AmeliaWu6197's Profile

見咁多人排隊，就即管搵日襯唔多人嘅時候試下呢間餐廳。當日唔駛排隊就可以入座，帶位嘅職員非常有禮貌歡迎客人，我地兩個人被安排左係一個三至四人嘅大卡位。我叫左豚肉飯，豚肉調味好夾又唔會咸、豚肉好嫩又多汁、日本米好好咬口又索哂豚肉嘅醬汁，好滿意呢個飯我地仲叫左個天婦羅烏冬，炸蝦好大隻但炸粉唔會太多，蝦蝦好鮮肉質夠實，其他炸物都好熱又脆口，烏冬夠滑。個茶碗蒸嘅蛋又滑又香，個湯都好多料，絕對唔係得個咸字，有驚喜。個甜品係黑糖寒天，中和番炸物嘅咸味，為今餐劃上完美的句號。值得一讚嘅係餐廳環境，乾淨又衛生，坐得好舒服。成個裝修都充滿日式風情。另外樓面的侍應都招呼周到，細心留意到客人嘅需要，主動加茶，上菜好快。整體對呢間餐廳都好滿意，亦都有一個好愉快嘅用餐體驗。…Read More

期待以久的大閘蟹餐，滿心歡喜一放工就直奔到餐廳與朋友聚會。當晚我們預訂了黃金盛蟹的四位餐職員很快就上了順嫂魚𡙡，味道一般。接著就到我們最期待嘅大閘蟹出場。不算是太多蟹膏，但是蟹不太有鮮味。同埋上菜上得太快，食都食唔切、第二隻蟹上到都凍哂蟹粉小籠包都無咩蟹粉我哋另外加左一道蟹粉蒜茸蝦多士。原圖是非常吸引的金黃色蟹粉及脆多士。可惜上菜才發現絕對不符合商品說明條例，成碗蟹粉個汁係難食版嘅雞茸粟米湯，仲有蟹同蝦都勁腥，個多士直情係肉酸又淋個牛柳粒同醉雞咸到好似每啖成左成克鹽咁樣，醉雞似鹽焗雞，無醉雞汁味，無食過咁難食嘅醉雞，唔掂本身諗住茄汁大花蝦應該最正常，點知隻蝦一夾個頭就甩出泥，蝦肉好霉似死蝦個千層菜苗仲得人驚，千層炸到苦哂，條條菜都好似千年老菜，好難食:(肉燥手打烏冬值情係伏中之伏，一上菜個樣已經唔開胃，成碗烏冬勁咸，真心搞唔掂最後個薑汁湯圓算係成晚最正常嘅食物，可能係無期望無失望。成個餐每人$500多，完全唔知食左咩落肚。仲浪費左平時努力運動嘅quota。最離譜係酒樓個廁所，未入門口已經勁大陣煙味。呢間野無論食物同環境都差劣，一定唔會再幫襯。…Read More

平日來一場輕鬆午餐，排左十五分鐘左右就可以入座。被安排了坐係望窗的bar枱位，淨係望住個境個人都夠哂chill 我同友人叫左兩個餐，分別係台北燉牛肉意粉同埋炸魚薯條。仲叫左兩杯餐飲cappuccino 同黑糖鮮奶。 個燉牛肉意粉味道好特別，入口有少少麻辣的感覺。而佢嘅辣度係連我唔多食得辣嘅人都食到。一路食完全停唔到口，每塊牛肉都好簿好嫩。好味指數10/10個炸魚薯條晚炸魚比較油，不過有香草係表面，入口好香，薯條好脆又夠熱兩杯飲品嘅拉花都好有心思，未飲個心都感到暖暖的幸福感。整體的用餐體驗都好滿意，一定會再幫襯…Read More

同老公仔去九龍城食晚餐，餐廳既裝修好dreamy,係女孩子都鍾意既粉彩色系^o^首先飲左朱古力，味道好特別，係香蕉朱古力同薄荷朱古力，朱古力味好香，又唔會太甜同蓋過薄荷同香蕉味。加埋個拉花，真係未飲都甜哂^ - ^跟住就係主菜三文魚意粉同菠菜雞肉意粉，好creamy,好好味，份量剛剛好，抵讚(*^__^*)最後就係個甜品，pancake既蛋味好香，好soft好鬆軟，加埋個cream，好似食緊綿花糖咁sweet(o^^o)最值得讚既就係侍應既服務態度十分好客有禮貌，會主動留意客人既需要。我地去個陣仲未到晚餐時間，但服務員都先送上餐飲同埋俾我地order左先。對於我地肚餓一族泥講係一個貼心既舉動(^.^)整體泥講，呢間餐廳值得推介！以晚市泥講包餐飲、主食同甜品，套餐價都係$108一個人，係超值！！！ 同老公講左下次一定要再幫襯，因為太好味啦！…Read More

之前食過觀塘分店，覺得幾好食。見到尖沙咀開分店，所以今次入去試下。環境好細，燈光較暗，俾人好眼訓既感覺。😴好快睇完個餐牌，點左份醉雞冷麵，諗住熱熱地，可以食下涼野。麵同雞係分開上，雞件係夠多，大大舊，仲要無骨。但係酒味過濃，太苦，🤮完全蓋過雞既鮮味。冷麵味道好淡，唔好食。🤢🤢🤢仲有杯杯珍珠奶茶，奶茶味道正常，但珍珠變左一條條既啫厘，名不符實。而且支飲管太粗，飲到最後完全食唔到啫厘😢 整體來說，依個價錢同食物質素，完全唔值，無下次👋…Read More