Karen_Thi2012's Profile

本身見到呢間款式比其他三文治店多，價錢又比較相宜，評價都唔錯，於是滿心歡喜去試。點知真係一肚氣。廚房明明已經企咗三個人，落咗單後，竟然係一個喺出邊搬緊嘢阿叔，手都冇洗就開始整我嘅三文治🥵🥵🥵🥵🥵🥵🥵呢位叔叔仲要好有型咁一路食住煙，一路整。見到佢直接用手拎起已經整定嘅面包，再用手拎起1件雞蛋，同埋加埋其他配料，已經真心咩都唔想食。基本嘅衛生意識都冇，仲要開放式廚房俾人見晒，咁樣嘅良友，我真係唔配值得擁有。…Read More

無數次見到社交媒體網站介紹，有「全港最好食」光環，作為Tiramisu 超級愛好者，已經想試好耐。但耐何地方唔就，又規條多多（e.g Tiramisu 唔可以外賣，5:30就last order)，極難試到。星期六臨時有時間，就專登去試。環境：主要係兩張大枱，另有少量吧枱位置，感覺好似係Food Court 食野，無一種Cafe 可以寧靜同享受嘅氛圍。好彩我都搵到一個corner嘅位置，總算可以唔使同陌生人面對面咁樣食嘢。食物及飲品：炒蛋牛角包加煙三文魚Matcha Latte牛角包分咗兩邊，要讚嘅地方係就咁食牛角包係酥脆，微暖；至於另外一半有炒蛋喺面嘅牛角包可能因為有蛋嘅緣故就偏淋身。炒蛋係偏硬身嘅炒蛋，上面有鹽同胡椒，可惜調味料唔均勻，會食到一口鹹一口無味，感覺似M記既炒蛋。至於加左$20既煙三文魚有4片，偏細塊同薄身，值唔值得就見仁見智。至於Matcha Latte，感覺我自己沖比佢更好😂😂抹茶味唔出，同牛奶既平衡完全做唔到，唯一嘅優點係冇加糖，切合我嘅口味。Tiramisu 入口感覺好輕身，手指餅有咖啡味，酒味唔明顯，亦感覺唔到Mascarpone Cheese既味道，係養生既味道，個人認為甜品唔應該係咁，唔可以話佢唔好食，但「全港最佳」就真係有待商榷。總結：之前幾次去咗但係冇食到，今次試咗叫做唔使再心掛掛。但整體嚟講，無值得我再去既地方。…Read More

原本想飲Dirty，但想落order 時係Cashier 見到有一杯叫「Dirty Mocha」，好似幾特別咁，於是就叫黎試下，點知……Dirty Mocha $52一見到賣相，已經有少少失望，Dirty 一般唔會用吸管，可以先直接飲到熱既espresso, 然後再飲到冰凍既牛奶，而呢杯明顯無呢個效果，仲要有冰，完全係一杯Mocha, 仲要甜到爆。早知唔好貪得意，叫番Dirty 就算，只係$38…Read More