chowpyan's Profile

😳離晒譜！ 🧂鹹嘅蛋糕咩料啊！？😂 真係離晒譜，I means 好食到離晒譜！🤩🤩🤩 直程係挑戰味蕾嘅極致！ 😋極罕有地一件食到唔同層次嘅甜品！😜蛋糕好似棉花糖一樣咁fluffy☁️，蛋味濃郁🍳，裏面有真章魚🐙 再配埋醬汁、沙律醬、木魚碎⋯👩🏻‍🍳將鹹味同埋甜味嘅混合配搭，提升到天花板嘅層次！ 👼🏻真係有冇搞錯咁好食😜😜😜#推薦唔鍾意食甜品嘅準壽星#推薦唔鍾意忌廉蛋糕嘅朋友#有9or16粒迷你裝#有一人獨食size#最大有六吋夠多人分享#好物冇人知簡直冇天理！…Read More

人生有咩灰得過， 返到屋企先發現餐廳比漏餐⋯ 係我白痴無檢查，真係無諗過3麵3飲都可以執漏犯咁低能的錯⋯ well 一家三口有其中一個無嘢食😭 又要再去攞？ 烈日當空30+度，來回行20分鐘😮‍💨…Read More

新店開張，一直煩惱緊，應該喺邊度定一啲有特色，又好味，價錢合理嘅小甜品招呼客人同埋好友， 唔想咁老土，來來去去都係買美X , 東X堂⋯ 有朋友介紹呢間Gateau Omakase ， 話師承日本甜品大師喎⋯ 咁就買咗兩打試吓。 首先要讚嘅係，交貨好準時！交收嘅哥哥仔好有禮貌！ 已經內心歡喜咗先🫶🏻收到實物好靚！ 放出嚟好受歡迎！ 但係實在太受歡迎啦，啲客人食完一個唔夠喉，攞完一隻又一隻，試完朱古力味，又試吓綠茶味⋯（其中一個客人話俾我知五個口味都試晒😅） 最終我自己都只能夠同partner分享半個😂我哋食咗嗰隻柚子檸檬撻，我覺得好好味喎！唔會好甜！ 呢個口味好清爽，一啲都唔「漏」 ⋯ 本來我仲想試吓綠茶味㗎，不過已經冇晒啦🥲 不過好彩大家都好鍾意呢個甜品，冇收到腐皮🤣 算啦，客人開心，都請開張儀式搞得成功係咪？唔緊要啦，我都會介紹身邊啲朋友再返去幫襯嘅，我總有機會食晒五個口味😆 下次好想試吓佢嗰個生日蛋糕🎂 …Read More

路過此地， 停好車發現有家台灣菜餐廳，見冇乜人，就入去試吓！ 我本身好鍾意食牛肉麵，就即管試吓佢嘅牛肉麵好唔好食！ 叫咗個麻辣牛𦟌麵，自己感覺就非常滿意！ 估唔到有間咁好嘅台灣牛肉店隱藏喺呢條咁小人行嘅路上面！ 呢碗面係偏幼， 對於吸收湯汁非常之唔錯，湯底濃郁，有淡淡的藥材味，唔係好辣，有麻香，真係非常鍾意! （因為好好味，所以食剩最後一啖先記得影相）另外點左一個台灣烤香腸，估唔到$32 ，有一大盤😆真係非常超值老公點左一個肉燥拌麵，我冇食過，不過老公表示好唔錯！ 飲品就唔多介紹，都係糖水加茶咁上下！光顧嘅時候基本上得兩枱客人，所以坐邊都冇問題，冷氣夠，入咗舒適，招呼都唔錯，一舉手即刻有人幫我落單。 最好嘅係門口有咪錶位可以泊車！ …Read More

老公很喜歡食漢堡飽， 我們兩夫妻專程來試這家裝潢很美國風的漢堡店。店內只有高腳凳， 坐得不太舒服。我們兩人點了一個至尊漢堡（$63）, 跟餐有汽水， 薯條及菜絲沙律（+$15）。另外多加連皮薯條， 凱撒沙律， 以及水牛城雞翼。先來薯條， 非常不錯， 爽脆， 即炸的， 皮脆內熱。再來漢堡包， 很厚的一個， 肉夠厚， 也很juicy， 很油膩, 算是很不錯， 只是味道很淡， 不夠味。。。凱撒沙律是即制的， 醬汁味道很好， 菜也新鮮爽口。 只是我期望這是冷盤， 它既不是先上， 也不是涼的。 在炎熱天氣吃著微暖的沙律， 實在有夠怪的。。。水牛城雞翼， 調味很好， 酸辣適中。 可惜雞翼沒好好醃過， 只是表皮有味道。。。可惜可惜， 其實這店可以更好更好。。就是偷懶了， 跳步了。至於服務就。。。基本上， 是自助型式， 沒有服務。 但令我們不太舒服的是長金髮女店員， 無論收銀出菜， 都很不奈煩的模樣。 好像我來幫襯讓她加添工作量。。。那我們下次還是不要來好了。。…Read More

在下第一次寫食評呢! 今晚和家人一起食甜品。 不用等位， 獲安排坐高椅(相信普通坐會舒適一點)。 環境不錯又安靜， 裝修頗漂亮呢! 招呼也熱情。 我們點了三色焦糖燉蛋，驚喜地發現他們竟然採用雲喱嗱籽， 而非用香油代替!! 啖啖燉蛋食得出用鮮忌廉而非只用奶去做! 讚! 有原味， 伯爵紅茶味(茶味香濃)及青檸味(酸酸甜甜)。芒果班戟賣相討好， 入面包竟然包著甘脆， 好味! 多食也不覺漏!黑糖薑汁疏乎里， 薑味香濃， 入口軟滑。推介!朱古力心太軟(本應可自配酒心， 但小朋友吃的所以走了), 朱古力味真的好重， 既甘且香，肯定下足材料! 愛朱古力的朋友不容錯過!我最欣賞的是， 他們所有甜品都不是太甜， 不會被甜味蓋過食材本來的味道!和老闆傾談間， 知道他們原本是萬X酒店的餅房師傅合資開店的， 平均$50一個甜品， 價錢算非常合理呢! 更難得食品質素之高。。門口泊車也方便+ω+以後食甜品就認定這家了!㊣㊣㊣㊣㊣(記得千萬不要客人多了便粗制了哦! 如此用心的甜品店， 不要被業主覇權害了就好了。。。)…Read More

天呀~ 我在機場返工, 自然密密揾食,但呢間.....BLACK LIST 咗!!!罪狀1: 點嗰樣無嗰樣 - 尤其以下午茶時間最為嚴重!! 最最黑人憎的係你無都好, 唔該你哋即刻話比人知吖, 無一樣等7mins先有人來同你講: "炒河賣晒, 擇第二樣啦!" 之後就施施然走咗去! 好喇, 擇過第二樣, 又過7mins先又有人走過嚟同你講蕒晒!! 我只得1hrs食飯時間比你糟蹋咗一半!罪狀2: 好啦! 有第二位伙記落單啦, 點知佢以為係張新單, 又重新落單, 轉頭比多杯餐飲我, 於是我好禮貌同佢講比錯咗, 點知比佢破口大駡: "你唔係加單就(頭先)講清楚先吖嘛!!!" 嘩.....火都嚟! 我一個女仔可以食得落兩份餐嗎??罪狀3: 叫佢哋攞辣椒醬, 第一位伙記:" 得無題, 轉頭...." 走咗...; 10min later, 第二位伙記:" 得無題, 轉頭...." 走咗...; 第三位伙記:" 得無題, 轉頭...." 走咗........最後梗係無攞到啦!! 唔駛啦, 我都慶到爆啦! 仲駛乜辣椒醬呢???罪狀4: 我有兩個男同事晚餐食完佢哋啲炒飯後又痾又嘔又發燒, 於是齊齊請咗兩日病假!! 之後打番電話比佢哋, 話佢啲食物有問題, 得到的答覆係: "我哋啲食物無問題gei, 不過我可以請你食番兩餐gei......." 如果係無事又點會咁樣息事寧人吖!!!奈何叫唔郁同事們向食環署投訴!! 否則一定要你釘牌封舖!!!…Read More