chanken99's Profile

今日又嚟到85度買麵包食，今次見到大阪燒好似幾正，所以就試下，佢嘅外型係外層麵包再包住配料，而面層係醬料，都幾大件。我買咗返去用微波爐叮咗十幾秒加熱，感覺會更加好食，佢主要嘅配料有煙肉片，椰菜絲，海苔碎，沙律醬，柴魚燒，同埋日式照燒醬，麵包係鬆軟包底。一咬落去就係椰菜，口感比較爽同清新，感覺幾健康，唔會heavy，加埋佢嘅照燒醬同沙律醬食落真係幾似大阪燒嘅味道，然後食到一塊煙肉片，但唔會油膩，好快就俾我清咗。呢款包5分滿分我俾4分，如果配料再多啲會更加滿足…Read More

早兩日午餐試咗大家樂新出嘅焗大啡菇葡汁雜菜素飯，$52定價有啲貴，因為睇落去全部都係菜，而且大啡菇縮水得一小嚿，配料有2嚿蕃茄，1嚿茄子，1嚿椰菜花，2舊翠玉瓜，個飯底係紅米炒飯底，一個男人食真係好唔夠飽，唔該大家樂大方少少畀多幾舊菜，或者加多兩件大啡菇就差唔多..葡汁中規中矩，撈飯都食得落嘅，只係配菜真係太少，食完唔夠飽去咗對面m記買個餐食其實以前大家樂出嘅咖哩雜菜飯同埋焗紫菜鰻魚素飯幾好食，唔知點解唔再做，焗素豬都好過呢個雜菜飯，見到唔少人都講呢個飯份量太少，大家樂真係要好好諗下會唔會出翻以前啲素飯…Read More

本身冇認住寫食評，但係估唔到呢間麵包店嘅麵包幾好食，價錢又唔貴，之前已經經過好多次不過冇買，早一日趕時間，想快快手買咗個包食，見到有腸仔芝士條，紅豆包等等， 我買咗一個叫胚芽蘑菇，睇落似芝士條，上面有沙律醬，芝士，蘑菇片同紫菜碎，本身冇咩期望，但咬落好軟熟，芝士同蘑菇好夾，沙律醬有小小甜味，都啱小朋友食，食落唔heavy，都唔油膩，配料簡簡單單但好食我見佢地麵包款式唔少，下次會再買多幾款試下同埋會記得影相…Read More

呢間金子半之助分店唔少，以前已經食過幾次，佢地本身menu清一色天丼，但之後多咗好多壽司、烏冬等等嘅食物，可能為咗競爭啦。江戶前天丼賣相唔錯，飯上有炸蝦、星鰻、青椒、溫泉蛋等配料，炸物長過碗邊，份量算唔少，蝦身彈牙不過今次食落覺得炸皮比較厚身，食到後面有啲膩，略嫌油重，扣咗少少分，如果炸皮可以薄啲、脆啲會更好，飯面淋上天丼汁，拌飯幾香，算中規中矩。整體嚟講屬中等水平，較以前失色，唔知係咪因為多咗唔同menu，難以保持炸物嘅水準…Read More

約咗朋友tea，經常喺沙田見到添好運，都多人幫襯，但自己一次都未食過，今次試下有冇伏先。入到去叫咗香片先，茶位每位8蚊，好快有茶上枱，茶味略淡，叫咗幾款點心同埋一個下午茶餐（土魷馬蹄肉餅飯+一杯飲品），跟餐飲品正正常常，燒賣同菠菜蝦餃都算還可以，叉燒腸粉皮略厚，但味道都ok，但土魷馬蹄肉餅飯就唔太掂，個飯好濕好濕，好難入口，肉餅好稀，冇咩肉味同咸味，正係食到馬蹄粒，朋友都食唔落呢個飯。本身對呢間預期都高，但質素真係有啲失望，主要係定價太高。…Read More

又嚟到譚仔三哥食下午茶，平時成日食米線食到有啲悶，見到佢地有塊牌寫有新出嘅酸辣撈薯粉，49蚊，個餐有跟雞翼同埋鳳尾蝦，所以就order咗，可以自己另外加配料，但我唔太餓就冇另加。薯粉有配一碗酸辣汁，係自己將個執到入薯粉然後攪勻，個汁非常惹味，酸辣好平均，唔會太辣但係好醒胃，薯粉就爽滑彈牙，而且份量都好多，配菜仲有啲花生芝麻，好香口，再配埋雞翼同蝦夠哂飽肚，49蚊嚟講都好抵食，我就覺得唔算好重口味，但係如果可以配杯檸檬茶會更加好。…Read More

ikea10月份新menu有3款新素食，我買咗其中一款植物素青咖喱雞配蒜蓉烤餅$43，同埋植物素燒牛肉配泡菜炒飯$462款食物賣相都唔錯，素燒牛唔好睇佢咁黑實，食落又甜又軟腍，味道有啲似叉燒，係我食過嘅素肉之中算最易入口，仲幾好送飯，泡菜炒飯味道正常，對我嚟講都幾辣而植物素青咖喱雞配蒜蓉烤餅食落好香口，青咖哩好惹味，有配薯粒，唔算好辣，幾易入口，而烤餅我就嫌佢比較乾身，有小小蒜香味，如果用嚟點咖哩食就啱啱好兩款飯都合格有多，有機會會再encore …Read More

早兩日食完晚飯想搵啲甜品食，就去咗芳彩甜品睇下有啲咩嘢啱食，佢哋嘅湯圓特別再有寫明係用素菜油製作，不含豬油，素食者都可以食，都幾貼心，素食者又多個選擇我就買咗擂沙湯丸外賣，本身唔係話特別期待，但係食咗就覺得好高水準，湯圓裏面有花生碎，芝麻餡，唔會覺太甜，甜度啱啱好，口感軟糯，好有咬口，食完都覺得唔夠，想再食，絕對可以食多一碗估唔到街坊店都可以做得咁好食，佢另外都有好多傳統糖水可以選擇，價錢都係好抵食，下次會再試…Read More

本身都唔多買聖安娜嘅麵包，但係最近想買返啲比較平價嘅麵包，所以睇下聖安娜有啲咩嘢包好食，而我今次就買咗合桃玉桂卷，同埋芝士酸種包合桃玉桂卷有好濃肉桂粉味，裏面有合桃粒，配搭黑糖甜到啱啱好，我覺得可以媲美咖啡店30幾蚊一件嘅玉桂卷，聖安娜先賣10幾蚊，性價比高。而芝士酸種包好大份，切開咗幾片，裏面有唔少芝士粒，好足料，外脆內軟，有啲似法包，幾好味總括嚟講，聖安娜比起另一連鎖店A嘅麵包份量更加多，而且價錢較平，下次會繼續幫襯…Read More

早幾日買下午茶經過天天素食，就諗住試下佢哋啲素食點心，款式都有唔少，例如沙律卷，春卷，糯米包，燒賣，冬菇包，粢飯，炒麵等等，我自己就買咗燒賣，炆伊麵，四寶札，粢飯同菜苗餃。菜苗餃同酒樓食嘅味好相似，中規中矩。燒賣都幾大粒，食到菇粒，味道ok，粢飯我就嫌佢啲餡太少，伊麵份量ok 但就比較淡味，可能比較健康啦，四寶札都幾大件，幾入味！個人覺得四寶札，菜苗餃同燒賣比較好食。價錢方面希望可以平啲，因為都有啲貴，有機會會再嘗試佢地其他點心…Read More

之前都冇聽過有呢間麵包店，咁啱經過附近見到佢細細間舖，佢有好多唔同款式嘅麵包，畀佢吸引到，見到佢仲有一個櫃係專門放開心果系列，仲有唔同味嘅牛角包，都好吸引，價錢都係10幾至20幾一個，價錢都算合理，而我今次就試咗地瓜吐司，20蚊一袋呢款包係以扭紋加入蕃薯蓉，好香番薯味，但唔算好甜，甜度對我嚟講啱啱好，麵包質感厚實，所以都幾飽肚，20蚊嚟講都算大份，我仲切開分開咗3次食添下次再去嘅話會試下佢嘅開心果牛角包…Read More

午餐諗住隨便食飽，叫咗個蒜蓉包餐，包埋一杯凍牛奶咖啡，另外叫咗半份pizza蒜蓉包有4小件 $52，微熱，蒜香味唔算太濃，但前菜嚟講ok ，凍牛奶咖啡可惜偏甜，冇咩咖啡味，比較似飲奶半百寶 $66（加芝士，走菠蘿）算係幾足料，青椒、磨菇、肉腸都有，好重芝士香味，走咗菠蘿更加啱我口味，食落唔會覺得太膩。份量唔算大，但以呢個價位嚟講還可以整體感覺 OK，蒜蓉包同 pizza 都算對辦，只係凍牛奶咖啡偏甜，如果食物份量再多啲會比較好，如果下次再嚟，可能會試其他飲品…Read More

平時唔多經大埔墟，今次經過煒成麵包，同普通傳統麵包舖唔一樣，佢地有好多唔同款式嘅麵包，就買咗五款包試，唔係太記得價錢，大概18-28蚊一個包。芝麻芝士貝果個人覺得呢個包係五款裏面最好食，芝麻同芝士香味都幾夾，如果貝果包皮口感可以更加煙韌就更加好。杜拜朱古力開心果牛角酥因為見到好大件所以買，裏面有好多吉士醬，同埋一啲開心果碎，對我嚟講就太甜，鍾意食甜嘅人應該會鍾意咖啡麻糬麥包如果我冇記錯個名係咁樣，美食已經好香咖啡味，但係食落就唔覺有麻薯，裏面有唔少提子，不過我麻麻地提子，都ok…Read More

今日lunch試咗山牛燒牛肉飯，睇餐牌款款都好似都係牛肉為主，但份量有分中、大、特，我隨便叫咗個雙併燒牛肉飯，有牛小排同牛肩肉（大）$70蚊。一拎上手，份量真係多，上面鋪滿晒牛肉，全部都算大塊，賣相幾靚。啲肉味道幾香口，炭燒香，唔會好鹹，冇乜筋，加埋醬汁啱啱好，食落都幾容易咬。飯夠哂熱，唔會濕晒黐立立。因為叫咗大飯，男人食夠飽。呢個價錢嚟講，70蚊一個大飯，算抵，唔會食完覺得唔夠。環境正常，中午lunch要排隊。以呢個份量同價錢，覺得對得住，之後會考慮再叫外賣食。…Read More

食素嘅人都認識呢間知味駅，因為香港專做素食壽司嘅餐廳真係好少。而我已經幫襯過5次以上，每次食都會提前whatsapp落單，外賣自取，大概15分鐘左右又有得拎，如果係節日或初一就記得提早啲訂，因為有時多人訂。我通常都係叫A8 壽司拼盤 16件，然後可以選擇你嘅4款要嘅口味。壽司拼盤會有個精緻嘅四方盒裝，方便俾人打卡，我自己就鍾意食素三文魚芝士卷，食落就真係幾似三文魚，應該係用一啲蒟蒻整成，另外芝士牛油果吉列卷、素軟殼蟹卷我都推薦嘅。佢地另外仲有一啲小食、素飯我就未試過，其實素食都可以好有層次，無論係齋友定係平日想清清地食一餐，都推薦一試。…Read More