KAREN KNG's Profile

本身諗著天氣凍凍地，就食返個熱嘅湯咖哩暖下身。一開始book枱book 7點，去到全場得我地一枱客2個人，就嗌咗2個湯咖哩飯加一個$100串燒連啤酒set試下。杯啤酒好快就上咗，不過比想像中細杯，咁無所謂啦，都叫咗啦。大概等多10分鐘左右，2個湯咖哩飯都上埋，咁諗住串燒佢個Menu話要等15至20分鐘，咁咪食著飯慢慢等囉。咁到咗7:30，我男朋友就問樓面2個待應個串燒有未，佢哋話整緊，咁我哋冇理就繼續等啦，最多食完飯先食串燒嘅啫。然之後7:40我飯都食完喇，見俾我哋遲嚟嘅人都食完串燒走啦，但我哋嘅串燒一直都未有，我就再問吓嗰兩個侍應究竟個串燒有未？嗰兩個侍應同廚房溝通之後，就話漏咗單，我哋就表示如果漏咗單我哋就唔要啦，你計返啤酒錢，我哋退返串燒嘅錢就得。（PS.佢哋要俾咗錢先叫做正式落單，先會有嘢食）然之後佢哋再同廚房交涉就話3分鐘就可以上到個串燒俾我哋，但我哋喺同其中一個侍應交涉期間，另一個侍應突然間擺底咗3串蔬菜串燒俾我哋，我哋即刻同佢講話唔要。然之後另一個侍應藉口話佢哋又要解凍又話要真空又話要即刻燒，所以要等成個鐘，但係成件事根本唔合理，請問串燒係個客點三串你就解凍三串嘅咩？就算係當你即叫即解凍即燒都好，點解其他遲過我地嗌嘅客人個串燒order係出到，淨係我哋嗰六串串燒出唔到話要臨時解凍？同埋原本話要15至20分鐘先可以出到嘅串燒，點解3分鐘就可以整到俾我哋，其實我就好質疑佢哋嘅製作過程，所以我哋堅決要求退錢。認真講個湯咖喱其實就幾好食嘅，但係3分鐘出到六串串燒我就唔夠膽食啦。仲要嗰六吋串燒出到嚟，個樣就好似風乾咗一百日嘅肉粒咁樣，海報吹到又話日本雞又岩手縣，我真係望見都腳軟。…Read More

最近Happy Friday 同咗男朋友食咗哩間法國🇫🇷菜。其實之前都係將軍澳食過，覺得整體體驗都幾好，今次見佢開到嚟沙田就梗係要試試佢啦🥳同男朋友叫咗個2人餐，另外再加咗4隻生蠔。生蠔可能季節問題，就比較有夏天嘅身形，但都幾新鮮。餐湯正常發揮，配上自家製酸種面包都平衡咗個餐湯嘅豐盈感。蕃茄羅勒煮蜆 好少見有呢個配搭，羅勒🌿非常清新，加上酸酸地嘅蕃茄，真係一個好好嘅開胃菜。軟殼蟹意大利飯 喺香港一直搵唔到一間啱口味嘅意大利粉，呢間法國菜真係做到最正宗意大利飯個種口感，配上芝士碎粒真係不得了，非常有層次。牛扒配薯條 成日出街食3成最後都容易變做七成或者well done ，但佢嘅牛扒真係做到3成效果，配上黑松露汁，將成個味道再升華。Jeng…Read More

講起蛋撻，唔知大家鍾意食牛油皮定酥皮😎我自己其實就鍾意食牛油皮多啲嘅，但係金園茶餐廳蛋撻，簡直打破咗我對酥皮嘅印象，我可以話佢係神級嘅酥皮蛋撻。認真講茶餐廳就冇咩裝修㗎啦，但佢哋啲冷氣好夠凍，飲熱嘢都冇問題，每次坐低一陣，就會見到佢瘋狂推出一爐爐嘅酥皮蛋撻，嗰種牛油味，簡直係邪惡嘅極致，減肥路上最大嘅障礙。所以我決定喺度跌倒，食返個蛋撻配奶茶😂😂食得中式酥皮，都知道佢中間嗰啲係無數嘅豬油堆砌而成，但係佢個酥皮真係好香好鬆化㗎，配埋熱辣辣又香滑又嫩口嘅蛋漿，勁想瘋狂叫足半打😱😱😱溫馨提示，一定要食蛋撻！！！完😎…Read More

黃埔最近開咗間烏蠅館，成日見到但都冇去試，點知同朋友講起想試吓，一拍即合就一齊去試。烏蠅館嘅餐飲有啲似川菜版嘅車仔麵，有好多唔同嘅餸菜揀，我就揀咗豬肉片 蓮藕片 鴨血 和豬腸，面底就揀咗粉絲。可能係因為粉絲嘅關係都吸曬啲湯，所以食囉每一口都充滿着湯底嘅味道👅溫馨提示如果唔鍾意芫荽嘅朋友，記得叫佢走芫荽啊，因為配料都超級多😂另外都揀咗個黑糖桂花冰粉，食落黑糖味都好足夠，不過個碗就略嫌細碗。請問現時新開張期內，都會送嘢飲，大家快啲去試啦💕…Read More

阿媽成日都話要飲多啲湯水，皮膚先會靚，但係自從自己搬咗出嚟住，先發現原來煲一煲湯係好麻煩。偶爾發現咗大圍有呢間燉湯小店，就梗係要試吓啦！佢哋每日都有唔同嘅燉湯選擇，有時候仲有啲時令選擇，食素嘅朋友仲可以揀素湯添～講一件天時暑熱，冇咩胃口就同男朋友一人一個湯搞掂就算啦～我就嗌咗原個椰皇燉雞湯，60幾蚊一個椰皇燉雞，真係飲得出椰汁嘅鮮甜，而啲雞燉到啲骨頭都軟晒，真係幾好飲～如果肚餓嘅朋友，仲可以嗌佢哋嘅蒸飯，仲可以減$10添，可以話係無添加之選😎😎…Read More

當諗唔到食咩既時候，就會成日諗起食潮州粉麵❤️哩間粉面店可算係紅磡街坊必定識嘅鋪仔，叫得鋪仔梗係細細間，搞掂快啲食完嘅粉麵式快餐啦😂嚟到食粉麵，我自己必定揀雲吞牛腩麵！雲吞都算大粒，皮好薄，每粒都有2-3隻蝦仔，味道同口感都對得起個價錢～至於牛腩就係坑腩為主，肥中帶瘦有口感，牛腩嘅牛油香揀直為個麵嘅湯底升華到不得了。麵底就無我最怕嘅簡水味，配埋佢地自家製嘅辣椒油，一絕！如果嚟開紅磡想快食粉麵嘅，絕對推薦哩間😎…Read More

臨近假期嘅最後一日，梗係要食餐豐盛嘅先至對得起自己😎唔知點解天氣一熱就好想食泰國菜，酸酸辣辣超級開胃，由於九龍城實在太多選擇，所以就揀咗間歷史比較悠久嘅餐廳金寶泰國菜館。一入門口，就見到蔡瀾先生嘅提字同書法，就知道我今晚揀得冇錯。泰國嘢我自己嚟講就一定要食生蝦，佢嘅生蝦同出邊有啲唔同，已經直接淋上酸蒜同辣椒，所以根本唔使糾結要點幾多辣汁😂生蝦質地爽口，份量正常，價錢就少少偏貴。酸辣大蜆粉絲煲，我以為係好多辣椒粉，好似冬陰功嗰種，點知上到嚟個湯頭比我想像中清新，但又好清爽嘅酸同新鮮嘅香料味，粉絲浸得耐都冇話特別淋，仲係好爽口。飲完呢個湯真係超級開胃，可以準備食好多好多嘢😂😂😂辣椒膏炒青口同串燒發揮正常，但係配上蒜蓉包，味道層次即刻幾何級上升，幾時都話泰國嘢一定要配蒜蓉包或者薄餅😂😂最後不得不提嘅就係芒果糯米飯，明明都食到幾飽，但一定要食個芒果油糯米飯先可以叫畫上一個完美嘅句號，芒果質地偏爽但味道鮮甜，配上順滑香濃嘅椰汁，同埋煙靭嘅糯米飯，果然印證左女仔係有第二個胃嚟食甜品哩句話。…Read More

西貢真係熱到人都少好多，平日假期總會有好多人等呢間，但天氣太熱叫我喺出邊等多陣都發脾氣，今次難得過到嚟係咪新嘅coffee shop多咗，難得唔使等位，加上service嘅姨姨超級熱情，所以就同男朋友try try 🌞天氣咁熱梗係要飲啲輕鬆啲嘅嘢啦，所以就叫咗杯Orange Black 。橙汁嘅酸酸甜甜配上咖啡嘅香濃，簡直超級消暑。另外仲試咗佢哋店舖自家製嘅Tiramisu ，出邊食呢個甜品，最怕就係食得出魚膠粉味，但佢哋就一定冇囉，所以食得出芝士嘅香滑，咖啡味道濃郁，但酒味就略嫌不足，對於唔鍾意酒味濃郁嘅朋友就啱晒啦。總之佢哋啲服務咁好，同埋喺咖啡店當道嘅香港，遇到一間仲係用心做咖啡嘅小店，真係好難得。…Read More

同男朋友難得入一次西貢，嚟之前就發現咗哩間新開無耐嘅小店。哩間鋪仔最出名都係杏仁茶 杏仁露，所以一定要試吓啦😎認真 佢就鋪仔細細位唔多，2個人嚟拍下拖食碗甜品都蘇是Vet!老闆係一腳踢做曬樓面 廚房同清潔，所以食嘅朋友仔都要有啲耐性，因為甜品都係即叫即整，超新鮮！講返個杏仁露先，中式甜品西式表現.有埋朵食用花花擺面，其實都幾靚。杏仁露本身味道唔算超濃，但有杏仁本身嘅清香，配埋蛋白就滑一滑🥳男朋友個芝麻露就比想像中薄身，但食得出足料嘅芝麻香，仲話食完個腎都健康啲喎🤔總結，入得嚟西貢就try try佢啦，下次嚟我都會再食😋利申本人對杏仁茶唔抗拒嘅😎…Read More

星期日荔枝角好多茶記都無開，咁岩見到潮食地有開就食佢啦🤤係食物選擇上都幾多款，由於時間關係就無曬Lunch Set啦，但佢個常餐同下午茶都幾出色。我叫咗個麻辣豬柳撈麵加茶走，原本以為佢個豬柳都係辣，但原來係個撈麵辣。個辣醬係偏麻 花椒香料味重，撈埋個麵底就剛好，少少重口味啦😂茶走就正常發揮，但不得不說就係個豬柳。口厚偏厚，但一啲都唔硬，有咬口 煎得都幾香口。比我想像中有驚喜🤤🤤🤤如果下次嚟到都可以再試埋其他👍🏻…Read More

平日好少去開深水埗，難得去一轉梗係要搵下有咩好嘢食啦🤤講下鋪面先，認真講 成間都係鋪仔，客人們都座得比較親密，枱就唔算好多，但上菜就好快，所以就算出面幾長龍都好都唔算等好耐。星期六哩啲忙碌嘅時間，我地2位都係等咗15分鐘左右就有位。嚟到一定要試下佢個蟹膏蕃茄湯檬粉，同埋蔬菜燉牛肉配法包，甜品就揀咗斑蘭綠豆糕。蟹膏蕃茄湯檬粉一上到就聞到勁大陣蟹膏味，配上原粒大蕃茄，食落個湯底非常鮮味，同食得出湯底嘅鮮甜，配上蟹膏餅一切都好夾，推薦🤩🤩🤩蔬菜燉牛肉配法包都係世一推薦，牛肉係牛肋條，燉得好淋又入味，但又唔會一夾就散。個湯底睇落好似好浠，但其實唔係，配上外脆內軟嘅法包非常夾，湯底仲食得出用好多蔬菜燉出嚟，鮮甜十足。斑蘭綠豆糕非常煙韌，綠豆餡軟滑香甜又唔流，食完兩個麵，如果仲有胃口就一定要嗌啦🤤🫶🏻…Read More

銘興對於紅磡人嚟講都算係食堂，成日都見到好多人排隊，原本鋪仔細細已經超爆，最近搬咗大鋪都一樣咁爆。今次嚟到銘興就嗌咗最出名嘅醉雞刀削麵。醉雞嘅花雕味濃，如果鍾意酒味嘅就岩曬啦～刀削麵質感偏厚，整體彈牙有口感，配搭清湯更可以享受到醉雞汁嘅味道。…Read More

香港真係超級無敵多Cafe，識得Cafe好多時候諗唔到食咩就會叫個All day Breakfast 全日早餐，但其實我識得多就會發現好多間餐廳嘅All day Breakfasts 都唔算太有特色。最近同朋友試咗呢間冚嘭唥，佢嘅全日早餐配搭比其他Cafe特別，佢哋多咗焦糖香蕉、焗芝士大菇、同埋香烤南瓜，唔係一式一樣嘅薯餅雜菇就算，所以整體感覺都好新鮮。同埋佢哋雖然個配搭比較特別，但係食埋就覺得都幾match，睇得出佢好用心。當日只有兩個員工返工，但出餐都比預期中快，食物水準亦都keep得到👍🏻👍🏻至於佢杯咖啡，簡直係夏日之選，shake過之後嘅啡泡減輕左原本咖啡一啲唔好嘅味道，反而帶出好清新嘅果味絕對值得一試。…Read More

成日都聽到朋友推薦食九頭鳥米線，話同致命米線舖好似，呢排行街見到就試試佢啦！米線舖嚟講佢都算多餸可以揀，平時識開雞肉藍玉或者係一啲墨魚卷都可以有得揀。當日我就揀咗腩肉、墨魚卷、豬膶，仲加咗個蒜泥白肉。啲餸嘅味道正正常常，不過豬潤就偏細塊同乾身，由於本人比較鍾意食厚身爽口，可能就唔係太啱我啦。反而個墨魚卷表現非常良好，食得出佢啱啱炸起嘅味道，配埋成個湯底都幾嘢味。至於個蒜泥白肉，蒜泥唔係生磨蒜，唔會話太辛辣，腩肉質地都爽口，想加個小食都可以一試。…Read More

傳說馬鞍山係一個美食沙漠，但第一城簡直係沙漠之罪最，即是平時好多好食嘅舖頭嚟到呢一區開店都好，唔知點解都係唔係咁好食。最近發現第一城開咗牛奶冰室，喺呢個美食沙漠度，簡直係多咗一個清泉，所以短短開業數月已經非常之受街坊歡迎，成日都要等好耐先有位。一個人嘅晚餐，最好就食啲comfort food，聽聞佢哋嘅咖喱雞扒飯好出名，今晚就試試佢。佢哋嘅雞扒真係好大塊，比起啲飯更加多，想健身嘅人食蛋白質就啱啦，至於咖喱並非港式咖喱，香料味同辣味都偏重，唔知係咪煮法關係？個醬都比較多油，所以口感都幾香口。整體嚟講已經比呢佢大部份嘅食肆好好多，住喺呢區嘅街坊可以試試。…Read More