vickilch0211's Profile

在openrice見到這間有很多like，裝修也很好，便訂了枱食晚飯試一下。晚餐有熱辣辣的小餐包，唔係揸流灘既蕃茄湯，好有特色既前菜，好好食既主菜，和唔會太甜既甜品。兩個前菜分別係海膽小飯糰，同蟹肉波波球，裝住蟹肉既波波球係脆既。主菜叫左白鱈魚同和牛扒，白鱈魚好滑，味道剛剛好。和牛好有肉汁，脂肪量剛剛好，配埋個牛肉汁更好食。廚師有料到，食材配撘好到位。甜品都好讚，唔係平時啲普通跟餐甜品咁簡單。最多，店內的服務非常好！可以再嚟。…Read More

同事琴日食完話好食又健康，叫我都嚟試下。有時經過都冇留意原來樓上會有冷氣，唔錯。👍肉餅係老闆新鮮手打，唔會太咸或太淡啱啱好，白鱔都好新鮮，味道又係啱啱好，兩樣都冇好油既感覺，仲有兩條菜，唔怪之得同事話好健康。😂老闆好nice咁話下次可以早10分鐘打定電話落嚟order定，就可以唔使等咁耐，因為真係即叫即蒸。仲預告埋遲啲會多幾個新款。仲有個蒸排骨同蒸蝦都好想試。同埋原來呢度夜晚仲有雞煲同特訂私房菜，遲啲搵日再試下先。…Read More

好難食既pancake…因為K11會員生日優惠叫杯咖啡送pancake就去試下，等左好耐後終於上枱，點知係凍既，支叉一doc係唔彈之餘仲要塔嘅(係塔到不得了嗰隻)，入邊唔熟、食落口感好差。之前食過其他pancake都唔係咁既。然後問佢地係咪正常，個哥哥仔話係架，半熟呀嘛，但我真係覺得食唔落口，佢問我係咪想熟啲，可以幫我整熟啲。於是又等左好耐出過第二份俾我，今次好啲，熟返啲，但都仲有8/9成熟既感覺，都係凍嘅，個面燶過頭先嗰份，同埋都有啲塔塔地。我好疑惑係我太無知定點，定係因為唔使錢所以求其整，之前食過幾間完全唔係咁樣樣既…. #最衰唔記得影第一次嗰轉個半熟樣#好彩杯咖啡仲ok#完全唔明點解會有咁多人話好食…Read More

本身好肚餓，見呢間野好似幾多人咁，諗住應該穩陣，睇睇下餐牌諗住睇下openrice幾多個like，有冇咩好食既推介，點知竟然係10個like但58個unlike，好多都話呃錢，嚇死人，即刻轉食點心。叫左5碟，蝦蛟，山竹牛肉，牛肉腸粉，咖哩魷魚，排骨飯。除左蝦蛟好食之外，另外四樣都好一般，飯勁硬，咖哩魷魚同排骨飯都勁細碟，牛肉腸又硬，點滿是油都冇味。唯一可取之處就係個view幾好，望海，但其實要view既話仲有好多其他選擇。…Read More

今次已經係第三次嚟啦，本身今次想試拿破倫，但最後都係叫返吐司，因為實在太好食😋今次試左紫薯法式吐司(因為冇相喺manu度上兩次睇唔到🙄)，忍唔住要出返個post😂吐司上面既紫薯唔會太甜又有紫薯味，吐司又外脆內軟，真係好正，不過係要等耐小小......如果可以快小小就perfect 😆仲有個68度朱古力都好好飲，因為最近突然鍾意熱朱古力，去親cafe餐廳都會叫，呢間既熱朱古力都應該係我試過咁多間排頭三名既其中一間！…Read More

諗住呢間野唔係太多人等位試下食，點知食完心情勁差超差！😡首先拉麵既麵身就不是太好食，湯底勁油，係個糖心蛋好食啲，肉就好普通，完全沒好食的感覺。😪最令人心情惡劣就係呢間店既服務態度！可以用惡劣嚟形容！🤧落單時落單既人已經好差，問野又唔答，算！到埋單時話用唔到信用卡，問佢用八達通得唔得，佢話冇八達通，問佢用alipay得唔得，又話部機壞左，一定要俾cash！攪到整唔到免停車場！重點係答左三個問題後完全唔應你其他問題，黑口黑面咁！不知所謂！…Read More

落單時見到款款都好吸引咁，最後我揀左拖羅丼相係又厚又淋又多油花，點知真相係又薄又硬又冇油花，仲要切到奇奇怪怪咁，重點係塊塊都好硬勁硬！口感勁差！係塊塊口感都勁差！真係第一次食到成塊板咁硬既拖羅，完全有被騙既感覺！另一個重點係以為叫後爆丼，啲相又堆到咁豐盛咁，應該好足料啦，點知真相係爆多飯，啲飯真係堆到好高好爆呀，仲要飯粒又係好硬，然後魚生片就切到勁薄咁。朋友叫個火炎丼又係勁流。我地都覺得冇下次，勁後悔嚟左呢間食！…Read More

住左呢頭咁耐，一直都唔知有呢間cafe，下次要再嚟。佢個All day breakfast竟然有我最鍾意既牛油果，感覺即刻特別左，薯餅夠脆又唔硬。個牛油果三文魚Egg Benedict賣相都好靚，味道都好好仲，仲有好flash既哈密瓜，不過個蒜蓉包就唔夠脆。野飲方面我地叫左凍朱古力同Latte，凍朱古力好濃好朱古力，Latte就正常cafe水準啦。最正係有得坐室外，雖然只得一張枱。室內就唔算好特別，正正常常一間cafe咁。…Read More

餐廳喺一樓，上樓梯時已經覺得有啲靚，入到餐廳發現原來是一晚酒吧，但裝修比一般酒吧靚及特別，空間感好充足，可能因為樓底高，另外厠所都好乾淨，仲有幾格。餐廳最入係一個好大既表演枱，不過而家疫情關係只可以播歌。我地五點就去到，叫左任食生蠔餐，生蠔有愛爾蘭同西班牙兩款，一盤12隻，一盤一盤上，可能我地太早去到，食完一盤好快就上第二盤，最後我地食左五盤😋，好新鮮好大隻，仲有凍蝦都好好食，有膏的。食完生蠔仲有主菜，可以揀牛/豬/雞，牛是牛柳粒，不算好好食，但個豬扒好好食，仲配埋蘋果蓉。好鍾意呢間餐廳。…Read More

今日去左試幸福pancake，完全唔明點解會有咁多人去排隊，亦唔明白點解會有幸福既感覺，但就令我諗返起呢間既甜品，真係俾到幸福既感覺好我係月頭來呢間的，同朋友一樣叫左個魚既set lunch，個set有麵包，前菜，主菜同甜品首先個麵包加佢個牛油醬已經覺得好好食，跟住個前菜嚟到，淨係個賣相都好滿意，味道亦好得，煙三文魚唔會太salt，份量亦足到主菜時，魚上面放左d海鮮，其中有三隻蜆，好鮮甜好鮮甜，淨係呢個位已經有幸福既感覺，下面既魚總共有5舊，感覺不欺場，雖然口感唔太滑(應該係魚的種類問題)，但味道都好好最後上甜品，朋友揀的是紅酒焗梨，好入味，我就揀左布丁，淨係賣相已經好鍾意，食落口更加不得了，堅有幸福的感覺，未食完已經好想再嚟多次!比起好多好多西餐廳，佢係非常超值…Read More

見佢開左咁耐就排咁耐，好想試，睇下係咪真係有幸福既感覺於是就約左一個都好想試既朋友一齊去，諗住未開門就嚟到實有位啦，點知一山還有一山高，10點半開門，10點20分到，都要等到11點先入到去叫左杯Latte，開頭有d失望，因為杯咖啡冇拉花，但我飲落都ok，咖啡味唔太濃，但鍾意咖啡既朋友未必會好鍾意另外叫左原味pancake同朱古力pancake，發現兩碟pancake原來會唔同味，原味嗰碟實d，有口感d，亦有蛋香，朱古力嗰碟軟身d(我同我朋友都唔太鍾意)，冇乜蛋香味，可能我本身唔太鍾意朱古力，覺得唔要醬好d，但客觀d講佢個朱古力醬都唔會太漏既結論：其實唔係話十分特別，唔會話好想再嚟食，而亦都唔明點解其他人會話食完會有幸福既感覺，反而上個星期喺一間蒲國餐廳食既一個甜品就真係有幸福既感覺…Read More

不是第一次來了，因為除了食物飲品不錯外外，服務也很好。但這次有個新發現覺得很不錯。原來如果這間餐廳沒有位，是可以去隔離的酒吧的，只要每人各叫一杯野飲便可以叫所有這間餐廳的食物的。這次的食物只叫了豬手和腸拼盤，豬手是必叫的，不會太燶乜不會不脆，但值得一提的是他的配菜薯蓉，好食到想另外叫多兩份。腸仔也是值得一叫的，不過配菜是酸的蘿蔔絲，個人覺得太酸了。如果人多的話可以叫雜錦拼盤。Cocktail我叫了餐牌沒有的Snowball，啤酒可選支裝或渣裝的。Happy hour時段來最抵。…Read More

呢度既主題係慢煮同自制意大利粉，跟餐既份量都偏細，但水準到位。個set既沙津以各種蕃茄配紅菜頭粉，好新鮮既感覺。個海鮮湯濃淡適中。栗子意粉味道好好，但意粉偏硬，個人比較鍾意淋身的。慢煮深海魚正正常常，反而伴佢既蝦餅比出面既好食。另外散叫既海鮮意大利雲吞同蟹餅都好好食，意大利雲吞入邊既長腳蟹好有口感，d汁夠味又唔太salt，都唔漏。最後叫多左個ribs，份量相對大好多，口感方面都幾淋，又唔‘鞋’。餐廳既整體服務都好好，環境都好舒服。…Read More

呢間齋舖好特別，又有齋pizza，又有齋魚生，亦有齋小菜，同埋普通齋菜。叫左兩個平時食開既鰻魚飯同咕嚕肉，本來冇咩特別期望，但食左一啖鰻魚後好想讚佢地一下，好有鰻魚feel同鰻魚味，個樣都好似，上台既賣相亦都好好，真心讚！另一個咕嚕肉，佢真係做到一條條肉絲既效果，唔算炸得好脆，但都好好味，同樣賣相都好靚。瑟琶豆腐正常地好味。本來唔係好敢試佢個齋魚生，因為之前食過一間好唔掂，但而家有d想下次再嚟試下。…Read More

本身好鍾意食蕃茄相關既食物，所以一見到有蕃茄濃湯底都會叫，目前為止，係呢間最俾到我驚喜。大大粒蕃茄除了原有既蕃茄味外，仲有淡淡的甜味，呢種甜係好似本身屬於蕃茄既咁，但我喺其他地方搵唔到，如果佢有個餸係蕃茄粒既話，我應該會叫三份。雖然如此，但d米線有d硬，唔鍾意太淋既朋友可能會鍾意。另一個小食 - 醋香雲耳就唔ok。酸到有d over，仲有小小salt，食完碗米線後將d雲耳浸落去都幫唔到好多。不過我下次都會再去食呢個蕃茄濃湯。…Read More