fnt's Profile

剛去完買game 路過見到宜間茶餐廳新開，乾淨企理，野食又好特別，所以決定試下。wow!! 除左有常茶記有的，仲有d 特別的eg 溶岩芝士飯，仲有花膠燉湯！！！ 不過今日想食小菜白飯，所以最後要左個麵醬蒸雞($59)，蘿蔔牛腩煲($65)同涼瓜炒牛肉($唔記得左😅😅) ！雖然叫的係普通野，但就係最容易食得出好唔好！同朋友share食，我覺得個蒸雞超得！！雞好嫩，無雪味！加左個麵士醬好正！送飯一流，成碗飯俾我食晒！蘿蔔牛腩炆得好林！肥瘦剛剛好！至於涼瓜牛肉，雖然我平時唔食涼瓜，但佢個涼瓜又不錯喎，唔太苦，牛肉又唔會好似其他茶記咁lar到牛肉唔似牛肉！不錯不錯！叫小菜餐可以加$8要杯朱古力雪山 😆😆 好少可係茶餐廳有宜個新潮野飲！仲只係$8咁抵！Overall 性價比好高！！最緊要坐得舒服同乾淨！下次黎開鴨記可以再encore!! 👍🏻👍🏻👍🏻👍🏻…Read More

一早便聽說石門開了很多不錯的餐廳。今晚特登到石門試一下。在京瑞廣場走一圈，見到好多餐廳都屬小型，沒有太多人。見到這間泰國船麵覺得不錯，便決定試一試。晚上約七時，已有三，四檯客人。餐廳提供船麵為主，另有一新款泰國咖哩”求財”。店員另介紹有$98任食船麵+沙嗲同任飲，不過我唔算大食，就決定散點。我同朋友每人一款，一個船麵，一個求財。船麵$30可選擇要金邊粉，檬粉，米粉，河粉同泡飯+$5。包一餸，餸每款$7！算好抵！加$5有汽水，$8有特飲。特飲其中一個係自家制龍眼冰！船麵湯身係豬骨湯底，湯底好濃，飲左幾口，唔覺口渴，應該無味精。我揀左香芽雞翼加魚蛋，魚蛋普通，但雞翼加入味香口。龍眼冰係凍飲雪凍，不加冰，超贊！求財麵$45 set左為檬粉，跟三隻雞翼! 咖啡湯底好香椰汁味，食落少少辣，易接受！不錯不錯！不過個人鐘意船麵多d! 好泰國原味！…Read More

黎開CWB特登黎試下新野。知道會多人特登食完飲先買。未見到間舖已經見到隊尾。大家好有秩序咁排隊，一條隊買，一條隊等拎，感覺好比其他店大家亂企等野飲阻街。連埋買大約等了30分鐘，都算可接受。買野飲只收現金，無八達通有少少不便。飲品無得自選糖度和冰量，珍珠有大小之分。叫左signature的奶蓋珍珠奶茶，個人覺得好普通，跟其他貢x無咩分別，係黑糖味好濃，無咩茶，珍珠太淋，沒有口感。只能說不會再特別排隊買囉。…Read More

食完飯正想番屋企時經過，突然好想飲番杯芝士奶蓋飲品，見新店便試一試。某部分芝士奶蓋飲品跟大陸的喜茶一樣，名都只差一個字eg 芝。莓莓，芝。芒芒，芝，桃桃。今次點了芝。莓莓，和芒芒。價錢唔平，$42 一樣，跟旺角差不多類型的芝士奶蓋飲品稍貴少少。大約21:50落單，當時都已經有十多人等。都預左要等，但不知不覺竟然等了20分鐘。當時聽到店長跟要點的客人說要45分鐘。嘩！如果我要等咁耐一定唔會要。講真。我都有d想唔要退錢，但已經等左咁耐，又開始口渴就繼續等吧。終於22:30 finally 有得飲。店主會細心問你識唔識飲，再教你先唔用飲管飲。飲到一半先再用飲管。芝士奶蓋味道不錯，夠濃厚芝士，跟奶味。可以說跟喜茶差不多。至於芒果味，覺得不夠濃，可能冰太多，不過敏到有新鮮芒果味。莓莓不錯，不太假，不會太甜。有少少莓酸。Overall 覺得價錢唔平，而且等得耐。不過味道上都會再飲 ❤️…Read More

好耐無食過牛陣，見大埔新開就試下。原來佢宜家咁多野食，任飲仲好多野揀，可樂，忌廉，維他檸檬茶都有 （平時放題多數得不知名牌子的，或韓國野飲）甜品有雪糕！仲要係Haagen Dazs! 真的讚 👍🏻 出面拎火鍋野食都好多選擇，丸類有差唔多十種有墨魚丸，龍蝦丸，小魚蛋，日式芝士魚蛋，芝士腸，蟹子丸等等。菜又有大約十款粟米，南瓜，蘿蔔，秋葵，連雨衣甘藍都有！醬料方面都特別就香港人的口味，辣椒，生蒜容同炸蒜，日式的酸汁，麻醬都有！我最鐘意的都係甜品 Haagen Dazs 雪糕都有八款，最好係味道仲唔頹，有Caramel Brittle (宜個放題有真係好難得) ，Belgium chocolate，cookies' new cream, Strawberry, macadamia nuts etc! 我食左三大杯，即刻覺得抵番！仲有其他涼粉等做甜品。至於主菜我地要左最貴的黑毛豬，同特選和牛(連任食牛舌和飲品) $349一位。和牛真的不錯，但你要預左第一輪好好，但之後都麻麻，你問佢點解差咁多，佢一定話牛的部位唔同，會有分別😏😏😏 牛舌唔都錯。野食方面我覺得幾滿意。最麻麻係服務，有次叫加肉，同左個阿姐講，佢話普通話回覆話"等一下" (我理解佢係唔明，叫我等一陣）但見佢行開左就算，去做其他野咩都無幫我地做過，又無叫另一個人黎 😒 你唔識講我唔介意，但唔係就咁走左去。食到差唔多，有另一個阿姐黎同我地埋單話我地仲有19分鐘淨。又過多一排佢又埋黎話仲有4分鐘😓 真係咁準確？！到最後食到夠鐘，佢走左幾次埋黎話你地夠鐘㗎啦，跟住係到執野。你執我無問題(個陣大約十點，一定唔係想翻檯)，咁我又無再出去拎野食，你洗唔洗講咁多次話我地夠鐘啊！飲埋杯野，食埋個㗳肉都得啊嘛！相反個經理真係勁好，每次補肉都會話唔好意思要我地等。我地夠鐘，但個鍋入面仲有野食都話要幫我地加湯！咁先係service 嘛，下下好似要趕人走咁。…Read More

宜間位於大埔墟街市的欽記，黎過三次再試，但都無開門。今次黎竟然有開，當然要試下啦！！欽記粉麵其實只賣魚蛋/魚片粉。可選擇河粉/米粉/麵。一碗魚蛋粉$32有5粒小魚蛋，3塊魚片同幾塊炸魚皮。可以加底$34，加餸$37，淨餸$38，淨魚皮$38! 湯底原以為會好淡，但飲落有味，食粉麵不會太淡。每碗麵會跟一小碟辣椒油，加埋一齊食特別香。魚蛋幾彈牙，味道適中（比同區的蔡潤記好食）魚片比魚蛋濃味，少少咸（比蔡潤記厚切，口感好d，但較咸，味道的話蔡潤記勝）河粉較厚身，不夠滑，但可接受。粉麵送魚皮無需另行叫。魚皮好脆，但要盡快食以免浸到湯內淋了。總括，魚蛋魚片不錯，普通分量都夠，特別鐘意他的魚皮，好脆好香口，感覺新鮮炸又沒有油益味！可以再encore!…Read More

蔡潤記由大埔墟站行過去大約10分鐘的路程，不算很遠(但現在的天氣還是有點熱☀️)。我地大約中午12點到，未係好多人。我地叫左魚蛋魚片河$30，炸魚皮$24，淨牛腩$60！河粉偏細碗，但河粉很滑又淋，不錯。湯底較淡（雖然湯底係啡色）魚片同魚蛋都好細片同細粒，有點不夠喉，結果要點多一個淨魚片$30 share! 魚片較魚蛋好味，有少少彈牙，但如果可以厚一點，會更好味。魚蛋可能因為太細粒，不太彈牙，而且沒什麼味道。後面的一小碟牛腩切成小口size，好淋，已入味，但淨食有點喊，浸一浸係河粉到剛剛好。魚皮，跟平常的不一樣，一小塊的，但食落沒有魚皮味，只有炸粉的味道，又偏硬，麻麻。總括不過不失，但特別去的話，就有點失望了…Read More

原本欽記個間無開，求期揀左一個話自己係專家的"鴻發粉麵"。魚蛋河一碗有四粒魚蛋，兩塊魚片，一大塊魚片頭，仲有兩塊魚皮售 $25 算幾抵！魚皮幾新鮮，可惜得兩塊，另叫的話要$25。魚蛋幾彈牙，又唔太咸，感覺無咩味精幾好味，不過魚味無乜。平時係沙田一碗食完都唔算太飽，可能今次多魚蛋，食完超飽！總括說不差 👍🏻 但未算好好食！…Read More

個人很喜歡萬豪集團和Ritz Carlton，特別在澳門眾多酒店中，服務，舒適度真的超好。而且為於Galaxy的Ritz Carlton 同其他酒店比真的寧靜好多。一直都好想試一下麗軒，朋友們都超推，可惜以往都沒有訂位，每次都滿座沒機會。今次特地早一星期前在Openrice 的table map訂位，同天下午還收到酒店發出的email confirm 訂位。未出發已經覺得酒店服務很週到，Ritz Carlton 果然不一樣 !(平常只得table map confirm email, 很少餐廳會再另發email 確認! ) 當天到達酒店是由JW Marriott側門入，酒店指示不算太清楚，拉著小行李，經過電梯問的staff才知道電梯上51樓。到了51樓，一出𨋢有一個counter,一位叫Emma的Staff 主動地問我們要去哪裡同幫我們keep行李並帶我們去麗軒。並幫我們跟麗軒staff講我們用x小姐訂左檯。麗軒環境好靚，modern design 配以western Victorian style梳化。我們就兩位，但就安排坐梳化的四人檯，好舒服。負責我們檯的Anna 好attentive, 簡單介紹左menu, 幫我們點餐時主動提出蝦餃本身有四粒，但可以幫我們只要兩粒。我個人喜歡眼闊肚窄，所以照要了四粒，還有點其他幾個點心。Anna有善地提點我地可能叫得太多，會食不完。我地叫左蝦餃，鮑魚燒鵝撻（兩件），黑豚肉叉燒腸粉，花膠灌湯餃X1, 花膠菜膽燉湯x1 ，蟹肉海膽焗茄子，甜品是山楂一品糕。(結果真係食唔晒) 每樣點心都好好味，第一次食到叉燒比腸粉還要多的叉燒腸。鮑魚撻的撻好鬆脆，真的好想叫多一碟食。食到好飽，茶藝師Rikki，為我們沖功夫茶消化一下。她好細心解說步驟，為我們選了烏龍茶消濟。功夫茶茶杯好靚，好好飲，而且Rikki好nice 同我們傾計。我們食完坐係梳化邊飲茶，邊傾計，好舒服，再食了送的小甜品，真的超飽！總括成個experience 都好好，唔止餐廳的服務，大堂的都好週到。走時還稱呼我x小姐，仲記得我頭先講過之後要去邊幫我請門口叫定的士。十個讚！…Read More

第一份的食評寫給Never Too Late是因爲真心覺得佢好好味。特別係係元朗也能有這水準，真的值得一讚👍🏻！當晚一小時前先打去問有沒有位，順利地訂到。去到餐廳門口，見有點冷清，相反隔離泰國菜便排隊要等位。心入面有一絲猶豫。店內裝飾好靚，光線柔和，剛剛好不會太暗。坐得好舒服。坐下來，待應送上menu，講左有生蠔promote 同簡單介紹每款生蠔。以小餐廳來說，Menu好多選擇，starter/salad 有大約10樣，湯有4款，有pasta 大約10款，另外仲有main course 差數多有20款，仲有side dish! 我同朋友叫左一個無花果Blue Cheese沙律，同cream sauce clams share! 沙律偏甜，幾refreshing! Clams超大粒，一份有大約8隻。湯叫左lobster bisque & clam chowder！lobster bisque好好味，龍蝦味重，同外面市區餐廳有得揮！calm chowder 好多蜆，仲好大粒好fresh! Main course係ribeye, roast spring chicken 同pork rack! 每樣都好好味。我自己食spring chicken, 一見呆左，第一次食咁大隻春雞，而且仲好有heart咁入面stuffed with mushrooms!! Very impressive!! 食完其實好飽，但甜品永遠係fit for 另一個胃！甜品較少choice, 我地叫左個Earl Grey Creme brûlée share! 真係超好味。美中不足係個creme 整得太爛。有少少一"pat pat"嘅感覺，但都好好味！最後想飲杯茶，可惜只有檸檬茶，suggest 可以加入幾個common 的茶如Earl grey, camomile etc 咁客人食完可可坐坐，傾下計，又可以跟甜品一齊飲，會perfect好多！overall 真係好好，雖然唔平，但係元朗有咁好食的西餐，真係好難得！一定會再黎！…Read More