小丁鳴人's Profile

新年唔想係d 傳統舖頭訂糕點，見到王孖記第一年出蘿蔔糕，心思思要試下唷！上年訂過黃金糕，好特別又好味，所以今年再encore! 我好少食奶皇野，但呢款食落唔太甜，又黏韌，好好食，令人有食完一舊想再食第二舊嘅衝動！重點係要厚切再煎半香就最正。今次主要想試下新出嘅蘿蔔糕，佢用我唔會食既蠔豉蝦米去整，一心諗住訂比阿媽食無所謂啦，點知完全冇我討厭嘅蠔豉臭味，反而覺得好香，蝦米我唔鐘意個口感同果陣味，但食落又冇問題喎，香口，完全唔洗再加味，好食！…Read More

跟閨蜜們約會在長沙灣，捨棄大街我國的人氣飯店，走入隱蔽的冷巷，由繁華大街走進偏靜小巷，短短20步的路程，感覺就像從繁囂鬧市走進寧靜郊區，心想，在這地方會有餐廳食肆嗎？雖然一早知食泰國菜，但只抱著跟閨蜜聚會，食物也是其次！但這其次令我再次有執筆介紹的衝動！店內環境比店外環境整潔企理，聽說是剛開業不久，所以地板門邊很乾淨，因為我坐門邊，所以有留意到，也不介意把背包靠門邊放！泰國菜在香港已不再新鮮，很多地方也有，但這間食店給我的整體感覺很舒服，食物味道沒有太大的刺激，可能這天沒嘗辣吧！所有味道也恰到好處，很溫和，雖然沒有一吃便大叫好味的那種，但價錢相宜，中價位的食物款式很多，我們4個人也不用$500，店員殷勤的招待，感覺很親切，老闆娘也很貼心的為我們送上甜品，下次到長沙灣，又多個聚落點唷。泰式金柚子鮮蝦沙律 $58 個人最喜歡這道，很清甜開胃。泰式燒豬頸肉 $68 爽口，但不夠香脆。馬拉盞炒通菜 $58 通菜很新鮮，雖少了馬拉盞那份獨有的鹹香味，但我喜歡。泰式肥牛喇沙湯河 $45 湯很正，但肥牛過熟了一點泰式雞絲喇沙湯河 $42 雞遠勝肥牛泰式青咖喱雞 $88 椰味濃郁雞很滑泰式薄餅 $22 不過不失咸檸七 $26 珍多冰 $22老闆娘送的甜點！…Read More

十點後入座，人頭費8折，免加一、免醬油、免前菜，折實每位$208，明碼實價，地點係旺角，海鮮火鍋雞煲做主打，真係冇得輸！我地6位分咗兩個爐，兩個雞煲有辣有唔辣，唔辣果煲雞味好食d , 因辣既只食到辣味！火鍋湯選咗花甲湯，每鍋入面有隻蟹仔好有睇頭！先上海鮮盤，個份量真係嚇一跳，但嫌火鍋食唔到鮮味，可能改做蒸會好d! 記得睇火喉，過熟就浪費咗架喇！食完海鮮盤都飽咗1/2，再order免費有魚有蝦已經好正，可惜蝦埋晒！不得不讚係手打烏冬，好彈好好食，相反丸類就唔太好味，所以大家點海鮮類都足夠！飲品任飲，我覺得冬瓜茶下火同好味，最後小甜品係燉奶，唔太甜好好味，宵夜連甜品都食埋真係大滿足，員工服務態度好好，有機會會再幫襯！…Read More

第一次幫家姐手攪小朋友生日會，周圍物色到會，好少到會好食又夠份量，由於地點關係，就選到附近餐廳問價，我冇訂過到會其實唔係好知價，人哋教你有20人就要訂少幾人，所以我先預15人，因為怕食唔晒浪費喎。最後我一共嚟咗20位大人7位8歲以下小朋友。呢間嘢食幾好食，本來以為到會食物是是旦旦無乜所謂，連賓客都同我講話訂得好味，真係要上嚟讚一讚！唯一美中不足係唔似出面到會咁註明幾重一盤，所以格唔到價同預唔準份量。仲有就係冇跟餐具，我要臨時買囉...... 好在隔離就係超市。…Read More

之前食過好好食，今次再度Encore，用嚟做生日會甜品，訂左15個芒果糯米糍、10個榴槤糯米糍，買10送一，店主送左芒果糯米糍槤糯米糍各一。全場朋友都話好食，仲話有次係中環要排好耐隊都係為買芒果糯米糍，問我係咪過中環買 ?我呢 D 新界人，點會咁神心過海，哈哈，出荃灣線交收都已經係極限。仲要上午出去買完即刻趕返會場，我邊得咁多時間。真係好在比我搵到呢間舖頭，生日會棄訂乜乜布甸果D改用糯米糍，個個都讚不絶口，最重要係價錢相宜同份量超值。…Read More

當你食過長洲馳名嘅芒果糯米糍，一定會對她念念不忘。近期朋友圈中瘋傅一巨大芒果糯米糍，成隻手掌咁大，終於比我買到嚟試。$10 一個，無錯，唔可以用粒嚟形容，要用個嚟形容先夠貼切，真係誇張到嘩嘩聲…..唔好以為得個樣，糯米糍皮好薄好Q口，芒果勁甜，以呢個價錢真係物有所值，有機會再出開去必定會再幫襯。…Read More

好開心男友一早為我安排既生日晚餐，呢到地點雖然有D 偏，但對有開車既人黎講應該問題不大！初初一到步，仲諗緊男友做乜帶我黎D 鬼地方，人影都冇隻，過黃金海岸咪仲浪漫..入到去有近窗位置坐，坐位好舒服，但可惜冇燭光，近窗既枱可能比較光，所以唯獨呢D位冇燭光！不過見氣氛都OK浪漫，靜靜地好舒服，Waiter 都好識做，唔會打擾我地！我選左個較經濟既二人餐，唔想男友洗咁多錢，$7xx ，以呢到氣氛同食物黎講，物超所值。我地唔記得影餐牌，所以 D 菜叫乜名唔係好記得！唔記得影蒜容包同跟餐甜品同飲品~ :)…Read More

很難得各位姊妹們可以甩開身邊果件一切出黎食返餐！大家早半個月前已經商議去邊？我就提議黎呢度，因為月頭生日同屋企人黎過一次覺得超正，本身都諗住有機會就再黎，你知啦，介紹得唔好班姊妹一定唱，女人本色，是也！我地一行9人BOOK 左19:30，可能星期三既關係，唔算太多人，一去到就有枱，我地仲飲飲食食傾到成10點幾都冇趕我地走，我地都唔好意思！個個都食到飽飽，個個都話我介紹正，下次聚會要 ENCORE:)。環境很寬敞，大家仲話下次可以帶埋 BB 黎，因為上次我7個大人坐8人枱，剩返一個位放BB車都仲有鬆動，唔怕迫親 BB！侍應服務尚可，收碟都快，但要一讚既係經理(冬菇)，好鬼熱情既招待，見佢滿場走，問下D 食物如何，同每枱人吹吹水，感覺好親切！Very Nice !!! :)講返食物，二百幾一個人任食，姊妹們覺得呢間店很有良心，因為食材唔會因為咁既價錢而降 Grade，魚生好正！牛肉食得出唔係平價貨，海鮮超大同鮮味！因為勁食魚生, 牛, 同海鮮已經飽左9成，剩返果1 成最後都被 Tenpura , 支豆, 蟹粥, 雪糕攻陷了，冇位再試其他野，下次唔好食得咁過份，試下其他野先，哈哈。…Read More