wingoluk's Profile

早前係團購網買左幾張尖沙咀山林道吃喝玩樂現金券, 琴晚女友預早同我慶祝生日, 就諗住用下d現金券, 係山林道某某糖水店換左d券後, 行左一陣揀下去邊一間食晚飯. 本來想食日本菜,不過問左幾間用coupon 原來要預早一日book 位, 有d餐廳就星期五六日唔用得, 行到去Steak express門口,入面有個女子(應該係店裡比較話得事既一個)就走出黎門口, 我地就問下佢今晚可唔可以用coupon, 佢話無問題, 於是我地就揀左呢間. 入到去坐低,太約係八點鐘, 客人唔多, 連埋我只有兩台客, 成間餐廳有10張台到. , 廚房近門口位置, 半開放式, 可以隔住玻璃望到入面. 間餐廳眼見只有三個職員 , 一個後生既男侍應, 一個應該係話事人既女子, 同埋一個係廚房負責煮野食既廚師, 聽個女仔講, 間鋪開左三星期到. 坐低左睇下menu , 呢間餐廳主要係食牛排, 價錢由二百幾 到六百幾不等. 另外仲有十多款生蠔. 而去到menu 最後一頁, 有一張" Special Dinner Set Menu" ..呢個dinner set 包一杯house wine , 法國麵包, 南瓜湯/雜菜湯或田園沙拉, 主菜係羊架 或 6 oz 牛排 , 加埋甜品 . 價錢原價$422 , 特價 $298 覺得呢個set 都唔錯, 正係到研究食咩既時候, 剛才個女仔就走過黎話我地知,個 dinner set 係星期五六日係暫停. 心諗唔係嘛, 第一, 如果今日唔做set, 就唔好放張menu 係到啦, 第二, 睇勻成張紙, 都無講只係星期一至四先用得. 不過算啦, 唔食set 唔緊要, 反正中午先食左個semi buffer, 我同女友都唔係好肚餓, 決定揀一件10oz 肉眼, 再加一個意粉share , 另外再叫多杯house wine. 幫我地落order 既係一個二十多歲既男仔, 我地落完order, 轉頭佢又走返黎同我地講, 老板話今日都可以做到個 special dinner set .不過原本個6oz 牛排就今日唔做啦, 要轉另一種牛排, 價錢就唔係 $298啦, 而係個set dinner 既原價減一百, 羊架就可以超舊價無問題. 當時我覺得老板可能見客人少, 又見我地望左個set menu 咁耐, 就醒我地可以食set 啦, 我問左個男waiter 兩次, 如果揀牛係咁等如$422-$100 = $322,個 waiter 都話係, 我同女友見價錢都ok.. 於是就轉左做兩個dinner set , 一個食羊架, 一個食牛排. 首先送上兩杯house wine 紅酒, 我唔係好識分好唔好味, 我覺得易入口, 味道可以, 女友就覺得味道淡左d. 等左一陣南瓜湯就送到. 賣相唔錯, 南瓜味都幾重. 跟住就到法國麵包 , 外表覺得似pizza 多d, 不過食落就焗得好香口, 好脆. 飲完湯同食完麵包, 等左一陣就到主菜啦. 首先講下塊牛排, 我地order 五成熟, 煎出黎既剛剛好, 切開中間唔會太熟, 又唔會太多血水, 肉質鬆化, 不過牛肉味幾乎被調味料蓋過, 而且有d偏鹹. 而羊架味道唔錯 , 賣相都唔錯, 值得一試. 我地亦都試左佢地既芥辣同薄荷醬, 芥辣醬佢地似乎用左係中式酒樓點燒腩仔果d, 醋酸過多, 薄荷醬就係薄荷+香草mix 埋, 唔係Jelly ..食完main course... 就見到個後生侍應係廚房, 手"渣"住個gas 火槍, 我同女友估甜品應該係焦糖燉蛋. 我地果然無估錯, 個後生侍應跟手就由廚房送上甜品. 佢地既焦糖燉蛋同出面果d有d唔同, 就係係糖面加左檸檬汁( 我果杯仲有粒新鮮既檸檬核附送). 食果時唔會覺得`太甜, 味道幾fresh.. 但係d蛋就over 左, 老左d.:(…Read More

雖然上次團購有不快經歷, 但係都無阻止我繼續用團購方式去試食. 今次試左我最愛之菜-日本菜, 地點係QRE 28/F既柊亭料理. 今次呢個套餐, 原本價值超過$800, 今次只要三分一價錢就可以試到, 連加一(特價價錢的10%), 服務費. 真係十分超值. 首先講服務, 其實我已經先後三次改時間, 每次打去預約或取消, 服務員都好有禮貌, 就算知道我係用coupon 試食, 但亦主動通知我知因為當日full book而只係得返壽司bar既位. 用餐當晚, 所有服務員都唔錯, 唔會因為你用coupon 而唔多理你, 經常有服務員幫我們加茶, 清理檯面,同埋更換餐碟. 每碟菜送上時間亦剛剛好, 唔會一次過出晒比你. 等你可以慢慢食, 唔怕d食物涼晒. ( 睇返之前d comment, 有人話服務麻麻地, 可能我揀左八點半時段, 同埋最近先用coupon, 可能佢地睇到d comment 而有所改善)套餐連甜品有十個菜, 首先係"日本毛豆"+"和風有機凍蕃茄沙拉"蕃茄上有芝麻, 蕃茄既清甜加埋芝麻既味道, 即時胃口大開. 日本毛豆都唔錯, 無之前comment 所講太過鹹. 食完沙拉, 就上左"原板馬糞海膽刺身"+"香荵TORO手卷"小弟都係第一次將咁大舊海膽一次過放入口, 味道真係無得頂 , 十分鮮甜. 另外我自己將海膽加入TORO手卷一齊食, 自創左香荵TORO海膽手卷, 味道唔錯, 手卷既紫菜係食果時依然爽脆. 讚 !!跟住就係"炭燒免治雞肉棒"同埋"辣味黑魚子日式芝士燒餅"雞肉棒肉質好正,一條唔夠喉, 不過覺得個汁太濃太鹹, 芝士燒餅個餅底好鬆脆, 但係味道都係一般另外兩個菜分別係"那威三文魚頭野菜鍋"及"日式海鮮炒飯".三文魚頭應該係炸過先落鍋, 食係上黎都幾香口, 不過三文魚頭分量覺得少左dd... 兩個人食唔多夠喉. 至於日式海鮮炒飯呢, 可能食到尾已經有少少飽, , 同埋飯已經凍左, 所以覺得個炒飯味道只係一般, 最後甜品係豆腐雪糕, 雪糕上面加左d木糠粉, 食法頗特別, 不過舊雪糕雪得太硬, 要用力d拔到黎食…Read More

今次用既coupon 係 Babybamboo 買既 "【波羅密素食二人餐】 $128 享價值 $318 三菜一湯二人餐 " .買呢張coupon 既主因係之前一路都想去試呢間店既齋菜, 不過又未有機會, 見網上有promotion , 所以就順理成章買左. 睇個表題, 大家既理解都應該係用一個平d既價錢, 就可以食左價值$318 既三菜一湯二人餐. 無錯, 我同大家既諗法都係一樣, 不過今晚就令我有一個意外驚喜.七點半去到, 大約一半座位full, 入到去坐低, 檯面已經有張order 紙,比我地可以係十個菜裡面揀三個菜. 睇過menu 一陣, 望過下 menu 裡面既相, 就決定叫左呢三個菜 :”鬼馬叉燒”，”黑松露涼瓜蛋白”同埋”五柳素王魚”, 每個平均價錢係八十蚊. 落完order, 個侍應好快就上左兩碗湯, 湯味道尚可. 飲完湯之後, 第一道菜就放左係檯面. 一眼望落去, 真係俾佢嚇左一嚇, 我第一個反應係:有無咁少呀. 見到既就係得四舊既 ”鬼馬叉燒”. 一碟面值八十大元既"叉燒"只係得四舊, 咁平均一舊咪成要二十蚊?跟住好快, 另外兩碟菜都上埋, 食呢幾碟菜, 真係好似自己去左一間五星級裡面既餐廳食飯咁, 碟碟菜價錢就貴一貴, 但係份量就細一細. 未食前其實都預左特價野既份量會比正價既少, 不過真係少得有d可憐. 講返果三碟菜:用油炸鬼整成既叉燒, 無叉燒味, "肉"身比較硬, 食完第一舊已經唔想食第二舊. 五柳素王魚, menu 中應該係原條上, 不過優惠套餐只係得四件. 味道都係一般, "肉"質比較"實"..個五柳汁唔錯.酸中帶小甜. 黑松露涼瓜蛋白, 有黑松露味, 涼瓜煮既時間唔錯, 唔會太"淋", 不過個蛋白就煮過火. 加埋兩碗XS size 既白飯, 就算慢慢品嚐, 成餐飯唔使一個鐘就食"飽", 最後個侍應再上埋兩粒紅豆糕, 我一啖唔使就KO 左佢.原本諗住來試食, 好味既就再幫襯, 不過經過今次, 我估都應該無下次!…Read More