Oeshi wong的個人專頁

BB車只比放門口出面，當時全間店得3枱客，大部分空位，我問可唔可以放BB車喺一個沒有人會經過及唔會阻到人嘅位置，有個女店長大聲講 緊係唔得😓😓😓😓😓 叫我放出店外門口😤😤😤另外，我地連埋小朋友4個人，當時我再問可唔可以坐寬敞DD位置，因為已經8pm後嘅時間，都算過咗最多人食飯時間，間舖當時亦無咩人，好似空位，男店員竟然答唔得，只比左一個好窄4個人都坐唔落嘅位置，我立即走人，今時今日咁嘅服務態度，又成條街都咁多好舖頭，唔洗食餐飯都咁受氣，然後過咗隔離舖，人地直頭執開啲位比我放BB車，利申我唔係要麻煩到人，我都同果間舖頭店員講唔需要執開嘢，但呢間豬店都唔係叫人擺出門口咁過份，而重點其實佢舖頭唔係無地方！😡😡😡😡😡😡😡btw，個人觀感，d好評相片好打手！…查看更多

估唔到大圍都有咁正宗嘅烤魚食，今晚就同媽咪嚟試下！呢度有單點，亦都有放題任飲任食，亦有套餐叫，因為我哋食量唔多，所以揀咗單點點咗1.5斤原條烤魚 ($298) 係來自馬來西亞嘅沙巴龍躉，餐單上說是無激素的，好健康！食落無碎骨，魚肉滑！湯底入面已經有冰豆腐，蓮藕，洋蔥，酸菜！今次叫咗酸菜味，湯底酸味辣味都濃，好惹味！驚喜位係有好多唔同款嘅辣椒喺入面，有一粒好似蕃茄仔原來都係辣椒黎，咬咗一啖已經爭啲辣死咗三款辣椒個樣：另外叫咗鴨血 $55/10塊，好抵食落比豬紅滑同軟身，好味漁品嚮鈴卷 $28/4件應該係自家製，唔會好重油炸味，新鮮脆口，都唔錯蝦丸 $60/6粒蝦丸都係自家製，所以唔會好硬身，好有蝦味，亦都好彈牙，我覺得係呢度 **必點菜式**雜菜拼盤 $48最後仲食咗杯香港製造雪糕，好滿足好飽呀！其他放題／套餐餐牌：…查看更多

番工好激氣，同同事搵地方食飯呻下，周圍餐廳/樓上cafe都好多限時，想傾耐D，唯有麻甩D食茶記....我地想叫蒸魚，但唔識D魚名即係會係咩味道，樓面就算好忙 (見佢地不停聽電話接外賣) 都慢慢解答揀邊條啱我地食，好親切又好有禮貌，又問我地飲唔飲湯，好有家嘅感覺😂 即刻番工嘅悶氣都消左D 😂😂呢度叫小菜仲送飲品！！我地叫咗4個小菜：酥炸鯪魚球 ($58)唔油身，鯪魚味重，連埋蜆芥醬汁點，啖啖肉好襯，我覺得呢個係呢度必點嘅薑蔥清蒸三點魚 ($98)有唔同嘅魚可以揀， 我哋揀咗三點魚，無乜細骨又好新鮮，睇魚鮨就知，都厚肉金沙鮮魷 ($98)鹹蛋味重， 鮮魷都大塊馬拉盞炒通菜 ($68)馬拉盞辣味重， 通菜爽口茶記黎講，呢度算多款式同有特別D嘅菜式，坐都坐得幾舒服，每枱仲有消毒搓手液，員工都好乖無戴口罩戴到一半半咁，加分！呢度要變成我地放工聚腳地了…查看更多

潮式餐廳喺馬鞍山絕無僅有，發現絕大部分想食嘅潮州菜式，呢度都有，即刻要黎試下。餐館乾淨企理，坐得舒服，沖茶仲有架自助翻熱水機喺每張枱隔離，唔洗下下叫待應添茶，加分！椒鹽九肚魚($72) 炸粉唔多，緊貼魚肉，爽口脆身潮式糖醋麵 ($98)黎食潮州野都係為咗呢味小菜，酸酸甜甜真係好開胃，麵底乾身唔黏口 ，做到外脆感覺，十分好潮式沙茶炒牛肉 ($88)超招惹味嘅一道菜，原本以為得牛肉，上菜後發現原來仲有芥蘭配上，Nice! 啲牛肉好嫩好鮮，沙茶醬亦都唔會重味到蓋過咗牛肉味，芥蘭嫰身無渣，好味！潮式反沙芋 ($78)黎到潮式餐館一定要食呢個甜品！ 呢個甜品真係好講功夫，要整到外脆內淋又掛到糖，一啲都唔易，呢度整到所有嘢軟硬同埋個甜度都啱啱好，一口份量細細粒唔會令人好漏，唔錯唔錯每枱仲有小食附上，連呢碟小食都好食！餐牌:…查看更多

又想食潮州野，又想食海鮮，又唔想同人迫，一定要黎呢道觀塘工廈隱世小店 !!!!!滷水野入味，蠔餅炸得唔油，海鮮新鮮，連個清菜都用心做滷水鵝肉  ($ 100)食潮州野一定要食滷水鵝肉，我比較鍾意食有骨的，所以叫鵝肉唔叫鵝片，感覺D骨都入埋味！滷水味足，又唔會過咗火太喊，鵝件厚肉，仲有豆腐做底，索晒滷水汁勁正!!蒜蓉粉絲蒜大蟶子 ($52@)好新鮮，鮮甜味足，粉絲索晒D蟶子同蒜蓉味～正！香脆潮州蠔餅  ($ 80) ~ 超推介 正宗潮州風味，D蠔大大粒，多到食唔曬， 唔係一般煎蛋餅嗰隻，係真係正宗炸脆煎，Ｄ炸粉逐粒包住D蠔，好滿足！薑汁炒芥蘭 ($ 70)芥蘭～細心地批咗面果層，所以食落一D根都無，好嫰仲可以揀薑汁味，食落有少少薑汁果隻辣，正！！呢度仲好特別，有西式＋中式糖水叫，但太飽，只係點咗個椰汁糕，但估唔到都咁正，好多紅豆，椰汁味濃！…查看更多

今晚試地中海菜，感覺同西餐有點不同，好多海鮮菜式同埋惹味醬汁風味，個人感覺好似喺海中間食左餐晚餐咁，好Chill餐廳環境都好有 Feel，中等價錢但好似去左Soho區咁，好Relax~講番野食~~頭盤叫咗海鮮拼盤串燒 ($188)串燒有三層，包括吞拿魚、三文魚、大蝦，餐牌寫用咗特製水牛城辣椒醬，所以有少少辣~好惹味，咁樣360度吊住燒串燒,，感覺均勻啲，所以魚肉中間好嫰！底有４塊烤皮塔餅，有Ｄ似中東包咁，煙煙韌韌，點埋個醬汁好味！另外叫咗個餐前小食～青檸汁醃三文魚 ($68)呢個雖然份量唔多，但酸酸味味咁，真係好開胃， 個青檸汁亦唔會太酸～Ｎice主菜叫咗一個叫 BSP嘅Pizza ($148)芝士味濃，感覺用上唔同嘅芝士，雖然佢餐牌只寫用咗Mozzarella，可以拉晒絲咁好正辣香腸好特別，唔似平時出面pizza用嗰隻，唔知係咪就係地中海風味呢，個人覺得有好特別嘅味道，有D似食咗Parma ham嘅滿足果隻，即係咸咸地又煙煙韌韌又有香腸果隻香味，再配上蘑菇成件事又會無咁漏~正最後點咗墨魚汁意粉 ($148)食到有香濃忌廉味，嗰隻Creamy令個意粉提昇咗好多，好香又易入口，另外墨魚一D都唔韌又一餐好滿足，服務又好，捧住肚咁離開～餐牌：…查看更多

媽咪最愛嘅西餐廳＋甜品店，基乎一個月都黎一次，百吃不厭今日又突然想食，食到捧住個肚離開，佢地嘅意粉同窩夫真係名物，必點必點！脆炸軟殼蟹凱撒沙律 $88軟殼蟹偏大件，脆身有蟹味，唔會凈係食炸粉感覺，沙律都好新鮮爽口！Dinner Set煙三文魚黑松露忌廉意粉 $88黑松露份量好足夠，意粉好Creamy好濃味，煙三文魚都唔會碎濕濕，都係偏大塊，有4-5塊黑松露湯 +$15真係好鍾意黑松露，所以加咗錢要黑松露湯，好香黑松露味，好Creamy，唔會太水飲品升級了：紫薯紅豆牛奶(凍) +$10通常出面都係用綠茶拼紅豆多，呢度紫薯拼紅豆好特別，紅豆量都多，唔太甜，唔錯另外叫了榛子朱古力(熱) $36朱古力味重，濃濃的重頭戲~甜品~其實我覺得佢先係主菜石板街香蕉窩夫 (全份) $82每次嚟必點的窩夫，超厚身好多料：有2球雪糕，香蕉，棉花糖，同埋我最鍾意嘅星星脆脆至於主角窩夫，大埔人都知佢出名超脆身，就算有雪糕喺面都唔會淋晒，但又唔會硬到無口感，即叫即做，嚟到一定要試！…查看更多

從未試過食到飯焦，但又唔洗出盡力刮煲底嘅煲仔飯，真係無時無刻都想番去食，真係好愛光榮冰室！窩蛋牛肉＋臘鴨髀煲仔飯 (唔記得價錢，但正常價，值回票價！)牛肉唔韌，蛋味濃，飯係粒粒乾身，臘鴨髀咸香有油香落飯～一試會成日都掛住番去食！最出名嘅開心餐: 蒽油雞扒+三隻太陽蛋招牌菜，眼見有半間冰室點黎食，好好笑真係果然招牌，蒽油雞扒無雪味，超惹味，炸得啱啱好，鬆得黎有口感，仲有個豉油汁撈蛋，攪到減肥都爬晒一碟飯！配埋超特別橙茶，即係凍檸茶，檸檬變咗橙，你以為好怪，一試難忘，好夾！爽！…查看更多

最近生活/工作好大壓力，好想食到好飽嘅感覺，又好掛住雞煲，所以搵下屋企附近有無任食雞煲，就搵到呢間街坊小店！價錢都好平民，一個價錢，可以任飲任食，最驚喜有海鮮加落雞煲，海鮮竟然有：半隻手掌咁大嘅＂廣島生蠔＂＋ 唔韌嘅大圈圈＂魷魚圈＂＋ 仲有唔腥好乾淨嘅 ＂青口＂！我２人份都唔係凈係得各２隻，有驚喜！D海鮮都好入味，辣辣地，煲咁耐又唔會過火地韌香辣海鮮雞煲 $188/每位 (招牌正宗重慶麻痺雞煲:  $168/每位，仲有小童價)因為廣島生蠔太好食，所以我地另外後加左一碟６隻再戰 ($78/6隻)至於雞煲嘅主角～雞件，都啖啖肉，雞煲醬唔會太杰，我比較喜歡有汁嘅雞煲，咁樣唔洗即刻加湯都可以恰其他餸而唔會燶底，雖然唔杰，但都好掛汁同濃味，但如果想再濃味D，係有醬汁Bar可自行加醬，呢個服務真係好稱心，好多時加咗湯就會淡咗，咁就可以自己加番濃味！呢度嘅雞煲，同出面好唔同嘅係，佢好多蔬菜做配料，最正係薯仔呀，好入味，仲有翠玉瓜，洋蔥等，連平時唔食洋蔥嘅我都忍唔住食咗幾舊，因為真係好入味，果隻雞煲醬濃濃香味入晒，個洋蔥仲炆到好淋！除左恰嘅火鍋料，仲有任食涼拌小食，叫咗3樣都好正，包括:砂糖蕃茄～我嘅童年回憶，真係好正好正好正，蕃茄好新鮮，超開胃！涼拌海哲絲～小小辣，好惹味！涼拌黃金皮蛋~呢個一定要試，出面D皮蛋黃係乾身，佢係溏心，好正好正！至於任食嘅火鍋料都好新鮮，特別係牛丸，同芝心獅子狗，重點要叫！任飲～好多選擇 （如果想飲酒，每位+$15都可任飲)餐牌:…查看更多

不得不讚，時代冰室嘅店員真係好有禮貌，無論帶位到落單都好有禮又效率高，一坐低未叫野食已經放低咗兩碗例湯，仲幾足料播~厚切豬扒 All day breakfast $53 超抵!! 勁豐富 !! 有厚切豬扒 (可揀雞扒/魚柳)+ 3.6 牛乳炒蛋＋司華力腸＋薯餅＋牛角包＋胡麻沙律先講豬扒，除咗厚切啖啖肉，仲唔覺有鬆肉粉味，又不會韌，好正，難怪係呢度嘅皇牌！其他配菜都不錯，尤其牛角包～食落好有一層層果種感覺~正！炒蛋同澳牛有得揮～好滑！極尚。濃花膠滑雞湯 配烏冬 $62雞好嫰滑，仲出奇地好有雞味湯底好足料：蟲草花+杞子+冬菇+娃娃菜 ～好補，配埋烏冬食到好飽呀！蜜桃甜薯雜菜沙律 (跟餐+$28) 以為跟餐好細碟，點知好大盤，好抵食，幾特別嘅係～好少見有日本甜蕃薯做沙律，原來好襯，仲好飽肚！可以揀油醋汁/胡麻汁，我地揀咗胡麻汁！大紅大紫生炒骨 $72冰室來講，生炒骨算做得不錯，唔算好厚粉，都啖啖肉，個汁嘅酸度調得唔錯，好開胃已經勁飽，但甜品胃發作，見到餐牌個圖超吸引，叫咗2個甜品時代。雪糕紅豆。西多士 $35黎到無失望，好驚喜嘅係紅豆原來同西多係好夾，最初幻想係紅豆冰咁甜，但原來凈紅豆夾落西多係唔會太滯，西多外脆內淋，厚厚地嘅感覺唔錯，有埋個雪糕，成件事好完美好滿足，半點滯都無！！冰火菠蘿油 $25超邪惡牛油應該有10cm咁長，仲用冰鎮住 中，所以咬落塊牛油有啲煙韌，好得意！至於個包，唔會好似連鎖飽店咁過份空氣感，比較實在嘅，亦唔太甜！最後介紹兩杯飲品~呢度特飲 (跟餐都係 +$8, 抵！)黑糖薑母檸檬蜜超強推介呢杯飲品，飲過就知，難以形容，竟然一啖可以全部味飲得出，好攪笑又好有feel，黑糖味濃，蜜味潤，檸檬味消滯，薑味暖笠笠，真係會飲得出晒所以味道，真心正，呢杯野真係100分！椰汁紅豆冰不過不失，普通冰室版，椰汁味濃餐牌:…查看更多

呢間冰室都算多選擇，我想食中式小菜、但老公想食西式鐵板扒餐，一間冰室齊晒，唔駛煩，YEAH~!仲可以用QR Code落單，方便！今晚食咗自選二人小菜餐 + 鐵板美式什扒配薯菜 + 仲食埋甜品~金粒西多配雪糕 自選二人小菜餐 $1482小菜 + 2白飯 + 2 例湯XO醬蝦球炒西蘭花：蝦肉彈牙惹味新鮮菠蘿咕嚕肉：冰室來講，咕嚕肉算做得不錯，唔厚粉，都啖啖肉鐵板美式什扒配薯菜 $98好豐盛，有雞扒，牛扒，豬扒，腸仔，煙肉，無咩鬆肉粉味，每塊份量都唔細，最開心係有波浪薯條，不過誤會咗個app嘅選擇，選咗碟上，原先係可以鐵板上金粒西多配雪糕 $40外脆內淋，配雪糕令件事不會太滯雪山菠蘿冰 (餐飲+$10)菠蘿配七喜，中和咗汽水的甜，幾夾熱利賓納 (餐飲Free)可以選擇濃D，有這個選擇不錯例湯都好足料3人份量：共 $296餐牌:…查看更多

今日去藍屋行下，之後見有點肚餓，就去食個下午茶！路過一間充滿香港情懷嘅冰室，好多久未見過嘅兒時玩具／小食做裝飾，好有Feel，決定入去！（其實好啱影相打咭，不過實在太肚餓，唔記得影環境相)一入去老闆已經好有禮貌，亦見佢每個客人走咗之後，都用清潔劑細心消毒，好放心～！西多士，超脆，但入面又好軟身，唔錯唔錯呢個奶醬豬仔包，超讚，因為佢落咗厚牛油，令到D煉奶唔會索到個包淋晒，依然保持脆身，係我食過最好食嘅豬仔包，100分! 個 Ｍenu都好香港情懷，其實仲有叫公仔麵，好驚喜係可以mix混合沙嗲牛肉+五香肉丁，邪惡到呢~～～～～下午茶餐都係 二十幾三十蚊，喺灣仔區嚟講，真係好良心價，希望呢Ｄ小店繼續經營落去！…查看更多

雖然呢度樣樣都係芝士芝士同芝士，但唔知點解食落又唔算好漏好滯，每一樣上菜時都令小朋友同大人們都嘩嘩聲！UFO 芝士火鍋三重芝士MIX埋，可以選兩款雞嘅味道我地揀咗BBQ同三重芝士烤雞味道，雞雖然炸，但入口JUICY唔乾，比較喜歡BBQ味，好有層次嘅濃味芝加哥薄餅D芝士好似多到唔洗錢咁，哈哈哈哈，好正呀，啖啖都拉絲，個PIZZA邊都好脆芝士炒年糕除咗年糕，仲有好多公仔麵，蛋，魚餅，超多芝士韓式雞蛋卷配有３款醬，中間菜料同平時韓式飯卷大致一樣，不過出面係蛋卷包住，感覺軟身比平時入口時同D料更夾砂鍋魚蛋湯食咗好多好漏嘅野，飲番個熱湯～正，仲有好多餸…查看更多

家姐好掛住台灣菜，聽聞呢間手搖好正，即刻嚟試下～～台灣牛肉麵超多牛肉，好鮮嫰唔韌，麵無出面咁厚身，我比較喜歡這個軟身口感，還有配菜：紅白蘿蔔+小白菜＋半隻蛋，感覺有蔬菜無咁滯幾健康鹽酥雞便當這個便當中間配有粉絲，好驚喜！ 個粉絲的味道及口感似平時食韓國菜的炒粉絲，濃味又彈牙好正。至於主角鹽酥雞，入口不會太多炸粉，薄薄地又脆，呢下真係大讚！同牛肉麵一樣，都有好多蔬菜做配菜，仲有半隻滷水蛋，食起來不會太咁滯另外，再叫了小食：台灣夜市香腸好有夜市感覺的台灣香腸，不會像香港街頭的那麼乾身，好味！至於重頭戲，飲品～～～(凍) 黑糖紅豆鮮奶黑糖不太甜，之前飲好多出名黑糖手搖，個人比較覺得甜到有點滯，但呢間的黑糖系列，食飯配黎飲不會滯到食唔落飯，紅豆亦有三份一杯咁多，原先不知道還加了我最愛的珍珠，很飽，哈哈！(熱）黑糖珍珠鮮奶至於熱飲，記得要攪混D，一開始不記得攪，凈係飲到奶味，奶味都好重味好正，再攪就好有黑糖香味，好夾餐牌…查看更多

牛肉麵選左幼麵，雖然個牛肉有D細粒，但牛嘅味道同湯底都幾有牛味附配２小碟蔥＋前菜炸醬麵～普通水準～！豬耳仔～辣椒味重，好惹味雖然都好多人排隊，但入座都快，店員好禮貌，有求必應。…查看更多