Junemama's Profile

第一次光顧，就是最後一次。跟其他任食火鍋一樣，選湯底，肉類任叫，其他食物和甜品自助形式。酸菜白肉鍋，味道淡。麻辣鍋，不知道落了什麼材料，過了一陣，湯底接近黑色，即叫朋友不要再用這湯底。幾盤牛肉、豬肉片放下後，我在想食唔食好，豬肉好少少，牛肉片已變色，又超級薄，完全唔新鮮。丸類像擦膠，似存放了很久，我咬了少少已吐出來。最後只吃了少量豬肉和蔬菜，加了一杯雪糕，雪糕選了牛奶公司牌子，因為朋友選了一杯不知名的綠茶雪糕，話難食！午餐價錢$158一位，不加一，但假期每位加$10，想問問星期五返工日子為什麼是假期？ 其實已經算是加一!!質素差是最大問題，價錢貴。不知道為什麼還有很多好評價！…Read More

之前去過幾次，自從銅鑼灣開了分店已沒去灣仔店，可惜銅鑼灣店大約兩年前已關閉。其實再想去主要為咗一碗出色的泰北咖哩雞麵，有小部份泰國餐廳都有，但呢間較正宗同最好食，可惜…. 已不再出現在餐牌上，極失望😞!選了招牌菜：柚子沙律、燒豬仔肉串燒雞、辣炒海鮮、冬蔭公湯、芒果糯米飯生日蛋糕- 柚子沙律價錢略貴，份量少，賣相不吸引，點解係招牌菜？- 豬肉串好味，但$40兩串。- 燒雞唔熱，味道ok但不算香口。- 炒海鮮和湯好味👍🏻。- 芒果已開始變色，有少少部分黑黑地，唔新鮮。依舊員工唱泰文生日歌，這仍是它的賣點。六款菜只有一半滿意🙁價錢比同區其他泰國餐廳貴，但如果不能維持食物水準就好難繼續幫襯。…Read More

看了某媒體報導在中環開了店，自己也喜歡吃刈包，便走去試試。過了繁忙時間不多人，但都需要等了大約十五分鐘，如果是正正午飯時段不知道要等多久了。點了香煎𧎚餅刈包 $65 + 香芋肉鬆壓餅 $43 :刈包味道OK，但包內的醬吃完有點”漏”。壓餅也是他們的招牌菜，當餐後甜品，但一小塊要$43略貴。另外餐牌上，加$33可轉套餐，多了小份蕃薯條和飲品，不值。總結是，明白在中環區高級food court內的食店不會便宜或底食，味道OK但也不能經常幫襯，所以試過便算！…Read More

下午三四點在天后搵嘢食，這間小店經過好多次都未試過，便趁著不繁忙時間入去試吓。一坐下有兩杯麥茶，兩個人叫了個一人餐+一客小籠飽，一人餐set有雲吞雞、酸辣湯、擔擔麵、兩碟小食、豆漿。大部分食物都ok，但擔擔麵湯底唔夠厚唔夠濃，比較希！小籠包都好食。結賬時比預算多好多：1) 茶錢$5位(果兩小杯茶原來要收錢😠，坐咗咁耐好似冇嚟幫你添過茶)；2) 加一服務費(只有大約四張四人枱咁嘅小店竟然要加一，另外我唔覺得有什麼服務囉😠);3) 餐set裡的前菜主菜有四選一的，原來每項其中一款是要另加$8 (細細隻字怪自己沒留意吧)，店主設計一些看似底食的套餐，但又要鬼鬼鼠鼠左加右加你錢，點解要加錢果款要放在set內，咁貴咁巴閉就不要加入set內😠。點菜時預計$200頭，但結賬時差不多接近$300！！另外，入店時，因為前面張枱有位較胖的男仕正在用餐，那麼我朋友選擇坐在我隔離而不是對著坐(因為如果對著我，背後便同那位男仕好貼)，但店內位女店員見我們這樣坐好像有點不滿，態度又不好😠 ，最主要係店內食客只係有我們三人!!!價錢貴、服務差，不過會有下次！…Read More

近期如果想在灣仔區食泰菜，有兩間必選，其中一間就是它， 泰國人煮理，味道正宗，食物質保持到。不過曾經星期六想去食，去到才知原來是休息日子，有點奇怪🤔。平日的午飯時間一定爆滿，set lunch也不貴，又有甜品送👍🏻😋！晚上時間稍為寕靜，四人晚餐點了：冬蔭公湯、燒牛肉沙律、炒金邊粉、生蝦、大蝦粉絲煲、炒通菜、泰啤🍺，最後來個芒果糯米飯作句號😋，樣樣都好食，份量正常！不過比預期中貴咗少少，可能點了大蝦煲和生蝦吧☺️…Read More

發現觀塘區開了間新的和少有這類裝修的餐廳，今天約了朋友便來試試！門口兩邊有open 座位，優閒風設計，但環境不會令你enjoy，對住馬路，有巴士貨車行走，又多途人行過，第一個感覺是食塵！Order食物是掃QR code, 之後便知中伏。原來lunch menu不是set lunch menu, 平均佰幾元一個主菜，沒包飲品，所有其他食品、飲品和湯都要另外加錢，如果你想要平時食慣的lunch set有湯+主菜+飲品，最少都要二佰元以上！豬手蒜香意粉(味道OK, 豬手”碎”很少)，豬扒配磨菇汁(一般, 汁很少), 餐湯+明太子包(正常), 主菜份量細，男仕應該不夠飽！最後點了焦糖梳乎厘，不太甜，還可以！已經沒有叫飲品，每人lunch都要$225，去中上環的coffee shop，主菜加湯/沙律加飲品也不需這價錢！食物一般、份量細、價錢貴，食埋裝修….不會有下次!!!!!!!…Read More

港島東發現新開的泰式餐廳便去試試，但之後才知道只是其中一家分店！下午茶時段比想像中多人，不想吃飯和浪費便只叫了一碗$48的泰式魚蛋肉碎河+熱檸檬水。一碗簡單的粉麵便可以知道一間食肆的質素和有沒有用心去做。食物送到後呆一呆：兩小粒白魚蛋 + 一小嚿白蘿蔔 + 一小嚿紅蘿蔔(差點用”粒”去形容) + 一片生菜 + 肉碎的河粉求其去一間粉麵店叫一碗雙拼都唔會得咁少餸, 還是應該叫肉碎魚蛋河呢？但又不見得肉碎有好多。如果因為下午茶餐又$48價錢，所以只有咁少餸，咁可能係我要求好高啦，作為消費者我覺得好唔抵食😠！加上不正宗的泰菜亦不會有下次！另外餐廳只收現金或信用卡😣！…Read More

差不多下午二時, 本來打算去一間曾經吃過的泰菜, 可惜還未開門(拉了小小閳，好像是中場休息), 便隨意選擇附近一間試試, 看到幾位泰籍女仕在餐廳內, 心想應該不會差吧!三人點了青木瓜沙律、彩虹粉(又稱紅湯粉)、半打串燒、炸蝦餅, 三款飲品(不需冲製，也不詳細説):- 青木瓜沙律賣相已不吸引, 不像其他泰式沙律一樣用車厘茄, 而是用大蕃茄, 加上蕃茄是酸的! ☹️- 曾經在灣仔兩間泰菜分別食過紅湯粉, 湯料足又大碗, 但這碗竟不是用泰國魚蛋和泰國河粉, 感覺是吃一碗大大粒的潮州魚蛋河加了少少紅醋☹️- 串燒不是燒烤的, 完全沒有烤過的香味, 應該是半煎炸或番炸過 😔- 炸蝦餅蝦味淡也溝了很多粉漿！失望😟樓面聘用泰國人並不代表老板和廚是泰國人(我不敢說所有泰國人都煮得一手好泰菜), 而且在九龍城有很多正宗泰菜選擇, 但這些港式泰菜不會有第二次！合共$405, 主要是小食和一碗粉, 不便宜的午餐! 另外, 最大的問題是只收現金!!!!!!!!!!…Read More

經過幾次都見門口個menu都幾吸引, 今日便來個早lunch試試!Order了一個鯛魚腹定食和吉列豬扒定食:- 兩款賣相都唔錯，餐湯不是一般的麵豉湯，而是鯛魚湯，夠鮮甜和魚味重，好飲👍🏻！- 其他前菜都ok! - 兩個飯好乾又有點硬，好明顯落唔夠水又煮唔夠 (有點懷疑是否隔夜飯🤔)，不是日本米，可能是大陸珍珠米吧，扣分😔！- 鯛魚腹ok，要跟飯一齊食先好食，但飯的質素呢…..☹️!- 炸豬扒overcook, D肉又乾又實😔- 餐飲叫了綠茶和咖啡，menu寫住日式炭培咖啡，朋友問清楚是否即磨或日式炭燒咖啡，店員回答是即冲咖啡粉….失望😣，最後改了柚子茶！明白是港式日本菜，也不能作比較，但百幾元一個set lunch有好多日本餐廳都食到。只是覺得有冇用心去做一件事和煮一道菜；另外，店員來收拾我吃完前菜的碟子，一隻叠一隻時發出的聲音很大，我也呆一呆望住佢…..， 所以員工的質素也同等重要！…Read More

過了繁忙時段, 便去試試一向喜愛的台式牛肉麵！單叫了古早牛肉湯手工麵+飲品- 紅燒湯底夠濃但好油, 成個碗邊都見到層油- 蘿蔔很大塊, 但有根- 牛肉夠味、夠腍試過其他餐廳的牛肉麵都不會太油膩, 如下次去的話會試其他麵食, 但不會再叫牛肉麵了! 餐牌上還有套餐選擇 (小食+麵食+飲品), 價錢由$90-110, 一個午餐這價錢略貴了！另外, 餐廳的門口和收銀處隔得幾遠, 入去時不會有員工在門口查查你有沒有安心出行, 自己登記完後準備入去, 收銀處的員工就遠處問我登記咗未..... 🙁…Read More

見很多”讚”而剛巧又經過這間餐廳, 吃了個late lunch, 點了個八爪魚意粉+洋蔥湯+咖啡！食物:- 洋蔥湯味道不夠濃又不熱☹️- 八爪魚不夠腍, 有些咬不到, 意粉汁過多☹️- 熱Latte正常✅*飲完湯後隔了一陣便上咖啡, 但隔了很久意粉才到, 咖啡已放涼了☹️服務:- 點餐時, 女的無表情、無重覆order也算吧! lunch是包一杯$40或以下的飲品, 想看看個drink list, 我揭了兩三版的menu還未見到, 她只淡然的一句”喺前面” (沒打算會幫幫你揭或介紹一下吧😕）- 吃完了想要牙籤, 樓面沒有人, 問了在bar枱後面的男仔, 他竟然沒出一句聲, 用手指指著遠處某個位置 ........🙁- 結賬時走去在bar枱側邊的收銀櫃檯, 女的還沒有出現, 男的正忙著冲咖啡, 我要等他冲完先收錢☹️*在lunch時段, 再加上沒有service的一間小型餐廳, 竟然要收service charge!!!* Overpriced.…Read More

看了openrice介紹, 而香港又好像沒有很多這類的日式料理店, 所以專程去試一試! 每日不同的餸菜選擇, 任選三款+飯/沙律+飲品, 一個午餐$80不是便宜, 如果不加其他食物, 份量還是適合女仕們多一點!今天選了紙藏雞槌, 牛舌和紅菜頭紫芋薯餅:- 雞槌味道ok, 夠入味✅- 牛舌夠腍, 切薄一點會好些(其實是有一片好厚+二片適中), 但一點都不熱! (還是凍食?!!)❌- 薯餅好香口✅味道還算ok, 因只吃了三款菜, 不知其他如何!…Read More

有兩三年沒去, 曾經是其中一間喜愛的粉麵店! 今天經過灣仔, 突然想起很久沒吃, 一坐下沒有看餐牌, 便慣常叫了碗牛腩魚片河, 之後店員放下一張單, 立刻㬨一跳... 什麼, $59?!!! 我在茶餐廳或連鎖快餐店, 有湯有飯連飲品都不用這個價錢! 偷看左右兩位食客的單, 左邊叫了牛腩魚片河+凍檸茶=$82, 右邊的叫了牛腩河+細支可樂=$62.... 呆咗! 大排擋式而又擠擁的粉麺店竟然跟翠X差不多價錢....😠😠有點中伏又怪自己沒看餐牌! 說回碗雙併诃, 牛腩還可以, 但魚片只有兩片, 何來收這個價錢! 另外, 看見炸魚皮$25(外邊的價錢大約$12-15), 淨餸雙併$210(可選牛坑腩)....算吧! 以後不會再去! …Read More

第一次光顧, 感覺很好! 環境優美, 食物質素和服務員態度很好! 頭盤選擇了拼盤, 有多種Ham、生牛肉他他、三文魚等👍🏻; 龍蝦湯味道濃厚👍🏻; 西冷扒半成熟恰到好處👍🏻; 牛仔肉的肉質嫩滑👍🏻; 最後來個生日甜品: Apple Crumble劃上完美的句號！…Read More