Candy97050's Profile

經過呢間酒店嘅餐廳COZi Deli 都好多人排隊。試過午餐真係唔錯，指定時段仲有優惠。午餐有6款選擇，配餐湯、飲品：🥩烤美國安格斯牛肉眼伴燒新薯配蘑菇燒汁：肉眼扒燒得得很香，7成熟肉質軟腍，有少許黑椒加蘑菇汁味道剛剛好。🍔手工安格斯牛肉漢堡 - 芝士、烤波特大菇及香辣脆薯角:漢堡有大蘑菇、芝士、番茄，生菜，酸瓜。牛肉漢堡很厚，肉汁豐富，配上鬆軟麵包很好味，再食埋薯角已經很滿足。之後再飲杯Dirty咖啡☕️，咖啡同奶味都濃郁，飲落順滑👍…Read More

每次經過「肉肉大米」都排晒隊，今日趁早唔洗排隊就去試下。店內裝修好有日本感覺，坐係吧枱睇住用日本🇯🇵和牛製作的漢堡更有風味。每份漢堡排套餐跟1個生雞蛋🥚，配菜西蘭花、白飯及味噌湯可以無限添加。我點咗3件漢堡排（2件原味+1件芝士）店員續件漢堡排上，會預先煎至半熟送到面前的鐵板上，可以根據自己的喜好調整熟度。我喜歡漢堡煎到外層香口，裡面仲係充滿肉汁，牛肉味都好濃郁😋。和牛芝士漢堡，就係漢堡上再加1片車打芝士，店員仲會即時刨上芝士🧀，雙重芝士味道更香濃，鐘意食芝士就啱晒。半溶芝士流係鐵板，用西蘭花沾來食都唔錯。唔好錯過仲有生雞蛋配白飯🍚，蛋香加埋飯香真係好好味。用來配漢堡好餸飯，我都忍唔住要加飯😆。而味噌湯都好足料，有魚蛋同菇，口感豐富。枱面設有多款調味料🧂，可以自由配搭口味。我覺得就咁食漢堡已經好味，沾少少胡椒鹽/洋蔥醬就可以。特別讚職員會不停添西蘭花🥦，就算食咗很多肉都感覺好健康😂 …Read More

觀塘工廈真係好多嘢食，我好鐘意飲湯，見到呢間有燉湯套餐🥣 ，仲有我鐘意嘅陳村粉就試下。中午燉湯套餐有多款菜式配燉湯，今日係雞腳瘦肉燉湯，味道濃郁不油膩，感覺足料而且好養生。🧄蒜油蒸卜卜蜆陳村粉配燉湯：卜卜蜆很鮮味，配搭陳村粉吸收晒蒜油同蜆嘅味道，仲食到好香荷葉味，我同朋友都好鐘意。🐔蟲草花花膠雞湯米線：花膠雞湯很甜，米線軟硬適中，配上嫩滑雞件，味道很好，係養顏之選。🦀生拆蟹粉撈麵配燉湯：蟹粉很多，味道很鮮唔會太咸，撈麵掛滿蟹粉很好味。🍄‍🟫涼拌木耳:木耳爽口，配上醋汁很開胃。食物整體都很好，原來係由23年粵菜行政總廚👨‍🍳主理，菜式分別得到旅發局美食之銀獎及金獎。價錢相宜，食物仲係每日新鮮製作，唔洗自己煮都有養生午餐，呢樣已經值得支持。 …Read More

🍴潮悅，今天再來幫襯 😍😍😍每次必嗌招牌菜包括- 懷舊蝦多士：蝦味香濃，嫩滑又鮮香，每食一啖都有美顏感覺。- 沙茶牛肉芥蘭：爽甜的芥蘭淋上惹味濃郁的沙茶醬，濃稠程度控制得恰到好處，牛肉片份量唔少，也很美味，大家都搶住黎食。- 長腳蟹腸粉：長腳蟹唔止夠大隻肉都好多，仲有金黃蟹膏！炒完之後膏香滲入腸粉，每一啖都係濃郁海洋味，邪惡但心甘情願卡路里超標！-鹵水掌翼：食潮州菜必食鹵水，這次點的是掌翼。鹵水滲入掌翼，香濃入味，咸香惹味！- 腿茸扒津白：好creamy嘅口感包住尚有脆度嘅津白，質感順滑軟腍。…Read More

呢間菜式簡單得來唔錯🌟泡椒魚皮海蜇泡椒魚皮海蜇酥脆可口，酸酸辣辣。魚皮海蜇經過精心調味，泡椒嘅獨特風味同魚皮海蜇嘅鮮香完美融合。作爲下酒小菜，還是開胃前菜，都令人食欲大增。🌟掛爐片皮鴨平日食片皮鴨好怕隻鴨好肥，因為太肥會好漏，食唔到好多卷。但呢個唔會好膩，而且鴨皮烤得好甘香🤤🌟星洲炒米粉星洲炒米粉夠火候，食起來好香，有很多配料！一碗簡單嘅炒米粉，風味獨特，讓人回味無窮。🌟七味豆腐粒呢個幾惹味，有d似避風塘口味，仲有大量炸蒜。…Read More

觀塘工廈食嘢真係抵，想食日式菜$3x 就有。餐牌有好多選擇，除左日本烏冬，仲可以選擇丼飯，米線🍜等。$100 就有3個麵/飯，買返屋企做午餐同晚餐，好過自己煮飯，而且味道都很好😆🍜日式叉燒鰹魚玄米昆布手打烏冬：特製鰹魚玄米昆布湯底好鮮味，烏冬彈牙，有3大片叉燒同其他配菜。整體味道很好，特別係湯底好味到要飲晒。🐟新丁金湯酸菜魚米線：金黃色酸辣湯底很惹味，辣度適中。加上嫩滑無骨魚片，連唔喜歡食魚片嘅我都鐘意。🍗滿洲烤雞腿滑蛋野菜飯：雞腿很大隻，食落有咖哩同香料味道，味道唔算濃。炒滑蛋很滑，配埋蔬菜感覺健康。…Read More

之前經過元朗冰室見到門面好特別，有好多燈泡💡，仲寫住厚豬扒專門店，今日同朋友去試下。厚豬扒🐷有好多款式，配飯、意粉，小食都得。豬扒好大塊，軟腍兼味道都唔錯，天氣咁熱配沙律啱晒。朋友點咗辛辣麵餐🍜，有大大隻雞脾同蒜蓉厚多士，雞脾外脆內嫩很香口。午餐仲有肥牛丼，日式拉麵/烏冬，焗芝士肉醬飯/意粉🍝，牛扒等，每款份量都唔少。冰室唔少得多士麵包，我最鐘意一口西多士，淋上朱古力醬同煉奶，好邪惡🤤。仲有奶油脆豬，估唔到又係好大件，包皮香脆，搽上牛油煉奶好味。餐飲即磨咖啡同奶茶，同樣香濃，飲完醒神晒☕️#厚豬扒 #元朗冰室 #厚切豬扒專門店 #香港茶餐廳 #奶油脆豬 #一口西多士 …Read More

香港夜景🌃出名靚，之前係尖沙咀海旁睇過好多次。原來上船睇夜景同食自助餐別有一番風味。見到洋紫荊維港遊⛴️做緊7折優惠，成人只係$378/位，可以睇「幻彩詠香江」同食自助晚餐，同朋友或小孩去都可以。碼頭係北角港鐵站步行幾分鐘就到好方便，入口會見到貓船長歡迎你。一上船先食自助餐，有海鮮🦐，牛扒，亞參叻沙，熟食，餐湯，多款甜品同飲品。我鐘意翡翠螺同蝦都好鮮甜，另外牛扒🥩，鐵板燒青口同甜品都唔錯。食到8pm 就可以上甲板，近距離欣賞維港夜景同幻彩詠香江表演。吹下海風打下卡📸，心情即時放鬆晒。現場仲有Live Band表演，飲飽食醉可以出去舞池跳舞💃，好開心啊。#洋紫荊維港遊 #自助餐 #維港 #維多利亞港 #香港夜景 #貓船長 #北角碼頭 #海上自助晚餐 #自助餐 #自助晚餐 #自助餐優惠 #遊船河 #HarbourCruise #VictoriaHarbour #hkfoodie #hktravel #hkinfluencer…Read More

想食泰國菜🇹🇭今次又去返之前介紹過嘅Foodhall by Moonthai。喜歡佢環境寬敞舒適，食物選擇多又好味😋🍜和牛冬陰功金邊粉：有多塊半生熟和牛，食落軟腍。冬陰功湯底味道濃郁，酸多過辣，味道啱晒唔食得辣嘅我。金邊粉口感彈滑，吸收湯汁好味道。🍝乾炒雞肉河粉：有雞肉同蔬菜，炒得夠香唔錯。🥓烤香茅豬頸肉：烤得很香，食落軟腍，直接食已夠味，點埋醬汁更惹味，值得一試。🦑烤原隻魷魚：魷魚彈牙鮮味，食落很腍🥬蒜蓉炒芥蘭：蒜香味道很好，不過芥蘭較脆口，我想腍啲會更好。🫓香蕉朱古力煎餅：煎餅香脆，加埋香蕉同朱古力醬，甜甜地很好味。…Read More

經過裕民坊見到INN - I’m Not Nothing 裝修好靚，有點歐陸式的感覺，打卡唔錯，就決定同朋友係到食午餐。午餐選擇咗全日早餐🍳，有蕃茄，炒蛋，香腸，烟肉，雜菇，多士，牛油果同沙律菜。我喜歡炒蛋很滑，多士有蒜香味，沙律菜新鮮，整體味道幾好。仲點咗燒美國豬肉眼扒🥩，分量都唔細。食落有口感，香口唔會太靱，味道唔錯。另外加錢配湯/沙律同飲品，Flat White ☕️有拉花，咖啡味濃郁。朋友杯凍朱古力有忌廉係面，睇落都好靚。之後見到有4款梳乎厘，就試下開心果梳乎厘班戟🥞。食落鬆軟，面層有淡淡開心果醬，配埋焦糖，杏仁，開心果碎，口感豐富又好味😋…Read More

大個咗想起讀書時的日子真係好開心，今次去到以課室做主題的餐廳。裡面有書枱，儲物櫃等佈置，好有那些年的感覺。我仲搵到記事簿📒留言係入面，有緣嘅朋友就睇到😆食物點咗bagel全日早餐🥯，有鬆軟忌廉芝士bagel、煙三文魚、牛油果、乳酪同沙律，感覺清新又健康。仲有唔少得我最愛嘅咖啡，伯爵拿鐵咖啡☕️好香濃，茶香味同咖啡好夾。小食天婦羅海苔魷魚鬚🦑炸得很香脆，魷魚鬚軟腍好好味。抹茶紅豆芭菲🍨有雲呢拿同抹茶雪糕，我喜歡很香茶味的抹茶雪糕。底層有蕨餅、紅豆同穀物粒，食完很滿足。#觀塘 #甜品 #觀塘美食 #全日早餐 #bagel #香港美食 #香港甜品 #刨冰#alldaybreakfast #foodie …Read More

上次試過新加坡🇸🇬 30年老字號品牌石磨樂豆 Jollibean 都唔錯，佢地間中會出季節/期間限定款。今次有鹹蛋黃碎蛋吐司🥚、蝶豆花茉莉豆乳凍、川貝枇杷膏豆腐花等。仲有每日石磨鮮製嘅豆乳🥛，用嚴選A級加拿大黃豆製成，豆乳味濃郁。現在天氣咁凍，有3款適合秋冬嘅熱飲，例如好立克豆乳、即磨咖啡豆乳、9 °微甜濃豆乳。午餐我喜歡健康輕食，健康又方便☺️，今次試咗：🍞爆餡芋泥吐司: 吐司香脆，裡面有豐富芋泥配上肉鬆，鹹鹹甜甜都幾特別。🥣川貝枇杷膏豆腐花: 豆腐花很滑溜，食落唔太甜，有川貝枇杷膏涼涼地的味道，秋冬食啱晒。☕️即磨咖啡豆乳: 咖啡味濃厚，同豆乳很夾，提神好飲。🍵抹茶紅豆小丸子豆乳:抹茶豆乳味道濃郁，有紅豆同軟糯小丸子，飽肚好飲。…Read More

就到新年又係開party時間，最方便就係叫到會，唔洗整就有大餐食😆。今次選擇 P&E Food，有多款食物選擇，可依人數點餐。我點咗6-8人餐，唔夠再加每盤只需$93，用保溫袋送來，仲包埋餐具好細心。食物由頭盤、主菜、甜品都照顧到，好豐富啊😋🦐鮮蝦、細帶子香濃龍蝦汁螺絲粉🐷水蜜桃、菠蘿、鮮茄焗西班牙豬鞍扒飯🍝沖繩帆立貝濃香燒汁野菌炒烏冬 🍄‍🟫濃郁牛肝菌燴長通粉配西班牙火腿🥔德國豬牛雞洋腸拼盤🐮雜菜濃湯七小時慢煮牛肋條🥒黑松露炒露荀、鮮百合、翠玉瓜🫑大排檔風味炒花甲🥗西班牙火腿凱薩沙律🥧荔枝蟹肉撻配飛魚籽🍫比利時朱古力布朗尼🫐藍莓一口芝士蛋糕我喜歡螺絲粉同豬鞍扒飯，味道適中，醬汁好味，而洋腸拼盤大人小孩都啱食👍。健康啲就選黑松露炒露荀、鮮百合、翠玉瓜同凱薩沙律。最後唔少得甜品，唔會太甜我鐘意😋…Read More

同小朋友慶祝生日，今次揀左得意又好玩嘅星球蛋糕🌍。呢款蛋糕由米芝蓮餅師設計，加上專利手繪花紋，仲可以自選口味同公仔，心意滿分。星球蛋糕外型吸引，扑開會有公仔，小朋友有得玩又有得食好開心😁。裡面係木糠蛋糕，味道都很好。蛋糕可以官網落單、全港送貨，或旺角/觀塘自取好方便。#扑扑蛋糕 #卜卜蛋糕 #卡通蛋糕 #星球蛋糕 #公仔蛋糕 #星空蛋糕 #卡通蛋糕 #驚喜專門店 #驚喜甜品專門店 #生日蛋糕 #旺角蛋糕店 #觀塘蛋糕店…Read More

打風日剛好約咗朋友去星海飲茶🫖，可以慢慢嘆茶食點心。之前都有來過食飯，環境寬敞，仲有舞台同户外佈置，適合冬至、宴會、晚飯聚會等。下午茶時間，點心同粉麵飯都有優惠，大眾點評都有優惠套餐。我們點咗多款食物，落單後好快送到。🦐春風得意腸：腸粉包住油炸鬼，蝦、粟米、蟹籽等，口感豐富又有特色。 🍠蜂巢芋角：外層酥脆，芋頭蓉很香，裡面有少量肉陷，味道唔錯。🐓藥膳鳳爪：藥膳湯很香藥材味，鳳爪軟腍，感覺滋補。🦀蟹粉小籠包：有很多湯汁，蟹粉很鮮味，味道很好。🫔鮮蝦腐皮卷：香脆腐皮包住鮮蝦，我的最愛。🐮薑蔥牛柏葉：爽口牛柏葉有淡淡薑蔥味，芡汁唔會太濃。🥚金絲脆蛋散：蛋散鬆化，配清香桂花糖很好味。🥧懷舊蛋撻仔：蛋撻唔太甜，撻皮鬆脆。🍚鹹魚雞粒炒飯：炒飯粒粒分明，有雞粒，菜粒，鹹魚味較淡，食落唔會太鹹太油。#晚飯 #婚宴 #酒樓 #酒樓擺酒 #中菜 #香港粵菜 #香港聚會 #APM #觀塘美食 #觀塘酒樓…Read More