mandypika's Profile

二刷大吃大喝！厚切三文治真心正呀！今次揀左香濃沙爹牛肉滑蛋三文治.📌 香濃沙爹牛肉滑蛋三文治 $32將沙爹牛夾落個包到，就好似食緊碗拎到係手既沙爹牛麵咁😂。沙爹醬香濃，沙爹味既咸香加埋少少花生醬味，配合軟綿綿既厚身白麵包，好軟熟但又好有咬口❣️啲蛋周樣係炒得幾滑溜，重口味人士真係幾啱食！.不過如果你鍾意芫茜味，真係好推薦勁芫茜餐肉滑蛋三文治，充滿香港特式之餘但又好特別！.⭐必食推介: 勁芫茜餐肉滑蛋三文治🍳⭐評分: 7.5/10.✨ 大吃大喝 ✨📍 油麻地窩打老道9-11號榮德大厦西翼…Read More

記得以前已經光顧過點一龍，座位比較闊落，飲茶都飲得舒服啲。最近見到佢地同星級名廚陳啟德師傅合作，設計左11道以「川味」為主題的特色川菜；嚐辣既小編就搵日訂定位同朋友試下。 .📌雲片白肉 $88雲片白肉其實就係蒜泥白肉。薄切的豬肉片肥瘦得宜，加上惹味既辣椒及蒜蓉調味，雖重口味，但辣度不會過高，一般唔太食得辣既朋友都可以大口品嚐。 .📌重慶口水雞 $118口水雞浸滿紅油，而紅油香氣配搭滑嫩雞肉，啖啖肉令食肉獸啖啖滿足。口水雞加入花生粒更添口感同層次。 .📌歌樂山辣子雞 $108歌樂山位於中國重慶市區西部中梁山山脈。重慶特色菜歌樂山辣子雞係下河幫川菜的辣子菜代表。特點是麻辣中透着鮮香。雞肉炸到外皮脆口乾身，但入口依然保持滑嫩。加入海量辣椒乾、花椒混炒，麻辣而不嗆喉 。.📌滋味酸菜魚 $148魚件選用龍脷柳，魚肉偏實淨但無刺，啱哂怕吐骨既朋友。 酸菜湯底加入芽菜丶豆卜丶 蒜頭丶乾辣椒丶花椒丶野山椒丶芫茜等，香濃惹味。.📌馳名擔擔麵 $68擔擔麵麵條質感偏向有嚼口，花生湯底口感偏薄身不濃稠，唔會食完頂住胃。細細碗可以嗌多幾樣野食唔怕太飽。.呢間餐廳夜晚都算幾多人，平日夜晚7 點多已經滿座。有興趣既朋友訂定位穩陣啊～.✨ 點一龍 (海港城) ✨📍尖沙咀廣東道3-27號海港城港威商場地下G103號舖🏷 @dimsumbar#kmcmfood #kmcmhk#kmcmfood #kmcmhk #hkfoodie #hkiger #hkblogger#hkfood #foodphotography #hkfoodlover #foodstagram #香港 #香港美食 #香港美食指南 #hkeat #hkig #尖沙咀美食 #dimsumbar #川菜 #川味系列 #德哥 #點一龍#kmcmfood #kmcmhk #hkfoodie #hkiger #hkblogger#hkfood #foodphotography #hkfoodlover #foodstagram #香港 #香港美食 #香港美食指南 #hkeat #hkig #尖沙咀美食 #dimsumbar #川菜 #川味系列 #德哥 #點一龍…Read More

【心花怒放粉紅花花世界】.食野黎講，味道固然重要﹐但係視覺既享受同樣重要💞小編有一個to eat list其實係為左去打卡影相而想去，食物外貌協會是也😂靚靚既食物再影到張靚相，真係會令人好開心架！食左落肚就無左，不過影低左就可以成日回味啦！今次呢間餐廳，大大棵櫻花佈置係門口，由門口開始已經少女心爆發，好期待呀～.星期六既下午，好隨心咁walk in。好彩仲有一張枱。入面裝修得好靚，打卡元素十足，花呀草呀粉紅粉紅霓虹燈，一定夠影呀。見到tea set都好靚好吸引，不過之前食左個豐富午餐，坐低飲杯咖啡食少少甜品過癮好了～.📌玫瑰班戟 $78玫瑰🌹係小編最愛，見到呢度咁多玫瑰食品都幾歡喜～玫瑰班戟賣相精緻，最頂仲有一枝玫瑰裝飾，真係令人心花怒放啊！加埋飲品一齊影相無得頂。粉紅粉紅既泡泡不斷係心入面冒出XD外表實在太精美。係影完一輪之後終於捨得食。班戟偏乾身，不過有濕潤既忌廉配合，而主要味道來自玫瑰花醬，偏甜既玫瑰花醬配合味道偏淡既班戟﹐都算唔錯。.📌玫瑰鮮奶咖啡 $50咖啡都附上枝假玫瑰花呀🌹真係明白喜愛浮誇既少女心！靚靚拉花加埋靚靚擺盤，係吸引的！咖啡做得幾出色，就算加入偏甜既玫瑰花醬，咖啡味道都依然幾突出，兩種味道又好自然融合埋一齊，飲落好舒服順口。.📌榛子咖啡 $50呢度既咖啡真係幾唔錯。凍既榛子咖啡咖啡味都好突出，加左冰本身應該淡味少少，但榛子飲落都幾夠。.見到隔離枱嗌左個勁吸引眼球既櫻花樹🌸甜品，大大枝棉花糖係班戟面，影相一定好靚！已經bookmark定下次要食啦😂.⭐必食推介: 玫瑰班戟⭐評分: 7/10.✨ Séan Café & Lounge ✨📍銅鑼灣謝斐道535號Tower 535地下1號舖🏷 @seancafe#kmcmfood #kmcmhk…Read More

記得京都勝牛啱啱開嘅時候，好多Media都有coverage，嗰陣時喺銅鑼灣開嘅時候人氣都幾旺，聽聞要排隊呀。今次嚟到將軍澳分店。將軍澳南呢度附近有好多嘢食，京都勝牛位置都叫靜中帶旺，喺正Donki商場地庫，人流唔算少，不過佢喺地庫下面就要專登落去先會見到。一早喺飲食平台book咗位，唔駛等仲有個卡位坐添，環境都好舒服闊落，想安靜地食餐飯係一個唔錯嘅選擇。.個名有個牛字，黎呢度梗係專登嚟食下牛啦。呢度多數都係叫套餐嘅，麵豉湯、白飯、椰菜任食任添，其實今次已經係我第二次嚟㗎啦，第一次覺得好食又幾特別，A先生好鍾意食牛，一直都想帶佢嚟試吓。.📌厚切菲力炸牛排套餐 $208香港近年都興食吉列牛，一個菲力炸牛扒索價$208，喺吉列界來講又唔係最貴但都唔平，自然對佢都有返啲期望。京都勝牛提供埋火爐俾你煮下啲牛，如果你覺得啲牛太生，就可以用個火爐hit下煮熟啲。菲力牛扒係厚切，肉質嫰滑，都幾易咬。牛味唔算超濃，但係吉列炸出嚟嘅表皮同埋嫰滑嘅肉質，口感表現豐富。.📌名物翼板伴大海老套餐 $188翼板相對來講就煙靭咗啲啦，肉質比較鞋口，唔夠菲力咁滑，不過牛味就被菲力重啲，但係本身吉列已經夠脆，加埋煙靭嘅肉質就變成咬得比較辛苦。而大海老即係炸蝦，炸蝦本身夠大隻，賣相非常好。不過應該係雪藏蝦嚟，冇咩海鮮或者蝦味，都係全靠沙律醬帶出甜味。.第一次食同第二次食相比好似驚喜少咗，不過贏在環境，仲有無限追加麵豉湯、飯、椰菜絲。椰菜絲都幾鮮甜，仲有無限咁多醬俾你任加，成個用餐體驗都滿足！.⭐必食推介: 厚切菲力炸牛排套餐🐓⭐評分: 7/10…Read More

【 大吃大喝 不一樣足料三文治】.講起三文治，好多時都係諗起茶餐廳、麵包舖個啲。呢日經過油麻地站一出，見到呢間小店都多人等，厚切三文治呀！餐牌又幾吸引，引唔住乖乖拎銀包出黎😂😂.📌勁芫茜餐肉滑蛋三文治 $32賣相好吸引！厚厚一份三文治切半，再用盒上排得靚靚。芫茜控必食😋大量芫茜混和炒蛋，再加上勁厚切餐肉，每一啖都係餐肉香加滑蛋芫荽嘅滋味。啲蛋真係炒得幾滑溜，厚切一份真係好足料飽肚！.⭐必食推介: 勁芫茜餐肉滑蛋三文治🍳⭐評分: 7.5/10.✨ 大吃大喝 ✨📍 油麻地窩打老道9-11號榮德大厦西翼#kmcmfood #kmcmhk #大吃大喝…Read More

有時行街行到攰，搵間餐廳坐下食嘢傾吓計休息吓都要。咁岩經過鮮芋仙見冇咩人排隊，就一於試吓佢啦！.平時行過鮮芋仙都好多人排隊。雖然而家開咗好多分店，但聽講銅鑼灣呢間係最好食㗎。.📌布丁Q麻糬牛奶冰 $58叫咗個招牌布丁牛奶冰，大大份咁上枱，分量十足，而且砌得都好靚㗎。牛奶冰食落真係好香煉奶味，加埋好多嘅配料，大大球雪糕係雲呢拿味，都係普通貨色，但係夾埋啲牛奶冰室就出奇地好味。麻薯煙煙韌韌，而布丁有兩款，一款係雞蛋布丁，另一款就係杏仁布丁。雞蛋布丁有台灣統一布丁味，都幾好食。如果你好鍾意杏仁味，杏仁布丁就啱你啦，杏仁味超濃，咁啱我同朋友都唔鍾意杏仁味，結果食咗兩啖大家都放棄。成個牛奶冰都好好食，無論配料定係個冰本身都好食，而且配料口感唔同，咬落每一啖都好唔同感覺，食完係滿足㗎。.⭐必食推介: 布丁Q麻糬牛奶冰🐓⭐評分: 6.5/10.✨ 鮮芋仙  ✨📍 銅鑼灣登龍街18號V Point 地下1號舖⏰ 1200-2300🏷 @鮮芋仙#kmcmfood #kmcmhk…Read More

【滾得囍宮廷火鍋小炒】.政府剛剛宣佈６點禁堂食﹐大家小心身體！雖然未必Plan得切打邊爐﹐但而家可以bookmark定！希望大家不久既將來可以繼續日日食得好滋味！.個日放假好想食得豐富少少。A先生上網搵到間午市６８折既火鍋﹐師奶心態有得平梗係舉腳贊成GOGOGO😂餐廳位於北角站A出口行過少少就係﹐好方便呀！到達餐廳有啲驚喜，因為睇得出餐廳好花心思係裝修度。中國宮廷風﹐間隔私隱度好高。好肚餓既情況下見到咩都好想食。.一坐低見到枱面個爐有個鍋﹐鍋入面有兩套碗筷餐具雜亂咁放係入面﹐個時重心諗咩咁求其連餐具都唔放好。。。點知無幾耐有個職員過黎開爐－烚！餐！具！好震驚，可能我見識少😂不過當住客人面前高溫消毒，即時加好多分！畢竟疫情持續，會行多步既餐廳真係好值得表揚。.餐廳有一份聖旨放係枱，本身我仲以為係餐牌諗緊點解打極都打唔開，點知職員話原本係俾客打卡影相用。好搞笑！兩個人勁肚餓叫左一枱食物。.📌順治特色卜卜蜆鍋　$198有卜卜蜆既鍋就一定好鮮甜！店家落左大量！係大量既蜆落去個湯底度。海鮮本身自己都帶鮮甜，大量就當然係鮮上加鮮。湯底咸味帶蒜﹐加埋蜆肉既鮮，唔可以界定佢係清既湯但一定係鮮味十足。蜆煮到開哂口就同A先生密密食都好似食唔完咁🤤.📌清酒鮮牛肉 $168好深刻既鮮牛肉！我地異口同聲話下次一定因為佢而再黎滾得囍😍😍煮完出嚟嘅鮮牛肉個樣同平時嘅冇乜分別，點知一擺入口就好驚喜！因為一入口都有陣陣嘅清酒味撲鼻，成個口腔都充斥着清酒嘅香味。加埋每咬一啖清酒味就越嚟越強烈，濃烈嘅牛肉味加埋淡淡的清酒香，意想不到地咁夾呀😆如果你鍾意清酒味但平時飲酒覺得佢好濃，而家用清酒醃牛肉嗰種清酒香淡淡然，真係令人回味十足。.📌手切頂級安格斯牛肉（大） $368手切牛肉其實有分大同細兩種選擇，不過師奶仔性格加上六八折，點計要個大都都係好似抵啲，差唔多價錢姐。一於要個大架啦。點知自己高估左自己個胃，大嘅份量真係好大！牛肉味濃、油花平均分布，肥瘦得宜。濃濃嘅牛肉味令人一啖接一啖咁食，份量大但都意猶未盡。.📌滾得囍宮廷拼盤 $138呢個宮廷手打丸拼盤包括左五種嘅手打丸。味道其實都同出面差唔多，黑松露丸叫做比較深刻好食嘅， 彈牙得來又有滿滿嘅黑松露味仲有鮮甜墨魚丸味添！不過下次如果我再嚟食，就唔會再嗌拼盤啦！因為中肯啲講句，唔算係粒粒都好食，珍珠帶子墨魚丸偏腥、而有一粒叫做手打紫甘藍豬肉丸，食落去直頭嚇親我，羽衣甘藍食得多，浸味我都覺得幾好食，但當變咗粒丸之後熟咗嘅味道有啲苦澀味，入面紫色嘅樣子更加有啲嚇親。.📌黑松露野菌餃４隻 $62黑松露粉絲嘅我自然見到黑松露嘅食物眼都發光啦，呢個野菌餃子皮唔算厚，入面嘅餡料有黑松露味之餘野菌味都好突出，係好食嘅！🤤.📌順德魚腐 $58順德漁腐就唔會有驚喜㗎啦，就係入貨嘅貨色囉。不過A先生想食就冇咩所謂啦！😂😂.📌滾得囍蔬菜拼盤 $78本身都覺得蔬菜拼盤買$78好貴，但係嚟到我又覺得幾值得食。因為佢擺盤靚之餘啲菜仲好新鮮，好少見到咁翠綠色嘅蔬菜拼盤喺打邊爐餐廳出現，食得濃味嘅時候食返啲青菜清清咁中和下，係打邊爐必須㗎。.📌生根 $38生根就係平時屋企打邊爐街市買到個啲生根囉。鍾意食生根嘅朋友叫到係會開心嘅，係貴啲咁啦～.📌厚切脆炸午餐肉 $68午餐肉都係有午餐肉味。睇得出佢啲貨色唔係cheap cheap嗰隻。佢將一盒切開再開半炸過，輕輕喺火鍋焯一焯，午餐肉嘅油脂感依然強烈，就算浸完湯都幾香口好食㗎。.📌黃金雙拼（黃金炸魚皮＋黃金響鈴） $68黃金就即係鹹蛋黃。用鹹蛋黃嚟整魚皮響鈴真係冇得輸，炸到勁香勁脆，最緊要炸得夠脆，唔會入口成口油。香口嘢一定好食㗎 ！輕輕焯返佢幾秒，濕濕地咁食又別有一番滋味。.📌足料竹蔗茅根 $68食咁多嘢要下下火，呢渣竹蔗茅根唔算甜，應該唔係落咗好多堂糖，對於唔食太甜嘅我黎講就啱啱好啦。.📌羅漢果菊花茶 $68一渣竹蔗茅根唔夠飲，臨尾叫多個羅漢果菊花茶。勁足料嘅感覺，似餐廳煲既？！又係唔算好甜，但羅漢果味勁重，怕怕地藥材味嘅我就唔啱啦，而A先生就鍾意啦😂.呢間打邊爐我會再返嚟食㗎 ！因為雖然唔算平，但啲料食得出係新鮮，加埋個湯底都好好食！食完真心滿足！而且餐廳裝修間隔都舒服，枱與枱之間都叫有少少私人空間，相比起平時打邊爐啲比較污糟嘅感覺，呢度真係算幾乾淨㗎 ！加上有埋啲打卡位細心位，真係幾加分啊。如果午市時間嚟食就更Perfect，因為有六八折哈哈。.⭐必食推介: 清酒鮮牛肉🐂、卜卜蜆鍋🌊⭐評分: 8.5/10.✨ 滾得囍宮廷火鍋小炒 ✨📍 北角馬寶道33號寶馬花園1樓116-125號舖⏰ 1200-0000🏷 @滾得囍宮廷火鍋小炒 #kmcmfood #kmcmhk#kmcmfood #kmcmhk #hkfoodie #hkiger #hkblogger #hkfood #foodphotography #hkfoodlover #foodstagram #香港 #香港美食 #香港美食指南 #hkeat #北角美食 #滾得囍宮廷火鍋小炒 #kmcm北角…Read More

如果有少少空閒既時間，都會同朋友搵間cafe坐下傾下計。去唔到旅行，有時都想搵啲休息既空間：）今次去左銅鑼灣上樓既Cafe。有室內有室外既座位，今次坐室內，咁啱安排角落既位置就very good!安靜安靜食餐午餐輕鬆下。今次揀左漢堡同煎三文魚。是日餐湯係蘑菇忌廉湯，好好飲！蘑菇味勁濃，應該係打出黎既蘑菇，好creamy好濃郁。主菜既芝士漢堡，芝士味特多又濃，漢堡肉juicy，配埋大量薯條脆口又香口。煎三文魚驚喜之作，煎出黎仲保留魚肉既肉汁，唔乾身。下面既蘆筍用牛油煎香，入口又係香都不得了：）飯後飲杯咖啡～～輕鬆悠閑既周末😉😉#Cafezense #hkfood #hkfoodie #kmcmfood…Read More

好耐冇去過沙田，原來沙田地下食野個層開左幾間新餐廳，見到永年裝修得靚靚地就想入去食。食開尖沙咀個間，都幾好食，平時四十幾蚊有碗麵都正常。今次開入商場，坐得舒服左地方又靚左。不過沙田真係好多人，食麵等位都等左半個鐘以上。入面有得嗌套餐，有個麵有個小食有杯野飲，索價近一百元。都排左咁耐隊咪試一試，可能好好食呢😂叫左一人一個麵，一個蘿蔔豬腸甜酸麵根，湯底麵濃味，幼麵爽口。但係蘿白唔入味有化學甜😟豬腸正常口感唔臭，甜酸麵根就浸到冇哂味呀😂同尖沙咀食開既有啲出入。小食有生菜魚肉，份量都幾多，不過啲菜又係浸到好腍個湯又清左啲冇咩味，全靠麻油調下味。煎釀三寶又係樣似靈魂唔似。魚肉薄薄一塊又腍唔脆口。最似係個甜豉油😀麻辣萵荀就幾好食。爽口，辣度一般，唔會食到流鼻水但夠香口～抹茶紅豆冰又係正常表現，唔驚喜唔失望咁啦。呢餐街頭小吃，入商場食就索價2百幾蚊，都只係食個車仔麵咋。下次都係去返街邊食會比較傳神。😗😗追求坐得舒服啲就可以去既～～…Read More

自從個個出唔到國困住係香港之後，每到周末全街都係人人人人人人。本地遊大勢所趨，不過都要好好注意防疫呀！最近天氣都十分不錯，趁住平日，去大澳走走，睇下藍天望下夕陽，幫自己做返個光合作用。光合作用最重要係空氣，太陽同埋水，而身為人類，少不免要解決下食飽醫肚呢個光合作用不可或缺既元素啦😂自從六點禁堂食呢個政策出馬，食餐飯都變得好難好攰。是日三點，行大澳行到攰，大澳間間餐廳就算兩點下午茶時間都要排隊，連茶餐廳都係咁呀！既然行到大澳碼頭仔，唔想行返大街又要等等到六點都可能無得食，於是下午三點，即使大澳文物酒店呢間lookout都一樣排左十幾二十枱既長龍，我地都決定等落去，就係怕出返市區先食可能連晚餐都無得食😶等左個幾鐘，4點半左右終於入到去，今日都只係平日咋：）好在呢間餐廳裝修都真係好不錯。玻璃屋設計，透光度十足，加埋西式擺設同聖誕裝飾，其實都幾有氣氛架！個薑餅屋仲整得幾靚添！仲係下午茶時間，兩個人排太耐關係都忍唔住叫左三份餐😂大澳蝦醬香苗下午茶套餐 $108諗左勁耐呢個係咩黎，後尾睇英文先明原來香苗係講緊白飯—Fried Rice😂跟住就諗不如佢寫絲苗我就明🙂幾咸香蝦醬味炒飯，但落多左豉油，蝦醬味冇咁出，輕輕有陣香味但食落係豉油味，賣相唔錯但係偏細碟食完只係五/六分飽。得一隻蝦同兩條菜。大澳蝦醬豬扒包 $108呢個豬扒包最特別係點薯條既蝦醬沙律醬！重口味又喜歡蝦醬的話應該會幾鍾意呢個醬汁，咸香咸香得黎又甜甜地，配埋粗薯條好食。呢度既薯條係粗身扁方既少少腍薯條。不過如果你唔鍾意蝦醬，呢碟豬扒包就冇咩特別啦～牛油麵包夾住少少乾既豬扒，正常唔會深刻既味道。食完都唔夠飽，要叫返個飽肚既雞蛋仔作結。紫貝天葵雪糕雞蛋仔 $118原本好美好地以為紫貝天葵夾左入雞蛋仔一齊整，點知原來每樣食物都係緊守返係自己崗位😂雞蛋仔冇咩蛋香，又偏厚唔夠脆，無咩靈魂。雪糕又係普通雲尼拿味。反而啲醬都幾好食。飲品試左紫貝天葵特飲，檸檬特飲同鹹檸七。係有大澳特色元素加左落去既：）總結，呢度裝修好靚，玻璃屋設計真係點影都靚。就算過黎影相食下下午茶都好值得坐下。而且總結呢度啲醬汁都調得幾好😂😂…Read More

疫情咁耐，出去食個晚餐真係諗下好啦。掛住以前成日想食咩放工約朋友就可以既時光同自由，曾經以為既理所當然，現在得來不易。將近一年戴口罩的日子，見個面變得好難，分享食物變得有心理壓力。話雖如此，但係身為人類，每一日都係要食野，咁食好啲安慰下自己都係一種選擇。今日俾我發現到原來川婆婆係港島開左分店！之前一直都知川婆婆係尖沙咀都幾出名架。食麻辣燙麻辣火鍋，一直想搵機會試下，點知今日俾我係銅鑼灣遇上佢：）原來川婆婆唔只麻辣野，仲有一人份既酸菜系列水煮系列套餐！😍😍以前以為一定要嗌一大鍋同朋友分享既酸菜魚水煮牛，而家只要外賣都可以返屋企獨樂樂🤩急不及待叫返個酸菜魚套餐解解辣癮！：）酸菜魚白飯套餐 $68 外賣+$2一打開外賣，好驚喜，有陣酸菜味撲鼻而來！係熟悉既味道❤️❤️仲要勁足料，魚有好多件，仲有一大碗配料包括海帶、蓮藕、芽菜等等，成碗幾乎全滿。唔知係咪外賣關係，長時間浸住先再食，比平時堂食仲入味左！酸菜魚既香，入口帶酸辣，配料長時間浸湯但依然爽口，咬開索索聲勁好口感。魚吸左酸菜香，冇土味。碗湯愈食愈辣咁😂因為一直浸住啲辣椒🌶️，食食下忍唔住挑開佢地😹川婆婆個logo仲好有型😂一人版酸菜魚，係開心既！#川婆婆 #hkfood #hkfoodie #kmcmfood #一人酸菜魚 #酸菜魚外賣 #銅鑼灣酸菜魚…Read More

Happy New Year 2021:)!!!祝大家新一年繼續食得開心😍😍今年第一餐食cafe諗住chill下：）呢間餐廳係中環威靈頓街，位置都幾方便，去個時仲早冇咩人就一於試下佢：）😉叫左個all day breakfast-Around the World. 睇個名就諗起去旅行了！希望今年去得返旅行啦～呢個all day breakfast係俾兩個人share既，想你一啖我一啖咁甜甜蜜蜜食就啱哂啦😂入面有煙肉、蛋（仲有得加錢轉芝士奄列）、煙三文魚、煙鴨胸、沙律菜、多士（又係有得加錢轉窩夫架）😂😂，另外仲有兩條大芝士腸（另上左，職員話整熱啲俾我地？！）。芝士腸就真係驚喜啦，勁juicy，切開已經爆汁！一入口爆哂醬好好味：）煙肉又係煎得勁脆！原本以為兩個人share會唔飽，結果食列4分3其實都滯左🙂🙂🙂🙂🙂另外轉左個waffle，反而就無咩特別了。脆脆地但冇咩香味。飲品叫左honey rosa latte & green tea latte。用個水泡上就當然搶鏡😂其實佢可以用再鮮艷啲既水泡顏色會影得仲靚🤫飲品黎講，咖啡偏濃味，但又mix唔到玫瑰味🙃🙃如果普通coffee係正常既😂😂環境幾好，坐下都幾chill架：）#zenoncafe #hkfood #hkfoodie #kmcmfood…Read More

又黎食雞白湯拉麵了：）澎湃的外觀總是不會令人失望😃今次一齊試左濃厚和普通的雞白湯拉麵，都真係好有分別！濃厚似意粉的醬汁一樣濃淍，標榜貼近日本口味，掛湯度十足，食多兩啖真係好飽😂😂雞嫩滑入味，出色。普通版應該迎合香港人口味，雞湯味帶蒜，易入口不算油膩。兩個拉麵都份量十足，飽飽飽😂小食有唐揚炸雞和燒豚串，兩樣都好質素！唐揚炸雞大件，配上檸檬鹽，減少油膩感。燒豚汁甜而香口，讚～#金鶴拉麵 #hkfood #hkfoodie #kmcmfood…Read More

快快樂樂吃點心❣️❣️疫情之後，都已經唔太敢去茶樓食點心。邊傾計邊飲茶邊嘆點心絕對係香港生活既一大樂事：）不過自從疫情，係街輕鬆除口罩有時少不免都有啲心理壓力同負擔，出街飲茶既勇氣都少之又少🤦🏼‍♀️好在變通既食肆即使外賣都保持住應有水準！難得去西環，好想再會當年一試難忘既流心奶皇西多😋叫左6個點心外賣，樣樣都好出色😍😍～XO醬炒銀針粉～香口XO醬配上香蒜，帶微辣而又彈牙既口感令人一口接一口！好香好惹味！～懷舊糯米包～一見到童年回憶就返哂嚟😂細個隨處可見，而家見得返的確係喜出望外。大大個糯米飯包住成糯米包，糯米炒得濕潤入味，咬開好香糯米飯味，正😋～雙色燒賣～有黑松露味同蟹籽，正常水準，係粒燒賣偏肥膏左啲。～醬汁鳳爪～惹味掛汁之選：）～山竹牛肉～偏向唔爽口既山竹牛肉，都幾腍，不過唔係好夠芫茜香。～流心奶黃西多～絕對係其中一樣周記名物。一切開奶黃醬係中心源源爆開，每一口都有充足奶黃醬，西多唔算油，混合奶黃醬一流！闊別數年，依然出色❣️❣️能解點心之癮，開心：）😋😋…Read More

終於終於吃到了很紅的天婦羅丼😍.最近很多間日本過江龍到香港開海外分店：）它們都有一個最大的共通點。。。排超多人😹😹————————————丼飯以不同炸物拼湊而成～算你想多吃的炸物去選就對了。下單後先上一碗湯和生菜絲，大大支沙拉汁隨你吃～酸酸爽爽的很易入口清油膩😃————————————桌上有醃蘿蔔和醃牛蒡當小吃。油油的天婦羅丼配上清爽的漬物，小貼心位❤️————————————當然天婦羅才是重點呢❣️一堆舖滿滿蓋住了飯，材料新鮮，炸漿薄薄一層僅包裹著食材，咬下清脆的炸物裂開之聲，咔喳，大滿足😍————————————人雖然多，但餐廳的員工是在香港少見的服務比較好的一間。員工細心，態度良好。雖然港幣一百多元一個飯是有點小貴啦，但整體感覺非常愉快良好呢❤️❤️ #hkfoodie #hkfood #kmcmfood #delicioushk #天吉屋…Read More