jenniferSo's Profile

其實此為蝦碌事件，無損食物質素。事緣係尖咀睇完戲，周圍搵嘢食要排隊，所以直行去佐敦，但又冇咩想食，最後：魚係俾光吸引嘅，就甘去左內街既粥店。友話出名同ｰ好似ｰ黎過，所以就坐低左。睇名就知食粥麵，我冇咩胃口，是但叫左碗鮮蝦雲吞麵，友人就犀利，叫左飽魚麵。重點在於店內老伙計霸氣兼帶執到金般的笑容叫出：飽魚麵一碗，令我地十分敬佩。等待期間，店內播放住六七年代既歌：等著您回來…講真，本人只會諗起大鬧廣昌隆，好驚…anyway,啡色皮製軟背墊，加上木凳，配上情調音樂，確實懷味濃。未幾，雲吞麵先到，我食得慢就開動喇，雲吞夠味，未至於好新鮮，清湯正好冇甘油膩。之後，飽魚麵終於上場，特色在於佢係撈麵，湯另上。飽魚未見，一堆薑蔥絲鋪：誇張。終於食到飽魚，切四片0.5cm左右，咬落彈牙，算入味，可接受。談笑風生完，準備埋單，熱情好客既伙計幫我地引路，仲好心幫我地叫ｰ枱號225！俾錢個刻我地都懐住，能夠品嚐懷舊風情，比茶餐廳貴小小都OK喇，拎埋銀包想俾$100,突然老闆話$225吾該，我地真係要如夢初醒，因為再check都改變吾到我地睇錯價錢，係懐舊餐廳食左一碗$185既飽魚麵。其實冇咩，只係我地太過自以為是，得啖笑。試下無妨，但我從大家對望既眼神中，見到再黎既機率。…Read More

放工同朋友黎試下，避開左情人節等位。去到八點，入面有好多空位，反而更舒服。枱之間都隔得幾近，只係枱面夠大。餐牌有好多種選擇，由前菜到扒類、海鮮、麵食到漢堡包、以至甜品飲品都好吸引。我一眼就睇到佢餐包種類都有八款😏我地點左肉丸闊條麵跟蕃茄包、芝士小龍蝦燴飯跟種籽包，醬汁亦有得擇。識食梗選擇黑醋。上枱時麵包好熱，新鮮，幾好！肉丸闊條麵：鹹左啲，但最欣賞佢硬度岩岩好，好有咬口，啲芝士粒需要啲時間融化，鹹香味。芝士小龍蝦食落好香，飯硬度適中，龍蝦份量不至於滿，但足夠有餘。…Read More

是日約左英國返黎既好友相聚，預左佢遲到，今次遲半個鐘算俾面。黎到餅店，座位已經滿曬。所以坐左係電梯口既梳化等左一陣。呢度環境清靜，偶爾會聽到隔離枱既談話，但整體都係影響好少。朋友未到，先點左杯cappuccino同出名既蘋果批。咖啡就算吾落糖，飲落吾苦，幾順口。蘋果批內有粒粒蘋果，食落口感多左層次，而且吾太甜，值得推薦。…Read More

話說同男友book左金鐘早場睇戲，所以早小小到灣仔食早餐。行到軒尼斯道轉入去只係得新釗記同銳記，是但擇左間直覺多早餐款既銳記。當時九點左右，入面人數吾多，我諗除左我地甘傻走黎睇早場，其他人應該趕返工。男友擇左沙牛公，我叫正路既港式西早餐，煎蛋、腸仔加牛油方包。外貌一睇真係好普通，一睇就慶幸油都幾少，幾健康甘。食落就知俾錢買健康既道理即刻湧現腦海，所以冇怨言喇。蛋水準吾平均，因為一隻半熟、一隻全熟，方包軟冧冧，冇牛油味，火腿正常，但吾香。正當我將視線轉向碗沙牛公塊牛之際，男友就截住吾俾食，話吾好試，但佢食哂……Read More

尖咀睇完戲，我地決定行去廟街搵好食！天氣真係好熱，我愈行愈攰，去到廟街一句說話都吾想講。由男朋友發板，叫左海鮮炒飯同薑蔥魚腩飯。聽落都夠佬味，人太攰，都吾理得甘多，何況我同佢口味差吾多，所以信得過佢。先嘗海鮮炒飯，鑊氣呢樣嘢真係一試就知真假！飯好香，海鮮包括蝦、魷魚都好嫩，加左吾少菜落去炒，感覺吾會太口乾。薑蔥魚腩香口，薑、魚腩有炸過，所以有焦香味，加上蔥快炒，令肉質吾會太老，吾錯。當然，去到甘夜，人地吾會拎新鮮魚去炸，所以欠缺左嫰滑口感，但整體接受到。…Read More

晚餐時間…男朋友同我對附近米線、茶餐廳食到有啲口淡，決定試搵下新嘢食，行到商場地下見到佢所以就入左去。呢度雖然係小店，坐位都幾多，而且看似有吾少捧場客。但款式吾多，我地就是但叫左雞扒拉麵同三文魚魚生飯。前菜都係麵豉湯同涼菜，現成開水，雪櫃拎出黎，驚喜吾大。拉麵跟餐有三文魚壽司，驚喜就係呢個moment出現！看似平凡既三文魚，竟然好新鮮，油脂平均分佈，肉軟滑，好食過吾少日本餐廳。雞扒好似濕煎甘，皮吾香脆，肉係似煮熟雞肉冇味，係個醬汁幫佢提左吾少味。餃子好一般……拉麵……湯底好清，冇油甘滯，麵係超市都買到貨色，個蛋………係烚蛋…………Read More

出黎做嘢就黎兩年，約齊人真係難，今日專登約左姐妹兩個人補祝生日。本來以為12:00冇咩人，點知黎到門口話要等半個鐘。半個鐘返到去，侍應話寫錯號碼，由73變93，又要等多半個鐘:(呢度商場吾大，冇咩行，好彩姐妹有傾吾完既話題。終於到我地，被安排坐係cashier對面。坐位之間空間夠，坐得舒服。可能新開，有啲菜式好早就冇哂。見到人地叫雞翼既份量太多，所以叫啲輕盈啲。先叫雞扒扁意粉、水果茶同蘑菇塔。雞扒好入味，肉質算嫩滑，好多時我都係切雞扒黎食，反而意粉有啲失色，硬度ok,係太乾。水果茶好甜，吾太飲到台灣個幾間店個種果香味，而且吾俾加水，好孤寒。:(:(呢個蘑菇塔有被騙既感覺。份量少，下面塊麵包真係普遍麵包，連烘底加煎都冇，有啲失望，價錢比十幾隻雞翼仲貴，吾抵食。如果傾計食下午茶都吾錯，晚餐就吾好喇，而且等太耐。…Read More

今日又掛住幸亭拉麵，多得男朋友夠隨和，肯陪我！食過好多次黑、白、金，仲有沾麵，今日決定試下咖哩豚肉拉麵。一早知有呢個拉麵，但心入面仍住佢個湯底一係淡到似水，一係咖哩粉未溶，可能慘痛經歷令我疑心重。今日真係心血來潮黎挑戰下，但講明吾好食男朋友要同我交換。點知………個湯底好濃綢，每一條麵線夾起個陣都沾滿咖哩汁，而且咖哩甜得黎又夠辣，真係好過癮，我相信有啲愛上佢！值得推啲！…Read More

今日相約師兄拎文件，本來想試尖咀既西班牙餐廳，點知full booking。有趣既係我地各自book左呢間，我早到想拎高枱位，點知俾人book左。反而師到左，講返先知係佢搶先一步。如果想有景，靜啲有氣氛既，坐高枱好啲！因為大家都吾係太肚餓，所以先叫左兩杯lime 。soda,同Ceaser salad。天氣開始熱，飲杯lime soda即刻涼爽哂，青檸夠新鮮，一啲苦味都冇。沙律用酥皮承載，看似好油，食落同沙律幾夾，反而油香味重，加上清甜既蔬菜，感覺中和左，好易入口。呢個炸薯波，中間有肉涵，用叉切開個陣，薯波好似麻薯甘，有黏性，食落幾煙韌。仲有，一定要配個醬食，先可以提升肉涵既味道。最後牛肋骨，肉好少，而且根多，好難切開。難食未至於，因肉少，吾太食到啲咩，所以冇咩評語。係餐廳樓上係商場，有市集feel,人流少，幾好行，不過冇咩好行，反而亮點係地下餐廳舒服優雅，希望下次有機會再黎。…Read More

男朋友話要黎一個浪漫約會，好乖甘記得陪我去青衣戲棚天后寶誕。可惜落雨，地下變成泥沼甘，所以行左一陣就返去青衣城搵嘢食。男朋友話細個黎個陣係扒房，下午仲會開放露天位置，一邊睇住海旁一邊食同，好舒服。而家已經變成pizzastage,係spaghetti house franchise。我地係上一層門口入去，要落一條木梯先到達餐廳。餐廳樓底好高，牆身有植物點綴，氣氛環境都吾錯。我地叫左青口忌廉汁配薯條、紅酒牛肋闊條麵、肉丸薯蓉。忌廉汁好濃，如果綢啲就更好，食個陣可以痴住啲青口食，一定更香口。薯條新鮮、幾乾身香脆。牛肋份量多，肉質夠嫩口；個汁酸甜，好開胃，加上小小沙律一齊食，可以中和濃郁既紅酒汁味。最鐘意食麵身偏硬既麵，加上吸收哂啲肉汁，齋食都好滿足，食到我吾停口！！！食完兩味餸已經好飽，見薯蓉未上都想cancel,不過男朋友又死撐話試下。肉丸有Ikea以往個啲甘好味，而薯蓉面撒左起碼兩種芝士，叉黎食個下，芝士半溶既狀態已經吸引死人！！…Read More

呢晚再次光顧，因為佢平靚正！！！而且款式多，岩我鐘意試新嘢既人。等男朋友放工，直入門口吾洗等位都係佢既賣點之一。上次見all day breakfast好平，但水準吾知係點，所以擇左呢個burger set試試。而男朋友比較鐘意正餐feel既菜式，所以擇左魚柳烏冬套餐。一開始serve餐包同餐湯，呢度冇影，因為只係茶餐廳一平貨色，冇咩特別。我個餐黎先，一擺上枱，我真係擘大個口，呆左一陣……四十幾蚊個餐竟然豐富到大過我個頭！！！全部食物吾算交行貨，薯條香脆，吾油膩，亦冇千年油個種難聞油煙味，幾好味。沙律算新鮮，咬落係爽口，只係吾夠甜，個汁酸酸甜甜，食落開胃。重點係個burger！包皮烘過，所以邊位會有小小焦脆，感覺有心思。而煙三文魚份量好多，冇一般食開甘咸，而且可以用肥美形容。三文魚下墊住沙律蛋,個醬份量岩岩好，調味足，好好味，整體好滿意！而男朋友都忍吾住要share黎食！魚柳烏冬偏清淡，因湯底夠清同少油，夾起啲麵黎食個陣，感覺好舒服。至於要求重口味既人，未必岩。魚柳份量都吾嘢少，好大塊！但肉質鬆散左啲。講真，四吾十蚊食一西式套餐幾乎搵吾到，呢度又餐湯、飲品，最後仲有甜品，點會吾撐佢！本人好鐘意食cheese cake,佢軟硬適中，帶有小小檸檬香味，差啲都食埋男朋友個份，但佢話太甜，阻止我食甘多，所以收口。唯一吾鐘意就係佢成個甜品唧左半杯忌廉，見到都覺得好溜，其實簡單一件cake加小小生果伴盤已經可以捉住我胃口！…Read More

早早放工陪媽咪去買結婚禮物。買之前食小小嘢醫肚，貪近同有位就坐底左。呢度環境衛生要改善一下，因為枱底好多垃圾，見到都吾想坐底。但媽咪話冇所謂就算。枱面已經擺左點心紙，就甘剔就得。我地試叫佢招牌、韓式泡菜，同韭菜口味。即叫即整，但火喉未夠。鍋貼煎到啲皮幾脆，但上面仲係軟左啲。至於水餃，皮好厚。所有餡料都好淡，好似幾健康甘，但其實油吾少。我地都覺得質素一般，冇想再食既衝動，至於價錢算接受到。俾我再擇，我寧願食君戶，平靚正，係要忍耐一下侍應阿姨態度啫。…Read More

第二次黎食，依然好多人。因為鋪頭細，位又窄，好少人會選擇坐係度食，就算係，都好快食完就走。食物賣相一般，但鄉村味、街坊味濃。講人情味係好抽象既，講食物質素，的確好岩我同男朋友胃口。我地叫左一個大狗仔粉、細狗仔粉加碗仔翅、同必食鴨脾！！！狗仔粉口感好稔，中間就正常軟度，加上菜圃，充滿特別風味！好食！反而加左翅個碗有啲怪，個人麻！麻地，所以俾識得欣賞個個食。最後上枱既係鴨脾，單睇外表已經好正，男朋友當初都係俾佢吸引過黎。咬落去，油香味慢慢滲出黎，肉質軟硬適中，好香既鴨味，齋食佢都值回票價。佢有分上脾同下脾，但次次下脾都冇哂，所以仲未知下脾有幾正住。另外，我諗呢個地方更襯"佬"一群黎食，因為大大碗粉，加大大隻鴨脾，可以滿足哂佢地快靚正既要求，亦即我男朋友。…Read More

行經旺角，想搵啲嘢食，所以試左呢間聽講好受歡迎既餅鋪。鋪頭細細，但啲糕餅堆滿哂，仲散發陣陣酥香味。豆沙燒餅應該係佢既招牌"菜式",十個有八個都係買佢。我吾係好熟行情，都係跟住人買喇！燒餅一個四蚊，拎上手仲係暖暖地，仲聞到一陣炭燒味。雖然吾知係咪用炭燒，大概就係有種燒焦味，幾香。食落去，豆沙餡好滑，好足料，又吾會太甜。餅細細，但已經有啲飽飽地既感覺，抵食！…Read More

五一黃金周，如果吾係因為男朋友既台灣朋友黎左，我相信要佢去同人逼，係冇可能的。佢地一場黎到，香港既朋友自然會諗起係西貢食海鮮。因為今日人太多，我地等左大約十五分鐘，比預期快。以為坐底叫嘢食，好快就有得食，點知等食既時間仲耐過等位，大家開始肚餓，但催左幾次都冇人理，係有啲無奈。加上帶左囡囡黎，連狗仔都冇耐性，同佢跑左兩轉先見第一碟豉椒炒聖子出場。聖子一早起左肉，放便大家食。鑊氣係夠既，但係啲肉唔夠肥，差左啲。跟住出場既係蝦刺身，都係頭身分開，放係一大兜冰塊上面。蝦幾新鮮，好爽口，欠膠質。我地見啲蝦頭大大隻，就甘扔左好哂，所以侍應建議用黎煲粥。接住既菜都陸續上枱，椒鹽瀨尿蝦、辣油浸螺、炒飯。原來台灣冇瀨尿蝦同聖子，佢地敢食聖子，仲讚吾錯，但瀨尿蝦就吾敢食，最後勉強食左一隻。本人其實都麻麻，因為剝殼好煩，加上呢碟蝦又瘦又吾夠入味，真係有啲失禮…螺，講真，好難吾好食，佢特別之處係加左烏冬，好滑，但…放落黎，同辣油個陣螺味一齊食就怪怪地。炒飯更加一般，我鍾意佢係生炒飯甘，硬硬地，但冇料，連蛋都慳家得過份，大家麻麻地。我食到中場先知，菜冇哂，個陣只係八點半左右，今日有幾旺場，可想而知。菜上哂，仲碟碟份量吾多，所以追加拼盤、炸魷魚。冇幾耐，粥黎喇。煮法真係冇咩功夫可言，勝在啲蝦頭夠鮮味，所以清清地，吾油，幾岩胃口。拼盤有叉燒、凍肉，好似仲好味啲，份量叫正常。去到尾，終於見到一碟滿哂炸魷魚。粉醬算薄，肉好嫰，好新鮮，最岩胃口係聖子以外，就係佢。整體吾算食得滿足，六個人要叫到八九樣嘢先夠飽，埋單二千一，我諗係名氣太大而已。後話：我地埋單之後，有一個內地女人有禮貌走埋問我地食左幾多錢，因為佢聽到我地六個人都係二千一，佢地四大一細反而食左六七千蚊！我地眼都突左，所以幫佢計下食左啲咩甘貴。原來佢叫左刺身、蟹之類，樣樣接近一千，淨係蟹都九百幾，我地只可以話，佢吾應識價，做左豬仔！！！…Read More