KISSA KISSA's Profile

約左2點半太子整頭髮~ 但因為要等~ 就去附近搵啲野食啦~ 睇水牌見有台式野~ 一於食呢間啦~蕃茄大蝦意粉$72食到一半先記得影，個味唔錯，意粉唔會太軟，係啲蝦比較無乜味珍珠奶茶pancake$48一睇到個名就覺得好新奇~~ 食落好清新！個cream唔會太甜太奶，有茶味！pancake唔會好硬！又夠熱！好味道~~另外叫多個tea set(一杯正價飲品，可以半價配某幾種小食)，揀左個菊花荔枝烏龍茶$36，同埋香草香腸拚薯條$21(原價$42)~其實我飲唔到荔枝味，亦唔知呢杯有橙同火龍果既係咪菊花荔枝茶？？但反正幾好味！就無理了~~ 個底有啲啫喱~~ 有啲咬口~個腸仔拚薯條份量幾夠！有六七條腸，薯條好味！扺食！仲有啲西芹，無咁油~~健康啲~兩個人食，好飽呀~~ …Read More

係旺角行行下見到遠處有outdark廣告，記得好耐之前金剛小儀介紹過，就走上去睇下啦，見唔使等位就食呢度啦~~叫左個芝士燒排骨~~ $332排骨既味有啲似西式既豬仔骨，甜甜地唔錯~ 醬汁可以揀普通或者辣，我地揀左普通，所以只有少少辣味~~伴碟有奶酪粟米，泡菜，雞蛋，同埋蕃薯茸波~煮到咁上下，會有人過黎示範要點整個排骨，其實就係拉起啲芝士絲捲住舊排骨~ 個味唔錯~呢外呢個set仲會送一款小吃，可以揀DIY飯團，沙律或者年糕~ 我地揀左飯團~上枱時係一大碗飯，咁會俾兩隻手套你自己整~個飯好香麻油味~~好好味呀！！整到一口波波咁，仲可以放落去個盤到配芝士食添~另外，再點左個甜辣牛肉撈面$82上面有啲梨片，幾清新~ 牛肉夠味亦嫩滑~~ 不錯~再叫多個野飲 milkis $17，忌廉溝鮮奶，幾好味~食到超飽，其實兩個人黎食既話，就咁叫個排骨set已經夠~~~呢度有個特別既地方，就係會送個鎖俾你，等你寫上同另一半既名後，就扣係佢地既鎖牆度，幾浪漫呀！…Read More

今日係結婚3週年既大日子，梗係要同老公食餐好啦  為左就老公係尖沙咀收工，早一星期就book左呢間，位於北京道一号頂樓既AQUA~ 客服很好，幫我們預留了窗邊位~8:45pm準時去到~ 一出，就被餐廳入面美麗既夜景吸引住！負責reception的外國美女也很吸睛 (p.s. 圖片是在離開時補拍的，所以金髮美女不見了XDD)登記後後有專人帶我們入去~ 我們的座位在較入的位置，相對較寧靜，適合情侶談心^3^ 兩層樓高的落地玻璃，將維港夜景一覽無遺~~服務生細心介紹了menu，原來食物分為AQUA Rome 和 AQUA Tokyo系列~ (如果大家只想輕食和飲野，可以行上高一層的AQUA SPIRIT~)先點了杯sparkling wine $128 浪漫一番~我們點了兩道tokyo系列的菜式~龍蝦沙律壽司天婦羅~ $228伴碟擺設得很精美~雖然只是空殼 壽司內真的有龍蝦肉！而不是坊間的只有龍蝦碎加大量沙律醬~ 天婦羅炸得夠乾身不會油~底下的海草，原來是可以吃的 汁燒安格斯肉眼扒~ $368肉味很濃~ 油脂不算多~ 最方便係切好哂，啱哂我呢啲懶人 暖暖的麵包是免費的，配上像cream cheese的醬，挺不錯~ 只要點Rome系列的菜式就會自動送上~ 但如果跟我們一樣只點了Tokyo系列，可以直接跟他們要~ 服務生全都很nice,不用害羞 飯後黎個甜品：心太軟配雲呢拿雪糕~$128一上枱，我們就請了貌似金剛的店員幫我們拍照，可惜我們實在太輪盡了…… 令雪糕球滾出去了！！看到碟上那道長長的淚痕嗎？T.T由於雪糕球已掉到枱上，拍照後不能吃了…… 但想不到！他們竟然幫我們換了個全新的！ 太感動了！~~ 他們優秀的服務態度，為今天愉快的晚餐劃上完美的句號 …Read More

咁啱去開大圍中銀整野，就係附近醫肚la~ 嗰日其實幾凍，我求其入左去坐，坐低先發現原來因為入囗無門，所以都凍凍地，結果俾另一半黑面黑足全程…不過唔好俾佢影響左個食評la~ 是日叫左兩個下午茶餐，加一個焗蠔~一個餐係煙鴨胸意粉，其實幾似自己用金寶湯整既意粉，意粉係偏粗身嗰隻~ 但三十幾蚊，有埋野飲，ok la~~另一個係蜆仔芝士焗飯，個芝士焗得幾好味！！唔錯~ 都係嗰句，三四十蚊有埋餐飲，唔可以要求咁高la~~ 個焗蠔，55有兩隻，價錢唔算平，食落正常但無乜驚喜~~如果舖頭以蠔做招牌，應該要係呢方面落多啲苦功了~…Read More

今日係拍拖8年既日子，係去aia嘉年華之前，就過黎high tea甜一甜佢先~叫左個high tea set兩位，大概400蚊度~ 有兩層野食~下層係咸點，每人有各四件~左起:三文魚捲，牛油果捲，咸味既旦，cheese 包~三文魚捲好味，仲有一舊好似魚酥既野，幾有口感~ 個旦我覺得好難食… 但我另一半話ok,所以真係各花入各眼!而個cheese包我地就一致認同好味，咸香味正！上層係甜點~ 每人有各6件~左起上面: 朱古力cupcake,香檳味jelly~ 另有一盒紅莓果醬，一盒cream(係搽scone用)左起下面: scone, 果撻，bailey撻，scone~其實甜品好一般，我覺得散嗌既甜單賣相靚好多~ 好味過high tea set~ 個set仲包兩杯飲品，朱古力好大杯！個咖啡就中規中矩~…Read More

知道愉景新城開左spao,所以就特登過黎睇下，點知啲海報明星著既款，舖頭入面係無既……所以好快就行完，就係附近醫肚la~ 下午茶餐，52一位，可以揀兩個前菜，一個點心，同一款主食~好似幾豐富喎~因為叫左兩個餐，所以有四個前菜~ 揀左四季豆，雞絲粉皮，茄子，同埋蒜泥白肉。雞絲粉皮麻醬夠，好味！不過白肉就無乜蒜泥，好似普遍豬肉片咁，同埋都有粉皮，重覆左！個豆好怪，竟然係切絲…兩個點心揀左牛肉包同埋餃子，味道可以！不過估唔到個包得一件咁少^^"主食揀左一個翔龍炒飯同上海粗炒，份量夠，炒飯有"獲"氣，唔油，幾好！個粗炒就麻麻，無乜味~…Read More

記得上一次同屋企人黎食，食左個咖哩蟹套餐，又貴又唔好食…不過今日班fd想食泰菜，但新城巿又無乜泰國菜揀，所以，就俾多一次機會佢啦一行四人，晚上八點半去到~ 叫左四樣野食~小食拚盤(細) $118雖然揀左細盤，但比想象中多~~ 春卷夠脆但唔會硬，炸蝦餅夠彈牙，香葉包雞有香味，香芧魚餅就辣左少少。泰式炒金邊粉 $88感覺有啲濕，無係泰國食咁好味，不過算係唔油，甜甜地都ok既，配菜既蝦係雪藏蝦仔，無味既… 如果用燒大蝦會好味啲(不過80幾蚊都唔可以要求太高^^")喇沙肥牛米線 $68呢個幾好味呀，個湯底好重海鮮香味，又有椰香，夠色又唔會辣~~芋頭飯 $88呢個係我朋友見餐牌有個王冠推介而嗌既，由於我唔好芋頭，所以都驚驚地中伏! 但竟然幾好味喎！飯入面有少量冬菇片同蝦吊味，飯有芋頭香但又唔會成口泥咁！埋單一人都唔使$100蚊，幾啱一班fd平平地食下坐下傾下計~…Read More

老公book左呢間日本料理同我慶祝生日，大概九點去到，見到同層另外兩間都幾多人呀，但呢間就只有一枱客既@@心諗，唔通好難食既？？入到坐低，一打開個menu就明白了^^" 原來價錢都幾高，一個一人餐，都要成千蚊呢… 我即刻慳妹上身，決定叫一個一人餐加啲少食算， 幫老公荷包慳番少少啦~個一人餐有個刺身，同埋前菜，味道ok，無乜特別~ 鵝肝好好味，屬合理預期~ 最驚喜係清酒煮蜆！好大隻呀！！！仲要好鮮甜！！酒既味道又正，上枱既時候仲有堆火係度煲住，夠哂暖粒粒！仲有個備長炭燒既銀鱈魚，本身諗住都無乜特別，點知一食，嘩，好香滑呀！仲有好香既木味！！即刻覺得貴得有道理！！個餐仲有個黑毛豬柳，都幾好味！同埋仲有個炒飯，都幾好味既！另外，仲有個甜品，師傳貼心地寫上happy birthday~ 啱哂同窗外既維港美景合照留念，哈哈~之後再加多幾件壽司同串燒，我都叫夠飽既^^" 題外話，呢道每道菜用既餐具都會配合番，每完一道菜，都會有專人換擺設，連茶都會唔同，令人不得不欣賞日本人對飲食既執著同細緻度！雖然貴少少，但好推介呢！啱哂想靜靜地慶祝節日呀~…Read More

今晚去完花墟買花，就近近地去新世紀食啦~ 本身鐘意食韓國食物既人，就揀左呢道醫肚~點知…一去到，店員就帶左我地一張枱坐低，見佢有韓燒menu，但就同我地講張枱壞既，我即刻心諗，咁多空枱點解要俾張壞既我地… 不過算啦，都係叫定食啫~叫左兩個set, 包一杯飲品同埋三式前菜~一個係泡菜豬肉年糕湯面，講真，幾難食，一啲味都無，好似食白烚大光面，叫佢拎辣椒醬，叫左兩次應左我都唔俾我，到叫第三次，佢就俾辣椒粉我，但隔離枱食面都係俾醬…另一個係香辣海鮮湯拚飯，啲海鮮係非常迷你，啲青囗肉好似手指尾塊指甲咁…但呢個就夠味既~ 食到中途，終於見有人食韓燒，坐正隔離，啲油煙超大，先發現佢地原來無吸油煙既管！！唔怪之得咁臭… 除左平之外，諗唔到要再食既理由…Read More

今日係爸媽結婚三十周年既大日子，所以就book左放題同佢地慶祝下^^ 見呢度有海膽壽司任食咁扺，就揀呢間啦!當晚食9點時段，我地一行6人，八點十就去到，店員見有位，就俾我地早啲入去坐~ 仲有間房俾我地添，地方幾闊落，坐8個人都得~ 值得一讚~第一轉叫左刺身同海膽壽司，上菜好快，唔會拖，刺身夠厚，味道新鮮~海膽壽司好好味，每件細細，啱哂一囗一件，而且紫菜仲係脆既~ 正呀！！不過鰻魚壽司就麻麻~嗰度仲有好多野食揀，前菜選擇多，有我好鐘意食既芝麻八瓜魚，蒜味螺肉，甜玉米，蒸蛋~ 又有羊架，第一轉燒得好好，不過第三轉就有啲乾同鞋~天婦羅不會油膩~ 香蒜牛柳粒就麻麻好鞋~ 另外有個芝士波都幾好味，外層年糕好Q，不過淺嚐好喇，因為都幾滯架~ 仲有串燒，牛舌，豬頸肉都ok~刺身叫第二轉，都仲係厚切，而且好快上，服務幾好~ 全日只係漏左一單炒飯，算係我食過漏單最少既放題呀~野飲有芒果沙冰特飲揀，幾特別~ 爸媽都食得好開懷~ 覺得又坐得舒服，又多野食~ 而且呢度夜晚九點時段，有特價，用埋citi bank卡找數，仲可以免加一，每位$198，都算經濟實惠~…Read More

今日下晝突然氣溫上番廿度，見熱熱地就諗住食番個凍甜品~一入到去，就俾menu上既朱古力芭菲 chocolate lover 吸引住~朱古力乳酪芭菲 $48乳酪甜甜酸酸好開胃，上面仲有脆皮朱古力，幾有特式！入面有黑朱古力brownie粒粒係度，配番甜味乳酪啱啱好~芭菲入面仲有朱古力餅碎，朱古力粒，仲有玉米片，層次豐富~底層又有一層乳酪係度，仲有生果係入面！係香蕉~~下午茶仲有九折都算扺食~ps 啱啱去到，見到老闆係度佈置緊緊聖誕裝飾，令店舖感覺更warm~…Read More

係荃灣行街行到有啲餓，就即刻上openrice 睇下附近有咩好食啦！下午兩點幾去到，有tea set，包一杯野飲，特飲就加錢~deluxe all day breakfast ~$9x三文魚，煙肉，茄汁豆都可以，腸仔就偏咸少少，啲菇炒得好香幾好味，炒旦亦算滑，最正係圈圈donut形既waffle，外脆內軟！熱辣辣好味道！^^rose latte? ~3x有少少失望，可能見好多人都話好好味，太大期望，但我飲落去又唔太覺有玫瑰味，就係正常咖啡一杯，拉花亦有點化開…忌廉蟹肉蟹棒蟹子意粉 ~$7x意粉夠咬囗，味道幾好…Read More

放假永遠好晏先起身，三點出到去，啱啱好到下午茶時段，見佢話用渣打卡有買二送一，都幾扺食喎，兩個人就叫左三個餐，啱啱好夠飽~Ruby mini -$ 5x個包係外脆內軟，幾香牛油味，有牛肉或者雞肉，個人感覺牛肉好味啲，雞肉比較鞋~ 另外，會跟薯片伴碟~~ 味道還可以，比卡樂B薯片硬少少~Ruby 拚盤 - $ 5x有兩件炸雞條同兩件炸魚手指，又係有薯片伴碟。炸雞都係比較鞋，不過唔會油，而魚手指就可以，點千島醬食幾好~ 凱撒沙律 - $ 4x沙律味道可以，面包好香脆。…Read More