yoming's Profile

有日見到有30幾種咖啡咪去試下。間野除左咖啡，其實都無咩好食，尤其係Lunch 時段，得50蚊既3餸麵餐同95蚊既All Day Breakfast.由於我唔想食腸仔同煙肉, 就叫左個3餸麵餐 (麵轉多士)，咁樣就可以砌一個50蚊既3餸All Day Breakfast。多士 + 炒蛋 + 蕃茄 + 鴨胸 + 火腿，仲有杯咖啡。 老實講，味道正常。如果你鍾意飲咖啡，其實個價錢都OK, 減左果35蚊咖啡錢, 野食只係15蚊 (一個男人係食得飽)，可一試好在間野可以坐出面，有養狗或食煙都無問題。…Read More

遲左落車，路經呢間西餐廳。俾個晚餐餐牌吸引左，鋸扒最平唔洗一舊水，58蚊晚餐亦有湯有包有飯有野飲。入到去無乜人，正，靜靜地。我點左個青口雞絲意，周打魚湯。味道都ok, 可以一試。呢度最緊要係坐得舒服又唔貴。今時今日，有時食個茶記晚餐都要5-60蚊，不如去間坐得舒服又會播輕鬆音樂既西餐廳。…Read More

同朋友嚮家樂食完飯, 意猶未盡就打算食埋糖水先閃,有人提議試下廣華街新開既甜牙牙, 一向都無乜所謂既我, 當然樂意之至, 一於奉陪到底!!我地三個人, 一人揀左一款, 有Classic心太軟, 芒果香橙窩夫同梳乎厘。先講我揀既芒果香橙窩夫,好大碟,有睇頭, 窩夫比較厚身, 食落外邊脆、內鬆軟!!個sauce一流, 係堅用生果打既醬, 誠意十足! 店員俾多杯蜜糖定糖漿我我都無用,因為我覺得已經夠甜, 之不過實情我唔多食到芒果味, D橙肉就好甜好好食啦!頭先個餐未食夠呢餐都滿足晒, 仲可以同d老死吹下水 ,真係食得我好開心! 友人既梳乎厘係薑汁味, 個梳乎厘好高好大個, 唔使問都知師父掌握個timing好好, 配左一小杯雲喱拿汁, 連一向對食物水準有要求既友人都大讚呢個梳乎厘掂。 另一位友人既心太軟亦令我地受惠, 因為佢一個人食太漏, 要我地要幫拖, 切開佢個心先知呢度既流心朱古力係流得「慢」同「杰」, 但呢度既朱古力係比街外一般香濃, 個心同外層係用左唔同%既朱古力做, 層次感分明, 跟埋個雪糕, 真係非一般享受! 以一般價錢食到呢個有水平、有心思製作, 真係唔錯! 有機會實會番桌!!…Read More

尋晚同幾個同事去食~~但我自己一個人係上環地鐵行去~~~我唔識路，我問左三個路人，個個都知係邊，簡野認真响朵。條路都唔易搵，好彩都去到~~坐埋位就即叫「腩伊」，即牛腩伊麵！！d牛腩好爽口，tamtam肉。唔好似出面d牛筋多過牛腩~~最正就梗係牛肉上面加上少少肥肉，諗起都想食多次！！味道：無得頂啦~~牛腩又入味又爽又lum 加上伊麵同清湯，絕配！服務：都預左態度係點，所以無所謂~~衛生同環境：唔多好，但都預左 XXDD價錢：27蚊就幾划算~~如果要食牛腩，九記係必定推介既~~~ 住幾遠都值得試下食！真架！…Read More

今日去左呢間茶餐廳食午餐，點知原來佐敦有分店喎！結果就去左白加士街呢間~~叫左個午餐 澳門豬扒蛋飯：賣相：個豬扒相常新鮮，仲係見到d油彈下彈下。正！！ 黃啡色得黎，個樣好醒胃~~味道：豬扒入口相當脆，個茄汁同豬扒都幾襯，令人懷念添~~服務、衛生等：呢d大家心裏有數，一般茶餐廳都唔會見得好~~價錢：30蚊，有湯有飯有野飲 (凍飲 +2)，都算係咁~~因為而家食野30元以下都食少見少。總括而言，視呢間茶餐廳為午餐之選都幾好，但以賣相黎講，西式午餐會係佔優~~…Read More

工作關係，連續第5個晏要自己食~~本人鍾意食越南野，就走入去堤岸，見到$28蚊咁抵仲唔即刻食~~叫左個洋蔥牛肉飯。有湯、有飯、有野飲~~ 個飯本身幾乾身，所以要加埋d 魚露食先至滋味。份量：剛剛好！一個男人會飽。味道：都唔錯，久唔久都會想食服務：d伙記無乜記性.... 俾錢仲要走返入去埋單.....呆左.~~環境同衛生：都唔錯，有部電視機係度~~雖然d伙記成日出錯，但我都推介俾佐敦返工既朋友食lunch~…Read More

因工作關係，只好獨個兒吃午飯。聽過同事的介紹，今天毅然走去一嘗肉骨茶。我叫了 小煲 原味 肉骨茶 米線：食物端來的時候，一陣陣的香味撲過來~我立刻食指大動。誰不知煲內卻只有兩三塊豬肉，材料比想像中少得多，只有：腐皮、豬肉、冬菇、磨葫，份量真叫人失望~~我巴不得將整個套餐吞下，結論是：1. 豬肉太少 ( 竟有肥膏又有骨頭)2. 味道適中，藥材味不太濃，配合香港人口味3. 份量不多，適合女士4. $35, 價錢略高！…Read More

因工作關係，又要一個人食野~~係openrice見到鋮記一品粥鋪好出名，但點知黎左金城~~ 個名太似啦叫左個窩蛋牛肉粥，以前都未試過 粥加蛋。一望落去就知d粥有幾棉~~一食落去就知蛋同粥加埋係咁特別~~d牛肉都ok，份量剛剛好如果想食腸粉要到10:00pm先有呀！！下次要帶埋相機同叫腸粉~…Read More

本人係天后番工，日日午餐都係不見不不散對面食，但唔知點解呢間餐廳日日都排長龍，就連附近d對手都唔會出現咁既現象。把心一橫，同同事走去食午餐，發覺係幾好食喎~~~比之前貴左少少！$30蚊一個餐~~~~跟湯同餐飲。特色：有幾張檯靠玻璃窗，幾有starbuck 之類的cafe feel湯：紅白湯都夠濃夠入味]服務：幾有趣，幾鍾意搞gag~~~~d菜名都係幾得意~~ 午餐都好快！缺點：因為都係整定晒~~~所以賣完即止。 …Read More

我地一行九人去小曼谷，好彩一早就book位，如果唔係既話，就可能要排成半個鐘。我地叫左十碟餸左右，再加上三十條串燒，( 佢話就話爆單，但係d食物都黎得幾快，食唔停)總共約八百二十元，大家都食到奉住個肚走。每人約九十元，抵食！！！推介食品：炒金邊粉(記住落多少少青檸汁)雞串(不得不食的佳餚)蝦餅(好食到停唔到口)菜(d炒菜好入味)不推介：牛串(牛肉比較老，唔適合做串燒)賢串(牙力唔好既人都唔好叫)…Read More