YuenChihin's Profile

今次拍拖揀左一間遠dd 嘅邊爐食，因為見佢門面都好乾淨企理，就決定入去試試佢。我地叫左最出名嘅花膠湯，可以係打邊爐之前飲啖靚湯。湯料足，而且調味剛剛好叫左兩款小菜，分別係日式冰菜沙津同埋墨魚油炸鬼。兩款小食都係五分！兩隻小食都係全新口感，從來未試過。沙津非常之有咬口，脆仆仆嘅感覺真係好正。之後到個油炸鬼亦都係好好嘅配搭，炸墨魚真係好正之後到主菜，安格斯牛雖然貴少少但佢嘅質素絕對對得住佢嘅價錢，脂肪比例都好正，食落都係軟淋淋，十分！豬肉亦都好滑身，唔會比人感覺好"孩".其次係佢地嘅墨魚丸同埋芝士足輪都係十分嘅食材，因為我從來未食過咁好食嘅食物，一啲都唔會覺得太漏🤤鐘意打邊爐嘅一定要嚟試下！…Read More

又係星期六呢個出行好日子，本身係廟街行行下見到呢間主打養生嘅邊爐店，而且價錢又唔太貴，就決定入去試一試。湯底必定要揀美人煱，用料狠，味道濃。有成隻烏雞係煲入面，而且仲有其他湯料，好花膠膠咁。呢度啲員工都好好，會簡單介紹一下唔同湯底有咩特點。咁我地除左養生美人湯，仲揀左個麻辣煱。個麻辣煱初時食都唔覺得好辣，食到後期真係愈食愈辣鐘意食辣嘅朋友一定會非常喜歡。至於食材方面，我都係極之滿意，由牛肉，豬肉，去到各款魚丸，都係上乘又新鮮嘅食材，絕對對得住佢嘅價錢而且佢都仲會有啲小食比大家揀，包括炸雲吞同花枝丸咁，都係好好味嘅小食。食飽之後，老闆仲帶我地去左後面嘅vip 房睇下，空間都好大，啱哂一家大細嚟食野總結而言，我都係十分推薦呢間阿里山台式美人煱！…Read More

今日係旺角行完一轉之後，漸感肚餓，就決定周圍搵下有咩好野食。去到Deli 2 呢間大廈，知道入面有唔少野食，就決定入去搵間好野食最後就去左呢間梨滿園食。呢到環境都非常不錯，都坐得幾舒服，唔會話好迫咁首先嚟嘅就梗係前菜，呢度有六款唔同嘅泡菜可以選擇，全部都可以自由添加味道非常之不錯呀，用嚟開胃送飯都係一流。緊接著嘅就係韓式雪藏蟹，佢係充滿著蟹膏同埋紫菜，用嚟撈飯就一流了之後都主角燒肉，我地試左五花腩同埋呢度特色嘅牛肉。味道都非常之有水進，再搭配番呢度嘅醬汁，真係一流同埋呢度嘅服務都好好，老闆娘周不時都會過嚟同你傾兩句，睇下你食得開唔開心總括嚟講，係一次非常滿意嘅晚餐啊…Read More

難得約到幾位老友食飯，就相約係佐敦食餐便飯。離開左地鐡站無耐，就發現呢間plato cafe，見啲野食好似好正咁，價錢都du對合理，就決定食呢間喇。呢度有幾款set dinner 可以選擇，我地就叫左兩個唔同嘅set dinner。因為兩個都係二人餐，大家都會有一客餐湯同蒜蓉包，味道非常不錯套餐入面亦都有薯條可以比大家選擇，而我就覺得佢真係物超所值喇非常新鮮，啱啱係焗爐拎出嚟嘅感覺，而且份量一啲都唔細黑毛豬鞍。本身豬鞍都好軟熟，咬落仲有啲似豬頸肉嘅感覺，燒嘅程度亦係剛剛好，唔會太濃之餘亦食到嗰種炭燒嘅感覺。德國咸豬手。夠哂大份，而且味道非常之不錯。廚師會幫你切開一小塊，非常適合三五知己一齊嚟食。大蝦海鮮意大利飯。飯煮得唔會太淋，仍然好有咬口，再在埋香草調一調味，正海鮮亦都非常足夠，大家都可以食到唔同嘅海鮮最後仲會有餐飲同甜品，甜品有不同嘅蛋糕可以選擇，非常之不錯…Read More

去完大館玩之後，行番落嚟中環唔知食咩好，咁啱比我地見到呢間burger，見入面好多外國人，覺得好有feel，就決定坐低食了簡單咁叫左一個set，有薯條同埋野飲。Cheese burger 嘅牛肉係勁正，比九分非常之juicy，而且塊burger 都好厚，每一啖都好rich。薯條亦係burger 嘅perfect match啱啱炸好，可以自己加鹽再作調味，再加少少茄醬，直情無得輸👍最後叫左個lemon punch，非常正，唔會太甜，啱哂我心水想試傳統burger，嚟呢度就冇錯了…Read More

山竹走左之後，我地幾老表為左farewell 我細佬，就決定係元朗搵間放題食搵open rice 晚就搵弓呢間緣聚，入到去格調非常好，唔會好暗，啲擺設都好靚我地叫左幾款野食，魚生剌身非常新鮮，冇未溶雪嘅情況好鮮貼。呢度仲有邊爐食，起碼有吉邊嘅級數🤣食到我地極之飽。當然亦唔少得炸物，試左幾款包括天婦羅同埋炸芋丸等，都係新鮮製作，抵讚而且呢度嘅飲品亦都好多選擇，什至啤酒都有幾款可以揀，所以真係食得好開心而且價錢都算合理推…Read More

每逢星期二，小弟放工都會係九龍灣做瑜珈，當強身健體，而做瑜珈之前，我就會嚟到亞一食堂食晚飯，因為呢度個呀姨嘅服務真係好好。呢個麻醬烏冬成日都會賣哂，難得今日比我食倒，就決定寫番個食評比佢。呢度嘅烏冬唔會好淋，咬落依然好有口感，伴碟嘅餸菜都好啱我口味同埋如果覺得唔夠麻醬，細細聲問呀姨攞，佢都會比你架典型茶記老火湯，每次都會比兩舊豬骨我食因為我都幾鍾意食湯渣。湯非常夠味道，料都落得足如果有時行開九龍灣，又唔知食咩好 呢間茶記真係不錯呀😎…Read More

因為呢排啱啱轉左去九龍灣番工，lunch time 都會過嚟德福食飯，咁啱今日下晝見新開嘅茶狼又冇咩人排隊，就決定試一試佢。我同同事一人一杯，我試左呢個百香水果四季春，感覺佢嘅茶味係非常濃郁水果都好新鮮嘅，但就好似有少少酸，所以我相信佢地用嘅水果都係十分新鮮。但如果同喜茶嘅果茶比，我就會覺得喜茶嘅茶底更加易入口，同埋可能佢地係揀水果方面更有心得🤣（或者可能做多少少後期製作🤭）不過總括嚟講，都係值得一試嘅飲品…Read More

今日係星期四，都係準備放假嘅心情🤣我同女朋友就決定去尖沙咀搵間餐廳食下野同飲下野咁，於是乎我地就去左呢間DKLM Bar and Restaurant。可能時間尚早，先地去到嘅時候都係大約七點多啲，餐廳都唔太多人，調酒師lucas 就安排左先地去窗口位坐望出去嘅街境非常正環顧一周，發現呢度都有唔同酒game 比你玩，會有ping pong ball 嘅酒game，亦都會有飛鏢呢啲野玩，非常適合一大班friend 嚟玩到重點啦，首先我地叫左一杯HoeGarden 同一杯cocktail Red Lip。Red Lip 十分好飲有花香味亦都有水果味，係Lucas 自己炮製的大家可以試下。到食物方面，我地叫左四樣野食，首先係沙津。個醬汁好有心思，feel 到佢地落左唔少心機係個汁到，而且食材都十分新鮮的之後我地叫左個pizza，芝士味唔會太重，份量啱啱好食完都唔會好濟到main dish，我地仲叫多左個Mini Burger，啱啱好有兩件，好啱情侶嚟食牛肉好正，成個burger 都配合得好好最後我地仲叫多左個小食，炭燒魷魚。魷魚上有少少海鹽同胡椒粉，輕輕地調一調味，一流總括而言，DKLM Bar 係極之值得推介比朋友的😎…Read More

今日係觀塘放工，去到apm 發現間間店都爆哂，就決定去openrice 睇下附近有冇其他好野食，於是就比我搵到呢間go indide kitchen餐廳環境非常不錯，座位嘅空間亦都非常大，大家都食得好舒服，啱哂大家嚟傾計食飯首先係招牌沙津，極正，有雞、三文魚同埋巴馬火腿，全部都係我最愛嘅食材。佢嘅醬汁係另上，可以比食客自己選擇，有醋、olive oil 同埋麻醬。我就揀左麻醬沙津菜極之新鮮，好食！到小菜焗雞翼，雞翼都幾大隻，而且味道都調得非常好，黑松露唔會搶過雞翼嘅味道，用嚟開胃真係一流意粉亦都保持到相應嘅水準，唔會太溜，同溫泉蛋撈埋一齊食真係perfect match。總結嚟講，呢一餐都係性價比高嘅一廳，而且可以係咁闊絡嘅地方食野，真係好舒服…Read More

今次同朋友放工後食放題，試下有咩新野😃一坐低就已經有細細碟嘅前菜，我地三個餓到即刻食哂，之後就開始叫野食lu~呢度有得打邊爐/迷你部隊鍋，照顧到唔太食魚生嘅朋友！試左幾款炒小菜，我地3個一致認同馬拉盞辣得黎惹味，好想送飯食😂 估唔到放題嘅小菜都唔錯火炙壽司都好正，醬料岩岩好！仲有啲韓式炸雞都可以說係水準之作，味道唔錯，唔會太多粉，如果想一次過食埋韓式炸雞，呢間真係唔錯嘅選擇總括而言，呢間放題都係以性價比取勝…Read More

今日約左三五知己去元朗yoho 睇avengers3，咁啱見到隔離有間金田家拉麵，就決定入去試下。黑蒜豚肉拉麵黑蒜係我嘅至愛，所以見到餐牌，二話不說就叫左了味道好特別，唔似係味精開出嚟，同拉麵配合得十分好。伴菜亦非常足料，款式好多，有蔥、蒜、荀，樣樣都十分美味，令到口感好豐富。豚肉亦非常之夠味，我仲加多左一碟toppings因為真係十分喜愛豚肉。豚肉撈埋啲湯，可以話係perfect match。個湯都好夠味，非常推介喜歡豚肉同黑蒜嘅朋友去試一試。小食 唐揚非常之大塊，唔多粉，新鮮同埋熱騰騰的！份量亦好足，以大約$40一碟嘅小食嚟計，就真係十分抵食。芝士波十分熱和飽滿嘅芝士波，咬落去有好多芝士漏出嚟芝士同好必定要試！鮮果汁中規中舉的橙汁，解渴一流的…Read More

難得今日早收工，約左朋友去旺角瓊華中心的至尊滿屋日本料理食放題。呢間日本放題都算多野食揀，選擇拍得住大喜屋。事不宜遲，食左刺身先講。呢到既刺身味道不過不失，每次都跟足落單紙既數量上菜（抵讚！），魚類刺身比一般放題店厚身兩倍，真材實料。另外除左甜蝦，呢到重有大蝦刺身，平時無咩機會食到！熱食方面，推介雞翼、牛舌，俾平日食既放題店出色得多。最後重有十款雪糕以供選擇，包括 Movenpick 同Haagen Dazs，加上店員個個服務態度良好，上菜快，份量準，$200左右一餐既放題算係令人滿意。…Read More

到左星期四啦，又係約三五知己出嚟食飯嘅好時機。一班大學friend 咁耐冇見，就決定搵間高級野食下，比我地搵到太子呢間慢煮工業，剩係睇門面，就知道呢間野好有格調。入到去，我地叫左幾樣野食，share 嚟食。因為我地叫左個set，就送左碗南瓜湯比我地。非常之足料，應該係用原個南瓜攬伴而成，南瓜蓉好綿，再再少少忌廉，令成個湯好有質感之後去到小食，每一樣炸身都好好食有炸蝦，有芝士條，仲有炸魷魚同埋炸魚！每一樣都係一試難忙因為佢係即叫即炸，所以非常之新鮮美味個蝦一定要襯熱食！去到主菜，簡直係無得彈個rips 嘅份量十分足，每人食到五六條，簡直係抵！同埋味道一流，見到侍應拎上嚟嘅一刻已經呆左，到大家咬落去嘅一刻就哇埋出嚟去呢到食野，一定要試呢個呀！總括而言，5星級餐廳！…Read More

今日放工之後過左旺角嗰頭買野，行行下肚餓了，就決定搵間餐廳食下，比我地搵到一間整手工啤嘅餐廳----Yummy。就決定去試試佢喇時間尚早，未算好多人，但過左無耐，就坐滿人了。入面氣氛都好好，拍拖一流首先上左個餐湯，湯唔會話好濟，算係調較得啱啱好再配合少少香草吊一吊味，一流呢個啤酒亦係我地十分期待的。非常之濃嘅麥味，而佢嘅蜜糖味會係口期慢慢走出嚟 非常之特別喜歡beer 嘅朋友必定要一試。力推！！初初見到餐牌個名的確對佢興趣不大，但因為老闆娘力推，就決定試下，上菜嘅時候真係嚇親我地咬落去嘅時候非常之有口感，正！都係力推因為豬夠靚，唔洗煮到全熟咬口勁好，而且極之juicy！真係一試難忘。仲有佢啲伴菜都係一流，薯條非常鬆脆，完全係啱啱炸好出嚟咁！最後仲有杯小雪糕，yummy！呢度啲手工啤同主菜都整之特別！有興趣都嚟試試佢啦…Read More