Orangelamlam's Profile

行行下旺角見到個鋪頭名熟口熟面，望一望個Menu👀 原來係以前喺灣仔同尖沙咀分店食過嘅新記！見條隊唔係好長，所以就排下，搵翻個回憶嘅味道。鋪頭行翻懷舊茶餐廳嘅設計，整體坐得舒服，唔算太逼✋🏼芝士汁豬頸肉煎蛋撈公仔麵 $53 💛💛💛💛芝士汁好夠味！ 但對比以前，啲汁好似少左🥺不過依舊係咁好食！！而豬頸肉係一片片，偏肥，食落好有罪惡感🤪 但真係好滿足💛 蛋煎得岩岩好，仲有少少流心，同芝士撈埋一齊冇得輸🤣另外仲嗌左下午茶餐 西多士 $34 連飲品💛💛💛西多士就真係冇乜特別🤣 下次可以試下叫其他小食，特別想試好多人都推薦嘅蜜汁龍鬚🙈整體黎講，性價比唔算太高，芝士汁公仔麵感覺上都係覺得以前係香檳大廈嘅好食啲，間唔中想過下芝士癮都可以去試下😍😍…Read More

熊本燒肉，睇到大家啲comment 同啲相都好靚🙈呢個係第三波疫情前嘅體驗🤣 嗰日收工已經係十點幾，打電話問問呢間仲有冇位，佢話冇乜客，可以隨時上黎😜 瞬間覺得，嘩！平時要book檯嘅熊本燒肉，難得冇乜人，即刻衝上去食！宵夜時段，除翻開兩個人每人around $280左右，肉任食，野飲任飲，仲有好多小食、刺身比你揀🤪可能因為係宵夜時間，啲肉都冇話好靚好新鮮，呢個可能係期望太大，總係同想像會有啲出入🙈 試過牛肉、雞翼、豬頸肉、雞腎⋯⋯ 果然牛肉同埋雞腎係永遠唔會令人失望，淨係食牛肉都可以食夠本！🤤🤤🤤至於熟食方面，清酒煮蜆起碼嗌左3-4次，真係好足料，好香清酒味，而且嗌咁多次，每一次啲蜆都係冇沙！仲有陣海水味😆😆 幾開胃，連埋個湯都可以係咁飲啊😆刺身喇，淨係叫左甜蝦刺身🧐 超級唔新鮮啊！食左一啖，完全只係食到陣雪櫃味🤭🤭 即刻棄左剩底嘅刺身，亦都唔敢再嗌了🤣整體黎講，可以一試！但係我諗未必會再幫襯了🤣🤣或者，要幫襯都唔會揀係宵夜時段去，可能會揀翻最多人去嘅lunch time，可能啲嘢會新鮮啲🥺🥺🥺…Read More

本身排緊隔離嘅牛*，等左一個鐘前面都仲有成百張檯，唯有轉食其他嘢🤦🏽‍♀️係LCX到行行下，見到呢間奇納百川好光猛，好乾淨嘅感覺，咁岩又冇乜人所以走左入去試下🤪！三文魚子海膽忌廉醬烏冬 $188 💛💛💛💛一上碟見到，嘩！好多三文魚子同好多醬🤤係海膽個size有啲少，大約得食指指頭咁上下，再多少少會更正！睇個名，完全唔知道佢會有wasabi 係入面，幸好個量唔算多，唔係話太攻鼻🧐 但如果完全唔食得wasabi嘅，建議嗌過第二樣🤣 但落左wasabi之後，出奇地覺得好夾，冇左忌廉個種容易食濟嘅感覺！都幾清新🤣炸午餐肉條配芝士醬 $78 💛💛炸午餐肉同menu個張相個size都差幾遠🤣 同埋炸太耐(?) 非常乾🙈 個人覺得最大鑊係個芝士醬，咸到不得了🤣🤣 加埋午餐肉本身都咸，成件事入到口就係好咸好乾，呢個真係唔會再試了🙈泡菜煎餅 $108 💛💛💛💛💛呢個係成餐飯入面最鐘意嘅！泡菜料足！辣度適中 而且都算大份，性價比都高嫁🤪 下次黎個陣一定會再嗌！芒果香桃乳酪（唔記得幾錢了🤣）💛💛💛💛甜甜酸酸🤤 入面有好多穀物，邊飲邊有嘢咬下🤪 入面仲有一粒粒芒果同桃，都幾多料。兩個人食咁多嘢，再飲埋呢杯野，成餐都好飽🤣以上加埋食左around $500，係海港城黎講算係咁🤧建議去呢到食飯，一定要request坐餐廳最入嘅位，咁就可以望住維港食飯！呢日去到咁岩撞正日落時間，邊食邊睇日落，都幾好feel嫁🤪…Read More

喺元朗住咗廿幾年，第一次嚟百斗記食雞煲！🤤如果住喺屯天元而又想食雞煲，呢間絕對值得你試😜.睇到OpenRice 啲comments 話要等好耐，服務態度好差，一開波都有啲淆🙈 所以諗住避開食飯時間，大概夜晚9點幾先去到排隊。點知去到都係勁多人，排咗成粒鐘，最後都係10點先入位😩😩 建議大家真係提早打電話去book檯🤦🏽‍♀️🤦🏽‍♀️.入到去就明點解會有comments 話服務態度差，因為成晚樓面得2個staff，佢地自己都做到滾水淥腳咁款。但可能因為太晚，啲客都食得七七八八，佢地冇咁忙就自然好好服務態度🤤。本身佢地安排我坐門口位，都幾多人、幾逼，問一問老闆娘可唔可以調位，佢又好快安排到我地坐卡位，服務方面即刻加曬分✌🏼.野食方面喇，嚟到呢到一定要食雞煲！嗌左半隻雞，少麻微辣😻😻 ✅雞煲（半隻雞） $118 💛💛💛💛咁個爐會幫你自動計時，夠鐘自動熄，咁個時就可以開蓋食👻！個人覺得佢個雞煲非常足味，但花椒味重，如果唔鐘意花椒味嘅可能會覺得麻麻地。雞嘅肉質鮮嫩，非常入味😽 所以overall 嚟講，對個雞煲十分滿意，對比元朗區其他雞煲嚟講，呢個算喺高質之款。但如果真係要比較的話，當然一品雞煲仍然會排喺no. 1！.另外就嗌咗手打墨魚丸，但唔知點解等咗大半個鐘先到🙈✅手打墨魚丸 $78 💛💛💛💛墨魚丸非常爽口，而且非常多墨魚粒🤤 同普通墨魚丸真係差太遠，惟有啲細粒，所以價錢可能略貴，不過都推薦大家可以嗌嚟試下！.仲有相對冇咁推薦嘅娃娃菜同牛肉（例牌）✅娃娃菜$38；牛肉（例牌）$98 💛💛💛牛肉呢個份量，一個人食就差唔多，兩個人share食係絕對唔夠🙈 數數埋埋我諗應該得7-8塊，同埋係有啲薄，呢個價錢就顯得有啲貴了，性價比唔高🙈 寧願嗌多個手打丸可能仲開心啲🤣 野飲方面就嗌咗一jar竹蔗茅根水$25，兩個人飲，每人分到4杯，好過嗌汽水🥤.整體嚟講，覺得呢到性價比都幾高，果然名不虛傳係會翻嚟再食過嘅！…Read More

本身見到咁多好評，所以就book左呢間同朋友仔慶祝生日🎂 但食完成餐飯，發現呢間嘢真係唔係想像中咁好🙈.先講服務方面📝，6點半入座，入到去個陣，全場只有三檯客（包括我）。職員安排我地坐門口位，但因門口有兩部冷氣吹住，所以我地都想調去第到。點知職員話全場full曬，唔可以調☹️☹️ 一路吹住兩部冷氣，到走嗰陣，我都冇見到全場有full過嘅一刻☹️ .嘢食方面，我地叫咗雙重芝士年糕、牛肉烏冬、雞肉烏冬、四串串燒同埋網燒安格斯牛扒。除左個雙重芝士年糕外，其他真係麻麻地，好多佢、平過佢嘅餐廳真係大把，唔值得試。雙重芝士年糕$45 2件💛💛💛💛熱辣辣食係幾唔錯，有拉絲。不過芝士年糕應該都好難整到好難食(?) .牛肉$82、雞肉鳥冬$78💛💛💛份量較少，但整體味道不錯。.網燒安格斯牛扒$128💔💔💔我諗係真係因為兩部冷氣吹住，可能熱辣辣食會唔錯(?) 先講肉質先，見到其他comment 都話個牛燒到岩岩好，肉質鮮嫩，但嗰日真係冇呢個感覺☹️ 唔知佢燒左幾耐，一係頭同尾都極肥，一係中間個啲肉就好柴、冇嗰種咬落去有肉汁嘅感覺，食左兩塊已咬到攰🙈🙈 另外係個醬，個醬真係咸到一個極致☹️ 係夾嘅但真係重口味咗啲啲🤣 .鹽燒牛舌$35💛💛 燒雞軟骨$20💛💛💛💛牛舌先啦，個調味係ok嘅，係燒得耐左啲，真係有啲硬🙈 冇咗牛舌個種入口即溶，中間較冧嘅感覺🙈🙈 所以真係麻麻地。燒雞軟骨夠味！反而燒得岩岩好喎我覺得🤣 總括而言，如果係住附近而咁岩想食日本野，呢間係可接受的。但我個人就覺得唔值得山長水遠走入黎食，因為好食過佢，而價錢又差唔多嘅真係大把🙈🙈…Read More

試過度小月、程班長等等等等既台灣菜，今日終於黎食阿元來了因為地點太難搵了，8點係觀塘落車，行到9點先搵到:(但9點黎到就完全唔洗等位，落單到送餐既過程都好快。餐廳環境方面好有以前台灣既feel，劃分左火車站、戲院、雜貨店等主題。單睇設計方面都覺得花左好多心思，值得加分！到野食方面喇魯肉飯（$29）、貢丸湯（$20）特別欣賞佢既魯肉飯！魯肉都幾肥，多油，好香口。貢丸湯其實就冇乜特別覺得份量少，但呢個價錢就由佢啦。建議大家嗌翻多啲小食蚵仔煎（$35）、塩酥雞（$35）蚵仔煎啲蠔仔份量雖然少，但勝在大粒係第一次食蚵仔蠔會感覺到啲蠔仔係新鮮同有汁而塩酥雞個鹹味就岩岩好！冇炸到乾曬身，咬落仲有少少肉汁加埋件雞本身嫩，確實不錯！無論係野食定係環境都絕對值得一讚一定會再翻黎！不過提提大家，紙巾係要另外比錢。同埋滿$200先可以用信用卡、Apple Pay等等等等。同女朋友一心諗住用apply pay比，點知唔過$200差啲唔夠錢比要留低洗碗。。。…Read More

前排見到呢間用高速火車去運送食材既火鍋店今日終於有時間試到:)$98 40分鐘任食呢個確實係吸引一開始就會叫我地揀湯底先啦，我揀左菇獨湯（$22），女朋友揀左牛骨湯（$18）前者有好濃既菇味但後者就淡而無味用運輸帶去運送食材呢個點係吸引既，但佢係要拎完個食材之後，自己禁掣送翻走架車。咁隔離食客唔記得左禁走架車，塞住個路軌，就變左我地既食材遲遲未送到:(至於野食方面啦其實真係冇乜特別，冇話邊樣特別難食特別好食。但個份量就係比一人份量，所以可以試多幾款唔同既食材既，同埋唔會浪費服務態度方面用得運輸帶去送食物，都冇咩服務可言嫁喇我地同隔離食客差唔多時間入，但係40分鐘內確實難食曬咁多野，所以就坐到45-50分鐘咁。臨走個陣就突然落大雨，隔離食客冇帶遮，有個staff好好咁叫佢坐多陣，等細啲雨先走，反正今晚冇乜客。點知轉個頭個疑似經理既就行埋黎同我地幾個講，已經超過左10分鐘，要交檯:(明白規矩係咁樣，但落大雨而又真係冇咩客，係咪要揸到咁正呢？…Read More

見香港越開越多吉列牛，下定決心要試曬佢！前排就去左位於太子既琥酌牛カツ居酒屋地理位置方面，近太子地鐵站，都幾方便！到野食方面喇，Menu有幾款牛比我地揀，價錢就由$188到$3XX左右啦今次就試左最平既安格斯吉列牛套餐 $188包小食、湯、沙律、白飯，麵豉湯都唔算貴！比起日本，呢間就肯定貴左少少同埋味道冇日本個啲咁正嫁喇但佢比起香港其他既吉列牛係仲keep到個種吉列脆皮同厚薄適中不過有幾件係特別多筋，冇咩牙力既我就要咬耐啲調味方面就比左柚子醋、芥末同燒汁，特別推介點呢個芥末醬同吉列牛出奇地夾整體黎講都ok!! 會再翻黎試下其他既吉列牛!!…Read More

今次係第一次去幫襯🙋🏻係門口個到見到個餐牌就覺得野食價錢算高(唔知點解韓國野同以前日本野既價錢一樣咁貴)服務態度方面🤔🤔店員好主動介紹招牌菜比我地，呢頭舉手想加個飯，個頭就有店員黎問你想要d咩。可以話係做到「梗有一個店員係你附近」至於菜式方面今次叫左個蜂蜜牛油炸雞，佢既賣相係同相入面一模一樣(唔再係圖片只供參考)。而味道方面，入口會食到少少蜂蜜牛油味，但味道唔係話太重。(建議大家點芥末醬食，佢個蜂蜜牛油味會再出d)。份量方面，$188 一盤炸雞，我地2個女仔就食唔曬喇。佢每一件炸雞個size 都好平均，唔會話有d特別大，有d特別細，仲可以做到一啖一件炸雞。味道，呢到絕對唔會令你失望。但價錢較貴，所以下次會去試下第間，翻轉頭食佢既機會較低😂😂🙈🙈…Read More