扇火鍋🍲地址：觀塘觀塘道414號1亞太中心2樓205號舖個人認為性價比好高嘅任食邊爐🤤——— 我是分隔線 ———日本產黑毛和牛放題套餐 $289湯底：甘甜壽喜燒湯($0) (8.5/10)呢個湯底唔太甜，相對上比坊間嘅壽喜燒較淡。佢原本個湯底唔配雞蛋，要另外加8蚊先有🥚。香辣藥膳湯 (+$5) (7.5/10)呢個湯底就比較濃，辣就唔太辣🌶️，但都幾重藥膳味，加$5就不妨試一試。整體嚟講，我哋比較中意和牛配壽喜燒湯底多啲。藥膳湯配返其他材料比較好。肉類：我哋主要試左呢三款肉類，佢哋唔係QR Code 落單，要叫店員加單。雖然人手加單，但佢哋送上嚟嘅時間一啲都唔慢，或者我哋嗰日時間唔太多人，落完單大概4-5分鐘就上到牛⏰。豚肉🐽 (7.5/10)脂肉就還好，未到話要推薦。但都有一定油脂同瘦肉，質素唔太差。但如果食呢個set ，我寧願留多啲肚食和牛。牛舌👅 (8.5/10)一碟嘅牛舌嘅份量都幾多，所以我哋叫咗兩碟就夠。啲牛舌好冧，夠晒薄，打邊爐一流。牛舌落藥膳湯更好味。和牛🥩 (9.5/10)入口即溶，油脂分泌得好平均🤤。佢每次上碟嘅時候都發現一碟比較肥，另一碟比較瘦。唔知係咪特登咁比，如果有考慮過咁樣會令客人冇咁易膩，呢個行動會有啲細心🥹。最後我哋總共食咗8碟，每次都keep到水準🤩。配料：(6/10)配料相對上其他任食火鍋店較少，都只係一啲普普通通嘅丸啊、菜啊、麵啊，冇咩特別吸引。我哋都試咗少少丸，質素正常發揮😛。小食：(7/10)小食主要有三款：關東煮🍢、薯條🍟、炸餃子🥟。關東煮都有大路嘅幾款餸，年糕福袋、蘿蔔、魚板魚蛋、蒟蒻等等。湯底食得出有鏗魚味，但唔會話好濃好咸。炸薯條比想像中出色，係幼薯條嚟嘅，仲有啲紫菜粉喺面，我哋添左幾轉😋。餸子就好一般啦，咸左啲，而且佢炸得有啲硬。最推薦：薯條！👍🏻飲品、甜品：(9/10)佢有啲日式茶，例如日本麥茶☕️、玄米茶。仲有其他唔同牌子嘅飲品，仲有啤酒任飲🍺，都幾多選擇。甜品都好好味！佢主要兩款，一款係乳酪雪糕🍦，另一個係抹茶雪糕🍵。抹茶雪糕值得一提，佢抹茶味好出，唔係甜嘅雪糕，但都唔會太苦。佢哋仲有日式款雪糕筒，超級脆！我哋仲扮甜品店嘅擺法🍨，都好推薦大家咁食！——— 我是分隔線 ———整體：9.5/10性價比：8.5/10唔洗300蚊食到呢個級數嘅牛，仲要任食真係吸引😍。如果主攻食和牛🐮嘅人就啱晒你哋，配料嘅就真係一般。牛市就會係我哋嘅價錢，晚市就會貴少少💰。可以好似我哋咁3:30左右食，食牛市價，但飽到晚餐都唔洗食，超抵！十級推薦❤️#double_couple_222 #情侶日常 #hkblogger #hkfoodie #香港美食 #美食 #觀塘美食 #扇火鍋 #火鍋 #放題 #任飲任食 #壽喜燒 #藥膳湯 #和牛 #牛舌 #性價比 #好味 …Read More
