GiLLGiLL's Profile

完全唔好食，唔知點解可以有咁嘅岀品!而家香港餐飲業咁嘅時勢，其實真係唔想寫，但好想俾店主知道啲食物真係唔好食，希望佢哋會虛心改善。如果唔係越嚟越多人講：北上消費係有原因㗎！拉麵我叫左小辣，朋友叫左中辣，但個湯可以完全冇味，得個「油」字，但麵質係好食嘅，咁就嘥左啦～ 個軟殼蟹卷，就炸脆粉有陣油益味，飯又冇飯香，又係唔知食咗啲乜；叫左個海鮮天婦羅，有粒厚身好大粒嘅帶子，諗住好鮮甜啦，點知又係冇味嘅，兩隻蝦都係冇味，咁點多啲天婦羅汁啦，好嘢，都係冇味嘅👍🏻，塊紫蘇葉天婦羅係最好食㗎喇。嗰4條燒多春魚食完咁滯先上，條尾燒到黑晒，魚身燒到乾柴，唉，總之就食到一肚氣啦。…Read More

奉勸大家，千萬不要去「山田家」！！！6點幾去到壽司郎已經話冇位，諗住「山田家」個門面ok，入去試吓啦。一入到佢，冇客又冇人嚟招呼，咁自動波嘟「安心岀行」啦，後尾聽到有把人聲，啲語氣好似命令你行入去俾佢嘟針紙，都算;之後我話好熱呀，可唔可以開大少少冷氣呀？佢又好掘雷鎚咁講：啱啱開咋。之後叫人點餐自己寫啲語氣又衰到爆，唔知以為去咗懲教署食飯，已經一肚氣。叫左個價值$29嘅一口鵝肝壽司，食咁耐鵝肝壽司真係未食過塊鵝肝得1.5mm厚，刀功真厲害👍🏻。佢拎嚟嘅時候，仲放上另一隻壽司長碟到，當時雖然仲有一舊壽司未食，都冇理由放上去呀大姐？之後叫左個拉麵，啲湯唔熱㗎，勁！我已經食到好嬲，乜相都冇影，淨係想快啲食完走人。奉勸大家，千萬不要去「山田家」！！！…Read More

依碗嘢咁細碗，要$57，個老闆有冇良心？一打開真心好嬲囉，收咁嘅價，打開見到個份量，喺咁嘅疫情下，諗住幫襯下，點知佢咁冇良心，唔係話一定要好大碗，但都唔會咁過分囉，真係太過份，大家睇路。…Read More

現在2019年4月18日，晚上訂了8:30晚飯。 我一行5人準時8:25到達，見3個，4個，2個，4個啲人喺咁入坐，但我們要等到9:15先有位。。。。個經理態度仲好差，以後都唔會再來！！！…Read More

今日叫外賣叫左個粉絲炒雜菜，明明就係menu上”炒菜”嗰一欄到嘅，但嚟到成盒都係硬掘掘，痴到一大舊一大舊又無味嘅粉絲囉！所謂雜菜，就得4，5條仔紅蘿蔔，2件細細椰菜花仔，1件細細西蘭花，4份1塊椰菜葉。嬲到我吖，呃都唔好呃得咁過份吖，$50 食啲咁嘅嘢，無良到，睇你幾時執笠😡😡😡😡…Read More

一直都想試下這個三汁燜鍋，喺 beecrazy 見到有團購，就買左個2-3人套餐試下，昨晚9:00就去左試，我地一行4人去到，order左個“海鮮燜鍋“，再另order左一份肥牛，一份鵝腸，同一份翡翠螺。嗰份翡翠螺真係貴得驚人，$98先得嗰4粒，真係激氣。嗰個海鮮鍋，雖然係團購價$298，但我覺得連$298都唔值！！！只係有啲粉嘅紅羅蔔絲，洋蔥絲，粉嘅青椒絲，粉嘅蒜頭啲所謂雜菜喺到，仲有啲唔知咩牛肉，全部都係“林pet pet“嘅，粉嘅，舊牛肉咬都唔洗咬，放入口就爛晒，口感不知所謂。得嗰6舊仔嘅魚，墨魚仔，咁就話海鮮鍋。嗰個汁咸到無朋友，唔香，唔惹味，我問個廚咩係“三汁“，佢答我：料汁，肉汁&嗰個咸到九彩嘅汁！但完全食唔到佢講嘅料汁同肉汁，我淨係覺得好好好咸！一邊食，一邊就想快啲走，其實根本好肚餓，但個鍋完全勾唔起人食慾，一個鍋，最重要係個汁個湯底，佢地完全做唔到，我奉勸各位，試都唔洗試，唔好嘥時間！！！…Read More

一睇到menu話煎餃要加$5,已經眼都突埋，一碟10粒，後來問可唔可以一半一半唔同口味時，話要加$10，一碟先$36,真唔make sense! 後來先話加$5！後尾拎張單黎，仲要加多$1，但無解釋，淨係話：“係咁㗎喎！“，激到呢！味道：担担面，好味!煎餃 : 一般，所以嗰$5，係唔明點解要比嘅！豬手：味嘅，叫佢換，但就只係換左個煲，陣味依然喺到！ 總結係 ： 唔會再去！…Read More