Bubuuxb's Profile

家族聚餐 揀咗呢間since 1981年既老字號.入到去感覺都寬敞 職員都好快上嚟幫忙但我哋入咗 幫我哋準備茶水～.細細杯既功夫茶 餐前餐後都有天氣咁凍既時候 佢都仍然夠哂熱 (￣∇￣).叫左好多餸 每樣都有水準 不愧係老字號～.要講下佢個鵝肝夠厚身而幾易入口 唔會好似平時咁有啲一粒粒咁既感覺 滷豆腐亦都入味好夠滑 .佢個臘味飯不論臘味四寶個連飯焦都幫我地分好既飯定餸飯既豉油 由上枱嗰下已經覺得色香味俱全.蠔餅 唔會感覺好油好厚粉 多蠔仔又易入口 兩份唔該 ( ´▽` )ﾉ…#讚賞下連廁所都好乾淨呢～ 😂🤣😂🤣…Read More

一訓醒就好想食拉麵既我捉左朋友去搵未試過既拉麵店食！.跟住就搵到呢間マヌル屋🤪查個字典マヌルネコ係叫做曼努爾貓所以由門口度入面裝飾擺設都有好多小貓咪呢～.一去到麵要排隊架 入到去係日系吧枱式 可以親近啲睇到師傅煮麵炸餃子呢～.咁我同朋友各自叫左瑪瑙瑙麵同埋黑蒜雞白湯拉麵 各自加咗糖心蛋 朋友仲加左紫菜 我又加左餃子🥟🤤 （去食拉麵時必加既餃子控✌🏻😂.兩款麵其實相差既就只係有冇黑蒜 雞白湯底佢有寫經11個小時熬煮所以都入味同雞香味重的 加埋黑蒜味既亦都幾夾唔會遮左雞湯味佢個雞叉燒又滑又軟身 呢個就真係估佢唔到！.餃子六隻 38蚊對比出面好似算性價比幾好 配埋餃子汁 幾岩我口味🤤🤤.臨走前師傅仲會用日文講多謝同再見架師傅同店員都係日系路線 開心🤤🤪.下次路過呢頭 再黎食過🤤🤤…Read More

今日同朋友喺附近做完嘢搵吓有咩食一路都覺得佐敦冇嘢食 點知見到呢間烏冬之前食過其他分店覺得都幾好食 就一齊去食吓.係喺酒店下面嘅美食街 環境都好有特色空間都寬敞.不論去琴邊間都會叫佢既骨付雞 原隻雞髀好juicy!🤤🤤.今次本身諗住叫個關東煮 點知就冇哂🍢咁就叫左隻天婦羅蛋 都開心🤤.聽聞比較出名夏一同月見烏冬而我比較鍾意食佢既鰹魚豆乳烏冬🤤👍.次次都起碼飲返半碗湯底 開心🥳以後黎到附近都有附個好地方食野啦周邊有唔同類型既食店 行入少少就有洗手間 方便哂一班人滿足大家既口味同需要🤤👍…Read More

日日都勞勞碌碌 同朋友完成一日工作之後 黎到旺角黑布街飲返杯本地手工啤輕鬆閒談一下.黑布街出名多酒飲 但由讀書時期到呢家都係繼續幫襯TAP.除左裝修有特色之外 亦都有個小角落擺住唔同既小board game 一班人去傾計以外都可以玩下嘛.咁飲野既地方 當然佢啲飲品都係重要既！見個餐牌野食野飲唔會時時一樣 經常會有唔同款既本地手工啤出現 有簡單tasting note寫埋 牆上亦都有排行榜畀大家參考 .老是第一名既classic就真係老是常出現😂同朋友去我地總會飲返一杯 .未必個個都好飲得 chillchill地口渴飲兩啖亦開心所以都好鍾意佢有唔同既volume 揀 .真係酒精敏感既朋友都有好多款non alcoholic 既選擇上次去就有試過佢既蘋果茶同埋佢既發酵茶 色香味都唔遜色於啲「港人涼茶」！😂…Read More

作為一個唔鍾意喺屋企溫書嘅人我梗係喺屋企附近搵好地方㗎啦.而呢間嘢呢 就係方便得黎又可以好舒服咁溫書既地方！.我最鍾意就係坐窗口吧枱嘅位置溫到攰嘅時候就可以望吓出面嘅風景 下面平台同埋側邊靠牆都有啲植物 可以舒緩到眼睛嘅疲勞同埋放鬆吓個腦袋！.除咗吧枱 仲有啲大張嘅三角型枱呢度都幾chill 唔想要枱既 仲有個位置隔開畀大家搬墊落黎坐 有feel~試過同朋友喺嗰度吹一個下晝既水都開心😂.呢間嘢平時我自己會飲咖啡latte/ flat white不過其實係嘅朱古力系列飲品都好正Chocolate🍫 , Mocha ☕️ 👍.平時出去飲可能會覺得好甜不過呢間我估係濃度比較高音樂都唔會好水好稀咁樣🤤.再喺隔離買埋個Tiramisu 食 真係絕配！心底裏嘅朱古力系列同Tiramisu個人會選擇呢間！🥰🤤…Read More

今日跟朋友去學下做偽娘 去左呢個香港版故宮食中式港女茶 試食佢新推出既下午茶 — 皇帝多寶格 488/2位 未計加一😂😂驚喜位 唔知係咪我無聊先會留意杯底隻碟仔有月相既樣同名 仲話朔同盈凸好似個比例相反咁～食野好慢 食到凍哂都仲係開心既講下有咩食先蝦餃皇 黃金流沙包 就基本 熱既時候拎個流沙包係好軟熟既 我話好似海綿蛋糕咁喎😂芝麻卷 個芝麻味好出 抵讚🤤🤤芋絲卷 凍左都係好脆口 啲絲都係跌到成碗係😂🤭紫薯糕味唔出但口感好好👍厚肉既蟹鉗 又係好鍾意🦀🥰仲有個吉士橘子包 橙既樣 但吉士先係帶橘子味 幾match 🍊🍞個朱古力榛子慕絲蛋糕 好唔開咁甜 但好滑身 榛子都好出位🍫🌰隔離枱個小朋友食到卡卡笑 一口就咬左落去 萌b🤭再講下兩碗甜野就係中式野薑汁芝麻湯圓四大粒既糖水 先出紅糖味 薑味有後勁 另外就係雜果鴛鴦涼粉 就係涼粉同冰粉 加埋啲紅豆 唔會太單調野飲 茶set包一壺我茶 四款口味 好彩揀左烏龍 消左個油膩感又唔會太重口味遮蓋左其他野食味道 嘻～…Read More

同朋友行完山路過灣仔就去左朝聖新開既三層落地大玻璃Blue Bottle Coffee 位置旺中帶靜唔難去 成想搵城市中既coffee shop好多都好偏僻 一係就好嘈 所以呢個位置我覺得幾好！啲員工都幾有禮貌 就算滿座都好都有專人指示帶位等等 同朋友唔算等左好耐 大約10-15分鐘左右啦😂我地叫左例牌既waffle 仲有matcha, hoijicha cappuccino. 因為堂食既關係用瓦杯 冇用紙杯就冇得睇藍色樽仔logo啦. Waffle (48hkd): 即叫即整夠哂熱 外脆內軟 餅上有糖粒 同雞蛋味相映成趣😆茶cap (52hkd): 茶味夠 奶夠滑 但只係覺得唔夠熱 一拎到嗰下已經可以直接飲 所以食完個窩夫嗰陣就已經凍左 失落一下🥲環境坐得好舒服 我地係坐2樓窗口位置 落地玻璃配180度風景 高枱高凳傾下計 chill兩下感覺時間都慢落黎 做個慢活既偽文青好似都唔錯😚…Read More

呢間開業十年既小茶室 — 茶。家 Teakha位於上環巷內 好彩仲識睇地圖 所以冇浪費腳力😂我諗同好多人一樣 因為佢年尾結業既消息而知道佢既存在而專登過黎朝聖(?)最後同大家既評價一樣 值得再黎 尤其係我呢啲茶控偽(?)文青(˶‾᷄ ⁻̫ ‾᷅˵)同埋任坐唔嬲 有樓上樓下店內店外吧枱膠箱齊全 仲有美美既書櫃同賣茶既架子！呢到成個氣氛都好休閒 望周邊既人傾吓計睇下書 可以逃離下人類荒謬 正！今次呀朋友好彩係比我更茶控架啫 所以大家都好享受🥳但嗰日等朋友收工去到時間唔早就冇乜cake既選擇 朝唔到啲scones 唯有朝住🥲🥲👇🏻Green Tea Cheese Cake(42hkd)：綠茶同芝士味濃又match，口感都幾thick，所以兩個人食岩岩好！,Masala chai latte (58hkd):第一次飲masala chai冇得比較但嗰陣薑同玉桂味有驚喜！開頭第一啖有啲唔慣但飲多兩啖都覺得幾有特色，香料依舊都真係香 開心仔🙈,Hoijicha Au Lait (58 hkd)：本身同朋友都好鍾意焙茶，呢杯色香味俱全，茶奶味match得perfect池，口感滑溜溜derr 滿足！(˶‾᷄ ⁻̫ ‾᷅˵).希望呢間小店休息過後會重新面世 每一個味道都應該要有值得保留既空間🙈…Read More

今次約返舊同學出黎聚下順便當慶祝生日，同學表示可以影埋相打下卡就好啦。咁經朋友推薦下就預約左位於灣仔碼頭既Pier 1929下午茶。今季就同香港航空推出Fly-teacation既旅遊主題，可以滿足下我地呢啲想飛又冇得飛既港女。😂呢到除左環境岩打卡，餐牌、食品同器皿都別有心意。環境有會展至尖沙咀碼頭270度開揚海景，落地玻璃絕對無浪費，增加空間感坐得舒服。餐牌上亦有小心機，就好似大阪章魚燒炸飯球前面會畫上KIX標示等。食品上，個人好鍾意東京富士山柚子芝士蛋糕同埋台灣珍珠奶茶慕斯杯。個樣靚之外味道都岩岩好，唔會太甜有啲驚喜。😆 美中不足既係覺得韓國甜甜棉花糖酒就真係有啲甜，所以試完味就放棄左。🥲器皿上既驚喜係會用返港航既餐具同機上餐箱奉客，即刻覺得有feel要加分！同埋有三個加分位想分享：第一，胃食既我雖然今次覺得食得飽，但佢呢到係有專人耐唔耐就推住「飛機餐車」去每枱問要唔要添，不論甜定咸點都係免費添食。第二，入座嗰下已經先有氣泡酒chill左一下！平時唔太好酒精產品，因為飲少少都會覺得辣喉，但呢杯係覺得容易入口，開心。🥳 第三，有唔少地方都有得寫生日/特別日子牌仔。但今次朋友既生日牌係我打電話預約既時候，接線職員主動問先仲會同你再double confirm會唔會串錯字咁樣，覺得溫馨！☺整體成個下午茶體驗都係愉快舒適既，如果每個時段可以長多少少可以傾耐啲計就更好。碼過同朋友都覺得，值得下次再黎。🥰🤤…Read More