Taro's Profile

一家三代同堂和朋友一齊食飯，我媽媽同朋友開位，我都奇怪，咁快有位? 我記得上次幾年前幫襯等好耐。叫左四人自選套餐，有湯有小食同四個餸/飯，落單對單跟得好足。上菜相當快，D 食物好食，我地都讚，阿姐同阿囡玩下，都好開心。我地食緊嘅時候，其實我地都奇怪，點解個小食「燒汁翡翠卷」咁大堆頭，用錫紙包，有三色椒有菇有燒汁，咁樣卷法....食食下突然，有個阿姐話同事上菜左個菜，果個係乜嘢燒牛肉，我地食緊，要計番我地錢。職員上錯菜，要食客俾番錢?????你上菜冇講菜名，職員自己唔對枱面張點菜紙，我真係唔會知你上錯菜喎，我同佢講我地已經叫突，四個大人一個兩歲小童，同你要左四碟小菜一碟小食一個湯。錯係你地我點會俾番錢。(咁你同運盤吉去人地鋪收錢果D爛仔有乜分別?)我同佢講，「你可以唔上番「燒汁翡翠卷」，我地唔會追。」阿姐話唔得，因為價錢唔同。我心諗相當離譜，不過成枱人有大有細，我真係唔想嘈，「你拎走個乜嘢燒牛肉啦」，個阿姐話你地食過攞番去都係倒GA LA，「你咪倒囉」，佢收左碟餸。從未見過咁嘅處理手法。你地職員上錯菜，蝕左碟餸，蝕左本來好好的氣氛。過左一陣，上埋糖水，我地問個「燒汁翡翠卷」，佢話你地食左架啦喎，唔會有。職員上錯菜，客食左幾啖，就當我地食左個小食之前果碟乜嘢燒牛肉我地一定冇食左一半。我真係唔想嘈，反正我地都食飽，仲連埋一肚氣，我一定會將這個經典經歷向全世界分享。…Read More

首先$78俾這種海膽我.... 這個我唔會覺得係$78囉~~~味道唔係好差，但唔係這個價錢~明明餐排顯示的唔會係這種海膽吧排除商業技倆的考慮，講番一碗剌身飯，飯是日本珍珠米，好有口感，薑好味，擺盤好，有樣你睇，三文魚感覺一般貨色，而海膽，不是相中的大海膽(類似馬糞海膽)，只是好一般的海膽，唔會話鯹，只有少少海膽味，唔係太香，唔好講甜味了~~~如果只是擺盤靚一些就收到這價錢，我寧願你只俾一舊馬糞海膽加少少三文魚，我反而會食得開心好多。…Read More

門面好細，走過龍了這杯水是淡淡的檸檬水或西柚水，最初覺得有些奇怪，但起筷之後，這杯水也是用心之處，清味覺啱啱好，使我啖啖麵都咁好食。冇得彈，當場燒過的叉燒，湯底完美，味玉正。如果有燒過的厚叉燒，就真係超級無敵了。…Read More

首先，我住和工作都在大角咀，還要在你鋪附近，開了半年我都唔知這鋪的存在，你點好食都冇用，在路口放下易拉架啦~!黑蒜叉燒拉麵，第一次食都係剔晒標準來試。當場食完好滿足，湯可以飲晒，冇味精。唯獨是葱不好，不是好葱，有青味~ 來貨不好的話，唔落好過~~~ 或者考慮用日本的脫水葱可能還好~以香港的標準來說，這算是有水準的正式日本拉麵。回味後有以下補充，我絕對不是拉麵專家，我只以個人感覺同日本的拉麵比評。是個人的挑剔回應，但我強調這拉麵以香港來說已經係好有水準的> 麵身稍欠煙UN，掛油唔掛湯，如果麵是夠新鮮和優質的話，應該會有麵味，但麵未去到這地步，我覺得掛湯不掛油會好一些，這樣麵會有湯帶起味道> 叉燒算有肉味，始終新鮮度就沒有辦法的了> 湯底遍鹹蓋了湯底香味，這可能是為香港人而調節了... 是日沒有半熟蛋... 下次我一定要有, 對我來說沒有半熟蛋真係好可惜~~~ …Read More

在PIZZA HUT 附近見到D人拿住大大塊雞排... 莊觀到呢~~~四圍行下, 去到兆萬對面見到有條六七人的人龍，就係E間買件黎食啦初段，雞鞋冇雞味, 但有肉汁, 粉漿粉口, 調味... OK 不過我唔鐘意中段，終於明白點解好多人都拿住果半塊雞排了... 幾乎吃不下末段，得番油味和一陣好古怪的調味品甜味... 不過好似有番D雞皮，雞味好番少少...差過KFC, 好掛住哈迪斯D炸雞.... 要盡快通知朋友先...差，一次就夠…Read More

外賣黃金海岸(店員推介的)雜果涼粉 + 海底椰 (食完大邊爐所以想食雜果涼粉)黃金海岸好食的, 果然係推介. 芒果汁有少少酸多多甜, 幾好食如果大西米可以有咬口一點就好了唔係太夠凍 (我回家只需要一分鐘. 真係唔夠凍呀)雜果涼粉 + 海底椰唔好食. 不過我都知這不是主打....算啦涼粉好散, 只有花奶...成碗o野都唔甜... 要加少少芒果汁那不是海底椰, 係東南亞的一種大米.... 唔好食 >.<都係唔係太夠凍 (我回家只需要一分鐘. 真係唔夠凍呀)有興趣請參考下旺角甜品哥哥的黑白配. 超正. 做到佢七成都夠了.一場街坊, 期待了一間甜品好耐, 好想支持你們, 有興趣可以留言俾我交流下.具體建議1. 要凍一d. d 生果會爽一d, 清一d, 唔夠新鮮都唔覺2. 俾心機做好d涼粉. 你知你附近d食市幾超級熱氣.... 好多人都會想食個涼粉啊.…Read More

我阿媽成日話好食.... 試下啦叫左彩虹同新彩虹可能有比較, 我們食開旺角甜品哥哥的黑白配...覺得彩虹同新彩虹 都不及黑白配好食生果不夠多, 切得很大舊 用糖水開...只是糖水甜味, 黑白配用芒果汁的比較下d涼粉略大粒... 涼粉太多有點漏, 黑白配用傳統大菜糕一起撈...好清好夾價錢相同.... 我覺得黑白配好一些…Read More

:) 朋友介紹, 過時我有咳, 咳了幾個月, 但為朋友, 都一起去食甜品.老闆娘見我咳, 介紹了一個 紅棗海底椰桑寄生茶. 很好味, 清甜得來一d都唔「漏」 而且還醫了我的咳.朋友們都話佢地的甜品好食, 甜得啱啱好, 不會漏. 值得一試…Read More

早排同女朋友一起找好食的黃金蝦, 去了泉章居, 銖記, 北角, 大角咀的市政大樓...都未有滿意的黃金蝦點知就在屋企附近成日食的煲仔粥找到心水黃金蝦, 還要勁平....真係踏破鐵鞋無覓處兩個人食, 其實佢碟頭略細, 價錢都平d, 可以叫多兩味$35 豉椒炒蜆(完全足數的炒蜆)$25 馬拉盞通菜$20 蟹粥$60 黃金蝦$10 兩罐七起好一個海鮮餐埋單$150黃金蝦真係好好食, 蝦的大小剛剛好, 中蝦細一點, 開邊連殼和咸蛋黃一起炸, 殼炸透了, 可以成隻連殼連羔一起食, 好正. 過往一係太老火, 一係冇開邊, 銖記叫好一點, 不過蝦太大隻殼太硬. $60是咁多間裡最平的一間.豉椒炒蜆好惹味, 火候好, 唔甩肉, 有咁多殼就有咁多肉.蟹粥有半隻蟹, 好多羔, 不過冇乜肉, 生滾粥所以粥冇蟹味, 各有各食, 粥有粥香, 蟹有蟹味同唔老火馬拉盞通菜, 好香好惹味, 唔識評價....汽水都係5蚊一罐, 盡情叫啦環境: 摺摺椅有高清解碼器的傳統電視服務: 大排檔價錢就當然係大排檔服務乾淨: ok乾淨, 每都有大卷紙 …Read More

幾好食，不可說超好食，但再去無妨兩個人食左脆羊腩-- 好好食黃酒煮雞-- 幾好食, 不過d雞...應該係冰鮮...有點粉口魚湯什菌浸菜苗-- 魚湯有味...但不算好味，欠了一些胡椒，菜苗是白菜仔...但一d都唔苗，什菌好味服務和衛生十分好但環境有一點熱...裝修好有心思但唔靚...價錢vs整體係抵食但價錢vs味道就差D啦…Read More

近排愛上了Double Star的大蝦餐\, 份量ok 又唔差個蒜蓉大蝦好好食個湯ok又有包三文魚鮮果沙律好好食..真係好好食個天使麵都唔差有甜品, 不過求其左一點用HKB 信用咭有多一個cake, 好好食服務好, 經常換碟, 乾淨, 舒服總括而言, 咁ge價錢食番咁ge o野, ok 抵食…Read More

不知所謂完全的不知所謂, 之前在新都會廣場食Tea 都幾ok, 今次在這裡食晚餐\, 真的不知所謂, 強差人意. 樓上cafe的質素都不如, 根本都唔出得街的食物, 不知所謂的服務, 竟然收$222.8時半左右到, 唔洗等位, 有七成位有人, 以旺角區假期前席都唔洗等位我都應該要小心了, 不過真的肚餓...本來想叫個焗肉醬千層麵... 不過未能供應...侍應講得好細聲, 唔知係賣晒定點樣...焗肉醬扁意粉$44紅酒燴牛肉伴薯蓉$68兩個轉餐\ 每份$25 忌廉湯 熱檸荼 熱咖啡燒雞翼併薯角$58忌廉湯o岩我飲的, 因為唔太熱, 我自已怕熱, 不過好肯定其他人會覺得碗湯唔熱. 同埋好有金寶湯的感覺, 通常所到這個價錢, 起碼都加d料和加小小香草或一圏忌廉.我杯熱咖啡冇乜問題, 都係普通咖啡. 不過女朋友的熱檸茶就細杯到得兩啖...之前去食tea 係成壺茶的, 她都是鐘意成壺才會要熱檸茶, 唔知點解這一間是一細杯, 結果要佢\換一杯凍檸茶. 不過佢\竟然沒有放糖水.燒雞翼併薯角, 配以日式介辣汁, 薯角是炸的, 雞翼是燒的, 同個汁完全唔夾, 所以要了茄汁, 好食好多, 薯角ok, 雞翼唔熱, 好有Pizza Hut 的感覺. 好細隻, 是老麥炸雞翼的大小. 雞槌過了火, 三隻小中翼, 三隻小雞槌. $58... 唔值.焗肉醬扁意粉, 沒有芝士, 只是茄膏加免牛, 扁意粉未煮透. 好有樓上cafe 的感覺. 個碟超熱, 辣親, 我覺得過侍應要講番聲law.紅酒燴牛肉伴薯蓉, 漏了單, 算吧... 薯蓉好乾,牛肉未煮透, 汁還汁, 肉還肉, 一咬就散, 好核突的感覺. 煮雜菜的淡水都放了進碟, 好難食...$68.. 有病....服務都好有問題, 1. 一直都冇人加水, 要叫先加2. 上了小食併盤都唔每位一隻碟, 你估你係茶餐\廳3. 叫親d侍應都要等陣先, 明明只是收了兩隻杯都要等陣先4. 只是收了個餐\都要等陣先5. 兩手fing fing 都要我等陣先, 去入完機才回來6. 個高級一點的只會叫其他人過黎7. 兩個侍應成日企係廚房門口傾計, 都唔過黎8. 男女侍應講o野都超細聲, 都唔知講乜不過他們都是有禮貌的, 一般服務ok, 只係一d都唔醒姐.總括而言, 這餐\完全不知所謂, 成$200 , 去元氣, 和民, Stage Cafe, Double Star 或者Pizza Hut 都絕對會開心好多. 今晚真係食得好唔高興.永不回頭, 搵苯, 騙局…Read More

我去過兩次，相格了成年，今次去，d食物大有進步，有田螺焗薯蓉，十分正，講真果句，冇人叫你俾二百蚊入來食魚旦粉呀！以這樣的裝修和食物，十分好呀，我講明連裝修都食埋呀！…Read More

壽司件件都好好食，不過便利介紹的飽魚蟹子就實在太鹹了…Read More