leung8738's Profile

見到無人幫呢間鋪打食評，咁我就黎做第一個啦。初初見到呢間野開張，諗住近近地入去食個午餐。初時餐牌價錢都偏貴，平均要５０～６０一個人。叫左功夫豬手飯，同埋牛肉炒烏冬。先講整體食物質素，味道都偏咸，唔太岩我。豬手炆得係幾好，軟淋淋，有口感，入口即溶。另外烏冬份量偏小，過咸，感覺落左好多醬油，牛肉肉質差，似係低級牛肉。食完呢次之後，永遠再唔會返轉頭。因為真係貴夾唔抵食，後來見到食物價錢調低，又出左午市套餐，附近幾間餐廳都坐滿人，但係呢間就仍然無乜人入去食。…Read More

今日去馬鞍山游完早水，游完水之後經過就呢間野就同朋友入左去食午餐。首先，環境算ＯＫ，但係衛生感覺好馬虎。入到去坐底，張桌就濕立立，摸完桌上既餐牌，感覺隻手仲污糟過泳池既地版。其次。侍應態度黑面，掉低Ｄ餐具係桌度，同佢講唔該又無乜反應。然後，食物可以用差劣黎形容。我同朋友叫左個焗意粉同牛排，個餐係包左餐湯。個餐湯就得個咸味，同埋好稀。然後焗意粉，意粉有一半都係硬身，可以介損個嘴。而塊牛排就不得了，係差到不得了，仲差過大家樂個Ｄ牛排，食得出係低質牛排，牛排ＯＲＤＥＲ左５成熟，但黎度係全熟，而且咬唔郁，肉質勁鞋，如果唔講係牛排，我仲以為自己食緊皮鞋。最後，飲品就唔講啦，都係個Ｄ普通飲品。食完得出既結論就係：下次去完馬鞍山游水，都係離開左沙漠先搵野食。…Read More

之前睇左食評以為呢間野會好食。外面睇入去，環境係ＯＫ既，但係食物係完全唔店。叫左個豬柳漢堡拿破倫意粉，蕃茄醬係凍，個意粉完全唔好食，意粉太硬，完全係自己都整到既。想中伏就去試下啦…Read More

炎炎夏日，同朋友行完山，就去食下午茶。入左黎呢間傷心酸辣粉。食完都真係幾傷心架，貼錢買難受。　周圍得幾個客人食野。選完餐後，叫呀姐落單。要２個滷蛋湯麵。落單之後，幾分鐘，侍應就拎左兩碗麵黎，食左啖，之後發覺無蛋，就叫侍應過黎問，原來佢落錯單，咁落錯單呢Ｄ，無乜所謂，但係侍應就大聲夾惡咁話，係你指錯。但同行友人皆聽到落單係講要滷蛋湯麵，唔係撈麵。費事同佢嘈，陣間比佢加料。　個人認為，侍應係忙既時候，落錯單都係人之常情，所以都無謂令人難做，同佢講返聲，等佢下次唔好落錯就ＯＫ。都知道做侍應會比較辛苦，所以，平時都唔會叫人換，費事侍應比人話。但呢間鋪Ｄ侍應就世界級啦。無乜人既時候，掛住吹水落錯單，都不特止，仲要話係客人指錯。　如果有人想試下食完有幾傷心，都可以去呢度試下比Ｄ侍應話下。…Read More

中左伏既一個晚餐。同朋友一齊食，我地大家都叫左個意粉，但個意粉係唔熟。有幾條係唔熟，咬落去會感覺到好硬身。除左意粉唔熟之外，個龍蝦湯，係完全唔得。飲第一啖，就發覺出事啦，個湯係腥到無龍蝦味，超級後悔，寧願叫餐飲算。諗住食住意粉，陣間先再飲下個湯，點知仲大獲。個湯放左一陣，就變得更加腥，最後成碗湯飲左幾啖，就無再飲。所以去呢度食，千期唔好叫意粉同龍蝦湯，其他就唔知，因為未試。…Read More

 　今日同女朋友係尖沙咀拍拖，夜晚肚餓，見無乜人唔洗等位，就入左黎呢一間。員工態度良好，有笑容，仲好熱情咁介紹今日既菜單。點左一個海鮮ＰＩＺＺＡ同一個頭盤。　係等野食黎既期間，可以望住個海景，望到對面既景色，個景色好令，可以見到成個維港，個人都特別平靜。　侍應送ＰＩＺＺＡ黎個陣，都會有笑容，有禮貌。可以睇得出其實呢間餐廳既員工都係好有禮貌，好熱情，態度亦都好好，走個陣仲會微笑講多謝。　頭盤就幾好食既，但係問題黎啦，個ＰＩＺＺＡ送上黎個陣，係凍。唔係熱，似係放左好耐。食材又唔係特別吸引，好平凡。本身都已經唔係太好食，仲要係食食既時候，有一隻烏蠅飛落飛去，仲飛左落個ＰＩＺＺＡ到，即係無晒胃口，想反胃。　有人話ＰＩＺＺＡ　ＥＸＰＲＥＳＳ係香港ＰＩＺＺＡ界既清泉，但今日一試，真係不敢苟同。雖然服務同環境係好好，但係食物同衛生就真係唔合格。ＰＩＺＺＡ凍，又有烏蠅飛埋上去，搞到呢餐真係好嬲！食都食得唔開心，對住個海本來應該係平靜，舒適咁用餐，但一個ＰＩＺＺＡ同個烏蠅就搞到成個氣氛無晒，唉！…Read More

買左個肉醬意粉，真係難食到不得了，Ｄ意粉無口感，蕃茄味太多，成兜野只有酸味，難食都自己都形容唔到！難怪馬鞍山真係比喻為美食沙漠。連呢間咁既餐廳都可以係馬鞍山生存到，證明真係無乜選擇，要焗住食劣食，唉！…Read More

食完晚飯，牙痕痕，同女朋友係青衣美食城買左個小丸子，係收銀買完單之後，用左十秒都無就可以係間野拎到小丸子。Ｄ小丸子簡直就係難食到無朋友，一咬落去就知放左好耐，完全係硬，咬開入面，全部都係粉黎，食左２粒之後就成個掉晒。嬲死！感覺係比人搵笨，商店完全無誠意！…Read More

　下午茶時間，同女朋友一齊去大埔搵野食，一入呢間野去即有位。　下午茶叫左個３５蚊既雞排米線，侍應服務差到爆炸，問佢有乜飲，佢就黑我面，之後話都係個Ｄ囉。好啦，唔緊要，野食黎到個陣，米線真係難食到喊，從來未食過咁難食既米線，米線同湯都係無味，雞排係軟林林，完全無味！用１個字形容完呢間野，垃圾！　經歷過呢次搵笨之後，我終於明白咩叫難食，最後都係無食晒碗野，去左對面快餐店食算。如果各位想體驗乜野係舌尖上的受難，不妨一試呢間野～！我拍心口保證，包你一試難忘！…Read More