ac14238's Profile

終於有機會再嚟容記食飯，今次同屋企人嚟食，水準都同以前差唔多。首先覺得容記小炒王真係好抵食，又多配料又大碟，味道又OK。食咗個煎蝦， 味道其實幾好，不過媽媽仲係話可以自己喺屋企煮😂最重要嘅係容記第一咀，每次黎都會叫呢個，惹味餘又唔使成日都係食椒鹽魷魚🦑，而且粒粒墨魚咀都咁大粒，又有咬口。仲有買少見少嘅雞蛋焗魚腸，呢啲港式野真係越來越少地方可以食到，點都要叫嚟試下，希望遲啲唔會失傳啦😂最後見隔籬枱叫咗個懷舊港式焗布甸，即刻叫咗兩個嚟試試，味道都唔錯，如果可以多啲蓮蓉就更加好。…Read More

外賣送到嚟仲係熱辣辣, 叫湯米線會自動幫你分湯, 炸物分開另上, 茶餐廳嚟講真係算幾細心啦.  食物味道算係中上, 但送到嚟都仲熱同分湯分餸真係有加分.  lunch 隨便食嚟講真係算唔錯啦…Read More

Lunch 過去試下, 等左一陣, 估唔到燒肉又幾好喎.  以份量同質素嚟講, 其實幾抵食呀.  Lunch 過嚟幾十蚊有交易, 性價比好高.  叫左牛五花 & 豬腩 300g, 細食啲未必食得晒.  肉類油香同爐火都好足夠.  好大機會會再嚟啦…Read More

每次嚟Lunch都好多人，而且而家疫情後又多番好多人出街食飯，但都覺得值得等下位，因為呢度嘅出吅一般都好出色。呢度嘅Burger 夠晒大件夾抵死，嚟過幾次都keep 到水準之上嘅出品，講真咁大個漢堡就算係男士嚟食都未必食得晒。Lunch 嚟呢度包埋薯條野飲，可以話為荃灣工廠區最出色嘅餐廳之一。仲有佢個慢煮西班牙豬扒又係超出色，軟嫩得嚟又有豬扒味，同出面鋸扒完全係兩個唔同層次，仲要都係$12x ，好似係，而呢個質素真係超抵食！期待下次再嚟！…Read More

全場爆滿，唔知同五一假期有冇關係啦。今次我地4個人20:00 去到都等左20分鐘先有位入座。Anyway，份量比之前細左少少個味道總括嚟講都ok 嘅.蠔餅係我最喜愛嘅一款菜式，外皮炸到好脆，裡面嘅蠔肉又鮮美，好開胃！滷水拼盤就每樣都算入味，份量都算ok la！石鍋啫通菜就比較有特色，石鍋上又keep 到熱，味道岩送菜，幾惹味！得意熊仔冰凍檸茶就真係夠晒凍啦，啱飲之餘仲適合打卡！潮州炒麵線都算係ok la，麵線煮得好綿軟，配料都好豐富，有啲似抄米粉嘅，好飽肚！全日最可惜嘅係鹹菜炆門鱔，鹹菜味道唔夠，門鱔份量有啲少，質地比較鞋，炆得唔夠入味。總括而言，蠔餅、滷水拼盤同埋石鍋啫通菜係無出錯嘅！至於其他，可能黃金週人多影響水準，希望有機會再去食嘅時候會改善番啦！:)…Read More

今次同 T 小姐去荃灣試下一幻拉麵！店內的裝潢和氛圍也非常舒適，員工勁有禮貌，有啲跟日本嘅招待禮儀，令人覺得放鬆和舒適！講番個拉麵，由麵條到湯頭都非常用心，湯底仲有幾種口味選擇，包括醬油、味噌和辣味，蝦湯味道十分鮮美。我地就試左辛辣同鹽味湯底，麵條彈牙有嚼勁，湯頭鮮香濃郁，一食就停唔到落嚟。總之，今次一幻拉麵改變左香港食拉面嘅死板形象，唔係淨係得魚介豬骨，其實應該可以有好多選擇！價錢嚟講，今次去食$88一位，算係中規中矩啦，以呢個質素嚟講，係抵食嘅!! 值得再嚟!!…Read More