慰食鬼's Profile

我最近造訪了海鮮樂園，這裡的新鮮龍蝦刺身、蟹肉炒飯和壽司刺身給我留下了深刻的印象。首先，新鮮龍蝦刺身是我在這裡的必點菜品。龍蝦刺身的質地鮮嫩彈牙，每一口都充滿了海鮮的甜美味道。配上一點醬油和芥末，增添了刺身的風味。龍蝦的鮮美和刺身的口感完美結合，讓我欲罷不能。接下來，蟹肉炒飯也是一道令人驚艷的菜品。炒飯的米粒飽滿而有彈性，每一口都能品味到蟹肉的鮮甜。炒飯裡還加入了一些蔬菜和蛋，提供了豐富的口感和層次感。整體而言，這道蟹肉炒飯既美味又飽足，是一道令人回味無窮的主菜。總而言之，海鮮樂園的新鮮龍蝦刺身、蟹肉炒飯和壽司刺身給我留下了深刻的印象。這裡的食材新鮮，料理精心，味道美味。如果你是海鮮愛好者，我強烈推薦你來嘗試這些菜品，你絕對不會失望的。…Read More

九龍城間蒸海鮮，一直想試吓，估唔到有驚喜海鮮非常新鮮！1. 蟹：奄仔蟹鮮嫩的蟹肉和豐富的蟹黃而聞名，好香好正。2. 琵琶蝦和蝦：九龍城的海鮮餐廳也提供各種類型的蝦，如琵琶蝦、大蝦、中蝦等。這些蝦肉新鮮，口感彈牙。3. 螺肉：螺肉鮮嫩飽滿，清蒸給人帶來濃郁的海鮮味道。4. 蠔：這些蠔新鮮肥美5. 鮑魚：鮑魚是九龍城海鮮餐廳中的高級食材之一。鮑魚口感鮮嫩，清蒸味道豐富。無論你喜歡哪種海鮮，這間九龍城的海鮮餐廳都能滿足你的口味。這些餐廳提供新鮮的海鮮，讓你享受到最美味的海鮮盛宴。…Read More

一間非常唔顯眼嘅餐廳，但裏面原來別有洞天。佢有outdoor 區，如果食煙可以坐出邊，裏面坐亦都好舒服。首先，叫咗個牛肋骨，非常之林同埋入味，差唔多去入口即溶。呢個送飯真係一流。另外就係呢個豬手，非常之好食，嚟之前已經切好晒。豬皮好滑，唔覺得有毛，我食豬手，最怕有啲好硬嘅毛，幾好食都會打折扣。亦都住得好入味，唔太鹹味道啱啱好。雖然今次只係叫咗橙汁，因為有小朋友就費事飲啤酒。但呢度其實三五知己食吓韓國菜飲啤酒都真係唔錯！…Read More

銅鑼灣最多人隱世餐廳，就係其中一間冇乜人知，食物質素非常高嘅餐廳餐廳裝修好靚，唔算係好大，裝修非常之靚好新淨。大部份餐廳員工都好後生，但服務非常之好，後生真係少有。首先係個前菜，一個海鮮拼盤（加$50）。大家都見到隻蝦幾大隻，生蠔亦都非常新鮮，完全沒有蠔殼碎，非常之厚肉，有少少海水味。蝦🦐亦非常之新鮮。最有驚喜，反而係個湯，普通同一個洋蔥湯，肉味濃郁，有啲牛肉碎，非常之滑的濃郁牛肉味。講到主菜，未講食物質素之前，先講吓員工嘅認真態度。上主菜之前先收曬前菜用嘅餐具，執到張枱非常之乾淨先上主菜。叫咗個慢煮牛肋骨，加上蘑菇做配菜。肉味非常濃郁滑溜，個汁亦都唔算好鹹，非常之匹配。搵到甜品tiramisu, 酒好味好濃郁，加上濃濃嘅咖啡味非常正！…Read More

呢度以前一直係飯堂經常嚟食嘢，之後搬遠左就少咗嚟。不過而家再嚟就好似真係冇咁好食。叫咗個沙嗲牛麵同埋奶茶，都係普普通通。奶茶茶香唔算好濃，仲有少少偏淡。牛麵就真係荔枝角多好多選擇…Read More

假日好去處，帶小朋友去玩狗狗。觀塘海濱有間西餐廳，因為帶寵物有八折，所以好多主人都帶寵物嚟食午餐。呢度對住觀塘海濱長廊，有個無敵大海景，真係好chill 好正，加上今日天氣好舒服，雖然有少少雨，但係好清爽。食物質素亦好唔錯，叫咗一個all day breakfast, 用料十足，有兩條香腸，火腿，薯餅，漢堡扒，炒蛋同埋大啡菇。另外仲叫咗一個Benedict，呢個就普普通通。今日我哋帶咗小朋友嚟，呢度正在小朋友去出邊跑大人就喺入邊食嘢。係跑完仲可以入嚟玩吓狗仔。…Read More

呢次係第二次嚟麗閣商場呢間泰國菜。近期有羊腩煲，本來好想試吓。但我哋又想叫冬陰功又想叫菠蘿炒飯、串燒，又好似太多，唯有下次再試。先講個冬陰功用了十足有蝦、雞髀菇、車厘茄，辣度、酸度配合得天衣無縫，香茅味十足，兩個人飲每人可以有兩碗半左右，啱啱好！個炒菜亦唔錯，唔算太鹹有少少甜，亦有少少辣，同埋好大碟，兩個人都好夠食。另外叫咗個雞串、牛串，燒得好香但缺點係燒得燶左少少。沙嗲醬同埋個蝦片亦都唔錯。 另外叫咗個芒果糯米飯做甜品，同埋椰青。芒果糯米飯就麻麻哋，芒果唔算好甜，糯米飯就普普通通。而椰青就好新鮮非常唔錯！…Read More

Urban係我食早餐首選，因為早餐豐富亦唔貴，而且呢間座位開陽，冇乜壓迫感，主要因為佢喺商場近中庭位置，冇咗個天花頂咁有壓迫咁。每一朝都好爆，好多人食。因為50至$70一個all day breakfast, 真係唔算貴。加上呢度杯咖啡真係唔錯，去Starbucks叫杯Americano都係差唔多呢個質素姐。講吓一個早餐，雞扒有啲細塊，但煎得好香，好唔錯。雖然我係去皮食，但都覺得幾好味。炒蛋好滑，應該加咗好多牛油，有啲肥但間唔中食冇所謂啦。個牛角包就普普通通，普通出邊麵包舖買嘅貨色啦。熱齋啡都好有咖啡香味，應該係即磨咖啡。…Read More

每朝搭地鐵經過龍島，就會諗起食個早餐先返工。呢度牛角包加一杯咖啡$35，咖啡通常揀long black, 相信佢揀選嘅咖啡豆都唔錯，因為個咖啡真係好香，飲落有少少咖啡豆嘅油香，呢幾年愛上飲齋啡，因為飲齋啡完全可以飲到咖啡嘅香味。講真，買杯咖啡$35都好正常，仲要送一個牛角包。同埋通常朝早都冇人，佢得幾個位，但係坐得好舒服講吓個牛角包，佢係非常鬆脆嗰一隻，用叉吉落去會碎晒，但識落非常香口。預咗食完要跑番幾個圈㗎啦！…Read More

來譚仔試吓佢新口味米線- 胡椒肉骨湯米線。初初以為佢似肉骨茶口味，點知食落去似土匪雞翼味。食落土匪雞翼味米線有幾特別。 今次叫咗10小辣，所以唔多覺辣，但個湯底唔係好香嗰隻。佢雖然又大大粒蒜頭喺個湯入邊，但真係冇乜蒜頭味。邊有啲類似白木耳嘅東西，脆博博好爽口咁。講真，譚仔好多時出特別味都有啲伏，不過之前出嗰個鴨血米線係幾唔錯，不過好快又消失咗，希望譚仔可以考慮吓將佢長期加入個menu, 因為鴨血家樂米線加埋真係幾好食…Read More

今日嚟到呢間餐廳比較偏遠，葵興站行過嚟，應該都要10幾分鐘，但環境唔錯裝修幾靚，所以嚟試吓。叫咗個烏冬，同埋多士，普普通通。勝在環境夠靜，可能因為我哋星期六黎無乜人。相信呢間餐廳主要都係服務樓上班的人的人。…Read More

撞啱今次喺長沙灣蛋撻出爐時間，所以就去金園試吓，蛋撻真係名不虛傳，酥皮蛋撻好有層次，食落好香，蛋香加埋酥皮真係一流，果然係香港最佳蛋撻。同啲連鎖店真係差好遠，價錢雖然相對貴少少但物超所值。…Read More

太子唔知點解特別多餃子選擇，喺啲小街入邊有一間成日都排長龍，雖然冇食過嗰間，但試吓呢間都無妨，起碼唔使排隊。入到去真係有驚喜，啲餃子餡料用了非常之好，尤其是松茸餃子，巨型煎餃。下次一定要再嚟食過。…Read More

呢間泰國菜位於D2入口，一入去就會見到佢。食物都係Standard泰國菜，但價錢真係好抵食，泰國奶茶亦唔錯。今次叫咗海南雞飯，同埋泰式金邊粉，兩個菜式都好好味。…Read More

呢間餐廳位於旺角地鐵站上面，t.O.P上兩層就到。旺角定食來講真係唔錯，座位唔算迫。今次叫咗一個滑蛋豬扒飯，算係幾抵食。另外佢啲甜品都唔錯，大家可以多留意，旺角相對比較少呢類餐廳。…Read More