mingmingpig的個人專頁

今晚收工同朋友去左蚊蚊豬老火鍋，呢間係深水埗分店，位置開揚好易揾，而且係24小時營業，收工好夜食宵夜都好方便。好多人係度開心吹水聚會！我地都鐘意食魚，所以就叫左個魚煲。魚好正好嫩滑！呢間既串燒係必嗌，全部都燒得好香，燒豬頸肉好爽口燒牛仔骨醃得好入味好香，燒雞肉連埋塊香脆雞皮食好正。除左靚牛肉，打邊爐唔少得响鈴仲有脆肉鯇，好新鮮生菜，油蜜菜等等都食得出非常新鮮！仲有刺身任食，叫左最鐘意既甜蝦，又係新鮮好食。…查看更多

同朋友一齊黎食流水蝦任飲任食2.5小時，雖然我唔係食得多，但係都好仲意任食個種感覺，尤其見到咁多海鮮任拎ar，見到都興奮！扇貝同青口食左好多隻，因為真係好鮮甜又飽滿，唔食多几隻對唔住自己🤣鰻魚同珊瑚蚝要燒耐d，不過燒完出黎真係好值得燒，好正！個爐一次過都可以燒到好多野ga，有上下兩層！如果多人，圍埋一張大枱一齊gathering吹水都几正！自助區仲有熟食可以食，醬料可以自己調配！飲品櫃種類好多，任飲唔嬲！最後食左杯焦糖味雪糕，完美結束今個海鮮燒烤夜！…查看更多

常滿百家菜既點心火鍋放題真係好受歡迎，唔洗到7點已經全場滿座，遲少少都位😂因為真係物超所值！值得encore！一黎就叫個鹹菜豬肚粉腸湯底先，仲有叫d火鍋配料同點心，我地去到好肚餓，所以叫得好興奮🤣蝦餃同燒賣係必叫既，蝦餃超大粒爆餡，入面起碼有4隻大蝦好爽又鮮甜，好正，唔係蝦餃咁簡單，絕對係蝦餃王！小籠包隻隻飽滿又多汁！牛栢葉好爽又入味！牛肉球大大粒又足料！係自助區仲有架車仔放左d點心係度，有牛肉腸同雞扎啊，牛肉腸好滑，雞扎好正呢！推介大家試下依個蘿蔔絲酥餅，好酥脆，入面有絲絲蘿蔔絲好好味！等火鍋同點心上枱期間或者等火鍋料熟期間可以係自助區夾住d熟食食住先，都好多選擇啊！椰汁糕同芒果布甸都好好味！…查看更多

依餐晚餐食下新加坡菜先，好耐無食肉骨茶，有d掛住添，就叫個去骨海南雞飯加肉骨茶食，$108就有兩樣野食，好豐富啊！d雞好滑，加$10就有雞脾肉食，不過我就食普通雞肉ok，就無特別加錢啦！有三種醬料點雞食，有甜醬、雞蓉、辣醬，我覺得甜醬係最襯點雞食既，辣醬太辣！個油飯几好食😋肉骨茶几香，唔會苦又帶有d藥材味！仲叫左個傳統喇沙湯米粉，原本想揀金邊粉，但無曬貨，就食米粉，都ok既，d湯底好濃郁好香，蝦好爽啊！…查看更多

點心佬又心思思去食點心，今次去佐敦點心到食，例牌都係叫燒賣、蝦餃、鳳爪、牛肚等等，食到飽一飽，上黎打個食後感😋好仲意食黑松露菜苗餃，清清地又不失蝦味，有蝦餃既味又有菜既fresh！其他都不過不失，味道同其他點心店一樣！黎試下依度既脆皮蝦腸，搭左几條菜，大大條，下次可以cut短d😂d腸粉皮略嫌有d爛同淋，唔夠滑同爽身，不過食落口味道都ok既！蝦腐皮卷炸得脆脆的，入面餡都几香，不過有d乾，下次唔揀依樣食啊！…查看更多

去點心店食點心好方便，唔洗趕午市時間去食，任何時間落街都有得食，而且質素都好好，有我仲意食既大大粒燒賣蝦餃！仲有得選擇食兩粒定四粒燒賣，好有彈性！兩個人叫八籠就食到飽一飽🤤鳳爪同牛肉球都係我至愛，不過朋友唔食鳳爪，次次都係我食曬一籠😂好滿足！飲啖茶食几籠點心，食得飽飽又滿足！其中我每次幫襯都會叫既就係蝦多士，雖然好似有d熱氣，不過我每次都忍唔住，因為真係好香口😂點埋沙律醬好正，不過一定好肥😂…查看更多

sushiro已經係唔少人既飯堂😂每次諗唔到食咩就去食sushiro😂我每個月都成日去食，不過係几好食既，刺身又新鮮又唔貴，兩個人賣單都唔洗300蚊，去出面d壽司店閒閒地都食成千蚊，所以真係平靚正！宜家仲多左d三件一碟既壽司拼盤揀有d$17就有3件真係好抵我最仲意就係依個組合，有三文魚、赤蝦、魷魚，三樣都係我喜歡既，平時我去sushiro一定會叫几碟赤蝦，一件已經$12，宜家三件先$22，加多$10就有多兩件壽司，超抵！…查看更多

下午起床有d肚餓，同朋友落街係附近閒逛，見到新開既煎餅廚房，有唔少人係度等外賣係玻璃望入去見到廚師做餅好吸引，即叫即做，新鮮熱辣，可以一邊欣賞廚師既手藝一邊等待美食，menu有好多烤餅選擇呢！我就叫左個北京烤鴨煎餅同朋友share食，$51，好大份，兩個人食都好飽啊！入面好多餡，滿滿北京烤鴨肉，外面表皮又蛋香又微脆，入面餡料有烤鴨、青瓜片、蔥等，仲有醬料，非常惹味，好仲意啊！下次要試下其他味道先！…查看更多