Candylo213's Profile

發現一間係尖沙咀內街既拉麵店🍜，見大約有十個左右排緊隊，咁就行去睇下有咩食😚行到門口聞到陣陣香味，睇下餐牌原來主打蝦湯拉麵🦐 當日排左半個鐘左右，門口好貼心有幾個位比客人坐住等，個後生仔店員好有禮貌咁行出黎幾次 話唔好意思，好快有位。😊到入去嗌野食喇見款式雖然唔好，但每樣都做得好好。首先講下環境，好光猛乾淨 而且唔會好迫。而且所有店員都係面露笑容 好有禮貌，後生仔黎講真係值得讚賞食物方面喇 個蝦湯拉麵飲第一口果陣簡直想尖叫唔係誇張 好濃蝦味好鮮甜。多數龍蝦湯先做到咁creamy, 蝦湯我真係第一次飲到咁濃咁厚實😋 蝦會有少少辣味 係bb辣果種。可能因為個湯太濃 想有少少辣味開胃d每件事冇咁漏。 追加再鮑魚、溏心蛋同埋時日海鮮蚌類，先講個溏心蛋好有蛋香同埋有醃製既不錯不錯！而鮑魚size大隻既 好淋一d都唔硬個蚌好鮮甜 一d沙都冇 好爽總括黎講$120左右一碗係值 睇到係心機野。食物每款都做得好好 想食拉麵真心會諗起佢。…Read More

一入到去店員安排我地三人坐最入既一張細枱，張枱基本上坐個半人就可以，兩個女仔都手臂撞手臂。問可唔可以轉枱，職員問完話好full 冇枱轉，明明出面4人卡位大半數係坐2-3人，而且當時係唔爆。唔明點解唔可以轉🥲而且枱面有個圓盤 食具只可以放係旁邊。成餐飯感覺好迫 唔會想坐多一個鐘。😮‍💨到坐低發現櫈有幾笪油，職員比左張乾紙巾我抺，但係太油跟本抺唔乾淨。而枱面又油又污糟。我真係唔明點解d人comment話好乾淨😌到食物方面，加一後大概要$330左右一位，真心食x角仲好過佢。肉質素真十分一般，雖然食放題預左冇咁高質素，但唔係咁差囉 連飲品都係汽水機😧 真係服左佢。野食點差法？例如腩肉係有豬so味，又薄。食一口已經唔想食 因為太薄燒完好乾。牛肋骨比較肥，啖啖油而肉分布好少。牛肉碎濕濕 燒幾下已經爛哂。雞肉就冇乜野 都ok. 雞軟骨都正常 而炸雞就味道好怪 又甜甜地有少少爆谷味😅 去到個半鐘左右我已經要停手喇 跟本冇野想再encore, 而職員亦過黎通知last order, 食完感受就係唔會再幫趁，因為無論係食物質素，環境，職員服務都係一般之下🥴 咁既食物質素 其實只可以收漢x苑價錢架咋⋯⋯…Read More

朋友生日諗住揀個靚既蛋糕慶祝下啦，見到lee間d蛋糕幾靚 就買黎試下啦. 見咁多人都讚好味好精緻, 一心諗住都唔會差既。見相都幾靚 影下相都唔錯丫🤳🏼點知))))))))🫣到我拎蛋糕果一刻 精緻??? 🤔當時覺得點解好似唔同我訂果個既🙄 即刻問個職員: 點解束花咁既? 同相咁大分別既? 職員答覆由於SIZE問題, 所以束花大小都會有唔同💁🏼‍♀️聽完個心諗: 唉.......咁肉酸既😰一陣點拎出黎呀🥴 唔係束花大細問題咁簡單，係整體感覺都有出入，但都冇計 唔買都買左 唔通唔要咩😪 拿拿聲拎去餐廳啦。點知到打開果刻認真對比幅相先知道☝🏼無論束花顏色, 密度, 擺位都完全唔同. 當然擺位唔會拎把尺黎度 爭少少係接受既, 但正常都唔會太大出入丫。但實物直情見到條膠花框, d花又疏疏落落咁🍃 實物似棵椰菜花🥦相中明明偏淺金色好grand，實際係黃到近橙色😢 好膠……….而且一打開就見到底部唧花係花左既🤦🏼‍♀️ 今次真係好失望, 咁既價錢 但交D咁既質素比客會唔會離譜左呢? 😒不過, 蛋糕味道係ok 正正常常既, 特別個餅底係幾好食. 但個賣相就差過美x, 聖x娜果d囉. 所以真係唔會再有下次, 咁既價錢大把選擇囉!…Read More

今晚係大角咀食完飯，就諗住係附近搵間糖水舖食，見到幾光猛就入去試下啦😌 唔試猶自可，一試便難忘😅 一入間舖順手關門是常識吧！一位肥男店員/老闆嗌出黎：唔好關門！ok即刻開番比佢。一句唔該客氣說話都冇👎🏼 入到去門口已經知咩事，入面三部冷仔係頭頂，每個位都好凍同好大風，問店員可唔可以教細少少，肥女店員話：教唔到😓好喇講下野食，六個人嗌左六個甜品，首先講下個杏汁桃膠，杏汁杰撻撻。唔知係汁定芡？🤔 桃膠係酸既，杏汁係輕微杏仁味溝滿滿既水，大約係1比99。桃膠椰奶，當然桃膠同樣係酸既，而椰奶係冇味,水nelnel 😪蛋白湯丸芋圓，湯丸個皮係好粉 芝麻係冇味，芋圓冇煙韌口感，只覺得咬緊一堆麵粉。薑汁湯丸冇薑汁味，好淡 同樣地湯丸都係咬緊一堆粉團。心太軟好出色，成舊軟奶奶既，唔知心軟連外皮都軟。拎到黎已經塌哂落黎 都覺得唔對路👎🏼👎🏼👎🏼香蕉船普普通通，基本質素。隔離枱食完好快走左，行出去時同我地講”好凍呀‘’⋯⋯ 🥶我見另一枱男仔成份心太軟係食左一啖，兩舊雪糕冇食就埋單。lee間小店真係要永久保存入黑名單，簡直係貼錢買難受😣野食差就梗既，態度都咁差唔會再有回頭客囉！天氣咁熱入到去都震哂，個個要著外套既，可想而知係教到幾大風幾凍。成世人都未食過咁差既甜品，中又唔得西都係保持一貫水準咁難食，唔係一般難食～我地稱之為”宇宙級難食” 簡直side哂quota 🤬…Read More

上星期第一次食羲和雅苑，見到好多comment話佢地服務麻麻，當時我抱著隨時受到唔禮貌對待既心情去。當日我遲左，因為行到去泰菜以為盡頭又行番轉頭，來來回回行到出哂汗🥵 最後餐廳打黎我都超驚，點知個女仔好好人教我再直行，去到有幾個人排隊，好好彩佢仲留位比我，仲好好笑容帶我入去，果下比我既感覺好好入到去餐廳按我要求比左窗口位我地，之後好快有侍應過黎幫我地落單，都係好nice，所以好想講番 親身感受到佢地服務態度好好，冇話black面晦氣果d!之後嗌左必食既片皮鴨，唔係淨係皮，淨番多多肉問你食唔食兩食果種。佢係連肉都切埋比你，相對份量比出面食既多。同埋佢十多款配料，而且食法比較特別，好似爆炸糖同藍莓醬真係第一次咁食，幾特別！而整餐飯最有驚喜既雞湯翅，好多翅之餘個湯好濃，唔係飲完好口渴果種味精湯，係好足料 滿滿雞味。估唔到個湯係咁高水準一定要encore))))再食左推薦既一字骨，都好食。酸酸甜甜果種，又冇鎮江骨咁酸，份量都好多。再嗌左個鮑魚雞荷葉飯，味道可以。但唔係好食會再添果種，不過不失啦！而獅子頭反而麻麻，d肉散既小籠包都唔錯，唔厚皮多汁，合格既！同埋豬肉新鮮，因為好多都有豬so味，而佢係冇既。…Read More

上星期朋友生日，近近地係附近book左間餐廳。成日經過但都唔多覺眼果陣有間餐廳，去到店員示意上一層，入到去有幾張枱，座位都幾舒服，唔會枱與枱之間太近。我地五大兩小，order左一板海膽，蒜容包，牛肋骨扒，黑毛豬，鵝干，燒雞，一個辣既意粉 唔記咩名，同Carbonara。真係有驚喜，首先請佢講牛，出面脆，肉質有口感，好香牛味。而根部方面好爽食落唔會好韌，係成餐飯最好食既一道菜。另外海膽都好新鮮，係香港食海膽好多時都唔太新鮮，但佢ok既。鵝干都好食，煎得好香 食落又唔會好多肥油。黑毛豬都可以，但就未去到個牛咁正囉另外一道驚喜係carbonara, 估佢唔到咁正，上面有個生旦黃，撈一撈又滑又白，入面有好多料，菇🍄同煙肉都好多，意粉軟硬度都適中，唔好擺一陣就硬掘掘。佢個蒜容包一客有4塊，叫左兩客。正常size啦 都好香。因爲有番咁上下厚道，我本人鐘意食外脆內軟既效果，喎鐘意脆口好似食餅乾咁。lee度整得相當唔錯 反而燒雞就麻麻，因為太多醃料汁，咸左少少。但份量同烤既時候都好好，有肉汁唔乾身。成餐飯食左2K, 本人表示相當滿意 食得出佢既食材唔差，咁既價錢食到中等西餐，希望佢可以keep住做落去，所以開心share比大家，等多d人幫趁又食到好味既野啦⋯⋯…Read More

今日去旺角行完街就搵野食醫肚啦，見到有間新開既串燒放題，見佢門面幾舒適就入去試下啦！真心講放題期望期望真係唔會太大既，入到去梗係飲野先啦，同出面放題一樣出去雪櫃揀既。一般正常有既汽水佢都有，烏龍茶果d. 好喇，坐低嗌野食先，見到個menu都好貼心，比哂最佳燒烤時間你，驚喜發現完來係轉轉燒烤爐🍡🍢啱哂我地d懶人。😌而食物方面有M5和牛，牛肋腩，黑毛豬。我地兩個牛魔皇當然每樣都試下啦。等野食期間 發現店舖既濕紙巾造型係相當攪笑，例如‘你條腸好黑’haha)))) 好快一盤盤既野食到喇，當然放哂d貴野和牛落去先啦，同埋快熟麻，經店員推介試下點佢地自家出品既燒烤醬，話點肉好正。另有辣粉同孜然粉。好，先試下個主打和牛😱 確實有驚喜.....好有牛味，肥瘦分布得好平均，有肉汁。讚👍🏼 再試牛肋腩，好冧同埋唔會有陣so味，因為好多時都會有so味，到個美國豬肋柳，好爽同埋一d都唔會鞋颯颯，最重要係唔膩，另外有台灣腸，墨魚腸，雞皮，菠蘿，豬大腸等等......都好食，至少唔會一陣雪味。兩條女大戰兩小時一共食左3x幾串啦⋯⋯最後店員話有甜品架，我以為係布丁🍮果類啦，原來係攞你命既haagen dazs雪糕，有4-5款口味左右啦，平時食buffet見到haagen dazs都唔會錯過啦，所以今次都唔例外，也來一杯🍦🤭 今晚真係大滿足，兩百幾蚊食到d高質素既放題，真係完全冇投訴啦。座位係卡位確係幾舒服，唔會好迫夾。而店員態度都好nice, 最重要係食完唔會成身油煙味。所以一定再encore👏🏼👏🏼👏🏼…Read More