tingting_lovelife's Profile

溏苑大概係我大學時期去得最多的甜品店，以前成班莊員住HALL，都會走黎呢度食糖水!仲記得第一次黎見佢牆上有個留言板，支莊一人一張留言貼到佢滿晒!估唔到咁都畢左業兩年，好似畢左業之後就無咩黎過!今日同以前其中兩個莊員食飯，突然間話不如去溏苑食下野，就走左黎啦!以前成日都差唔多收鋪先黎，估唔到飯後時間咁多人! 好在都係等左3個字左右就有位，黎到溏苑梗係要食一食心太軟!心太軟好似比以前好食左，一如以往都係賣相咁靚!成個心太軟都好朱古力既顏色，外層又好靚好滑!無論係外層定個心都有好濃郁既朱古力味，而且佢個心係比較漿，唔會一切開流晒就咩都無第一次食果時唔係咁識欣賞架，不過一個識整野食既莊員話，如果要流心其實好多cream!個莊員話呢間野應該真係放左好多朱古力響入面先會有呢個效果!睇佢個MENU話呢個係完熟心太軟既特色，其實整野食我就唔係好食，不過真係好好味!再叫左個OREO木糠布甸，我一向都好鍾意食木糠布甸，鍾意佢呢度咁有創意整咁多味道既木糠布甸!呢度個布甸口感好好，唔會好軟，又唔係好似雪糕咁硬，恰到好處!而且佢唔會一食就散晒，因為出面好多一係就係硬得滯，一係就係林到一食就散!食落口好重OREO味!因為佢唔係用一般果D餅乾做個餅，而係用左OREO!佢個賣相仲好靚，好似一朵花咁!久別種逄，估唔到溏苑質素有加無減，下次應該叫番成班莊員黎莊聚!!題外話，唔睇佢地MENU唔知，原來佢地就係我之前去左食既甜牙牙既始祖…有D野就真係咁”橋”!…Read More

早排番工睇免費報紙都見到有報導呢間甜牙牙，今晚又去開尖沙咀就心郁郁去試下啦！間鋪都好當眼，就響The One隔離，所以要搵都無咩難道！其實我同個朋友都好飽，不過女仔鍾意食甜野，又想搵個地方傾下計！呢度無minimum charge，所以我地兩個人淨係叫個士多啤梨pancake share(佢寫住係新品!)個pancake黎到我地兩個都嚇左一跳，個pancake比想像中厚,但係賣相真係幾靚！本來見相驚驚地D cream會太厚，不過出到黎中間夾住薄薄一層cream，恰到好處！平時食pancake都會有syrup，我地兩個都奇怪呢個無syrup on side趁熱食一啖，好。好。味！同埋佢本身巳經帶有少少甜味，難怪無比syrup！pancake厚度好平均，唔會一度厚一度薄，食落去啖啖都係好鬆軟！雖然睇落好大份，但食落都唔會好漏，所以最後我地兩個都可以順利完成呢個好味pancake！食物當然重要，但環境同樣重要！報紙淨係報導佢D甜品，估唔到店面都咁靚！ 似台灣特色CAFÉ多過一間甜品店，入面成間都用木為主，感覺好舒服！有一刻真係覺得去左台灣/外國！(唯一美中不足係望到香檳大廈D人出出入入！)除左pancake，見佢menu都有幾多唔同種類既products，想下次再黎試下！其實如果一班女仔黎都幾唔錯，可以坐下傾下計，但又可以食甜品！有時要搵D甜品好味但又可以坐得耐既地方，可能真係得酒店coffee shop！呢度野食抵食又好味，同埋可以坐得耐！如果唔想次次都去酒店coffee shop咁貴，甜牙牙都係一個好選擇！…Read More