呠呠's Profile

買了團購，路經此街剛好發現此店，所以內進一試。晚飯時間8pm左右，客人仍不算多，服務態度很一般，環境坦白是有點髒，店舖不大，檯不多不過10張，食物方面辣肉腸味的PIZZA個人認為不過不失，有點太硬，味道淡淡的，很一般，試一試也無妨的，但也應該只有這次了。…Read More

之前經過這家店都沒有內進一嘗，透過近日出現的團購，決定是個機會去真正認識一下這家店，卻讓人很失望。第一次去，這家店已經關了，在尖沙咀這個地方七點就關店這個是讓人有點疑惑，後來上來看到有其他人在團購出現之前就應該有在光顧這家，才知道原來是因為團購而提早關門，何必搞團購呢？當買個教訓，下次在購買團購前真的要了解清楚（團購內容中沒有提及關門時間），所以說團購的只能在每天指定的四個小時內使用。第二天，再去光臨這店，要排隊等差不多30分鐘，幸好沒下雨，不然在這條小小的街道上真的不知怎排才好呢？在排隊的過程中發現了途人、遊客的眼光，這是不是就是他們搞團購的目的呢？終於可以進內了，好奇店家分派位子方面是不是有什麼問題，兩人坐四人桌隨處可見，可憐了在外面一直在等的人。點餐時，客人將接受到完全無態度的店員提供的「服務」就是完全無服務可言。食物來了，免治和牛飯配煎蛋，雖然沒有像之前看到其他客人的那麼悲慘，但說實在的真的比大家樂的還要少、還要差，價錢卻比人家的貴，請問憑什麼？朋友點的是：小樽叉燒飯，叉燒不好吃，較乾，配上不搭的蘑菇，白飯底沾了不少的豉油，味道奇怪而且偏鹹。唉！幸好當初只買了兩張，不然就真的害自己受罪了。很不愉快的一個經驗。…Read More

雖然店內唔算太乾淨, 而且比較少枱. 但店內食品的價錢都係較街坊價的, 又抵食, 又好味!! 生煎包係絕對推介的, 新鮮出爐最正, 唔會好油, 包內有啖湯, 個底又有少少脆, 正家!! 小籠包都唔錯的, 但牛肉生煎包可能比較少人點, 所以食過幾次都係凍凍地, 而且味道比不上生煎包…Read More

因為平時d 雞蛋仔既朱古力只係好似朱古力蛋糕仔咁, 普通之餘, 個人唔覺好味, 以為哩間都一樣, 所以第一次幫襯只係食返原味。之後見好似朱古力味好多人叫, 就想試下, 一試之後就成為左一位回頭客了。哩度既朱古力味雞蛋仔係用一粒粒朱古力混入蛋漿中的, 加熱後就溶溶地咁, 好好味!!!! 同埋蛋漿都唔係揸流灘家, 一味都唔會好似尖咀某d 只賣幾蚊既店舖咁激淡, 鍾意朱古力既朋友一定要試下。BTW, 夾餅都唔錯的! …Read More

事前打左電話黎約所以黎到都唔算係等左好耐，今次係第一次黎哩度食，黎到真係有ｄ打個凸，因為空間真係好有限，每枱之間都冇乜空間可言，而且好嘈，但見到都好多圍枱係慶祝生日，差唔多打洋時，全場關燈For生日既客人慶祝，果晚睇好似都有成四至五枱，但自問如果生日都唔會揀哩間黎慶祝了。食物方面以放題黎講都算唔錯，漏單情況都唔算嚴重；服務都算唔錯家啦，咁多客既情況下都冇乜點面露不悅等；價錢方面與其他同行放題相約。　…Read More

佢係目前我食過既, 最多乳酪味道選擇既一間Frozen Yogurt 店~而且你可以每隻都試食, d staff 都好好笑容, 服務態度唔錯家!如果以原價食既話, 的確未必會試, 但襯住果陣有coupon 買, 就去試左一杯重300幾g 價值$20 (特價) 既yogurt 了, 不過真係試過一次之後, 會回味, 會好想再黎食多次, 即使下次要用正價食!! XD目前黎講, 講到YOGURT, 第一最愛係佢了~佢係自助式既, 自己拎杯, 你可以溝味, 不會另加收費; 佢唔止乳酪味道多選擇, 連TOPPING 都一樣好多選擇;TOPPING 就仲抵, 你可以加幾多款都得, 都係計你最後磅既重量黎收費, 咁樣好似比較化算, 唔似而家一般既YOGHUT 店, 分量落幾多俾幾多都係好睇個STAFF, 而且只可以揀一至兩樣TOPPING, 想再要多D TOPPING, 又要再加錢!試過好幾款味既YOGURT, 感覺都係食原味最好~其他味就好似食緊ICE CREAM 咁, 唔太酸, 完全係我心目中乳酪應有既味道, 好正!!所以一次過食左一大杯, OVER300g, 真係太滿足了! 哈哈同埋佢全面有枱凳, 可以o係入面食, 外面都有個好似後花園咁既野, 好天冇落下都可以o係外面食, 環境唔錯的!!…Read More

愈來愈多Frozen Yougurt 既出現，對哩個自細就愛好Frozen Yogurt 既我簡直係欣賜，最近都不斷地搜尋常去地點附近既yogurt店舖，食過好幾間後，真係發現，原來乳酪原味都可以差天共地。言歸正傳，哩間yo mama 唔難搵，價錢同其他果d Yogurt 店都係差唔多，對我黎講好味係重要過一切既，價錢都係其次了！我覺得佢D乳酪就真係我心目中既乳酪味了,所以一定會再幫襯。食親yogurt 一定食original 的, 今次都唔例外, 再加粟米片, 甜甜地又唔會膩, 好棒!!同之前某ｄ食家有相同感覺，就係個木匙ｄ木味有ｄ破壞左個yogurt，真係希望可以考慮下改用膠匙啦!!! 再者, 就係真係有d 凍過頭, 或者係我食得急啦! 至於服務態度就, 很一般!之前食過Yogurtime 真係以後都唔會再食, 我會選擇行遠D去yo mama!Yogurtime 價錢唔平, 乳酪得個酸字, 感覺唔多係我食開同鍾意既果種乳酪味~唔掂!而且融得好快!…Read More

見網上有評讚都不錯，就重返以前工作既舊地，亦係我最愛既香港地方－－紅磡，去品嘗一下哩個日式美食。果陣岩岩過左食飯時間，有兩個餐都冇晒了，雖然係有Ｄ混亂，但係都體諒既，O係哩條街應該多數都係做LUNCH 生意，預數賣完就算，明白的。最終我揀左個薄燒牛肉烏冬，好好味，好大碗，好飽，好滿足；哩個SET 配埋個小食，我揀左龍蝦丸天婦羅，哩個冇咩特別，好似係將個龍蝦丸炸過下咁JA；仲配埋碗麵豉湯，這個湯說真的，應該係「加太賀」的較好喝，「一本」都比這個好；另加$5 叫多左一件花之戀，有三片三文魚包圍，味道OK；最後仲配埋飲品，係一支支裝的，可以拎走，GOOD！$29- 有咁多野，真係好抵，好滿足，最讚都係果個主吃【薄燒牛肉烏冬】正！抵！最近常不幸地遇上那些混混噩噩的店員，真是吃了一肚氣。但係哩度D阿姐服務態度真不錯，現今難尋，值得一讚！…Read More

其實不止一次幫襯哩間KFC，不過可能因為係固定日子及時間會去幫襯既關係，我成日都撞到那位來混的店員。同佢一輪咀講完要咩要咩，佢好似冇聽過咁，慢條斯理地再逐一問你一次；果頭講完要雪碧走冰，佢立刻同我黎一杯多冰百事；佢真係乜都冇俾我家啵，茄汁冇，紙巾冇，濕紙巾冇，佢仲同我講齊晒家啦！OK，我提佢，前一分鐘問佢拎茄汁同濕紙巾，佢淨係俾包茄汁我，跟住佢隔離既同事就好奇怪咁望住我，又同我講齊晒家啦，我又要再講多次要濕紙巾，Ｘ＠＃＄！係咪真係要逐樣逐樣咁問你拎，係唔係真係要逐樣逐樣等你拎呀小姐？！個腦去左邊度呀，而家D 人真係愈黎愈唔似樣，點解D 食肆請埋請埋咁多哩D 來混的人？以後唔會再去！唔想食個快餐都要逐樣等！浪費我Ｄ時間！！…Read More

同個朋友大家食餐飯，因為收到張傳單，話係無煙燒烤所以想試下。任食任飲，同其他任食既食店一樣，無論寫既數量幾多，都係黎同一分量。有得送個刺身，ｘｘ魚（忘了叫咩名），三文魚，我最愛既吞拿魚各３件。ｄsofa 看似好似幾舒服咁，其實唔多舒服。天花冇裝飾，因而個店食環境個人感覺，一般而已。佢哩間食店多數既食物都係全部冇"葉"過的，如果鍾意係原味既人士應該幾適合。鍾意食佢個雞腎同埋牛肉，真係好好味！不過就覺得佢唔值哩個價囉，海鮮新唔新鮮我唔知，因為冇食～感覺上都係d 一般野，哩個價錢係有點貴~衰收尾既原因，係臨尾有個waiter黎收我地錢果陣, 佢冇睇~跟住去到收銀果度，佢竟然摺開本簿後唔知自己收左幾多錢，然後問返果個waiter，佢話收我地300，但其實我地俾左400（因為我地冇散紙，諗住等佢找）。雖然最後佢地冇同我地駁都願意俾返足夠既錢我地，但唔見得佢既態度係好好囉，趕收工都唔係連收幾多錢都唔睇下嘛？淨係識得o係度掛住睇電視，真係唔係做野的。一個係咁，連收銀果個都係咁～唔知佢係咪又係真係咁大意啦下，連做收銀都可以唔知自己收左幾多錢，果陣佢只係收兩張檯既錢，咁都可以搞錯？真係有冇搞錯呀！！！！！！我係第一次遇到ｄ咁既事，所以令我對佢既印象真係唔好！下次唔會再幫襯！$148 左右吧?! 不太記得了~…Read More

最近迷上了珍珠奶茶，為左過下癮，就幫襯左一杯了。今日本亦想試貢茶，不過都係以同樣既原因最後沒有選擇到貢茶，多人。行下行下，o係車站附近都遇上哩間飲品店，只需$8 一杯細的珍珠奶茶就可以到手了。雖然話係細杯，不過其實唔細，對本人而言，岩岩好的了。大杯係真係大杯到最後有1/2 至 1/3 係飲唔晒的。早排飲過紅磡既分店，個人覺得紅磡分店的珍珠比較好味，好似大粒d，同埋好”趙”ｄ。同樣地，茶味較重，不太甜，good!服務不過不失~p.s. 幫襯左8蚊，得到張＄２coupon，不過只可於此分店使用，同埋10月30號到期。…Read More

本身諗住試下貢茶，不過實在多人同埋佢個價錢貴過哩間少少，就決定試下哩間。岩岩新開張，做緊第二杯半價既優惠，買左兩杯珍珠奶茶，total：$18/2杯 大杯裝珍珠唔錯呀，煙煙韌韌咁，正！幾好"趙"，而且真係好大杯，好飽，$9一杯抵~個奶茶都唔錯，因為佢唔太甜，茶味重，我個人鍾意奶茶有茶味多於奶／甜。服務態度都ok，唔係差ge~同埋都唔算等得耐~…Read More

今日放工去試下哩間無骨海南雞飯，佢既食物質素本身係冇問題的，但佢地全店註場既四名員工（兩個廚師，兩個樓面）真係全部都混混噩噩。先講食物：栢檔既招牌海南雞飯，$38- 包一碗湯 (+$2熱飲；+$4凍飲）果碗湯真係唔係揸流攤的，入面有兩舊肉連骨，有一大舊紅蘿蔔，有一大粒我諗係Ｄ果呱，真係有料湯，同埋見佢店內貼左張表示自己店內既食物係無味精既標籤，我諗應該不是味精湯吧？！我從來都唔多鍾意飲湯，不過佢哩個湯又真係幾好飲，而且真係多料同埋幾大碗。去骨海南雞飯，都唔少肉喎真係，只係稍嫌個雞油飯乾左D，大概上是挺好的。再解釋返點解話佢班員工全部都混混噩噩：今日我入坐既時候，店內既食客都已經係上齊餸食緊的了，即係話只得我一個落單，但係廚房都可以搞錯出完又出，出左double。後來有幾個外賣，佢又出double我坐低落單果陣，同我落單果個樓面阿姐ｄ態度真係唔太好，差又未至於，不過好似認為我阻住佢地兩個傾計咁囉！！！後來有另一位食客叫左杯野飲同我之前叫果杯係一樣的，佢竟然都仲可以o係我果張已經有一杯一模一樣飲品既檯上面，再放多杯落黎 被指證後，佢竟然唔係拎返佢岩岩放低俾我果杯俾返另一個客，佢係拎之前已放o係我檯果杯走，不過我未飲過的，所以另一位客都是但算數了！真係心諗，你唔係連你岩岩放低邊杯你都唔記得下ｍａ？仲有我係一個人去食的，唔會認為我喝到要飲兩杯呱？同埋當時其實真係唔係忙，唔多order唔多客，真係唔知點解咁都可以搞錯！and 我只係o係果度逗留左幾個字，都見到咁多問題出現，真係……果兩個阿姐只係o係咁不斷地傾計同埋耐唔耐食下野，真係唔係路的～唔該老闆正視下哩個問題，如果唔係就算ｄ野食ｏｋ，ｄ服務質素咁，生意好極有限。…Read More

以前每次搭車經過都好想去試下，因為佢既店面好似好有懷舊feel咁，終於有日膽粗粗同男朋友入去食，之後哩間餐廳更成為我地每次o係紅磡果邊食飯既首選。哩間餐廳入面既waiter都係一d 中年既男人，佢地手腳快，好有經驗，唔知係唔係o係度做左好耐家呢？有d 態度麻麻，但有幾個態度真係好好家！次次去食都係dinner，dinner入面有個餐係食燒春雞的，唔知大家有冇食過呢？我覺得值得一試家，成隻雞咁食真係好好feel，食過一次之後我地就次次都係叫哩個set dinner食了！同埋好少餐廳有燒春雞食 T^T 難得難得！p.s. 燒春雞要等20minutes最後我覺得最正既係佢個飯後甜品，而家好多餐廳都應該冇哩樣野（我指價值較一般的，唔係高檔），所以哩樣野係幾令我滿意。佢既飯後甜品有兩樣野揀，就係雪糕或啫喱。大概$70- 左右~…Read More

哩間野既服務態度好好，哩個係值得一讚的。而且裝修都唔錯，加上甜品都唔算話真係太貴，同附近果ｄ都差唔多價錢啦～因為見ｍｅｎｕ上面既配合唔係太岩我，提出要求問可唔可以改少少配搭，職員話可以，耐心等待之餘，仲不斷向我提供一些意見。最後我叫左個strawberry刨冰＋涼粉＋mango果肉，實際既名唔太記得清楚，不過有興趣既話可以睇睇圖再ｏ係ｍｅｎｕ度找找看。朋友叫左個心太軟，賣相不俗就唔在講了，一整開中間，入面ｄ朱古力流出黎，唔洗哄個頭埋去，就已經可以聞到好香好香既朱古力味，真係好好香！如果下次去，我都會叫哩個心太軟！price：心太軟 $35-　　　 刨冰　 $22-…Read More