今日入西貢搭小巴嘅時候，經過見到有間新開嘅法國佬烘焙。因為喺法國住過一段時間，對croissant有情意結，所以特登行過去買一個牛角包，諗住試吓。入邊都幾靚，仲播埋啲法文歌同有張cert 好似好勁咁，d包下面都有啲法文名好似好authentic咁。講返個包，牛角包賣$23 ，望落都幾靚仔，就係經典牛角包🥐嘅樣。但我食第一啖時就後悔了，個牛角包完全冇佢應有嘅牛油香氣同酥脆嘅口感，食落去有d韌，就只係似一個普通港式麵包舖嘅豬仔包，但中間仲有少少苦澀味。總括而言，如果你想裹腹又唔介意比呢個錢，你都可以試吓，但如果你想食一個真正嘅法式牛角包，我建議你去都係去過第二間。…Read More
