Nicole Pang Fat's Profile

今晚同朋友去咗呢間 90‘s Lazy Cafe食飯吹水。一行三人，可能撞正閒日冇咁多人，有張大檯坐，舒舒服服，四四正正，有足夠嘅空間上菜店員都非常友善，上菜速度都好快，食物品質相當高水準，牛扒特別juicy ，配埋個醬汁更加好食店內燈光同擺設都好正，有居家感得黎又唔會太暗（有時燈光太暗會食飯食到好眼瞓） 實在係一個好好嘅談心地方（傾咗好耐都冇人趕我哋走～正）順帶一提，餐牌上嘅graphic清晰簡潔易明，呢個位好加分。同埋都係社交平台得知呢間餐廳，未去之前已經充分感受到呢間餐廳 個份文藝氣息，即使冇約朋友黎，都會想自己黎嗌杯咖啡靜靜地坐下hea下…Read More

唔洗講太多，你哋自己由門口收銀已經睇得出。試下比錢反應遲少少，個收銀就開始黎料。呼呼喝喝，趕頭趕命咁，但又唔見有咩客係催緊佢哋（客人唔多），係急咩呢？ 同佢講嘢唔夠大聲就話我企起度唔出聲，明明係佢自己冇留心聽。 如果你係抖M嘅話可以照試下幫襯， 但如果你係同我一樣，平日生活壓力已經好大嘅人，我建議你哋唔好比錢買難受。我仲見到有啲叔叔去落單，可能只係想再確定一次有冇落錯到，但已經又比人鬧，話佢成日黎食，唔洗再問咁多。我再重申，間餐廳唔full,冇人等位，佢哋人手唔係少，真係唔知急咩。…Read More