GG鳥's Profile

今日黎元朗探朋友，就試下呢間性價比高既日本餐廳。餐廳環境好特別，好多既霓虹燈做裝飾，座位都好舒服。Menu既種類好多，刺身、炸物小食、熱食等等。價錢亦都唔算貴。食日本野當然要叫刺身啦，叫左三文魚腩同帶子刺身。▫️三文魚腩超級肥美滿口魚油，仲要係厚切，夠新鮮。▫️帶子刺身同樣係我的最愛，夠鮮甜$70/10片▫️黑糖糍粑$38/6件即叫即造，一咬開熱辣辣既黑糖漿流出嚟，煙煙韌韌，味道很特別。▫️汁燒和牛拉麵$92拉麵湯底選擇都幾多，今次就揀左芝士湯底。濃濃的芝士味食落有啲似韓國麵😅和牛再加埋隻糖心蛋，呢個價錢食到和牛又填飽個肚▫️叫完野飲黎到先知原來係超級大杯，2-3個人飲一杯先岩岩好飲得晒。而家仲做緊分享價，指定活酸沙冰芝士奶蓋$30一杯，咁大杯呢個價錢可以一試！…Read More

作為大埔人當然要黎支持下出名既地道雞煲小店。地點位置都好方便，出左大埔墟鐵路站行十分鐘左右就到。雞煲既選擇都好多，好少見會有沙嗲味既雞煲，就一於叫佢試吓。價錢都好便，$198/人任食2小時。叫左一陣好快有了，放低已經聞到香噴噴既沙嗲味🤤佢地係用舊式既爐，打邊爐既最佳拍擋。一個細既雞煲份量都好多，雞仲保留到肉汁，香濃既沙嗲味配雞件真係好特別，老闆得閒仲會過黎幫你搞搞個煲同埋幫你加水，十分nice. 😊食完雞煲就緊係打邊爐啦😆配料既選擇都好多，而每次叫都會跟返幾多個人比幾多份量，咁就唔怕食唔晒浪費。除咗配料仲有幾款涼拌小食，今次試左海哲絲，幾入味唔算太辣。打邊爐就緊係要食響鈴，就叫左份即炸響鈴$78 食落好香既腐皮味，吸晒啲沙嗲湯食好惹味。飲品係任飲既，飲多幾罐都唔怕。最後埋單2個人都唔洗$500，十分抵食！！…Read More

經朋友介紹下來到位於銅鑼灣的豊勝手丼，入到店內的裝修很有日本風味，感覺舒服，坐下我地馬上點菜，睇下朋友有無介紹錯先！先來一客沙律，我們點了吞拿魚三文魚沙律，三文魚同吞拿魚切成粒粒，方便加埋沙律菜進食。味道酸酸味味，加上新鮮的沙律菜，很fresh 很開胃。然後到蟹甲羅燒，店員會提提食客要先把甲羅燒内的蟹膏，蟹肉，魚子和蔥花攪拌。攪拌後的甲羅燒口感軟綿綿，蟹膏非常香濃。再配上脆卜卜的米餅，更能帶出甲羅燒的鮮味，感覺特別，兩者很夾。重點來了，是北海雲丹丼。見到呢個丼飯真係好開心，因為樣樣都有啲，可以試到唔同的刺身，包括海膽，深海池魚，吞拿魚蓉和赤蝦。雖然是一板迷你海膽，但份量其實都好多，海膽很鮮甜亦很creamy，沒有苦味，好味到即刻用紫菜包多2舊黎食。另外池魚和赤蝦都很新鮮，最後用吞拿魚蓉拌飯真係一流呀！最後點少得飲品，我們點了信洲蘋果梳打和元熟白桃梳打。蘋果帶點酸味較開胃，白桃較清甜。個人比較喜歡白桃。呢餐真係大滿足，朋友果然無介紹錯！…Read More

平時經過尖沙咀，都會俾just’er霓虹燈裝飾吸引住，但每次都是全院滿座的，今日難得準時放工，即刻諗起呢間餐廳，終於有機會俾我地試到了！黑松露牛肝菌卡邦尼意粉意粉來到時已傳來陣陣的黑松露香味，今人迫不及待想試。意粉口感彈牙，而且醬汁都能沾滿每一條意粉，每啖都很滿足呀！焗多汁豬仔骨配薯條豬仔骨焗得剛好，火喉拿捏得好好，能鎖住肉汁，豬仔骨很入味，而且肉質很嫩。薯條炸得香脆可口，呢個價錢食到咁好味的豬仔骨，cp值很高呢。曲奇馬上瘋呢到的飲品名稱都很特別，我們就點了曲奇馬上瘋。濃濃的Oreo 味，甜度亦剛剛好，有驚喜。…Read More

很有驚喜的燒肉餐廳，入到去裝修很有日本燒肉店的格局，令人有置身係日本的感覺。燒日式魚乾店員先幫我地燒魚乾，魚乾煙韌有口感，配上沙律醬非常開胃。牛肉盛合幾乎每台都有點的牛肉盛合，我地緊係唔輸蝕點來試試。可以一次過試七個不同的部位，有日本和牛三角胸小排，日本和牛背峰，日本和牛腩，美國牛小排，美國翼板，牛舌和牛心。個人比較喜歡和牛那三款，和牛油脂分佈平均，入口即溶。燒過的牛肉非常惹味。甲羅燒蟹蓋上放了滿滿的蟹膏和蟹肉絲，加上麵豉和鵪鶉蛋，一路攪拌的時候香味不斷湧出，非常吸引。燒好後把濃郁的蟹膏放左脆脆的餅乾上，蟹肉鮮甜而且口感豐富。燒鰻鱺一放條鰻鱺上爐燒，已經縮到拱起左，完全唔知點燒好，呢個時候店員見到雞手鴨腳的我哋，馬上前來幫助。店員把這鰻鱺燒得剛剛好，皮脆肉滑，非常肥美的鰻鱺充滿魚油，啖啖肉。正！燒肉臻的食物質素很高，而且服務態度又好，一定會再來光顧！…Read More

討厭的疫情令到大家遲遲都未能出國旅遊，為一解思鄉病，今日選了裝修佈滿居酒屋氣息的漁獲浜燒。波士頓龍蝦活貝浜燒盛合呢個盛盒有波士頓龍蝦，活帆立貝，活文蛤，活北寄貝。所有海鮮都由店員在旁燒烤的，服務非常周到。重頭戲當然是波士頓龍蝦，龍蝦非常生猛，而且仲有濃濃的蝦膏，肉質非常鮮甜美味，一試難忘呀！活文蛤和活北寄貝都很新鮮彈牙，而且殼上還裝着滿滿的肉汁，非常鮮甜。帆立貝非常爽口，燒得剛剛好，完全沒有韌的感覺。刺身盛合五款刺身盛合有牡丹蝦，馬糞海膽，生呑拿魚腩，油甘魚，三文魚。每件刺身都是厚切，食得出非常新鮮。吞拿魚腩入口即溶，三文魚啖啖魚油，最喜歡是馬糞海膽，非常鮮甜。最後點了番薯雪糕和桃味雪葩作呢餐的總結。…Read More

今日難得同同事食晚飯就決定去呢間*千賀水產@鮮鍋道場*食，之前上網睇到介紹好吸引，終於有機會試下！一行4人安排坐卡位，座位夠闊落，唔洗迫埋一齊。我地先叫火鍋湯底，叫左波士頓龍蝦湯（+$80），湯底有原隻龍蝦，加埋蕃茄湯底濃郁夠鮮味，加$80都抵！另外會有刺身同海鮮送，刺身有三文魚，希靈魚、大赤蝦等等，赤蝦好大隻，肉質鮮甜，一隻唔夠喉😂海鮮有魚、蝦、蜆、鮑魚等等，鮑魚新鮮肥美，成個火鍋湯底更加鮮味。火鍋配料可以自己叫，選擇都幾多。另外出面仲有啲中菜，點心，火鍋配料，沙律，甜品，炸物等等。可以一邊打邊爐一邊食熟食，唔洗怕肚餓。果然冇介紹錯！…Read More

食芝士雞煲緊係要黎米走雞！今次一行5人黎到觀塘既米走雞，特別既係餐廳有live,有歌手自彈自唱，食住野一邊聽live，真是一種享受！餐廳環境夠舒適，座位夠晒闊落，岩晒我地一班朋友仔傾計談心。芝士雞煲既size 有得揀大/細，我地5人就揀左大既。另外芝士份量都有得揀，我地當然揀左激量芝士啦！雞肉份量好多夠大件又嫩滑，加埋芝士一齊食，簡直係絕配！食完雞煲就可以加配料打邊爐，當然唔少得肥牛啦！手切特級霜降和牛牛肉油脂分布平均，肉質新鮮，入口即溶。淥幾秒就食得。手打五寶拼盤黎到當然要試下手打丸，五寶有牛肉丸、豬肉丸、墨魚丸，蝦丸同鯪魚丸，手打丸又晒彈牙，食落有口感，值得一值。鮮炸響鈴響鈴即叫即炸，夠新鮮而且非常大件，配埋芝士湯一流！…Read More

一大班人食飯緊係去打邊爐，有得任食任飲唔洗驚唔夠食，之前食過一鍋堂覺得幾抵食食物質素又唔差，所以決定再來。今次黎到旺角分店，位置近火車站，行過去10分鐘左右。餐廳可以遙控拎飛，咁就唔洗等咁耐。上到去好多人等位，長期爆滿，證明左真係好抵食！我地揀左喇沙湯底同胡椒豬肚湯，鴛鴦鍋就要加$50。環境都幾舒適，座位又夠闊唔洗迫埋一齊。食物就用電子落單，方便又快捷，最重要夠環保！食物選擇夠多，有海鮮，肉類、自家製、素菜類等等。海鮮叫左沙白，海蝦同花膠。沙白食落肉質鮮甜最重要係冇沙。花膠夠晒大塊，好多骨膠原。自家製手打丸好新鮮夠晒彈牙，encore左好多次😆肉類都非常新鮮，牛肉夠薄，淥一淥就食等。豬頸肉夠爽口，食落唔會好un。另外仲有自助沙律吧同甜品，當然要食返啲甜品。…Read More

同同事傾緊放工食咩好，成日食西餐食到悶，就一於食下台灣野，橫掂好耐冇食。黎到九份·十分，就好有台灣feel，餐廳完全係台灣風格，好多車站名既牌，猶如置身係台灣一樣。食台灣野當然要叫牛肉麵，就叫左個紅燒半筋半肉麵，可以選擇要粗麵定係右麵，而我哋就選擇咗粗麵，食落有口感啲。牛肉既份量都幾多，食落嫩口，湯底亦都好濃，值得一試！自選鹽酥雞每張枱都有8種調味料比你自己加落去，有芝士、梅子、香辣，原味等等。雞粒炸得香脆，唔會油膩，最喜愛加埋芝士粉一齊食。培根雞蛋拉絲手抓餅手抓餅包住培根，面頭有大板燒醬同沙律醬，芝士既份量係超多，成個鐵板都係芝士。鬆脆既手抓餅食落啖啖芝士，味道好特別，令人好想再encore!…Read More

今日朋友黎到大埔，當然要帶佢試下新野！之前上網見到介紹呢間主打丼飯同壽司，款式同賣相都好吸引就決定黎試吓！鋪頭位置係大埔運頭街，係一嗚拉麵格黎，由大埔墟火車站行過去10分鐘左右，唔算難搵！店舖裝修日本風格，令人有置身係日本既感覺！先睇下餐牌，丼飯既種類都幾多，而且有圖片作介紹，令客人可以睇得更清楚！每款都好吸引，而我就揀左北海五品盛。有三文魚、油甘魚、鮮帶子、，海膽同牡丹蝦。一黎到賣相吸晴，睇得出用料非常豐富，拿拿林試下先！牡丹蝦非常大隻，蝦肉十分爽甜，一隻都唔夠喉😅而帶子既鮮味十足，size又夠大夠厚，完全冇雪藏味。令我最驚訝係海膽，非常新鮮，夠鮮甜，唔會有苦味，加埋紫菜一齊食，正！睇落好似好細碗，但其實飯既份量都好多，夠晒飽！另外朋友就叫左個炙燒牛肉丼，遠遠已經嗅到佢既香味！牛肉係用火槍燒過既，濃濃既牛味，入口即溶，食得出係用高級既牛肉，牛肉面頭有隻雞蛋，將蛋打穿，撈埋一齊食！呢款都值得一試！…Read More

再次黎到慢煮工業，食物真的值得再試！今次晚飯時段黎到，好多人等位，不過好彩一早卜左位，等左一陣就入得！多款野食都好吸引，先揀左小食，叫左個脆辣一字雞翼$68/10pcs,新鮮炸起熱辣辣，外皮脆卜卜，一咬落去雞翼流出肉汁，配埋蜜糖芥末醬味道好夾。再來一個黑松露薯條，薯條係粗身既，本人最愛😆薯條點黑松露醬係絕配，食到lamlam利。而主菜就叫左溫泉蛋卡邦尼意粉，濃濃的忌廉加上蛋汁，每條意粉都掛上，真的百試不厭。爆谷雞pizzaPizza係長方形，pizza底好似餅乾咁，食落脆口，芝士味濃厚，加埋爆谷雞味道特別好香口有口感。…Read More

聖誕節緊係要食返餐聖誕大餐！今日同朋友黎到沙田，睇完戲之後就決定黎呢度食，望落環境舒適，坐得舒服，岩晒我地聚一聚！下午茶時段唔算太多人，唔洗等位就入得！之前食過eggs Benedict 覺有唔錯，所以今次要再encore 😆今次就叫左三文魚eggs Benedict,賣相好吸引，一切開蛋漿流出，做到流心效果，配埋煙三文魚味道好夾，一定要趁熱食！另外仲叫左黑松露蘑菇天使面，每條面都掛上濃濃既黑松露忌廉汁，食落好creamy，面頭仲有啲芝士碎，值得一試！熱愛香腸既我地就叫左個香腸拼盤，有香草腸，豬肉腸等等。份量都幾多，可以比我地試多啲唔同類型既香腸，岩晒我地一齊開心share!最後當然唔少得甜品，好多款蛋糕都好吸引！我就揀左特濃朱古力蛋糕，食落濃濃朱古力味，唔會太甜，底層仲有啲脆脆，好有口感！…Read More

成日見人地介紹呢間豬手工房，咁岩朋友生日，就一於去試下！餐廳座位都幾多又闊落，裝修都幾靚幾舒服，服務員熱情招待，食都食得開心啲！黎到呢度當然要試下佢地既招牌爆脆咸豬手，豬手都幾大隻，外皮超級脆，食落feel到佢既骨膠原，黏黏的😅肉質嫩滑，唔會過咸，果然唔係浪得虛名！我地仲叫左個黑松露野菌忌廉闊條面，食落多汁好creamy,而且好重黑松露味，每條面都掛住啲汁，好正，值得一試！見到menu上有個喇沙海鮮pizza幾特別，就一於試埋佢！pizza底係喇沙醬，面頭有蝦，八爪魚，紫洋蔥等等。呢款pizza真係第一次食，做得幾出色幾特別！…Read More

今日難得同朋友係朗豪坊行街，當然要搵間好野食一齊坐低傾下計食好野！ 我地行到最高果層見到間專食burger既餐廳，環境仲要好舒適好靚，岩晒我地呢班鐘意打卡既朋友！睇睇menu,Burger既選擇都幾多，而我就揀左燒焗大蘑菇黑松露漢堡，漢堡既size適中，岩晒我地，蘑菇食落多汁，配埋黑松露醬十分美味。另外朋友就叫左個德州烤牛肉漢堡，呢款就比較惹味，入面係bbq 醬加埋洋蔥圈，同漢堡既味道好夾！望住咁靚既燈飾，係到食野真係好舒服！…Read More