食壩's Profile

每次有朋友響外國返嚟，我都會帶佢去佳佳食糖水，盡下地主之誼，但係今次已經係第二次俾個地中海侍應呼喝，今次真係頂唔順要寫食評，已經好耐冇寫食評，竟然為咗一個地中海嘅侍應，我要重出江湖，再寫食評，響門口佢已經好大聲咁，好冇禮貌呼喝啲食客，老人家都唔放過。叫糖水要用QR code，但係佢個電子叫餐，又唔係咁成熟，如果你支付寶冇錢，或者你唔想入信用卡同埋個人資料，你又要叫侍應落單，落完單，又要走出去比八達通或者現金。眼見啲客走來走去，仲要俾呢個侍應呼喝終於我爆啦，我真係好大聲咁回應佢，佢仲叫我唔好咁勞氣，我話你咁嘅態度，我再勞氣啲都仲得。鬧完佢幾句，佢就收斂咗下啲啲。講到糖水方面而家真係差好多，老闆娘響間細舖時，佢老公負責生產，真係好好食。其實依家啲糖水嘅質素真係周圍都有，冇必要俾人不禮貌對待一肚氣。…Read More

今日行過路過，見到呢間餐廳想食好耐，我們商議咗一陣，決定唔好錯過，一於入去食個下午茶餐先。我們叫咗一個pizza ，點知嚟到不似預期，小朋友話苦苦地，我就試吓，點知真係喎另外叫咗4隻生蠔，佰幾蚊4隻，仲差過10蚊隻嗰D，又細又無肉，第二日仲肚痾咗幾次:(呢個芝士火腿三文治，正常，係預期之內，味道OK嘅蝴蝶粉係最好食下午茶2個大人2個小朋友，叫咗3個餐，4隻生蠔，埋單$416 。小朋友仲要話個凍檸檬茶唔好飲喎。…Read More

好耐之前應承咗朋友同佢嚟食，今日終於可以信守承諾喇，因為而家可以响OpenRice 訂位，所以好方便無之前咁麻煩，我哋倆人準時5點到達，準時入坐。叫了$358一位，服務態度ok,，傳菜箭步如飛，掉低D嘢就走，叫都叫唔切，唔係我哋叫，服務員亦3反4次提醒我哋仲有幾耐要last order，幾耐要食雪糕，仲有幾多時間俾你燒，幾耐要食埋D嘢。其實都無問題，最大問題係D牛全部都好韌好鞋，送嗰4條牛脷，朋友問咩嚟咁難食，佢話唔會再嚟，最好食係個涼粉竽圓第一碟叫嘅牛，靭到，其實仲係冰牛片嚟魚好食，扇貝無味，蝦好多屎仲有去廁所條路好油好滑，廁所垃圾桶垃圾滿滿…Read More

近排海邊樓盤商場開咗好多間餐廳，專登行過嚟試吓，由將軍澳站地鐵行到慢慢行去餐廳大概要20分鐘，都唔屬於方便，不過食物質素OK，午餐大件抵食，不過抽油煙就麻麻哋。就算要行咁遠都會再嚟。魚柳包，魚柳肉好口有質感，肉唔會削，另外中間仲有半個牛油果襯埋個汁好好味，沙律菜新鮮生蠔新鮮，即叫即開，用大量冰唔吝嗇，特價每人限叫兩隻。薄牛扒肉質好淋，可惜有好多筋，煎得香口，加埋佢啲胡椒鹽食，味道啱啱好另外佢係用炸番薯做配菜…Read More

今日8號風球，諗住隨便買啲小食，調景嶺地鐵站出口有間小食工房，咪買D燒賣雞蛋仔嚟食吓，我買咗個雞蛋仔、燒賣、魚蛋，俾錢時佢已經好唔耐煩，到咗佢整雞蛋仔時，我叫佢燒賣同魚蛋遲啲先裝啦，佢無啋我，我再講兩次都無理我，跟住我再大聲D講一次，佢裝完先，話整雞蛋仔3分鐘之嘛，點知個雞蛋仔整衰咗，3分鐘又3分鐘等到啲燒賣魚蛋都凍哂其實做得咁唔開心，唔好做嘛，點解要D客收你氣呢？唔怪之得之前D食評個個都咁講啦。…Read More

見到食評話非常之唔錯，啲相又好靚，所以特登約埋朋友一齊去試吓，2:30分入到去，諗住試吓個high tea。原來下午茶係3點先開始，但D侍應好好禮貌，仲叫我哋等一陣先叫，都冇問題。但係我哋都忍唔住嗌左個午餐，個午餐蒸蛋好有雞蛋香味，牛肉炒得好有鑊氣，麵豉湯就普通，前菜螺肉幾有咬口，幾好味。個high tea 有好多嘢食，我覺得最好食係個鱈魚薄脆，紅豆應該係十勝紅豆好大粒，個青瓜魚子醬牛油果壽司好清新，記得食埋個蕃茄佢加咗啲酸醋汁提升咗個蕃茄嘅甜味…Read More

星期日凍凍地，坐響屋企越坐越凍，所以同啲小朋友，行街街，食下嘢，玩到夜晚九點鐘，都仲未肚餓，諗住求其搵間嘢食下，於是就揀咗呢間餐廳。响出門望入去，好似間高級嘅快餐店地方好寬敞，燈光就暗D擔擔面，麵質彈牙，湯香濃芝士甜蝦，普通啲呢個招牌卷真係好好味樣樣食材都好新鮮雞翼醬汁唔會太甜，肉質juice 你個鰻魚飯，好過觀塘嘅APM，什麼日本過江龍嘅鰻魚飯好多、好多呢杯青檸薄荷酒，味道好清新响呢度提一提佢哋用嗰啲木匙羹，可能已經用咗一段時間，有D崩崩地，所以感覺上！好似唔係好衛生！…Read More

今日凍凍地，唔好匿響屋企，所以帶啲小朋友出去行吓、睇吓、食吓！見到食評都寫得幾好，又幾近港鐵站，所以去試吓！太多蒜頭，多到苦苦地呢個pizza熱食係好軟(熟)，好似好多芝士，但係唔係好香芝士味，同埋凍咗之後，D芝士會變成白白地的透透地明，怪怪地係有咸蛋香，不過裡面比較油，同埋無咩薯仔肉响裡面呢個漢堡包啲肉好juice ，沙律菜好新鮮雞炸得乾咗D，太多調味料，變成食唔到雞嘅味道小朋友話好飲我係叫latte ，但係少少咖啡味都無，我估佢俾咗熱朱古力我整體來講試吓就好，嘢食普通，價錢唔平！…Read More

突然間好想食車仔麵，今日見到冇人排隊，平時好多人排隊！佢哋嘅推介有幾樣，我就點咗三樣推介餸，本身係幾鍾意食咖喱魚蛋嘅，但係呢間D魚蛋好淋！豬腸食過兩次都係保持水準，係有少少肥膏響入面，又唔會煮得太淋蘿蔔好入味，唔會有渣朱紅都係佢嘅推介之一，但係甜到呢，好似食豬紅糖咁每次我都會要粗幼麵兩溝，麵佢都係OK！第一次來食叫大辣，辣到標晒汗真係好鬼辣！第二次叫翻小辣，其實小辣都已經幾辣，雖然見唔到佢有橙色嘅辣椒醬，但係佢啲辣汁都已經夠香辣…Read More

呢間食店已經開咗一段時間，之前係冇乜人嚟嘅，突然間呢一兩個禮拜見到好多人排隊！今日下午三、四點行過，見冇咩人就入去試吓啦地方整潔！筷子、匙羹都係乾淨嘅！員工都有禮貌！不過煮一碗麵需時都要10幾分鐘！肥牛糊麻麵，本身係要中辣嘅，不過侍應話中辣，都好辣，跟住我就改咗小辣，果然小辣都幾辣，啲湯係幾香甜嘅，比起三哥啲湯會好味啲！呢間啲麵全部都係自己做嘅，但係啲麵比較淋，一D都唔彈牙雖然係＄48一碗麵，但係啲面都好多架…Read More

今日來澳門特登搭早船，因為要嚟試吓佢嘅早茶，之前朋友講佢嘅點心，係香港嘅茶樓食唔到嘅，佢有佢特別嘅味道，而且之前嚟過食晚飯，已經覺得佢幾好，所以一落船就即刻飛的過嚟，大概等左15分鐘就可以入席啦而且以佢咁嘅價錢，食咁嘅質素嘅點心，響香港真係好難！鮑汁柚皮滑雞札，D柚皮真係好好味香茜牛肉腸，腸粉又滑又爽又薄陶陶蝦餃王西杏炸鮮奶，已經好多地方冇得食炸鮮奶，而且佢嘅鮮奶好滑，炸得又唔油鮑汁花菇扣玉掌，好入味蜜汁叉燒包，個包整得好幼細，好軟熟，而且個叉燒係唔會好肥，亦都唔會太多汁其實應該比五粒星嘅，不過比剩一粒星，人梗係貪心，就係希望佢有更進步嘅空間…Read More

今次去澳門逛街，就去新馬路度行下，行行下睇到，有條街好多小食賣嘅，見到呢一間賣牛雜嘅鋪頭，除咗賣牛雜，仲有D車仔麵嘅餸，一串串咁任你揀！門口企左好多人，響度等佢剪牛雜吉好一串串，比較少人買，個個都係揀牛雜:)牛雜好入味，面頭嗰幾舊係骨，最底有蘿蔔都好入味，本人都叫做食得辣，佢嗰啲都唔知係乜嘢辣椒醬辣到噴火因為之前嚟澳門，都食過牛雜，諗到爛仲有毛添，相比之下呢檔嘅牛雜，都算係OK架啦！下次有機會試吓，陶陶居轉彎位要排隊嗰檔！…Read More

睇到啲食評話好好食，所以去到澳門時就專登搵呢個地方啦，其實佢又唔係好難搵！不過因為本身唔係澳門人，可能睇佢哋啲門牌號碼，就唔係咁叻，所以都要用D時間至揾到，不過如果你問吓人都一定搵到！餐廳環境方面，都好舊同大陸嗰啲餐廳仔好似，枱與枱嘅空間好擠迫，同埋佢限時間兩個鐘頭一定要走！但係啲嘢又唔係咁好食，香港大把地方都好食過佢啦呢個豬骨煲都幾香嘅，不過都幾咸架清蒸奄仔好多膏，本身係想食鹽焗奄仔不過佢話無鹽喎:(餐牌係有架，我估佢係嫌麻煩所以唔想做過晒火，好老呢個通菜炒得最好味，係最值得來呢間餐廳食嘅原因…Read More

其實呢間餐廳已經開咗好多年，舊時做街坊嗰陣，差唔多係飯堂，一星期最少2晚！今日同朋友舊地重遊，食返呢間泰國菜真係好有親切感！冬陰公爐魚需然魚肉唔係太新鮮，但係個冬陰公好濃郁，仲有好多菇添泰式炒通菜呢個係必點嘅餸紅咖喱牛肉啲牛肉唔會用鬆肉粉拿到諗晒，牛肉係有纖維，仲有牛肉味！唔錯！柚子沙律有啲椰絲香，個柚子好甜好Juice ！蒜蓉包普普通通，唔夠香口，不過食咖喱就唔可以少左佢其實最尾佢都會有一個甜品送俾你食，每次我就係最期待就係呢個椰汁甜品，實在太心急唔記得左影相，就食曬…Read More

今日本身朋友約我們去北角食日本嘢嘅，點知嗰間日本料理好似唔憂做咁，12點半話唔收客喇，咁我哋唯有響附近度搵間餐廳食就算啦，點知入到去，望到個餐牌真係乜嘢都想食，D飲品都好特別！越飲越鴛鴦勞氣沙冰個名好得意，而且個面頭有啲爆炸糖呀，都幾特別清新小姐其實係檸檬梳打龍蝦湯鮑魚通粉龍蝦湯太杰好濃，但係覺得有少少輕微嘅苦苦地，普通喇:)忌廉什菌會意粉都炒得幾香雞髀茄膏炒飯其實呢個似楊州炒飯加番茄汁炒，雞髀炸得太乾，飯係好好味嘅，但係如果食完呢個餐會飽好耐！好味…Read More