gdsalad's Profile

未試過咁差黎到店右面坐吧枱竟然有烏蠅。 位又窄，唔係佢個雞排唔會吸引到我黎食。 叫左雞排烏冬，平日都叫呢個因為個雞排整得好好食。，好juicy ,又唔會過燶太乾太硬。但今次黎到無筷子，仲要自己行過隔離問， 問完諗住佢會拎黎啦等左5min 都未有，又再行過去隔離問，點個個女職員話放左係外面張寫登記既枱到，就咁一對子，勁唔衞生，又無禮貌。雖然唔係貴，上菜時間都快。但咁既服務態度真係差到我好少遇到。以後都唔考慮再黎食。 …Read More

今日有1個鐘時間lunch hr , 去左浸會醫院隔離建新中心搵食• 一落樓梯即刻俾呢間似靚靚酒吧吸引左:):):)入面坐滿哂客諗全睇個外觀會係食西餐貴野啦，點個望望個menu ,完全唔貴，$45-$70 ， 又有得食扒，又有飯面揀一人俾左個bar枱我坐， 入面仲有2部大電視可以睇波， 環境唔錯。太肚餓啦，叫左個是日精選： 茄子魚柳飯個賣相唔算好靚，但咪道唔錯， 仲包埋餐湯，係中湯黎既， 同埋熱飲，我叫左至愛既奶茶！！估唔到個奶茶唔係平日既奶精茶， 係英式紅茶，奶係另上既，自己中意加幾多就幾多作為一個快食午餐都叫經濟又實惠！最值得一讚既係侍應好有禮貌，只係向後望左一陣，其實唔係叫野，即刻有貼心侍應問有咩可以幫到你唔會等極都無人應。另外上菜速度夠快。唔怕等好耐要趕住食。 食完飯仲有時間慢慢嘆杯奶茶下次要試下d 扒餐先，見其他人個扒都幾好食…Read More

素聞仙后餐廳既盛名，今日係朋友生日得以一償所願親身去試下。 餐廳裝修華麗精緻，水晶燈高掛，古典味厚，室內氣氛有情調。 餐廳室內小巧精細，有一大三角琴放在中央，一旁的餐枱圍着，枱數並不多。 今次係試左bristro, 呢邊係causal d既。 menu亦比fine dine果邊相宜。 頭盤點了兩個， 凍肉拼盤同奶油青口。 凍肉拼盤有小青瓜很青新開胃仲有d紅菜頭粒，爽口。 仲有一小瓶的鵝肝醬連着麵包吃。 當然仲有幾片肉腸同火腿片。 另外一個頭盤青口就略為遜色，青口雖鮮但肉太小，食落無咬口， 但奶油味香濃。main course挑了慢煮豬肉配bean. 慢煮豬肉很軟林，waiter亦細心提點慢煮會砌開有粉紅肉。 底既豆子混搭着吃。 另外一個course係sour cream鱈魚。 魚肉很嫩，sour cream的味道酸酸的， 不是人人愛吃。 甜點是布丁跟心太軟。 心太軟內熱外脆。 布丁香滑嘟嘟。 其實這裡最好的不是吃食。 重點係表演，註場歌手的表演跟琴手配合得宜，又帶動到左現場客人氣氛。 歌手唱一句，台下搭一句， 牽動住整個餐廳既情緒。 加上好多人係慶祝生日/紀念日黎， 一首首金曲， 牽動人心。 …Read More

今日係屋企人生日飯，所以揀左mini friday試下。 Openrice訂位有券可以全單88 折。 餐廳裝修好靚，懷舊主題。 餐廳主食以西餐為主。 我地叫左頭盤焗田螺，菠菜大啡菇。 焗田螺個殼係一d好似餅皮既野包住田螺扮成螺殼，別出心裁，底有別於一般既薯蓉係甜薯蓉。 大啡菇無特別只係菠菜芝士焗，只係份量得一粒少左啲。 主菜：1. 德國豬手，有現場即用火燒，豬手皮即燒脆卜卜，但口味略嫌過咸同有豬除味。 2. 西班牙海鮮焗飯，海鮮用料係急凍蝦仁，並非大蝦， 但飯算乾身3. 蒜蓉蜆肉炒意粉，蜆肉肥厚，意粉ok. 碟頭比較少以上都配左套餐+48蚊有甜品& 餐湯因為家人生日甜品有為佢寫上happy birthday, 甜品係芒果芝士蛋糕， 全餐最好食係甜品，芒果酸酸甜甜配芝士剛好。 只係好細件唔夠食。…Read More

今日補寫番個食評先，除夕早放所以6點幾鐘就過左去拎位， 等位既時候仲有菠蘿汁飲，服務真係好細心。 飲住野等位都覺得快d. 由於係除夕所以食餐好既。 食左個2人套餐， 澳洲穀飼牛+龍蝦餐。咁當然就唔少得個黑糖麵包啦麵包軟軟又有淡淡既黑糖甜味，加少少香滑牛油正！餐湯方面係個青豆湯，好飲唔似d打出黎既濃湯咁，呢個係清湯底版，可惜呢個唔記得影相。 到左個長通粉，我地點左個大蝦青口蕃茄長通粉。賣相同食落味道都一般，唔知係咪唔夠熱。最後終於主角上場，鐵板澳洲穀飼牛(6成熟) 岩岩好，無overcook亦無血淋淋，仲有少少肥膏係塊扒邊再黎食埋個彈牙龍蝦，不過就細隻左啲。D伴碟原個蒜頭就略嫌唔多熟同未爆香。整體來講，outback保持一向水準。只係去到先知除夕呢d公眾假期係無membership優惠。 為有下次醒目d…Read More