢 😡😡😡…Read More

生日去和三昧食鐵板燒，以前爸爸最鍾意嚟呢度食鐵板燒，爸爸已經不在了，和三昧仍然屹立不倒，我對佢亦有一定的情意結。我哋三個人，叫咗一個二人龍蝦套餐（$2160），一個一人南非鮑魚餐（$700）師傅起咗啲肉，龍蝦殼攞去煮湯。龍蝦肉超彈牙新鮮，一隻龍蝦每人都可以分到2-3舊。銀鱈魚煎得好香口，鮑魚唔使講，超級新鮮，煮嗰陣隻鮑魚仲喺度郁吓郁吓。清酒煮蜆好香酒味，廚師喺你面前點火，熱辣辣好好食。牛肉薄燒比厚燒好味。之後啲炒飯炒雜菜普普通通，其實已經好飽都唔係好食得落。食完之後佢會帶你去另一個area 食甜品同飲嘢，好舒服。雖然買單三千幾蚊，我覺得好值，因為好好味，service好好…Read More

响外賣app落order, 叫咗一個上海排骨菜飯，半個鐘之內送到。個菜飯已經凍凍地，不過我接受到。打開個排骨，完全唔係一塊完整嘅豬扒切出嚟，全部好似搭頭搭尾，仲要返炸完再炸，又硬又凍，又多肥膏，真係好難食。我根本影唔落相，食咗兩舊就已經丟咗，以後都唔會幫襯呢間舖頭。…Read More

同事生日，book咗去呢度慶祝。朋友網上訂枱，指明要坐裏面，去到之後，佢話得outdoor。每人指定要叫一杯嘢飲，最平都要$48。講真佢啲Service真係差到不得了，全程黑面，講嘢又細聲。咁嘅價錢咁嘅環境，啲服務仲衰過茶餐廳，嘢食幾好都冇用。五個人，買單差唔多$1000，真係貼錢買難受。唔怪之得依家啲人要北上消費，再咁落去，香港嘅飲食業一定game over。…Read More

Bookmark 呢間餐廳好耐，終於有機會去試。响Openrice book 枱，講明同囡囡慶祝生日，request咗一個window seat. 當日6:30pm準時到達。環境同張枱一流，個view 靚到不得了。我哋兩個人叫咗一個Striploin，medium well。個size 好大，我哋兩個食都啱啱好。Roasted potatoes 超好食。講真$370嘅價錢真係物超所值，仲平過Outback。Openrice book 仲有20%off,咁嘅價錢去邊度搵。跟住我哋叫咗個signature 甜品 - Cast Iron Campfire S’mores。即係棉花糖心太軟。之前我問咗餐廳可唔可以write “Happy 11th Birthday”,佢哋話ok無問題。跟住原來上到嚟佢哋再送多咗個cheesecake 比我哋。如果我知佢哋有free dessert for birthday 我就唔再叫多個dessert啦，因為食唔晒，好浪費😓🫣。講返個dessert,真係邪惡到不得了，棉花糖已經好甜，佢𥚃面嘅朱古力蛋糕仲甜，不過真係好好食。講真兩個人都食唔哂，我諗要4個人先可以KO佢。埋單有20% off, 兩個人都係6xx, 一啲都唔貴一定會再返去。 …Read More

今日要同阿女返學校見家長，所以去V Walk 食個快飯。蘑菇牛肉煎雞井(大盛）$63好耐都冇食吉野家，真係唔知佢而家都要5x-6x 一個餐。不過都好大碗，牛肉同雞肉都放滿晒，個蘑菇汁撈飯都好好味。雞煎得香脆嫩滑，牛肉都好入味。D飯食到底都仲索到D蘑菇汁👍🏻可惜跟餐個麵豉湯咸到冇朋友，飲咗一啖已經頂唔順。整體都ok,不過如果呢個價錢，其實我可以有好多選擇，唔一定要揀佢。環境衛生正常，都唔期望好乾淨，有人抹枱😅…Read More

幾年前經朋友介紹呢間日式燒肉店，食過一次之後，變咗我同朋友固定gathering 嘅地方。每次嚟我哋都係嗌同一個餐 - 美國Prime牛盛呢個set 有西冷，肉眼，牛腹肉，牛舌，牛肋骨，粟米同冬菇，再包兩個燒飯團，湯同沙律。講就話二人前，其實三個人食都夠。如果唔夠可以追加刺身。啲肉質好厚，本身已經好夠味，唔需要特別點汁。跟餐燒飯團脆卜卜好好食，再放上爐燒一燒仲正。總括嚟講，呢度環境乾淨，燒肉性價比高，侍應服務都非常好。…Read More

公司響附近，好耐都冇食祥興記嘅生煎包，決定今日去幫襯佢。佢有lunch set, $60包2隻生煎包再加一個主食同一支嘢飲，可惜我覺得唔夠喉，所以我決定散叫。招牌生煎包（4隻）$38 食嗰陣真係要好小心，雖然係外賣，但拎到返公司都仲熱辣辣，一咬D汁就爆曬出嚟。生煎包皮薄餡靚，個底脆卜卜，食4隻啱啱好，超滿足。秘製蔥油拌麵 $35 個人覺得有少少咸，不過啲怱花好好味，多到好似紫菜碎咁，同D面好夾。祥興記從來都冇令我失望，下次我會試佢個酸辣湯麵。…Read More

發現一間新開上海麵，即刻去試吓。叫咗六遊雞湯上海麵，真心講，碗麵少到我一個女仔都覺得唔夠食。如果佢可以多啲面就好。湯很清甜，配菜嗰個蓮藕好好味。可惜食兩啖就完，我諗我要食兩碗先夠飽。性價比不是太高由於新開張，响社交平台 follow （唔記得咗）有九折優惠。…Read More

Office is in Soho area and Fini is one of the restaurants we often come. They used to have the semi lunch buffet with a Salad bar, ever since Covid, they stopped providing salad bar, instead, they changed the menu to 2/3 courses menu. I always love the buffalo wings from Fini and I am glad that they provide the wings as one of the appetitizer. I had the signature shelter crab linguine, it taste delicious with lots of garlics and chilli. …Read More

因為住東涌，聖誕節嗰晚去咗La Rosabelle dinner. 响Open Rice book 咗6:30pm, 去到其實都唔使book位，呢度長期都有位。真心唔知佢點生存。其實佢食物，環境，Service都唔差，可能位置比較偏僻，通常去都係附近啲住戶。嗰晚見佢有Christmas set dinner, 我哋叫咗一個，再加一個pepperoni pizza. Set dinner 包龍蝦湯，－個main, 甜品，再加一個紅/白/氣泡酒，都係$488，其實都幾抵。Pizza 都好大個，上枱嗰陣都熱辣辣，餅底又脆，真心好味。個set 我哋揀咗Turkey, 我個人覺得麻麻哋。dessert 係chocolate cake with cranberry sauce, ok啦。全晚都係得小貓三四隻，真心希望佢哋捱得住。…Read More

除夕晚去咗東薈城Outback食dinner, 由於冇book枱，等到8:30pm先有位。嗰晚好多人，啲waiter 都做到手忙腳亂，不停翻枱，見到佢哋都覺得辛苦。我哋三個人叫咗一個Ribeye steak, 一個Penne 同nacho. Outback Ribeye steak 保持一貫水準，最鍾意食side dish 嘅薯條同飯。我哋叫medium, 切開塊牛扒中間都有medium嘅感覺。不過我略嫌佢太多肥膏😅 Grilled Lobster tail Seafood penne 中規中矩，我覺得有少少漏，但係lobster 好好味，好多肉。Nacho 我唔記得影相，普普通通啦。最鍾意ice tea 無限refill, 我都飲咗二杯。食到最後，因為佢10pm 關門，後尾都有少少趕我哋，不過唔緊要，大家都明白。…Read More

甚少寫食評嘅我，都忍唔住要喺度話比大家聽呢間餐廳有幾差。話說琴日係同事 last day, 我哋五個人去咗呢間餐廳食 lunch, 12:20pm 到達，當時只有一枱客人响度食緊 set lunch 嘅 appetizer, 跟住我哋坐低，商量完大家都決定叫 set lunch, 其中三個叫 pasta, 我同另外一個同事叫pizza，叫完之後我哋就一路傾計等嘢食。Appetizer 大約咗15分鐘之後到，三個 salads, 二個類似八爪魚加beans嘅物體，個碟八爪魚喊到冇朋友，好似食緊鹽咁，同個 waitress 講，佢剩係俾咗一個好驚訝嘅表情我，跟住就走左。食完頭盤之後，我哋就繼續等個 main course, 我哋幾個女人一路喺度傾計，不經不覺已經等到13:05， 由於我食飯只有一個鐘多D，所以開始催下嘢食，由於佢個廚房係open kitchen，我哋淨係見到一班人喺度無無聊聊行行企企，而當時大約有五枱客人，冇一枱有 main course, 跟住我哋就不停催佢D食物，再過10分鐘，其中兩個pasta到咗，咁同事就開始食，再過多5分鐘我哋個Pizza終於到咗。嗰陣已經差不多13:30，唯有嗱嗱臨開餐。點知當我開始諗住食個pizza，見到個底全部都係油，個Pizza底仲要燶到冇朋友。我當堂火都黎。即刻叫個Waitress過嚟，問佢點食個pizza。佢乜都冇講，淨係收咗我個Pizza。我已經一肚氣，同佢講我等唔切佢再焗個Pizza，跟住我走先。臨走前我仲同間餐廳講叫佢記得取消我個餐。後來我啲同事食完返嚟，同我講間餐廳本來都冇取消我個餐，係佢哋提佢先識得取消😡 呢啲咁嘅餐廳，請我都唔會再去。…Read More