annielui2004's Profile

之前慕名想食，見到排長龍，唯有放棄。今日一早等開門入去食，大失所望。餸少，飯濕亦都冇飯焦，連煲仔飯豉油都係行貨。唔明點解之前咁多人排隊！唔通轉咗師傅？咁就真係唔推薦喇，求其一間都唔會差過佢。…Read More

拉麵還可以，豬扒太差，似麵團多啲，又唔脆。肉食落粉粉地，完全冇味。抹茶雪糕唔錯，不過裡面芋丸冇彈性，口感好差。芭菲一般，唔值咁嘅價。價錢適中，肚餓可以考慮呢間D拉麵嘅。飯後唔洗行，又可以食甜品，都算OK。…Read More

環境優美，食物新鮮，服務都相當有質素，係一次滿意的消費。今次係食午餐自助餐，下次試晚餐:)。少少唔滿意就係日式部分款式太少喇，得刺身3款，幾款壽司,其他都冇，有D失望。…Read More

其他分店情況唔清楚，呢間啲水準實在出乎意料的差。拉麵，照燒雞趴飯，炸豬扒蛋飯，以及前菜，湯，盡然冇一樣可以接受。一系鹹死，一系無味:(講真，從未試過吃咁差嘅日本料理，更加系呢個收費標準。呢間嘅老闆得閒去試味下啦，就知我系唔系誇張…Read More

今日一家三口去食放題，每位188再加一。估唔到食物水準差到食左半個鐘多D，已經唔想再落柯打。飲品得百事，七喜，獅威啤酒，罐裝橙汁揀，食物種類好少。魚生無鮮味，天婦羅一堆麵粉，鐵板炒雜菜係用碗上仲係得椰菜，最離譜，麵豉湯竟然無料，清湯一碗，豆腐渣都無。。。講真，食過多間放題，呢間最差！都唔平呀！…Read More