phoebe15girl的個人專頁

朋友推介的黃店本來以為會因為肺炎而少左人出街食但點知都坐無虛席餐牌都幾多選擇朝鮮泡菜鍋有烏冬 雞脾排 菜菜做餸朝鮮泡菜煲一黎就已經好香個湯雖然係辣 但就咁飲都仍然好香 好好味 唔係一味得個辣味雞脾肉就算滾耐左都一樣好滑 好嫩 菜菜同菇菇都好新鮮金菇牛肉卷牛肉煎到焦香 亦無過老 牛肉同金菇亦係最佳拍檔牛肉既香口 為哩餐提升左食欲甜蝦角切魚生丼各款刺身都好新鮮 係觀塘區除左勝手丼 我諗哩間係我第二間可以接受到既香港海鮮丼木魚絲吉烈蠔卷吉烈蠔炸得好脆加埋醬醬蟹子同木魚絲基本上哩個卷卷都好難唔好食係無得輸唯一可以數既可能係無咩食緊蠔既感覺不過我都可以理解 因為大部分香港食肆都只能夠用到急凍蠔所以蠔味都會較為欠奉不過整體上都係值得推介軟殼蟹野菜米紙卷相對蠔卷我比較鐘意哩個因為野菜米紙有種小清新既感覺感覺健康D 唔洗食咁多飯亦平衡返哩一餐既澱粉質今餐 大滿足 會再黎加油香港 加油小店！…查看更多

朋友鐘意食台灣野 又想搵個靜D 既地方傾下偈見哈豆係工廈 應該都少D 人會去 所以就去試下不過老實講 一上到去比我想像人多D (但下圖已經係D 人走左先影lol)仲有D 好似係熟客因此令我一開始已經覺得哈豆唔錯 係會令客人返轉頭既小店我叫左五寶什錦醬乾拌面(點解會叫哩個 係因為我貪心想試多d野 同埋因為menu 上面有手粒豆豆作推介 不過我唔記得影menu haha)五寶既材料有香腸 雞翼 豆腐 貢丸同花枝丸(不過咁岩我地又叫左台灣滷水拼盤 我既雞翼同埋豆腐就重複左 所以我就分左俾我朋友食)個台灣香腸煎得好香好脆 感覺唔油膩 大愛我覺得貢丸 花枝丸都應該係台灣出品 因此個味道都同香港街市買既有D 唔同 值得一試而雞翼 豆腐屬正常水準什錦醬啫係有麻辣醬同麻醬本人都幾鐘意食麻辣 所以哩個兩溝既口味真係好適合我 亦十分惹味面條有D 似kiki 拌面果隻 彈牙 軟硬度適中而我朋友就叫肉躁時蔬芝麻醬乾拌面原因係佢想食得健康D 一上菜又的確覺得係幾健康 個面上面鋪滿菜相比起我果個惹味 佢哩個面只係得麻醬又的確係清好多不過味道都唔錯 始終咸魚白菜各有人喜愛同埋兩個面都有半隻蛋 味道都唔錯但我覺得如果蛋係糖心質感會更加吸引同令我地食得更滋味小食我地叫左和牛薯餅同台灣滷水拼盤和牛薯餅炸得好脆 炸粉份量剛剛好 皮唔厚不過就略略覺得和牛味唔係好重(我唔記得影入面 肉肉唔算好多)比想像中遜色左少少 我個人覺得如果要揀一樣材料去溝薯餅整 我會揀一樣濃味D 既野去帶起個味唔知點解我一諗會諗到係明太子沙律薯餅因為個皮脆 所以整體黎講和牛薯餅不過不失台灣滷水拼盤 味道適中唔會過咸或唔夠味有台灣既古早味豬手好入味 亦好夠冧有台灣滷味既水準而擺盤賣相亦都好吸引 讚飲品方面叫左蜂蜜檸檬山粉圓檸檬梅子QQ我唔記得左影相 原因可能係因為飲杯用紙杯黎載我就好易忘記左佢 因為影左出黎都唔會靚我個人覺得如果可以用返menu果款玻璃杯黎載會令到個飲品變得更加好飲相信如果女仔約三五知己黎食野 杯野飲既賣相都會成為打卡既關鍵不過其實我都明白可能係因為人手關係 所以用具方面就以方便為主所以純粹個人意見入返正題檸檬梅子QQ 係哈豆推介既飲品我都幾鐘意 因為酸酸味味 好開胃亦減低油膩感蜂蜜檸檬山粉圓 其實都檸檬梅子QQ 都差唔多只係由酸既梅梅變左甜甜既蜂蜜整體黎講餐廳感覺令人好舒服 食物質素亦有水準係用心經營既小店 相信我都變左其中一個熟客 再叫三五知己黎傾下偈…查看更多

本身好鐘意食泰越菜 見九展開左間新泰菜 就係睇戲之前去試下暫時因為新開同埋九展既人流關係 都仲未算有好多人泰式芒果蟹肉炒飯飯炒得好乾身 好香(應該係因為落左少少特別既醬料 所以有D 香香既味道) 飯入面亦有粒粒芒果肉但蟹肉就好似多返少少會好D(又或者係我無為意有 掛住食haha)柚子沙律柚子沙律分量都算多 酸酸辣辣 以前菜黎講相當開胃但我下次可能會試下辣辣鳳爪作為前菜因為個人黎講都柚子無特別喜歡唔喜歡不過諗住食下健康D既泰菜雜錦湯粉 牛丸 墨魚丸 魚蛋扎肉 船面湯個面面軟硬適中 就算浸耐左 都仲保持都口感 同埋哩種粉都幾容易入面 店員同我地講係泰國金邊粉不過我地又覺得好似同我地平時食炒果d 金邊粉有D 唔同不過都一樣係咁好食但我諗我地都係要再黎一次因為老板話佢地自己人手打果隻斑蘭粉好正 下就已經賣哂逢親D 咁限量既野都會令人好想再黎試下另外 d 咩丸咩丸全部都好好食 好彈牙感覺好似真係由泰國攞貨返黎唔係香港既味道如果係既哩間泰菜真係好好好有heart食完先醒起唔記得佢一開始俾左D 醬我地好似話係用黎食個船河下次都要試返睇下加左係咩味梛青個人好鐘意飲椰青所以都有d 要求 haha哩到D 梛青唔錯 好新鮮推介大家可以試下解辣又清熱氣蒜蓉包蒜蓉醬搽得好均勻 蒜蓉味亦都好濃面包焗得好脆分量亦好多兩個人要食六塊都幾多但係又係賣哂金磚包下次又要再試椰汁糕同出面食泰菜既甜品味道無咩唔同都係一種令人滿足既味道令哩一餐畫上完美既句號…查看更多

將軍澳區比較少車仔面既鋪頭係IG 見到話小儀係新都城開左鋪頭就去試下掛住研究個電子落單就唔記得影個電子落單不過我自己就覺得電子落單都係唔夠人手快因為我地要轉黎轉去睇有咩餸揀我覺得每張枱面最好都加多一張菜單 有哂咁多款餸既相係到跟住落單可以照用電子(咁當然其實係新客先會有揀餸既困難 熟客就當然揀一揀就揀完啦)由於我係同阿媽去 佢揀左好耐....我地每人都叫左四樣餸我叫左咖喱魷魚 小儀推介既麻辣蓮藕片 牛腩同豬大腸咖喱魷魚唔係好入味 麻辣蓮藕只係得個辣字 牛腩不過不失 豬大腸太冧亦無味->四十四蚊有四餸 有野飲 係商場入面食既就算啦媽咪叫左 牛腩 雞腎 春卷 豬耳雞腎都係得個辣字 但好似同出面D 雞腎有少少唔同 好似食到有一線線既感覺春卷就同南記既春卷差唔多 都可以豬耳好冧 無左豬耳應該有既口感同一句->四十四蚊有四餸 有野飲 係商場入面食既就算啦招牌菜脯得個辣字 出面有D 鋪頭自己做既比哩到出色同埋菜脯就有咬口先好食 但哩到既係菜脯蓉..如果性價比黎講係將軍澳區係可以既但如果問我幾時會再黎第二次就可能無咁快…查看更多

之前搵荃灣食咩好既時候 就已經見到哩家餐廳今次終於搵到時間路經去試下地點相對黎講唔算方便所以應該係有D過人之處先吸引到咁多好評一上到去 環境都唔錯見到好多好姐妹一班班傾下偈 仲見到好似有書同game 可以拎黎睇下玩下(不過so far 無人拎 lol)餐牌一睇完就已經諗住揀黑毛豬意粉因為個人對於話自家製既野就好想試下(只係蘋果醬，唔係隻黑毛豬)餐湯 應該係普通紅湯 不過佢應該係自己煲 唔係好似出面D餐廳咁開醬黎沖湯因為個湯無咁(結) 比較清同水D 我個人覺得味道都唔錯 香草味都幾重 熱Mocha 都幾滑主菜～～ 黑毛豬一上都有D驚訝 都幾大塊 幾厚(比我想像中)我特登加把刀落去 等大家睇下個比例一切落去好淋 好正 好有豬味 lol 又淋 又juicy當然唔可以忘記果個自家製蘋果醬但我覺得個醬就甜左少少個醬隔離有少少酸酸既醬 果個用黎同黑毛豬一齊食就GOOD因為個豬豬都大塊 食到後期都有D膩 所以加返D酦酸地既醬就易食D同埋我諗個個豬豬都要食得快少少(其實我都算食得好快)因為同後尾D豬豬個熟到可能又多左D 就無一開始咁淋 加上又凍左少少另外個意粉都好好食真正好食既意粉 只係用最簡單既橄欖油同香草就已經好好食哩個就係 軟硬度適中亦好香整體黎講個主菜相當唔錯其實我都飽但又好想食甜品所以加左個心太軟個賣相同味道都唔錯我個人覺得係一個滿意既心太軟但真係會好飽lol下次我會約埋朋友再去傾下偈…查看更多

最近大B樂成日賣鋸排廣告搞到我都想去鋸下排但又覺得大家樂價錢同其他有哂餐湯既排房唔係差太遠咁岩又同媽咪行經花園餐廳就入左去食 久唔久都要鋸下既排一如以往飲紅湯不過不失湯同包包都未食完就上左牛排 如果可以遲少少上就更好我要左西冷 五成熟都唔錯都有牛味 都真係做到五成熟我要求唔係好高 始終唔係貴但薯菜用小棠菜又好似有D 奇怪假日想鋸下排 又唔想太多人 可以慢慢坐下 傾下哩到係唔錯既選擇題外話 衞生可以加強小小 女待應拎兩杯水過黎的時候 手指掂住杯邊 感覺唔太衞生希望可以改善一下…查看更多

因為KLOOK 做優惠所以第一次試試哩個媽咪雞蛋仔既粒粒朱古力我從來無睇過個樣我本身以為會係啡色的雞蛋仔再加朱古力粒我個人覺得如果蛋漿都加少少朱古力味可能會更好(可能同我對朱古力味有的期望有關 純屬個人意見)可能因為加左朱古力粒粒我食到一半已經好飽但味道係唔錯都值得一試…查看更多

近幾年十分流行素食素食自助餐愈開愈多今次係我第一次試素食自助餐感覺唔錯係一個適合同朋友相聚 坐得耐傾下偈既地方 而且環境唔錯我地當天去 有以哩D 食物因為我朋友話平日既食物好似有D 唔同因為食物都算多所以我無逐樣逐樣影但我記得整體上係唔錯而且食物都算填補得快湯同飲品都唔錯價錢合理唔貴我都推薦大家去試下過一個輕鬆素食天…查看更多

因為生日 所以先去一去好耐無去既許留山 換一換我既生日禮物芒果布甸我從未食過許留山既芒果布甸芒果糯米滋就食過都唔錯不過我今次掛住食(唔記得影相lol)芒果布甸唔甜 芒果肉亦算多同芒果係屋企整既差唔多不過係個芒果布甸比住家整既紅左少少咁啫係應該加左少少色素(吹毛求疵的女人)整體黎講 唔洗錢唔錯但如果本身要23一個 我就未必會買…查看更多

本人係十分喜愛咕嚕肉所以去唔同店都要試下哩間咕嚕肉都炒得唔錯菠蘿係新鮮菠蘿 唔係罐頭同埋輕輕燒過令菠蘿更加juice 同甜咕嚕肉唔算脆 只能話粉唔多 皮算薄肉質算實正正 唔係好軟半肥瘦果D不過用黎送飯就岩岩好例牌既酸辣魚(唔記得係米叫哩個名)因為朋友唔食得辣 所以無要到辣變左我覺得個酸味重左而胡椒粉味就好重總覺得係唔新鮮既魚先要用咁多胡椒粉辟味但個魚咬落既魚質都實淨唔似好唔新鮮我覺得可以少返少少胡椒粉如果真係怕腥既人應該唔會叫哩道菜其他配菜都不過不失算唔錯兩個人食兩個餸差唔多整體黎講都係用心製作既食店…查看更多

第一次跟朋友去酒店食下午茶我原本以為未必會夠飽但果然都係眼寛肚窄最後剩返一兩件咁大家都勉強食埋佢可能係因為飽左先食最後果D所以覺得好似一開始果D 好食D lol洲際個view 唔錯同朋友坐係傾下好快過 亦唔算貴以下既食物唔包括哂所有食物(因為掛住食 有D 唔記得影)蛋蛋蟹肉加餅餅(自己作既名)好好好食紅色咸咸地既調味 我覺得有少少明太子既感覺但係唔辣加埋蟹肉超好味無論外形定味道都十分吸引黑松露芝士醬醬好好好味(無新意的答案)黑松既味岩岩 唔會太濃芝士粒粒打碎左粒粒既口感仲係到芝士味同黑松露味都好香同好夾就咁食個醬醬已經好好食啫喱杯杯隔離係馬卡龍我覺得個排序係有意思因為個啫喱杯杯較為淡味 唔甜而個馬卡龍就係超超超甜所以佢地兩個前後食就可以中和下馬卡龍因為太甜(雖然本身都知係甜)所以我覺得麻麻地啫喱就無咩特別 淡淡的酒浸車厘子加朱古力醬餡同行三個朋友仔都接受唔到酒浸車厘子但因為我曾經都食過酒浸既提子所以就無咩問題除左個難以接受既車厘子之外入面個朱古力醬係好食既係我最喜歡既黑朱古力醬我叫左latte 用黎消下甜品既膩就岩岩好整體黎講值回票價好味…查看更多

第一次試菠蘿蝦堡可能我遲左打開個包包所以一打開已經濕左少少蝦堡可能亦因此唔係好脆雖然如此但蝦堡既餡料比我想像中好(亦有可能因為本人要求唔高既關係)彈牙亦好似真係有蝦粒狀既物體再加埋菠蘿 令成個包包既感覺無咁油膩 較為清新整體黎我覺得比我想像中好可能無期望就唔會失望lol我諗我會試多次係我即刻打開個包 仲係唔濕既情況下題外話本人覺得哩間M 記既衞生情況有改善空間因為我見到地下有小小強亦有為數不少既拾坊者我想可以加強清潔一下麻煩哂了…查看更多

你二次去魚米食晏酸辣魚片頭米線我個人覺得魚米既酸辣偏酸譚仔好似更符合我既口味魚片頭好味佢並唔係一般出面食既細細粒魚片頭而係大大塊三角形出間好似仲有少少紅色一點點既 可能係魚皮? 我唔太清楚咬落軟硬適中 味精唔算好重因此魚片頭係我係整碗米線中最滿意哩個午餐算最抵食大大碗魚片頭又好食仲包野飲整體唔錯係唔點解同行朋友成果個米線經常都好遲上 仲經常出錯可能係佢既磁場同魚米唔夾lol…查看更多

一直以黎爸爸都係豐碩既粉絲爸爸話雞煲翅好正 小菜亦炒得出色 抵食咁親住父親節 我地就一行七人去試下個雞煲翅同小菜由於掛住食好多相都係求其影lol糖X芋頭一開始既小食 唔錯唔錯又抵食黃金魚皮我一向都覺得一包包果D 咸蛋魚皮唔係好食但又好貴但LI 個暖暖地真係好好食 仲要多左份濕潤 仍然保持到脆口豬手(唔記得影原隻 切左之後先醒起)豬手軟硬度適中亦夠入味正正正魚標個魚標煲真係好好食又多 又大舊 又焦焦地好食炒牛牛相比起黎個炒牛牛就有少少失色[葉]既味重手左少少亦無咩特別雞煲翅係我地今日黎食既重頭戲個個都飲到兩碗以上而個湯超甜好足料不過好似唔係餐牌上面有既野壽包之前試過LI 到D 壽包(蟠桃)係十分唔錯包包入面有大大個咸蛋黃餡料亦唔太甜good good good豐碩係性價比高既店大家去試下Go Go Go…查看更多

食完飯食雪糕唔係第一次食因為有雪糕套票所以換黎食但其實我就覺得佢D 雪糕麻麻地岩我口味有種好[結]撻撻既感覺我要dark chocolate 其實我都唔覺得有好濃既朱古力味有時我真係覺得佢只係食名氣M記朱古力脆皮仲好食…查看更多