tobylamyat's Profile

御名園喺元朗都開咗一段時間，今日終於得閒試下佢嘅晚市，留意返晚市就收$15茶錢一位，依個價錢都可以接受啦。另外我哋兩個人食仲會提供一碟果仁$28畀你過下口癮先👍🏻前菜我哋揀咗黃金炸魚皮同埋海蜇青瓜。黃金炸魚皮夠脆，最重要係好多鹹蛋黃。海蜇青瓜水準正常，夠曬開胃。見到網上好多人推薦食海鮮，我哋就叫咗兩斤澳洲龍蝦伊麵$698。上菜嘅時候驚覺份量好多🤩，啖啖肉，連龍蝦頭下面都有好多肉。兩個人分左呢碟已經7-8成飽🙊。當然都張試吓依度好出名嘅燒鵝（例牌）。燒鵝就肥咗少少，不過份量就好多，我地最後都食唔晒。整體嚟講想食中菜嘅話都算係唔錯嘅選擇👍🏻…Read More

.⁡十三少酸菜魚喺元朗都開咗一段時間，終於有時間去食。😋先嚟一份酸菜魚，少辣。魚唔係用龍脷柳而係用鱸魚，滑身得嚟啲肉唔會一咬就散開晒，相當唔錯。有大量酸菜之外，魚嘅份量好多，食再津津有味。🤤⁡之後就係皮蛋啦，皮蛋個辣油都整得唔錯，麻辣度適中，都好惹味。⁡另一個小食係乾煸四季豆，少辣。炒到好入味，夠乾身又唔油，肉碎入味之餘唔會太肥，最怕就係好肥嘅肉碎，份量夠三個人食。⁡甜品係即叫即炸嘅紅糖糍粑。炸過嘅糍粑外皮好脆之餘仲一啲都唔油，紅糖醬亦都唔會太甜。不過成個晚餐嘅份量都好多，我地實在太飽，差少少食唔落。🙊整體嚟講食物份量都幾多，價錢都算合理，會再嚟呀。…Read More

每次經過屯門紅橋果陣都會想食呢間pillowtalk，價錢好合理之餘食物質素都好高👍🏻我哋今日就食咗芝士黑松露火鍋同埋美國肉眼扒配薯條🥰$138食到芝士火鍋🫕仲有咁多配菜，性價比都真係幾高。有炸雞，法式麵包，通粉同埋薯角。芝士火鍋唔會好膩，仲有少少松露香。份量好足，一個男人食都好夠飽。頂級安格斯扒夠厚肉，再有一隻自家製汁，有微微甜又有黑椒香。五成熟食落一流。+$45升級咗套餐仲有餐湯/沙律再加飲品同埋甜品餐湯就正常水準，無咩大驚喜，沙律嚟講都係有落胡麻醬就夠好味。至於甜品就無得選擇，由餐廳隨機畀。我地食嘅係芒果芝士蛋糕同埋芝士撻，唔太甜，味道都唔錯。原來而家7點半前埋單仲有85折，依個價錢嚟食一間環境都幾有情調嘅餐廳，性價比真係好高，會再嚟幫襯🥰…Read More

元朗又新街開左一間新嘅泰國菜—black bangkok叫咗一個生菜包，炒豬肉好惹味，唔多肥膏，有少少辣，配埋新鮮嘅生菜食一流。跟住叫咗半隻海南雞，完全估唔到泰國餐廳既海南雞咁高水準。雞肉好鮮嫩，好多肉汁，好驚喜。水準高過好多食海南雞既餐廳。佢配左兩隻醬。一隻甜一隻酸辣。兩隻都唔錯，幾惹味。最後叫左兩隻燒聖子皇。上面有少少洋蔥，配一隻酸酸地既醬。聖子皇好大隻，啖啖肉，肉質彈牙，食得出好新鮮。餐廳環境都唔錯又乾淨，會再幫襯😆…Read More

芝士雞煲其實都唔係啲咩新菜式，不過天氣一凍要會好想食😋今次再嚟米走雞食佢嘅激量芝士雞煲。2人份芝士雞煲$208: 作為芝士迷嘅我揀咗激量芝士。雞本身煮得啱啱好，唔會過熟。咬落仲好嫩。除咗雞之外仲有大量嘅入曬味嘅洋蔥。兩個人食確實有少少膩（可能係因為我揀咗激量芝士）。如果多一個人食就岩岩好。食完雞煲可以加湯打邊爐。因為食雞已經食到好飽嘅關係，配菜只係叫咗烏冬，粟米，炸魚皮，竹笙墨魚滑同埋哈哈蝦中寶。烏冬同粟米就無咩特別。自家制嘅墨魚滑同埋蝦中寶都好驚喜。竹笙包住既墨魚滑淡淡墨魚，落足料。蝦中寶一樣用左好多蝦打成，口感彈牙，相當高…Read More

葵廣出名多野食，不過呢到鋪頭都轉手轉得好密。今次試左一間新既burger，叫做Hong Kong burger。安格斯牛肉芝士漢堡$68雖然價錢唔係話好平，不過佢既安格斯牛扒好厚身好大塊。漢堡包都唔係用普通超市買到個隻。食落好厚身，唔係一咬就會散既麵包。仲可以+$15 試埋自家冷泡茶同埋一款小食。我地就叫左薯絲蝦。小食就中規中俱啦。反而冷泡茶好有驚喜，菊花普洱好香濃，又唔會太澀，加左兩次水飲都仲好香濃。焦糖洋蔥煙肉熱狗：呢個組合都係第一次試，擔心又咸又酸又甜。點知食落反而覺得個味道都幾特別同幾夾。而小食就叫左炸笑哈哈薯餅同埋玫瑰紅茶。見到依款笑哈哈薯餅啲童年回憶真係返曬黎🥲🥲至於冷泡茶一齊咁出色。推介大家黎到一定要試下佢既漢堡包同埋冷泡茶😋…Read More

喺荃灣千色行完街，搵到一間唔錯嘅日本餐廳——古今二叫咗一個網燒牛舌，好厚好大塊，燒到啱啱好，夠曬香，食落都幾彈牙。牛肉壽喜鍋：$138 畀得呢個價錢都知唔會食到日本牛，不過佢嘅牛都唔差，牛味好濃，大塊之餘份量都唔少。個煲仲有好多蔬菜同豆腐粉絲等🥬，尚算入味，夠曬健康。跟住叫咗兩款飯卷，改名方面都幾有新意：東京爆脆：一啖咬落好脆。裡面有一個用炸天婦羅方式整嘅吞拿魚，出面再包飯同紫菜。都幾特別，口感一流👍🏻另一款叫富士山：富士山出面有大量蟹柳同埋脆片，落左少少七味粉食落有少少微辣，但一齊食又出奇地好夾。卷物裡面雖然係牛油果同埋鰻魚，亦唔會太膩，食到停唔到口，依個飯卷真係味道同賣相並存呀👍🏻…Read More

今日8pm到咗門口都仲有好多人等緊入座，真係好受歡迎🤭，感覺應該都唔差，值得一試。等咗一陣入座叫咗一盤太陽芝士雞鍋。有齊4款炸雞可以食：原味，甜辣味，芝士味同埋豆醬味。4款計埋有成30件有骨炸雞左右，兩個人真係完全食唔晒。炸雞keep到外脆內juicy，做得幾出色。中間芝士拉絲睇到用左好大量芝士，亦都做到拉絲效果。不過粟米就重手咗少少，有少少蓋過咗芝士嘅咸香。至於人氣嘅泡菜煎餅，餅皮煎到好脆，足足有8塊，泡菜亦都唔會太辣。最後叫埋個芝士紫菜包飯。芝士令到個飯成個唔會好乾，用料都新鮮，依餐真係食到好飽😋…Read More

.今次專登去咗試元朗新開嘅一間中西菜mix嘅餐廳，食物質素同餐廳名係相反嘅，食落都有驚喜。黑松露野菌pizza（$98）🍕pizza皮薄，食落仲好香脆。黑松露味道好香，不過呢個價位就唔會見到一片片黑松露，只係用左黑松露醬，不過依然有黑松露香嘅。明太子海鮮意粉（$108）🍝意粉唔會太淋，又有口感。仲有份量都多嘅明太子同埋海鮮：有魷魚，蝦，青口。食落都好彈牙，水準都唔錯。法式白酒煮蜆（$88）蜆肉好大粒，一碟都有成十幾粒左右，酒味唔會太濃，食完好開胃。飲品叫咗熱情果茶同埋鴨屎香奶綠，唔會太甜，中規中矩。…Read More

.⁡呢排係大閘蟹旺季，為咗滿足下口癮梗係搵一間任食嘅試下。⁡九展呢間越南餐廳原來都有大閘蟹放題😳雖然九展個位置唔係話好方便，不過呢到消費$200已經可以免費泊兩個鐘。⁡講返大閘蟹放題，食唔同size 嘅蟹同唔同時段食有唔同價錢。我地就揀咗食中size : $498一位。佢仲可以加$48任飲酒，好抵！不過我地揸車黎就唔方便飲喇。⁡任食大閘蟹坊間其實有好多間，不過好多間都上唔足份量，時限又短。今次呢間得88分鐘，比起出面嘅大閘蟹放題時間更加短。不過佢係由上蟹先開始計時，同埋佢上蟹速度都好快，寫完唔夠三分鐘就上到。每次每人最多叫兩隻大閘蟹啲膏都算幾多，無得指明要公/乸。中size唔算好大隻，我哋兩個人食咗16隻😂，最後當然要飲返杯薑茶中和下😎⁡至於呢到嘅小食都做得一啲都唔馬虎。我哋試咗：越南春卷，木瓜蝦沙律，同埋鰻魚，好值得推介。春卷皮夠薄亦好脆，係正宗越南味道。沙律都有驚喜，味道清新之餘仲有炸蒜脆片調下味。鰻魚夠厚肉無骨仲要任食，抵呀🥰而雞翼同埋串燒雞就正常水準啦。⁡Pho星登陸越球 (九龍灣)九龍灣展貿徑1號E-Max 國際展貿中心2樓25號舖…Read More

茶聊午市叫左兩個set lunch，一杯飲品同埋試佢既雪糕忌廉湯相當唔錯，又足料之如又有忌廉味。再配一塊好迷你既餐包，點埋湯食一流。主菜叫左煎帶子椰奶意大利飯。意大利飯岩岩好，唔太淋亦都唔會太硬。不過帶子有少少薄身。椰奶汁味道中規中矩。相比之下九層塔蜆肉意粉就比較出色。清香既炒意粉再配九層塔相當出色。蜆肉有十隻。正飲品叫左雙莓四季春沙冰。第一淡飲落口好香茶味，雙莓用左草莓同藍莓，仲有粒粒果肉。飲品係幾出色雪糕叫左一個oreo gelato。雖然甜左少少，不過用料豐富而且賣相一流。…Read More

⁡琴日行完大尾督嚟咗一間可以帶狗嘅餐廳——meraki🥲間餐廳有個千秋打卡位，不過應該適合細狗多啲。雖然天氣好熱，不過坐戶外都有遮蔭，唔會太熱。⁡佢lunch set包埋飲品價錢都算合理😌我地叫咗一個魚柳包🍔一個all day breakfast飲品叫咗一杯藍莓益力多梳打一杯菠蘿沙冰本身滿心期待嘅菠蘿沙冰（+$24）真係好得人驚，完全無菠蘿味，唔甜同埋唔知點解要落梳打水整個菠蘿沙冰，好淡嘅菠蘿味仲要比梳打水嘅味掩蓋晒。店主知道後主動換咗杯芒果沙冰俾我哋。今次無落梳打水，不過味道都唔岩我口味，雖然睇落芒果顏色好足料，但其實味道好淡，其實如果芒果唔夠甜可以再落少少糖帶返個芒果香出黎。不過店主嘅處事既方法都值得欣賞嘅。⁡反而食物方面就相當唔錯。魚柳包既麵包好脆，魚柳又岩岩炸起，脆得嚟唔油，值得推介。all day breakfast都唔錯，係細份咁少少，但佢所有食物都係高水準，尤其是個滑蛋👍🏻⁡如果嚟食嘅話我建議大家可能叫返凍檸茶呢d簡單飲品會好好多🤣⁡⁡…Read More

.喺屯門市廣場行完街就去咗Bamboo Thai食咗個晚飯。生蝦刺身 $118 有八隻生蝦，價錢都尚算可以。食落都幾彈牙，幾新鮮。冬陰公湯 $68 好惹味亦好足料，有好大隻蝦，不過就真個俾想像中辣咗啲，總括黎講味道都唔錯嘅。火山排骨（細）$118 雖然話係細份，但原來份量都好多下，呢到應該可以係4人份量。個汁有少少酸，少少辣，開胃得嚟都幾特別。佢嘅排骨好入味，肉質亦夠淋，不過兩個人真係食唔曬。大蝦炒金邊粉 $112 依個粉足足有成4-5隻大蝦，肉質食落唔霉，都幾彈牙。至於炒金邊粉水準唔錯，唔會太辣，麵嘅質地都唔佢太淋，味道同賣相一樣咁好。…Read More

.名川麵棧都算係元朗人好熟悉嘅麵檔。早兩日嚟到食咗一個番茄麻辣米線拼炸豬排加鳳尾蝦，同埋一個番茄芝士湯米線拼雞翼加豆卜。一個兩餸麵再配熱飲$50左右，價錢合理。湯底好濃，有麻之餘亦有番茄嘅酸，食落好開胃。番茄芝士雖然無咗麻，不過芝士配番茄又係另一種夾，令人食唔停口。豬扒同雞翼都炸得好好食，唔會太油又香脆，不過餸嘅份量如果多少少就更加好啦。飲品方面都係正常茶餐廳水準，不過不失啦。餐廳嘅座位都好多，又可以叫外賣，岩曬我依啲懶人。…Read More

.一間新開黃店炸雞：時光雞。炸雞偏向韓式，有好多唔同嘅醬。我今次就叫咗蒜香醬油，蜜糖芥末同埋芝士。佢嘅炸雞好脆，外賣拎返屋企隔咀一個鐘都仲好脆。雖然炸雞唔算好大件，不過都算juicy。講返三隻醬汁，蒜香醬油好香，甜咸適中，我幾鍾意。蜜糖芥末就無咩特別，反而芝士醬都幾香。三隻裡面最推薦醬油。小食叫咗泡菜餃子，餃子細細粒，一啖食曬啱啱好。唔會好辣，幾特別。至於神戶和牛薯餅，味道正常。反而芝士薯餅好有驚喜，食落好流心，成堆芝士湧出黎咁。…Read More