Sophie C.S.Y's Profile

真係老遠過黎為燒雞，見到好多好評，唸住唔會伏點知～哈，有D野認真便輸了首先黎到，目測客人唔多就已經見到員工已經忙到不可開交，仲要係岩岩開門無耐就已經控制唔到個場面，場地都有點空間只見一個女職員滿場飛，又開爐又派醬料又出餐，但出餐只靠雙手，又唔係一大盤，細細碟都用手出菜，托盤都無個幫手唔忙就奇，甘樣做法點應付客流量，當日係紅日，唔計廚房樓面得三個人開始食啦～未點餐前員工職員先上一碟比每枱客人試食，成碟肉都冰嘅，雪都未熔哂，仲再硬硬地，甘都要食架，照慢慢燒啦。。。當然未熔哂雪嘅肉唔會好食啦，燒肉當然唔會要求肉要有肉味，大家都知係疆屍肉，所以真係好靠個調味，調味係韓唔似韓，泰唔似泰，only樣樣都有甜味，入口唔知食緊咩野調味當燒緊第一轉個爐好似有D唔妥，最大火都好似slow cook，尋求協助搵到女職員，只hea回禁咗兩下話得，再燒咗陣以常人有嘅常識都知應該係有其他問題，見女職員都忙到頭都甩，我明嘅，如果自己都唔知問題係邊未搵其他人幫手睇睇囉～無嘅，只係專注派餐，有留意到我地眼神求救但都無再主動問咩情況，feel到潛台詞：我幫你唔到望我都無用唯再燒咗5mins都無起色，搵咗男職員幫手禁咗兩下終於好D。Then第一轉落單嘅野食又等咗好耐都唔黎，眼見其他枱遲過我地開始嘅都已經陸續有食物上枱，我已經心知不妙，試下落第二轉野，點知第二轉秒速上枱，甘就即刻搵男職員問問，唔敢再點驚重覆上，今次男職員看似有跟進，問完有答返話廚房有單佢地執緊，好！！！再等再等，ok我第三轉野食都黎咗啦，第一轉依然係無上過，我唸唔洗講多數無同廚房講啦，因為男職員問都無問過我地有D咩無黎其實都知架啦～越食越火滾，但同自己講快D食完走，無下次唔洗嘈唔洗嬲，食到中間留意到其他枱嘅客都有追問D野未上齊情況，有咩最快上而有可能齊單呢？應該係收費飲品，而我點咗5轉嘅免費食物，只係上咗3轉，而直到埋單追過嘅第一轉食物都係無影嘅總結燒肉好麻麻，最出名嘅燒雞就。。。燒乾咗，好多雞油但留唔到係雞肉內，唯一好真係上枱熱辣辣，調味係香草雞，個人會覺得燒雞做鹽香雞會比較香同好食，簡單用鹽做調味唔需要搞甘多野，不過口味好個人。但整體所有事加埋已大減印象分，一間餐廳最簡單，論食物質素同服務都已經係基本要求都達唔到。香港做飲食的確好難捱，但真係唔係無原因，本人已經係極度支持留洗消費嘅一堆，但慢慢都唔知有咩值得支持，做緊嘅一群人有幾多真係爭氣用心做？…Read More

已經唔係第一次幫襯，不過今晚遇到一個極之離譜嘅女店員不禮拜對待（女店員特徵：身形細小，瘦），可以講係甘多年黎最差最離譜嘅服務，只針對工作表現。女店員可能對我一枱人有不滿，落咗單之後餐牌仲係客人手上，佢一手搶過，感受到有敵意，搶過餐牌後好粗魯甘收走，同枱另一人感到敵意，說話較強硬表示餐牌唔洗收，可能尼個舉動女店員已經記咗係心，最後女店員粗暴到餐牌都跌埋落地，正面向我地表示不滿，全程無表情，此舉已極之有惡意，原來香港依家服務真係甘有個性不過當然只係尼位女店員品格有問題。送甜品上枱依然係尼位女店員送餐，佢粗手粗腳甘放到枱，刻意甘將糖水倒瀉係曾經強硬話唔收餐牌嘅客人身上，仲要唔係小小，係連D料都倒埋上身，然後一句唔好意思，同處理都無，面無表情甘衝衝行開，之後無返黎清理。此情此境，當然友人有大聲話一句唔好意思都無有無搞錯？但女店員一早行開咗，連反駁都賴得理我地。其實倒瀉一刻我地大家都無大反應，因為真係一句唔好意思，清潔返就已經了事。但條友走咗去，同埋擺出一副就係要玩你啊。吹咩嘅樣真係令人嘩然。。。。食物再好，餐廳請到個甘嘅員工真心無運行，控制唔到情緒真係唔好返工，甘嘅服務連基本都提供唔到，老闆仲出糧請個員工倒米？真真實實嘅食客遭遇因為尼個女店員比負評…Read More

第一次同朋友黎，感覺非常好，員工非常快手及顧及客人需要，做事不馬虎點烤魚唔知係咪店主但好主動上前介紹，烤魚上枱時員工好細心多問一句爐具擺放位置需唔需要調整第一次食試個小辣先，未夠過癮，下次可以中辣啤酒買一送一，食辣野一定要啤酒送加點串燒一樣出色整體感覺很好，想食烤魚會再黎，坐位闊落，枱與枱之間唔會好近，雖然二人枱比較細，但都會有個層架可以放食物，重點服務同食物都ok…Read More

星期五的晚上本來想同朋友好好聚一聚可惜被急促的服務不停暗示吹趕，最後一個鐘多小小落單連埋單搞掂。甘嘅價錢食快餐，都唔洗有下次仲要上餐唔算快，19：28落單大約15min先黎第一樣炸雞，先論味道講唔上好食，亦無吹捧得甘勁咁好食，只屬於普通級數。炸雞與醬汁／調味粉未見得有好夾，連收工後好肚餓都無覺得好正嘅感覺，如果單純為填肚可以接受，但如果追求味道，就唔好有期望。又過咗15mins店員見我地炸雞都食得7788，先發現落漏單，原來無落魚糕湯，先即刻落返，言語之間會發現其實佢地要確認食物係咪已經到齊，讓客人盡快離開，半小時後先落第二道菜，過咗一陣都上菜，但食咗一陣店員以詢問餐點有否到齊，來試探用餐的速度。中間的過程員工不斷的想再前來試探，之後眼見員工的眼神續漸有點打量。最後因有飽感，開始減慢速度，放下餐具不久，員工即刻前來問可以收未？但其實我朋友仲食緊另一樣，當我朋友都放下餐具，員工係極速收拾枱面，什至飲品未飲完都問仲要唔要？感覺極之唔良好用餐前後40分鐘，餐廳20分鐘就開始施壓，19：28點餐 - 20：36離開餐廳要確保出運作順暢我明白，但過快令人感覺好差好趕客，同埋員工質素需注意，店細難免要等。…Read More

初嚐，結論一次便足夠由於見到comment不錯，相約朋友聚一聚，一起滿心期待的，但與想像有所出入，期望真的過高。《羊肚菌忌廉磨菇湯》調味偏淡淡的，沒有太重的菇菌味道《手工黑松露帶子酥》用帶子裙邊打成汁酥皮香味不足，0黑松露味，醬汁提升不出鮮味帶子肉是吃得出的新鮮《慢煮活鮑魚》伴鮑魚肝鮑魚鮮彈，個人喜好輕輕點醬汁，醬汁內臟味道重，如沾太多會蓋過鮑魚鮮《白花膠》伴法式藜麥白汁整體味道分開，白汁偏淡《澳洲黑安格牛柳》伴鮮橙醋酒汁重smoke味，但蓋過牛味左至右，淡至燶個人覺得中間鮑魚味最濃最後一道最不配搭，大膽創新《鵝肝雪糕》鵝肝味很出，但作為甜品真的很失色，整體感覺滿滿的油膩感，而雪糕是沒有甜味的，很怪怪很不搭，本來成餐覺得最特別係甜品，可惜是最失望，隔離枱一樣見解*沒甜味的雪糕*，吃得鄒眉頭總結…食物口味偏淡，Fine dining應有的服務是欠缺的，或許是人手不足，飲品/水杯空，未見主動refill，感覺可以做多一點了解客人對食物意見，從而作出相應的餐牌優化。…Read More

經外賣平台買過第一次感覺都份量合理及味道正常，所以第二次膽粗粗試下啲比較貴嘅菜式……點知個鵝（乾）多士一睇O哂嘴😅明白外賣平台價一定係會枱高，價錢高咗但出品係甘，真系有點講唔過去個塊肝又細又乾又薄（塊包嘅存在感更強），承為$100？有點講唔過去希望餐廳改善一下，總括嚟講其他嘢係合理。…Read More

尼到環境係唔錯，地方大枱與枱之間分得好開，好適合同三五之己Happy Friday 黎把酒談歡🍷🍷燈光有情調好Juice腸，一落刀切肉汁爆出黎，入面有D一粒粒嘅筋位，越咬越香嗌咗兩個小食嘆住先，不嬲都好鍾意田螺配上好多蒜蓉，橄欖油夾埋個法包食，好香好正😋個皮好薄好脆，切開仲出煙，伴酸椰菜，解咗油膩感蝦爽口，個汁就無想像中甘香濃一口牛，食到尾段都飽飽地，主要傾下計甘就完咗一晚聚會了。…Read More

觀塘越黎越多好餐廳真系想續間試都有排試食咗兩次第一次已經覺得相當不錯👍🏼上枱快出品都有水準，價錢合理。黑磚豆腐必食之選上枱係好香，因為面頭D炸蒜好惹味，個皮好脆又咸咸香香，真係好食，簡簡單單一舊豆腐做得好味都唔係簡單架😂金銀蛋浸時菜個湯好明顯勁濃，皮蛋咸蛋都一D都唔小，啖啖都有脆皮炸子雞（半隻）好多炸蒜伴碟，個皮都好香脆，雞肉嫩滑，好耐無食覺得好沸騰魚熱辣辣滾油上，食個時要小心蠔餅就相對無甘好，好鬆脆但滿口油雜菜豬油渣粉絲煲同幻想中有出入，以為係雜菜煲個Frd會以菜為主，點知菜小得很，完全係炒粉絲 乾咗D話梅骨，酸酸甜甜肉質爽口海鮮炒米粉，好多海鮮料！尼個炒得好有獲氣味道有小小辣，米粉好乾身，好好食最後黎個考刀功甜品：菊花桃膠豆腐花，無得頂 滿足嘅一餐🤰🏻餐廳安排入座就差咗D，已留枱嘅客當時未有枱空出，有部份客人自己走入餐廳游走，而員工未有主動叫客於門外等候入座，只是解釋準備中，而未有枱的客人有點滋擾食客…Read More

火炭區近山尾街山頂真系美食嘅沙漠🤣終於發現到有新野，急不及待去試，不負所望出品係精緻同明顯好用心做🥰好野緊係要比D耐性等，出餐時間會長D。但都寧願食急小小，食D有質素嘅野。但當然位於工業區，時間嘅掌握可以再改善一下，不竟午市真係個個都爭分奪秒🤭食物方面第一次食真系相當驚豔尼區有甘嘅水準🤩🤩而且份量係非常足夠同價錢相當親民越式蔥油炸雞扒飯好餓要食個飯🤣伴碟涼菜都feel到佢嘅用心，系醃漬過酸酸甜甜，帶起胃口，雞扒熱辣辣上，配個酸辣醬油，解油膩由…伴碟到醬汁都唔馬虎！贊👍🏼👍🏼同事叫的黑松露牛肉手打烏冬同樣出色，湯底看似好清但好夠味又唔味精，食落黑松露同湯烏冬又幾夾，真心不錯牛柳肉掛烏冬，牛肉小咗D，細食就ok吉列豬扒地獄湯烏冬😋😋烏冬索哂D湯味係我當日好想食嘅口味☝🏼第二次幫襯都仲係好好食早晨都有佢份，真係迷上佢🙈🙈坐窗邊望綠悠悠，開小小窗吹下風，好鬼舒服囉☺整體由服務到食品都係好滿意，即使午市忙都見到員工做野快手快腳的好希望尼間可以站穩陣腳，越做越好👍🏼👍🏼以後食粥食飯靠佢😆唔想再過D唔好又一餐嘅日子😩So Sad🤣🤣…Read More