絲兄's Profile

見咁多熱推、又經常排長龍...今日咁岩經過，咪一條友都試一試。。。我叫左最classic ge梳乎厘，有2件，共$28Presentation幾靚既。但食落完全唔係果回事，佢似比較鬆化/比較creamy ge cake, 味道唔夠疍香、唔夠熱（係稍凍）、唔滑，唔算難食但一定唔值排咁耐。如果鐘意食梳乎厘其實選擇唔少，唔洗排咁長、又要企住係街邊食丫。個人認為試過一次後我無特別意慾再食第二次。。。希望係單一事件啦。…Read More

年三十biz lunch, 有幸被帶出黎米芝蓮餐廳食biz lunch, 總算為2017雞年帶黎個美麗既結束🍀依道環境好舒服，天花設計係一片片扇形文華logic, 都幾有心思。而櫈方面就係有轆大木櫈，大到好似大班椅咁，都坐得舒服既😊餐前小食有有餡曲奇/包點咁。咸甜味都好鮮明，食左各一之後就靜靜地傾下偈等前菜。前菜 - foie gras custard, fig, sherry, tatsoi 無花果/雪梨酒吉士鵝肝醬（無官方繹名，我亂繹既🙊）我以為會係細細碟、觀賞價值比果腹能力高既...點知黎到。。。😱😱😱不得了！目測至少有6寸大，用「更」不落去重有約一寸厚，你要知道鵝肝係一種幾咁「漏」既食物，你點少少到已經勁快覺得飽飽地。我即刻同大家開心share, 好采大家都肯幫拖，唔係重點食得落個main course喎⋯⋯老實講唔係好知佢點整，但不落去下層係鵝肝醬，上層用一個啡色少少似奶凍既啫喱包住。奶凍層有淡淡無花果味同少少酒味，食起上黎剛好中和左下層鵝肝醬味，令人食起黎無咁heavy同guilty...🤣🤣🤣配無花果唔配其他生果大概都係依個原因，無花果味淡，唔會搶走鵝肝醬原本既味，而今次厨師都好慷慨架，佢放左好多落去。岩晒我口味😍😍😍主菜 - braised Wagyu short ribs, Japan asparagus, poached duck eggs, purple reddish 見到燉和牛我諗都無諗就㨂左佢那❤️份量方面三件和牛各自大小就似女仔2/3手掌咁大，用燉既煮法肉質好滑、保留返d肉汁係入面，我俾100分呀😍😍😍自己本身鐘意食蘆荀，但日本蘆筍係第一次食，原來日本蘆筍無咁有菜味，相對甜既。再講下個水煮鴨疍，依個普通餐廳/家庭做到既食物反而令我有d失望...切開發現連疍白都未熟，水汪汪咁，連個汁都被佢沖淡晒👉🏿👈🏿甜品我就要左sabayon, poached figs, almond, port wine 全枱人只係叫左一個甜品開心share，但絕對唔會唔夠食。size又係大約6吋大，一吋深。今次sabayon係熱食既，用疍黃、糖同酒加埋燉無花果黎煮，上面有焦糖、咖啡味雪糕，個疍好滑甜甜地勁好食，中間加左無花果中和下個甜味，食完覺得自己好幸福🤣🤣🤣相中可見佢加左食用花瓣，為視覺帶黎另一種享受😊飲品我就叫左mocha, 好飲但無特別驚喜。我誠意推介依間餐廳！！！…Read More

好耐無見又識飲識食既舊同事請食飯，約左係瑪寶鮮食～ 舊同事一早就訂定菜，我地又有食神食到d時令既海鮮，大滿足呀😍依道出名係飲湯，上次同其他人黎食無預先訂湯，無緣一試。圖上中：睇下張圖就知，個個都分到咁大舊花膠，除左阿媽煲既湯重有邊個會俾咁大舊俾你？！個湯鮮味、唔肥膩，正😍圖中左右：分別係淮山姑飯同炒粉絲，落足食材而又惹味，料重多過飯，吸引😋圖下左中：上湯浸龍躉🐟新鮮夠滑/鮮，我連湯都飲左幾啖，'Soak'左魚個鮮味果個湯都變埋精華❤️圖下右：舊同事屋企賣🐔，想食靚🐔無難度，但佢都讚依道d🐔出面如果雪過/無咁新鮮既雞佢會整色整水用調味/炸左佢令你覺得香口，但依道個簡單蒸大家食左都讚好呀👍🏼圖上右：依個係全晚我覺得正既一個餸。蒸蝴蝶蚌。。。我咁大個人第一次食乍！！部長話🦋蚌一定要天然養，無得人養，好珍貴唔係時時捉/食到架！！！依批蚌個殼雖然唔大（同平時食既蚌大少相近），但蚌肉明顯多，肉重肥到出蚌外，食落去唔會'蟹'口、鮮又Juicy, 我地勁like!!!咁就問部長點整，佢就話就咁清蒸😱所以話呢，如果食材夠鮮根本唔洗咩煮法，無添加已經好夠！真心勁like🦋蚌❤️❤️❤️❤️❤️同事萬歲，唔知會唔會好貴呢？！…Read More

之前見到fb 某媒體訪問，先知道平時食既麫包有幾唔健康，🙄🙄🙄亦欣賞依個老闆對做包幾有熱試...可惜地理位置唔近我，平時根本唔會經過，咁岩尋日去開附近，終於試到喇😚😚😚依道食物排得整齊有條理，可惜「榛子旋風」包架有點問題，即使按指示拉到最後仍然自行滑出，夾包時有點困難⋯⋯反正也是小問題，無損我欣賞d包s😂今次試左「榛子旋風」同「蝦子香葱」。兩個包都比空氣包更耐咬，更實在，但當然唔係實的的...食完會相對飽d d . 榛子旋風其實係酥皮入面包住流心榛子醬，酥皮同平時食既都一樣咁多層、鬆化，咬落去榛子醬就係中間流出黎，酥皮既牛油香加上榛子既少少甜，Yummy !!! 咁食法係健康左？🤔有無人答到我？？？另外就試左一個鹹包「蝦子香葱」依個既餡全部放晒係包面...感覺就似食緊西洋版既京式葱油包，好唔好食你睇圖就知，反正毛小孩就好欣賞那😝😝😝唯一美中不足係蝦子味唔出，要認真咬一啖紅色蝦子粉先feel到少少。如果下次經過我會再買架！！！…Read More

突然想食烤鴨，就去提議海港城既「美中。鴨子」。朋友話「大都烤鴨」口啤重好，就決定一齊黎試試😋😋😋我地一行2人，但雖然有2人餐，唯內容唔太岩我地，於是都係決定自己點餐。小食要左叉子燒餅 $38依道小菜係即造既，要等約20分鐘。餐廳做得好脆，好香芝麻味。不過朋友就食過其他有餡既，覺得如果有餡既話個叉子燒餅會無咁單調。我地叫左小籠包 $48一個字：讚、皮簿、肉鮮、多汁😎是日主菜填鴨黎那！！！半隻 $258，價錢可以接受。皮烤得香脆、個荷葉餅夠薄，重細心地用紙一張張分開，夾起時就唔驚會整壞啦🙂而配料除左京葱、青瓜絲，重有比較少見既蜜瓜絲同紫蘿蔔絲，睇起黎顏色豐富好多。食都食得開心d 😋我地係咁吹水，個鴨都係慢慢食，但唔係即食個皮都重係香脆、鴨肉又整得岩岩好無overcook, 加上脂肪比例適中，唔會過肥/過瘦。我食得好滿足😍最後食左葱油拌麵 $60都ok，簡簡單單咁～想食烤鴨不妨黎試下呀😚…Read More

最近生活有點不如意，就自己買左幾件餅氹下自己👍🏼👍🏼👍🏼眼闊肚窄，一個人又點食得晒咁多件？！於是返去同屋企人開心share😘由左上開始係macaron tart , mocha sponge layer cake, rose & strawberry cheesecake 同earl grey cheesecake. 屋企人食左macaron tart話好好食，不過自己無食，所以暫時唔評。下次親身食完先再寫。自己就食左兩件，分別係左下既rose & strawberry cheesecake 同右下既earl grey cheesecake 先講左下粉紅色果件啦⋯⋯佢係層士多啤梨mousse, 外面好滑滑，都感受到淡淡玫瑰花香，😋中間就有個玫瑰味既野，質感硬硬地，會似食緊糖玫瑰乾花咁。筆者就覺得中間果野唔係我杯茶🙄但外面係好味架！我就比較like右下個伯爵茶芝士蛋糕，外面係芝士mousse, 又係滑滑既，中心就係伯爵茶味、茶香剛好中和返疍糕既甜，正！👍🏼👍🏼👍🏼或者，係老左既緣故，開始識欣賞茶啦，😅…Read More

一個悠閒既下午，相約朋友shopping完食個靚tea☺️先黎個貝殼粉沙律，加左香草同薯仔，少少鹹、好味又飽肚😊甜品我就買左藍苺cheese cake, 唔會過甜，食完心情都靚d 朱古力方面我就好怕依道個質感，好杰，又一pei pei 咁，唔係好岩我口味，下次黎會試其他野飲😊…Read More

今次受朋友邀請黎依道食lunch, 依道係地舖，入到黎好多公仔，有d似樓上cafe既感覺。一個set lunch價錢都只係大約$100，我地想食既明太子意粉重只係$68。明太子意粉有少少港化左，唔會太鹹但好岩我地口味☺️意粉口感好好呀，重有少少彈力架👍🏼另一個main我地叫左burger, 個burger好食呀，好Juicy，根據我地認真研究，佢落左BBQ 醬，所以好惹味😉我地傾得興起，重加左$28 upgrade jor個drink,Upgrade除左有special drink,重有雪糕食。杯朱古力好好味，濃郁得黎又唔會齋甜，有可可味。雪糕㨂左宇治金時，個綠茶味稍微太淡，但勝在個雪糕好滑。食完飯再食埋甜品都只係$120/head，抵呀！…Read More

突然想食個pizza, 結果食到肚凸凸咁走🙊Lunch set $199/set，4個人4個set開心些牙，食左變左4隻🐖🤣Soup of the day 係菜湯，個湯一d都唔似西湯，清清地咁～第一個主餐係rigatoni with tomatoes & basil 自己幫佢改左個中文名「肥通粉」😹真係肥到尾指都穿得入架,佢肥肥地口感好特別，唔會淋pei pei咁，蕃茄醬又夠多、香草味濃，微酸勁開胃😙我食左2轉...另一個麵類就係下圖貌似牛骨髓既野那，Carsarecce with shrimps, kale, cured pork cheek...相比上面個蕃茄醬，依個比較無咁濃味，但清得黎唔會淡，重有依期興既super food羽衣甘藍，正！大家應該對Margherita 一d都唔陌生，依道既落足芝士同蕃茄，好味😆一路以為Carbonara只會係意粉，原來重可以做pizza !!! 太神奇，做左pizza後一樣惹味，唯一美中𣎴足係個流心蛋唔係件件Pizza都share到。。。下次再黎可以試下4人3個set, 我深信都飽😆而且一次就$200都唔可以成日咁食🤣🤣🤣…Read More

是日想拿拿聲食完行下街，就黎ifc飯堂食個飯。。。依道以快餐/自助模式運作，好采我地一陣就等到位😊行左一轉就見到❤️水，係我既其中一種至愛菠蘿包呀⋯⋯重要係菠蘿牛角呀OMG !!!!入面重有芝士、太陽疍同黑毛豬餐肉，邪惡指數滿分😈😈😈菠蘿包雖然周圍都搵到，但絕對唔係間間都做得出色，有d個菠蘿皮唔脆，一pei咁痴左係個包上面，真係sai晒我食唔健康野既quota呀⋯⋯🙁今次個菠蘿皮做得好脆，而下面個牛角包就夠酥皮，完全滿足我依個菠蘿包鬼既要求。因為熱辣辣既關係，芝士上到黎半溶狀態，再加上個日本太陽旦食到唔停口呀🤤值得一提係食材都比較有質素，個午餐肉係黑毛豬黎架，同一般茶記得個鹹字既午餐肉差九條街呀🤣說好的減肥呢？！間唔中食下無事既，唯有咁自我安慰啦⋯⋯☺️☺️☺️…Read More

講左幾年想試鮨文，之前見遠無入到元朗，今次重唔俾我等到？！人地係紅磡開分店那，今次重有咩藉口！！！慳家既筆者未試過食omasake，第一次就俾左依道那，期待😍😍😍先簡單講下餐廳名啦，鮨即係sushi , 壽司咁解🙂而omakase 即係壽司發版，你點餐既時候只會知道餐上有幾道菜，例如幾道刺身、幾道軍艦、幾道天婦羅咁，但當中食乜野就會由厨師為你㨂當日佢最適合既食材俾你食。雖然係omakase, 但都有好幾款俾你選擇。Waitress話如果㨂$800餐有d食材係晚市既，既然講左幾年想試，一於就大破慳囊試下依個set la ✨✨✨點餐後waitress就好細心咁問有無食物敏感/有無咩唔鐘意食，我基本上乜都食架😜《蟹肉蒸疍》一開見到金箔係面，閃令令架個疍做得好滑，蟹肉亦夠，不過我就嫌佢太水水的，好似重差一點點，但係整體我都俾個like佢。另外我地都食左4個刺身，包括骨絲魚、櫻煮白爪魚、toro 呀咁（可能好多錯別字🙈）見到店入面既食客大部分都係食過回頭既客，師傅好nice, 每樣野都講清楚係咩，有咩特性，又有問必答，滿足到我地問題兒童既心態👍🏼好似個呑拿魚咁，就教左我地係屬於魚既咩部分，肉質有咩特別，醬料係咩同埋同食材之間既互動，會有咩效果咁。壽司我地都食左好幾款，司傳又係勁詳細咁講解，最難忘係佢試dump粒三文魚子落枱，佢真係識彈架！！！另外重食左海鮮湯，好清甜。$800餐重有埋海膽杯，用上赤馬糞海膽好creamy ga 👍🏼甜品分別係三種唔同味雪糕，我㨂左海鹽味，鹹鹹地為依個日本lunch作結都唔錯架😉P.S.當日serve我地既肥肥地司傳好nice ga, 不過佢話好快佢就會去其他店幫手lu...…Read More

星期五想係IFC食個飯，就㨂左simplylife旗下既open kitchen.貪佢價錢係中環黎講唔貴，而且食物都有保証。先黎個餐包，2人份有2片法包，一片軟身包，本身對法包一般，所以對我黎講只係一片包，唔評那🙃我地2人同行點左2個餐，一個係雞肉瑞士芝士大磨菇配薯條。$138佢個漢堡包外脆內軟，佢重揸左牛油，食落幾香口😊雞肉加左香草，好味👍🏼上次重有重口味古耶芝士，配起大磨菇就👍🏼那。然後係安格斯牛車打芝士煙肉漢堡$168, 依個配搭絕對係大部分人既my favourite, 大大片車打芝士放上去個angus道，齋睇都流晒口水呀🤤不過今次有d失望, 個angus整到well done加濃左少少，好乾😧煙肉都重可以保持水準，脆卜卜既。依道薯條用左味粉係面一齊炸，忍唔住食多左幾條呀😈今個lunch厨師有d失準，不過lunch時間有限就拿拿聲食完就算，希望只係一時失手啦⋯⋯…Read More

Sunday gossip time again 見依個地點方便、又見有買三送一就黎試試喜來登個 afternoon tea. 鹹點共4件、甜點共七件。講直食完覺得幾平庸，無乜幾件印象深刻⋯⋯除左。。。鵝肝泡沫菇撻，適中既鵝肝味，襯到菇更有鮮味😉另鵝肝醬三明治都不錯👍而茶就用上twinings tea bags, 但唔係最普通茶葉碎果種，係白布袋果隻，自己一直覺得依隻質量會比較好。今次飲左silvermoon tea ,係綠茶加berries同vanilla, Vanilla中和左berries 既酸味，個茶滿滿的果香加少甜👍🏼值得highlight ge 係依道既日落，睇住個紅卜卜既太陽落山，忍唔住停下口影左相先😝三送一價錢加靚景都ok ge...…Read More

同事向我推介依間餐廳，終於有機會黎試下那。名用「寶貝」英文拼音，先睇下佢裝修啦😊好多傳統中國色彩既元素，例如棋盤/算盤/東方女藝人既畫作。環境都幾舒適😊依道野食唔算貴，一個fusion午餐連加一within $150有埋餐飲同甜品。今次試左自己鐘意既紅菜頭湯，佢加左少少薏米，感覺同一般菜湯唔同，會少左份菜湯味，多左個口感，淡味菜湯，口感似左糖水，但唔差既。秘製叉燒疍飯漢堡 $118兩邊煎香既飯，中間夾住煎疍/火箭菜/秘製叉燒/焦糖洋蔥。同事叫左依個set, 分左少少叉燒同洋蔥俾我。佢個醬好好味，甜甜地好似杰版瑞士汁咁，叉燒重係好淋似梅頭位咁，（唔知係咪純粹好彩）下次再黎我會叫依個呀⋯⋯另一位同事就叫左焗馬蹄牛肉餅。$128佢放左個set係煲仔入面，馬碲餅有喼汁味，同事分左少少俾我，我覺得幾fresh幾帶到鮮味出黎。但若果不停咁食食晒成個喼汁馬蹄可能就覺得太濃味那，所以佢配白飯底，食起黎咪無咁heavy 羅🤓自己就叫左煎鴨脾油飯 $138大大隻香煎鴨脾，配上香口油飯令人係咁食係咁食，不過稍為煎過龍左少少，肉質無咁嫩...最後送既涼粉panna cotta, 份量小小地微甜岩岩好，Lunch 以依個作結好滿足，會再黎呀！…Read More

今個週末第一餐決定到曾經瘋魔一眾香港女仔既🧀🍰factory食個豐富lunch。🙂Eggroll sampler $128佢個presentation勁靚呀，將四種口味既卷中間切半再交叉咁放，四樣唔同口味既醬汁就放係中間。影完相呃like就開始食那，個焗既eggroll一d都唔油膩，而且長時間都重係脆卜卜，夠時間慢慢食😎口味方面有三文魚/古巴/墨西哥同牛油果，每種口味2件，唔怕係咁重覆，而醬料有d係西式醬汁、芥末咁，但自己偏好一個似泰式酸辣既醬，個原本好食既eggroll即刻升呢👍🏼我地重叫左另一個小食 - warm crab cake 價錢就唔記得左那。出面crab cake 非煎就炸，但依個就係焗既，上面放左少少調味料同芝士，蟹肉份量十足，加埋配既切包真係食唔停口！為左留肚食cheese cake, 只係叫左一個主菜 - 芝士四重奏長通粉 $136初初重驚咁多芝士會好膩，但原來只要配搭得宜，運用唔同芝士濃/淡味既特性、再加原本微酸既香草蕃茄醬，你食到既會係唔同層次既芝味。。。感覺好唔錯👍🏼最後又點少得是日甜品, 總共叫左三個cheese cake, 分別係Godiva/ 焦糖白朱古力夏威夷果/檸檬紅桑子。原意我地想一個微甜/酸/一個勁朱古力。先黎一個無咁濃味既 - 白朱古力夏威夷果仁。白朱古力般俾人感覺都係過甜，依個唔會，淡淡的，加埋夏威夷果仁既稍微鹹就剛剛好⋯⋯😎中間佢有少少焦糖醬，食食下都會覺得甜甜的。所以千祈千祈唔好獨食😝佢地落料一d都無手軟架，一件切餅起碼20-30粒果仁。👍🏼再黎係檸檬紅桑子，個cake有少少檸檬味，但唔會覺得好酸，上面放左紅桑子醬，對我黎講紅桑子醬真係成個cake ge個敗筆！個醬係藥水味架😰最後食左Godiva cake, 佢真係好Godiva ga, 雖然texture顯地分開左，一部分會硬少少，但其實點食都似Choco mousses 多過cheese cake, 因為兩部分都係朱古力色同味，(不過唔係入口就化果種軟mousses）Godiva 朱古力當然有保証，所以依個cake濃濃朱古力味都唔會錯得去邊架！👍🏼值得一提係佢個cream做得好好，（利申：平時唔食架）細d、滑d、香d , 可能出面買現成既，佢自己有秘方自己打既？！反正平時走cream既我都食左幾啖😎溫馨提示：千祈唔好好奇search依道野食有幾多卡路里，我包你後悔三日三夜🤣🤣🤣下次食定減肥丸再黎（誤）…Read More