Agi Lee's Profile

平時出街食野都好少會叫牛雜豬雜呢啲內臟，怕唔新鮮、有臭味或者洗唔乾淨食完會肚痾。但聽聞呢間老字號食豬雜非常出名同質素好，所以就放膽試一試，誰知一試愛上！所有食材都處理得好好，食落好新鮮，唔腥唔臭，就連平時我最怕食嘅豬潤都好爽滑！一啲都唔粉！同行者叫左碗淨雙丸加紫菜，雙丸味道冇得彈！紫菜冇沙、唔散、有質感、爽滑！另外墨魚鬚都超級好食！好新鮮，好爽口！呢間舖頭嘅食品質素真係好好！一定會keep住幫襯！😍👍🏻👍🏻…Read More

我諗佢叫號碼係叫比自己聽。母親節當日黃昏時間，打算買杯茶解一解渴。幸好見到天仁，又聽聞佢嘅茶不錯，心血來潮就去試。起初前面幾個客人嘅號碼我企到遠一遠都聽到，我心知下個號碼就到我，專登行到櫃面前等。 誰知一名短髮女店員顧住跟同事寒暄，放低杯飲品喺枱面就算。我見到杯上貼住手上張單嘅號碼，就問店員：請問呢杯係咪ok架喇？ 佢好細聲咁講左幾隻字(仲細聲過佢同佢同事傾偈)，sorry我真係聽唔到佢講乜，固再問左兩次，兩次佢態度依舊。 真係火都黎！茶係好飲嘅，但態度真係令人不敢恭維。…Read More

唔值。叫左個菠蘿油，凍奶茶，茄牛通。先講凍奶茶，唔夠茶味、唔夠奶味。茄牛通湯過多，湯底一試就知罐頭溝味精加水，牛腩唔多，通粉食落浸左好耐，質地好粉，未咬落去就散，仲附送麵條(見圖)。最後，菠蘿油。上枱暖嘅，全個半寸厚包底硬到咬唔開。同侍應講個包好硬，隨手拎左去叮完，原封不動比番同一個包我。好，今次唔只個包底硬，半個包都硬左。忍唔住拎左個包去收銀比個姐姐睇叫佢取消order，佢好兇狠咁話：冇得取消架喎！最多比過另一個你。我話，已經同侍應講過個包好硬，佢只係叮番原本嗰個比我令個包更硬(我心諗，你係咪玩野？)然後個姐姐大聲喝我：咁我依家入去親自整過另一個比你好未？ 哇，我又唔係食完唔比錢，係你啲食品質素有問題，你鬧我？…Read More

好日都唔出荃灣一次，諗住買杯奶蓋綠茶(我老公最愛)解渴，點知就中伏。叫左杯加大奶蓋綠茶，飲第一啖已經知比平時甜左好多。我番轉頭同番店員講太甜，問佢可否換過另一杯，其中一位男店員竟然同我講：如果你飲唔到咁甜，你下次叫少甜啦。可能佢只係出於善意嘅提點，但係佢嘅語氣加埋面部表情話我知佢覺得自己冇錯。前提係幫襯左貢茶咁多年飲左n次，都冇出現過呢個問題，今次真係好失望。…Read More