Hungry__Jack's Profile

旺角依頭好似無咩台式餐廳，咁岩行過一條小路見到依間古早味，見佢評價很不錯，就同有人一齊入去試餐廳都幾多人，見佢有午市套餐，就每人叫一份先，然後再叫幾份小食首先上既係餐飲我地補差價叫左台式飲品，友人叫既水果茶就補左17蚊，而我既奶蓋茶就補左7蚊，我覺得都抵既，因為佢都好大杯同埋好飲特別推介奶蓋系列我叫左干撈麵餐麵質極彈牙QQ採用台式粗扁麵，好食上面既牛應該係牛軟骨，煮得好柔軟，汁濃惹味友人想食得健康啲，叫左蕃茄牛肉麵牛肉係似牛𦟌，但煮得好腍好入味湯底清甜同樣採用台式粗麵彈牙每款午餐都配有既小吃依味椒鹽豆腐係必食新鮮炸好熱辣辣豆腐香滑，外脆內軟，堅好食依味紅糖薑母雞翼味道不俗最後依味又係必食推介，炸紅槽肉味道似是脆炸叉燒咁，但肉質爽口，油脂同肉既比例好，外圍脆，好食整體來說，餐廳服務好，坐得舒適，食物性價比高，相信係旺角依頭都難搵到更好既台式餐廳啦…Read More

今時今日叫得做冰室既，其實都係一啲新派茶餐廳有日行經依頭搵朋友，諗住搵間餐廳坐係度短聚一下，就試下依間龍門冰室，聽講佢有幾間分店架除左有經典鐵板扒餐，還有奄列餐，可以揀飯或麵，配埋唔同既肉類作配搭最特別係有玉子燒食真係無咩茶記會出依款食物當然碟頭飯同撈麵係實有供應啦另一個特點係餐廳提供既小食係好有西餐廳/cafe 特色飲品選擇算唔少依味咸牛肉芝士玉子燒配炸蝦，我揀左配撈一丁好豐富玉子燒很不錯，入面既咸牛肉同芝士都足料，份量夠多又厚身，不錯友人就叫左奄列配豬扒飯，質素可以，驚喜就唔多。茶餐廳有得叫凱薩沙拉一於叫個試下，除左啲麵包粒腍左少少之外，其餘既都做得唔錯，兩個人share就不錯依味椒鹽雞翼做得幾好，佢採用既椒鹽粒做得比一般既大粒，味道十足，新鮮烤好係好食既餐廳提供既味品主要得兩種，就係提拉米蘇周埋藍莓奶凍甜品味道算不錯，有一定水準整體來說，依間茶記比起一般茶記黎講有更多食物款式選擇，有一部分更係西餐廳提供既食物黎，算係一種茶餐廳新體驗黎既…Read More

韓式燒烤同部隊鍋大行其道，競爭同時都激烈，可以維持高人氣既足以顯示其實力依間新麻蒲人氣都幾高，所以搵左日早放工同友人黎試下店內以卡位枱為主，地方大坐得舒服，因為時間尚早所以都無咩人睇睇餐牌，好多食物款式選擇餐廳提供多款套餐，主要係二至四人食用，亦有各種唔同牛肉同豬肉部位配搭，真係難揀最後我地揀左豬肉套餐1368蚊另收加一餐廳仲提供好多其他韓式料理食品下次先試店員好快同我地set 好枱，送上韓式前菜小食，有沙律、泡菜等，仲有生菜、洋蔥等配料用黎一陣夾烤肉套餐既重點黎啦三層架高既烤物，豬護心肉（好似係豬心附近既肉）、五花肉、豬排骨、豬肉香腸、年糕、蘑菇及大蝦俾個近鏡黎睇下啲肉都幾新鮮幾靚開始燒啦爐圍住黃色既係蛋黎架啲肉幾鮮嫩入味，味道很不錯繼續燒成個餐份量真係好夠兩個人食個餐第二個重點就係部隊鍋個鍋唔算好大，材料都齊但份量唔算多，係俾人享受燒烤既同時食多份鍋豐富下整體黎講，餐廳坐得舒服，乾淨整潔，員工服務不錯，而食物質素都好，既享受韓燒又有得食部隊鍋，以我地食最平既豬肉套餐加埋一先至約四百蚊兩個人，性價比算唔錯啦…Read More

餐廳壁畫充滿香港風情，I love HK蘑菇忌廉湯，好香濃，有啖啖菇絲！ 水牛城雞亦，外皮跪，醬汁香，帶小小辣，超惹味！推介港人最愛凍檸茶XD，普通貨式西冷扒，七成熟，牛味濃，肉質較粗身及有咬口，薯角脆，算唔錯Signature甜品賣相好吸睛綠茶雞蛋仔，好鬼fancy 入面爆谷，棉花糖，綠茶雪糕，士多啤梨，好豐富！雞蛋仔好新鮮，卜卜脆，入面軟綿綿香舊朱古力pancake經典甜品朱古力雪糕超濃💜pancake 有四件，最岩同朋友分享！士多啤梨加藍莓，好fresh好健康！整體來講，餐廳食物款式多，質素比想像中好，未試過既都值得一試既…Read More

係香港食川菜既地方唔多，我就好少食，但覺得要煮得好食並唔係一味講個辣字既聽朋友講依間私房菜既餸菜做得真係好好，所以就跟佢黎試，真係令人一試就愛上川菜一上到門口，已經有種私房菜既神秘感一打開門入去，見到空間唔細喎川菜令人聯想起辣，但香港地食得辣既人唔多，依度值得一讚既係佢有分辣同唔辣既菜式，冷盤定係熱盤，梗有一款岩你食由於我地兩個人，就叫二人餐，包兩款涼菜加三款熱菜餐廳有賣啤酒，價錢合理，啤酒送川菜依類濃味食物係一絕點好菜就先送黎一壺茶依碟撈麵係涼食，必點菜式雖然只係簡單放上蔥花同辣椒油黎撈，但都已經十分惹味，加上佢麵質十分彈牙，好食講真係幾辣下，不過我鐘意建議可以按自己可承受辣既程度黎撈啲醬既份量依味紅油豬耳亦係辣味愛好者必點亦係涼食，豬耳爽口之後開始上熱食啦我地叫左兩味唔辣加一味辣既，依碟糖醋里脊其實係豬肉，唔辣既，有少少似生炒骨果隻汁，帶酸甜，新鮮炒好熱辣辣咬落爽脆，好食之後上左味辣既熱菜就係泡椒嫩牛肉牛肉唔肥，個汁好香口，用上辣椒同埋蔥炒爆香佢，辣得黎惹味好食另一味唔辣既熱菜揀左黃燜雞，同想像有啲唔同原先以為係原隻雞砌件咁上，但原來係雞粒不過肉質依然鮮嫩雖然依味菜唔係辣既，但即叫即炒，亦係好香口最後介紹既依碟炒菜，其實係跟餐送既好似餐牌上無寫，不過唔理食左先講碟菜味道都幾濃，所以特別好食，唔知係咪用左豬油或其他油黎炒對於平時唔鍾意食菜既人黎講，依碟菜應該都可以食得晒整體黎講，因為係私房菜既關係，門面都神秘啲，不過服務態度幾好。食物方面，碟碟都即叫即炒，十分熱辣辣，而且碟碟都幾大碟味道亦真係很不錯價錢唔算平，但質素係好…Read More

大角咀依頭對大部分人黎講算幾偏僻，如果唔係黎探朋友既話其實我都唔會點黎。聽朋友講依間金船長餐廳係區內餐廳黎講算頗有名，所以就跟佢黎試一試入到去發現其實餐廳地方唔算大，我地閒日黎，而且時間尚早，所以起初都無咩人，後來食食下就愈來愈多人，差唔多滿座店只推介我地食佢地既得獎菜式，就係依款外型獨得既pizza 一上枱啲黑松露味同埋芝士味都已經攻到埋黎，鐘意食黑松露既人必定鐘意從外觀睇其實我覺得叫佢做夾餅會岩啲一咬落係外脆內軟，表皮真係鬆化可口另一種食法，係配埋碟上既沙律菜同埋餐廳自家製既提子果醋一齊食味道十分獨特提子醋既酸甜味同埋黑松露同芝士既穌味交疊埋一齊，好有化學作用如果有朋友唔太受得穌味，更加建議加果醋，佢會中和部分穌味，帶出另一番風味另一值得推介既菜式，我認為係依一碟黑松露牛肝菌雲吞意式雲吞有約六塊，口感很好，唔會煮得太腍入面夾住少少餡料配埋個好creamy 既汁入口，味道濃郁，好食此外，依味鵝肝多士配蘋果沙律都做得幾唔錯鵝肝質感鮮嫩柔滑，味道濃郁配埋蘋果粒同埋沙律，酸甜味道可抵銷油脂過重既感覺，不錯我地仲叫左碟炸軟殼蟹南瓜意大利飯軟殼蟹炸得鬆脆可口個意大利飯好creamy ，富有南瓜嘅味道，同個軟殼蟹一齊食，味道同口感都變得有層次牛油果製既軟品我都係第一次見，所以叫左一杯，依食杯特飲味道係的確富有牛油果味，質感較傑，會比較飽感一啲，我覺得值得一試甜品方面，叫左依款蛋糕，佢以豆腐製作並帶出竹炭味道，幾特別，亦唔洗擔心過於飽流，都值得一試…Read More

泰國菜或者東南亞菜我平時都較少食，唔係唔鐘意食，不過香港煮得好食既餐廳真係唔算多，有日同朋友行經灣仔，話聽講到依間新泰好評都幾多，一試就覺得係真係幾好時間尚早無咩人，而入面坐得都好舒服，地方乾淨，值得一讚餐牌有好多頁，所以都唔影俾大家睇啦，只可以話各式各樣既東南亞美食都齊晒咁濟飲品方面，我地叫左龍眼冰（右面）同埋紅豆冰（左面），味道係唔錯泰國菜必食既當然係肉碎生菜包佢整得真係幾好肉碎粒粒分明，偏乾身，唔會濕住塊生菜，帶有少少辣，令整體上香口啲，係好味亦叫左半隻泰式去骨海南雞，啖啖肉十分爽而隻雞本身都算靚經典菜式仲包括泰式菠蘿炒飯炒得好好，每粒飯都金黃色，熱辣辣而飯粒爽口，好味臨尾想叫番啲甜品食，見佢甜品種類好多，就叫左依個泰式甜品大拼盤，樣樣都有又好食中間放左經典既芒果糯米飯，係好食建議三個人食比較好整體來說，對間餐廳都幾滿意，上菜速度快、環境舒服乾淨又寧靜，最緊要係食物好食，食東南亞菜黎講價錢當然可以再平啲，但我覺得係度享有以上服務都算值番既…Read More

有日黎到奧海城，餐廳選擇唔算多，朋友話見依間餐廳好似係雜誌見過，趁早未算多人就話一齊試下間餐廳食物就如其名所講「為蒜而瘋狂」，不論前菜、主食、甜品，差不多每款食物都以蒜入饌初到貴境，就揀左兩樣前菜、兩樣主菜以及一樣甜品，差不多全部都係餐廳推介菜式黎架依味忌廉汁煮鮮活藍青口真係必試忌廉汁幼滑味濃青口配法包一齊食一流青口合共大約有十幾至唔夠廿隻，算多，每隻都真係鮮甜可口又肥美，真係好食另一味前菜叫左依個蒜蓉包塔係餐廳既推介菜式，樣子幾得特別店員會主動幫你將塔頂既蒜蓉推入包中心，然後砌開砌好之後就食得啦個包外脆內軟，蒜蓉粒粒分明，咁樣食蒜蓉包法都係第一次主食方面，叫左依味蒜香扒石斑配煎帶子雖然唔係餐廳推介菜式，味道都十分唔錯塊石斑夠爽口鮮嫩，唔會過份比蒜味蓋過配菜用上沙律，除左沙律汁味道有驚喜外，亦可抵銷蒜味，不錯之後上既依味熱板烤MFG招牌肉眼扒配蒜頭山真係必點菜式一上枱噴晒煙，香氣四溢座蒜頭山亦好有霸氣我地點既係七成熟，算燒得岩岩好食落牛味濃厚，肉質鮮美，唔會覺得咬唔開，唔洗點醬都覺好食，而配埋啲蒜粒一齊食亦好有化學作用佢塊牛扒有三款選擇，我地點最平果隻都已經係好好食了最後當然要食甜品依款DIY Tiramisu 係依度既人氣甜品，樣子同一般Tiramisu 好唔同，佢係將Tiramisu既材料分開，由客人自己搞黎食盤上放左忌廉芝士，入口極之軟滑並散發陣陣忌廉同芝士味，就咁食都好好食佢本身附送三塊法式脆餅好鬆脆，點忌廉芝士同盤上果杯咖啡同rum 酒後一齊食，真係好似食緊Tiramisu 蛋糕咁…Read More

識食同大食既就緊係食放題啦有一日早左放工，就同朋友食早時段既放題，佢就帶左我黎依間，食物多款式算多元化我就介紹幾款俾大家睇下刺身外觀不錯，厚切、大件！卷物細細件，的的骰骰～我特別鐘意果件鰻魚芝士卷雖然係放題任食，但都不忘小小裝飾依一味蒜片燒牛仔粒真係推介，牛味豐富惹味牛舌同串燒雞亦最岩送啤酒，而餐廳有提供韓國罐裝啤酒同自由斟日式啤酒任君選擇點少得炸物，炸吉列炸蠔、炸紫薯波波，炸蠔鬆化，紫波香脆。我的最愛燒菠蘿！好甜鍋物有肥牛鍋，內有四塊牛，份量十足！冷盤自助區有青口同生蝦甜品專區Haagen Das雪糕需要劃紙點，並且每人得一客，有四款口味揀！自助飲品區所有自助區都整齊企理，秩序良好整體來說，依餐放題還可以。…Read More

巿面上日式雪糕店林立，通常都係散叫，set既不多。iCreamiA就出多款 ice cream tea set ，全部都十分吸引！以上既set包左抺茶雪糕，滿滿一杯，足稱，配紅豆，栗子及白玉丸子，仲有芝士抺茶蛋糕添！抺茶同紅豆係拍當就係人都知，白玉丸子彈牙，栗子偏甜但不失霸氣！令人意外既係，芝士同抺茶都好有火花，芝士唔蘇，反之，相當香滑，抺茶則解芝士既”漏”，果然不錯！最後壓軸係餐飲，轉左特飲，蜜瓜汁，正材實料，飲得出鮮味外，就係無添加，好濃郁，無人工色素同添味劑，值得一讚…Read More

打邊爐相信好多人都鍾意架啦幾年前開始興雞煲，貪佢食完隻雞之後又可以打邊爐。但世界上，原來除左可以先雞後火鍋之外，原來係可以先魚後火鍋架喎起初上網搵到依間餐廳個名好特別，其他人食完覺得幾好，就搵埋朋友一行兩個人黎試下，真係很不錯餐廳位於商廈入面，一入到環境就係咁，因為我今日放工早左啲，所以無咩人。整體而言，都算好乾淨企理再睇餐牌，主要推介依三個餐，係預兩位或以上享用既包括有川式前菜小吃、海鮮、肉類、蔬菜，同埋主食烤魚啦亦可以加配飲品飲品方面，我地點左一渣紅桑莓蜜茶飲落唔會太甜，味道有啲似尼賓納，不過莓味更濃，不錯之後就送上烤魚啦其實所謂既烤，即係好似打邊爐咁用水滾熟咁解，當然條魚應該事前都經過一輪製作或煮過下，話晒始終係淡水魚講番條魚，我地揀左江團魚味道係青檸越式一煮滾熟後，店員都會好好地幫我地砌開條魚一件件咁，方便食用，算係幾貼心青檸湯底帶微微酸味，但無阻鮮魚味滲入湯裡面，而條魚肉質鮮嫩幼滑，真係好食唔好以為兩個人食唔晒條魚，其實份量上剛好夠兩位食有餘，配埋湯入面既配菜如金菇等，真係食材多樣化肉類方面，揀左手砌牛腰脊手砌安格斯牛牛舌黑豚腩片肉既蚊理清晰可見，整體賣相不錯海鮮方面，包括有扇貝、花蛤同埋蝦，尚算新鮮乾淨既其中扇貝真係大大隻食完條魚之後就可以有多啲空間開始打邊爐啦用煮過魚既湯黎打邊爐，令火鍋配料更入味，好有風味手砌牛腰脊真係靚，脂肪同肉既比例幾好，唔會太蘇味又有香濃既牛味，唔點醬油都可以啊另一推薦既係黑豚腩片唔算好肥，配埋個青檸湯底食更加唔覺得油膩好食整體而言，都好滿意餐廳既服務同食物質素雖然唔算得上係好別緻既菜式，但烤魚配火鍋風味十足，好值得一試…Read More

深水埗一直俾人既感覺都係賣平嘢既地方，食肆方面都係較為平民化既，但聽聞依度有間食到和牛既餐廳，我好奇心起，就一於搵埋朋友一齊試一試係真唔係一入到去即睇餐牌我係衝住和牛而黎，眼球當然係望同和牛有關既餐啦從上面第一張餐牌可見，B, C&D餐係塊和牛可以併三文魚扒、龍蝦或者黑毛豬鞍架，但塊和牛得100g，係滿足唔到鐘意食和牛既我所以，我就叫A餐，係250g既和牛肉眼扒個餐跟餐湯同包既個湯係南瓜湯，都幾「傑」身，味道唔算好濃，但都已經夠味餐包係牛角包，而且仲係即叫即焗好熱辣辣既好味主菜黎啦一上枱已經牛氣四溢個賣相都好靚，塊扒亦睇得出係靚扒先睇下配菜，採用火龍果做沙律配菜都真係第一次見但都清甜既，好健康既感覺值得一提係薯條係非一般既薯條佢係用甜薯仔黎炸架點埋茄汁又甜又酸又咸，好食講番塊扒，真係一流堅係和牛我叫既係七成熟，佢真係燒得岩岩好肉質鮮嫩多汁，入口之後牛脂味充滿成個口我覺得唔洗點汁就咁食塊牛扒先對得住咁靚既扒最後唔少得既係叫番件蛋糕做甜品啦跟餐既話就跟25蚊，我叫左New York Cheesecake ，味道不俗，質地唔會太硬亦唔會太軟，幾好食講番餐廳環境，其實空間唔大，但好有小店既情懷同三五好友黎食飯吹下水都不錯既最後想講既係，真係估唔到深水埗會搵到和牛食…Read More

依間叫宏既食店，係尖咀The One開左一間果時已經幾出名，依日黎黃埔依頭搵朋友，見係度開左第二分店，而且仲較少人，就決定食佢做晚飯首先睇餐牌，真係好多選擇，而餐廳主要以海藻烏冬同埋綠茶蛋糕出名，加上佢地既飯係採用新潟米煮，點樣先一次過食晒三樣嘢？好在餐廳提供多種套餐選擇，我就揀左佢依排新出既純日本白燒鰻魚定食白燒鰻魚已經好有綽頭，而個餐仲包晒海藻烏冬同新潟米飯，仲有埋佢出名既卷蛋啊真係一次過滿足晒多個願望先黎餐飲，就係斯里蘭卡錫蘭紅茶茶味好濃，飲到咁上下店員仲會幫你加熱水，但茶味飲左兩三杯仍然幾濃好快就上主菜啦個賣相陣容已經靚一上枱，店員就介紹下啲醬料，盤既最上方由左至右分別係芥末豉油、海鹽同埋䄂子豉油，魚旁邊深色既就係鰻魚用醬汁，計計埋埋有成三四種風味食法架白鰻魚無想像中咁大條，不過細細塊得黎口感鮮味十足，好有魚味，肉質亦無一般鰻魚咁粗，係不錯本身條魚其實唔會太濃味，鍾意食濃味啲既可點點醬油食味道更佳個定食仲包埋海藻烏冬，口感彈牙幼滑，就咁食已經味道不錯餐牌上介紹依款烏冬講到好健康咁添架，仲攞埋獎咁至於依碗飯就係新潟米飯，係幾有飯香同埋口感軟綿綿架最後就係餐廳皇牌之一，綠茶卷依個跟餐既係小卷，佢單點係有大卷供應既。講番味道，真係好好佢既忌廉幼滑得黎有香濃抹茶味，值得一試架總括而言，成個定食由餐茶、主食至甜品，每一步都感受到餐廳既誠意雖然價錢唔平，但用料都足，加上店員服務幾好，係不錯既餐廳黎…Read More

香港近年多左食店命名為「築地」，但事實上有幾多真係做到咁「築地」地好食呢（特別係當日本築地其實都已經多左相對較遜色既食店既時候）所以，我一於好少理個名，最緊要係啲嘢好食依間食店提供既食物種類好多，有齊日式拉麵、鍋飯、魚生、壽司、炸物、燒物、火鍋同甜品，餐牌大概係咁：要我一個人試晒咁多款食物真係難架，所以揀食邊幾款時都諗左好耐最後我揀左以下三款我覺得值得一試又有綽頭既食物首先，作為我既前菜，叫左三文魚腩刺身合共四塊，每塊堅係肥美一食落去滿口油脂，真係好食至於主菜，我就叫左直火炊松露和牛釜飯鍋個名都夠晒複雜，而且仲要計時廿幾分鐘先可以開蓋食得，真係試得吊人地隱終於夠鐘！一開蓋，真係香氣四溢充滿黑松露同牛肉既味道即刻攪拌一下再食，飯既軟硬度剛剛好，每啖都咁香口，而且間中有啲啲飯焦，真係好食另外，入面既牛粒都唔少，牛味同啲飯香配合得好好，真係有特式，值得一試最後叫番樣甜品，一眼已經俾依款南瓜雪糕吸引住合樣已經夠晒特式，一食落去更加覺得好味，佢係普通雪糕質地，食得出有少少奶味，係口中臨尾再溢出南瓜味道，推介…Read More

近年興手工火鍋，老實說，我唔太個定義係咩，不過以我觀察，就係半任叫式火鍋，而無得任叫、以人頭上既果部分係以手工制作既火鍋配料，質素比外間任食火鍋平均為高。講番正題，依間One More好似新開張無耐，有朋友帶我去食先識去但發現佢論食材材、食物款式、質素以至服務都真係唔錯佢提供兩款火鍋set，我地就揀左以下依款：依款set係包埋海鮮拼盤架食豪啲上面依張係飲品紙，任叫既。佢既火鍋湯底選擇係好多，而且有別一般湯底，佢既湯底湯料好豐富，有啲仲似有啲藥用價值添結果我地揀左花膠螺頭雞湯，係好清甜上面依兩樣係餐前小食，都幾開胃重點之一黎啦，係安格斯肥牛片依碟係每兩位先送一碟架，係同西班牙黑豚肉對揀既，鐘意食肥牛既梗係揀牛啦佢真係比一般既牛片有彈性同咬口得多架，而且牛味濃得黎唔會太穌，好食依碟就係手工火鍋既重點，上面每一樣咁精緻既配料都係手工製作，賣相都幾靚，其中最令我深刻印象既係手工牛肉流心芝士丸同埋手工豬肉釀鮮冬菇依啲精緻既配料放入鍋熟左之後，都唔會爛左散左，不錯可惜只係上一碟啦火鍋常見既炸響鈴同埋炸魚皮佢都做得好出色主因係店舖自家新鮮炸起既，真係脆到不得了跟住就係重點啦，就係海鮮拼盤每隻都好新鮮乾淨，而且都唔算細隻包括有扇貝、鮑魚、青口、大蝦、蠔同埋象拔蚌可惜只係一盤其他火鍋配料係任叫任食既，一般火鍋成日叫到成枱都係碟，搞到無位放，依度就好好，放定架車仔係桌旁邊，同你將食物放得好好地，睇起黎都好整齊驚喜既係任叫任食既配料質素都好唔錯架咁多樣任點任食配料入面，我最推介黑豚肉同埋羊肉最大既驚喜係，依度既甜品竟然係心太軟而且質素仲很不錯，係有香濃既流心朱古力，而且size 岩岩好，食完火鍋都仲食得落整體來講，店舖格調都幾舒服，好似Cafe 咁架，而店員服務亦好好，食物上枱速度快，質素亦好，值得一試…Read More