肉鬆的個人專頁

朋友生日揾左個地方慶祝，見哩道話好難book，對佢滿心期待一入門口佢會係漆黑一片中叫你揭開塊布，進場個一刻見到個萬花筒裝修真係會心心眼不過食物服務都真係好一般普遍慢煮豬鞍肉質都好好，但哩道豬鞍肉較淋，其實一拎過黎見到已經覺得賣相一般，我地竟然食剩….蟹肉意大利飯賣相好靚，但同樣唔出色…最後黎嘅燒春雞反而覺得最好，因為佢仍然肉嫩多汁而我地重叫左個甜品同唔同嘅飲品，幾款甜品之中我覺得哩個星球款最正常，雖然個價都唔值，但個味正常(´▽｀)最多人打卡嘅潘朵拉盒子真係得影相，個個流心忌廉真係唔係個個接受到，其餘飲品都係偏假同甜食完只感覺得個樣打次卡無回頭，同埋每人平均消費最少$250，以食物質素好一般，唔好有期望，佢只係for你影相靚，唔係為你口福～當食環境吧…查看更多

睇過上網介紹話不得不試，所以就入黎荃灣試一試～首先要讚無論職員老細都好有禮，我地一早睇左想食咩，去到叫左醬油蟹（無得去旅行嘛）原味炸雞，醃醬辣味炸雞、同豆腐海鮮鍋～先係醬油蟹鮮味有膏，配佢嘅紫菜飯真係飯都食多左炸雞嫩滑，不過覺得原味真係無乜味～醃醬辣味個款就唔算辣～～如果有辣味但唔係醬嘅款就好最後海鮮鍋有驚喜好惹味！黎嘅食客都食得好開心，一路同老闆娘傾計一路食，佢地重會親自幫手燒肉添～有機會再黎睇下…查看更多

每個月都去整甲必到店，重新開業選址係西九龍中心蘋果商場，其實覺得有啲搞笑，不過品質唔變重應該平左租，我都燉佢開心:)去到門口禁左自己要食啲乜，之後比飛職員就坐下～店內都係簡潔為主，比人好安靜嘅感覺～舖頭望出去就係人流，經過見到食店內嘅我為食好味嘅樣，又多幾個客入黎店內得一位主理及一位店員打理，店員禮貌温文，客人未有需要佢亦會整下啲杯，怕會有水漬難拎嘅情況，牆身有教你食沾麵嘅正確方法爸爸叫左一個隱世白伝，是豬骨湯的，湯濃較油，我好鐘意佢嘅沾麵好有咬靭～爸爸出奇地讚賞話哩間店唔錯而且話食得飽佢而我叫嘅赤伝，好好味呀個蕃茄湯底~~唔止湯濃重有粒粒蕃茄蓉粒除左叉燒同樣好味之後，我最鐘意就係佢隻半熟蛋，真係流心嫁，蛋黃凝固程度啱啱好滿分！！一定會再黎幫襯…查看更多

完全為少女心嘅你準備，一個粉紅旅程因為限時關係，坐低就即叫野食!~調味BAR除左配料之外重有D水果小食比大家享用~~我地叫左養顏美容鍋MIX椰子鍋美容鍋湯濃，充滿骨膠原叫左碟魚皮食先，點知第一碟黎係林既好在我地要求下佢即換過碟比我地~我地三個女仔加一個小朋友都叫左好多野食~好在佢D份量可以叫半份啫~蟹籽墨魚滑，比起蝦滑更爽彈啫~~不得不讚去骨雞肉片超嫰滑本地手切肥牛，牛味較重，但較薄~~安格斯牛小排，大理石花紋分布均勻，因為部位唔同，連同筋肉咁一齊食，哩款口感好好，醉雞件份量幾多，不過唔算突出~鴨紅唔係道道都好食，所以只叫左半份黎試，職員每樣食物都會話我地知要烚幾耐，鴨血佢話5分鐘就OK，不過我地烚耐左~但佢都非常之咁林嫰，可惜我地唔係叫麻辣底海鮮我地只叫左貴妃蚌，肉大肥美，好鮮味~~真係唔錯~~總括佢半份既份量黎講都好足~可以慢慢食昆邊樣自己鐘意再叫過~~食完之後重可以帶小朋友去玩一陣~~臨走重有小禮物比佢抽添非常滿足既一餐~~ 可惜佢限時啦~如果唔係可以坐耐D~ 再食多D野~~ …查看更多

哩間餐廳我次次見親朋友post相都想試，今日終於黎到食返餐因為我地早食既關係，去到得幾枱客，live band未有，因為尚早未有live band駐場，不過播既音響都令餐廳好有氣氛~再加燈光既影響，大家都已經好放鬆~~本來黎之前我真係好想試威靈頓牛柳，但又想食咸豬手喎怕太多肉，所以就放棄左佢~之後見到枱上面既推介，我地就叫左半打Gillardeau，每隻都幾plump，好creamy跟住我地叫左個Hokkaido Scallop Linguine，黎到我地覺得我地好似食緊中式菜咁因為有瓜同雲耳~~但又出奇地配搭到喎而且有乾辣椒關係，食落比我地想像中辣，真係好味又刺激味蕾你睇下原粒大大既厚切北海道帶子啖啖肉呀真係好好味~~~最後主角出場，我地既德國咸豬手一拎黎已經好震撼啦~~ 好巨型呀~~拎左我隻手黎同佢比隻豬真係好健壯~職員都知我地會影相，所以影完先過黎幫我地切，切完我地一路慢慢傾，慢慢食~~哩個時候live band都準備晚上既表演，臨走時去洗手間，經過佢地既獨立區，有哂桌球枱篤波又有電視直播，出面亦有唔同設施比客人玩樂~其實男人係哩道聚會真係一流~~…查看更多

朋友生日book左哩間餐廳，睇到夜景好有氣氛，食食下重有幻彩詠香江睇我地一行六人叫左一個二人餐加一個一人餐，先黎頭盤，我試左生蠔、鮑魚同八爪魚，生蠔食第一隻好鮮甜但第二隻竟然有D腥....帶子好味，佢用黎點海鮮既醬汁類似泰式口味~~粒粒黑松露蘑菇湯唔算好特別，但都唔錯呀~跟住係話可以連殼食既田螺，口感唔似田螺不過底個薯蓉好味~~哩個我唔係好記得係乜野肉既白汁雲吞，哩個我覺得好味道黑毛豬熱脆包初初以為係pizza黎，原來係脆脆麵包底，我發覺黑毛豬多數都好鐘意配菠蘿證明佢地係絕配~~原板海膽聖子白汁扁意粉，我相信焦點都放左係海膽上，職員話會撈埋一齊食，我就建議大家分返開心好食D因為扁意粉個汁同D蟹子太重味，撈埋一齊根本食唔到海膽個鮮~黃油雞扒配鮑魚肉嫰雞扒食落啖啖松露，黃油溶係口，而佢個紫薯又好味喎美國牛眼配大蝦哩個係我推介之一初初無諗過份量咁大叫左7成熟，其實5成我覺得重好~~肉味香濃大蝦亦有質素~~橡果黑毛豬我覺得佢脂肪既比例太多啦實在尾聲再配送甜品，我地之後重有生日蛋糕有位男士會過黎彈結他助下慶添~~…查看更多

有小朋友嘅父母當然想自己有啖好食日悅哩道有一間好大既遊戲室，遊戲設施亦會不停轉換，小朋友肯玩又肯食，幾美好呢~~因為係日本放題既關係，發覺佢既壽司種類較多，刺身非常新鮮連帶子都厚切嫁～走廊位夠大，因為可能方便ＢＢ車出入，枱與枱之間亦都好多空間，值得一讚雖然種類唔算多，但質素唔錯，好似清酒煮蜆咁，隻隻都算肥，唔會話又甩殼又奀～芝麻雞翼係我覺得最好食即炸即食好香脆，入面既肉都好嫰滑～天婦羅以南瓜最出色，因為叫左太多野食都影唔切大家記得自己去試試啦～～食飽飽入遊戲室玩，多條滑梯唔洗排隊慢慢玩，旁邊有櫈比家長坐低睇住小朋友玩，重有小黑板比佢自己發揮畫功不過當晚既消毒酒精用哂無人refill，哩樣希望日後留意～…查看更多

記得每次行過哩間鋪都聞到好香扒味～今日終於一試夜晚大多數人黎都係打邊爐～而我地今日就只食定食～坐低就叫左個網燒牛扒定食～拎到黎原來係鐵板定食份量足夠食飽一個男人，牛肉香洋溢成間廂房，職員細心叫客人拎定張紙巾遮遮，以免遭殃牛嘅份量好大，但佢質素唔錯～建議唔好放係鐵板上煎咁耐，免得過熟～～定食價為$88，絕對對得住價錢有餘～幫囡囡叫左個兒童餐～同埋非常豐富食得佢好開心～記得上次老闆娘重送禮物比佢大朋友都可以回味下啫喱糖車仔丼有得自選冷麵太好～唔洗次次食飯咁寡～揀左牛助沙律醋～無柚子醋咁酸may may每件刺身我都只叫左一件淺嚐～每件都好新鮮推介特別係海膽同三文魚腩臨走店員就如老友般傾下講下～下次再見面就打邊爐啦…查看更多

週末黎到西貢游完水，想揾間食下下午茶醫下肚～黎到Poca好有渡假感吖佈置有多元化感覺，有日本風啦～又有泰國佛～但我又黎食西餐嫁喎不過唔知係咪假日廚房放假，我地要等左好耐啲野即叫自家製漢堡煎蛋意粉意粉有啲咬口，漢堡扒唔錯，有厚度得黎又唔會個面好乾～入面充滿肉汁跟住叫左個豬扒沙律，沙律菜爽甜青新，材料新鮮～佢所有野都有一定嘅水準下午茶黎講亦叫滿足～如果可以改變埋上菜速度就更加好啦因為個日真係等到個人都呆埋…查看更多

動物Cafe一直都想試，雖然有諗過食食下會唔會走過黎搶食呢？答案係唔會啦～貓貓們都好乖！入到店內老闆同老闆娘都好周到，安排好位置又推介野食比我地:)蝦多士惹味～烘焗恰到好處，加埋個醬，食落脆卜卜雞翼更加係我至愛香口無比，佢啲小食我全部都好鐘意～蛋捲豐厚實在，份量好足，我地一路食一路有食物上枱，會關心我地凍唔凍、水夠唔夠暖，哩啲真係小食先可以做到～到最後我地實在覺得太自在想食埋甜品先夠圓滿～黎左個燉雪梨～點知哩個甜品大受好評，一食落去已經覺得好潤喉，雖然每一樣都可能自己做到，但感受到老闆真係一啲都唔馬虎一路食下停下，撩下貓貓玩～上到黎都係愛錫小動物嘅人～原來哩間食店係作為某動物協會嘅中途屋企～佢地希望多個地方幫到貓貓找到温暖嘅家～:)眼見熟客仔多～都Full嫁～好有人情味嘅舖頭，有意義又好味，比個Good你…查看更多

isqure終於多個選擇，唔洗次次都食茶木「忠孝東路」熟悉嘅名字，即刻令人好有親切感～裝修用色和諧小清新～我地被安排坐橢圓梳化枱因為唔太餓，所以以小食為主～忠孝柯仔煎香口，件件都有柯仔，但蛋煎得有啲過乾～不過我還是記掛台灣的鹽水鴨片雖是驚喜～鴨片凍食唔油膩，肉淋咸香可口，真係幾入味～唔錯～香酥雞份量較少啦～同埋有啲偏硬，一人都無兩件，好唔夠喉重叫左個牛肉麵同菠蘿嘅飲品～總括黎講坐得舒適，但食物一般…查看更多

母親節飯又一大棚人，book到位已經好難得，一黎就狂風掃落葉咁叫野食成餐飯好差參半，有啲好好食，但有啲就無味～～柚子沙律好好味柚子酸甜，有少少肉鬆加埋黎食好惹味～泰式爐魚平日黎到係滾住條魚嫁嘛，但哩個係無乜火水，唔太熱，條魚亦唔咸唔酸，唔知想點串燒唔錯～豬同全翼係我食完再食～當然大家都可以幫襯九龍城其他串燒舖冬陰公我無飲，家人話唔算特別～馬拉盞通菜是正正常常，有少少偏咸，蝦餅熱食脆口，個醬汁又好味椰青好一般，其他飲品亦不見特別好味～生蝦大大隻又厚肉海南雞好敗筆無味嘅.....菠蘿炒飯啲菠蘿係真嘅但份量較少～我覺得總括黎講唔特別好味～佢較好味嘅食物好多餐廳都好味，相信試一次便夠了～…查看更多

叫外賣返公司食幾次，覺得佢價錢合理海南雞又唔錯～每個部位都有比你，啖啖肉～海南雞米線可配其他餸，我每次都揀單骨香茅雞翼每次一拎返黎打開個蓋一倒湯，同事都必話好香蒜香惹味嘛～～同埋要講講佢嘅配菜都keep到嫁青瓜每次都係咁爽甜、舊蘿白好林超入味可惜得一舊～不過份量就可能唔夠一個大男人嘅份量，所以大家可以選擇食飯，豬手都好正嫁同埋每次食海南雞點個個醬汁都好好味～係中環$55價錢好抵吖～雖然只做外賣～但都吸引到我經常幫襯…查看更多

偶然都會去D2行下市集，行完就要揾下食，今日帶住小朋友就去我地小時候嘅地方～一隻老虎仔、掟下綠箭香口膠，回憶係咪返哂黎呢？？裝修令我真係好滿意，懷舊得黎有新派風味~~我最鐘意就係佢既茶杯座位，好可惜個人已經坐滿，我地編排左去坐龍船座位~~職員同食客都相處親切，亦幫忙拍照，話哂成間餐廳都係打卡位，影相都有排影~~餐廳安排左幾架小船比小朋友坐下，囡囡樂此不疲咁扮開船做船長，雖然哩道無恐龍屋... 雖然哩道無小木馬，但都有我地既集體回憶~~食物係唔錯既，我地清哂但可能都係為比旅客或有目標既食客，所以價格都比一般既偏貴~~但我都覺得，黎一次為自己鈎起回憶係值得既:)…查看更多

一想打食評就見到咁多喊喊我本來係想上黎讚讚佢個椰青好好飲，所以我只可以講句我係好彩嘅一群，我都係新開張無耐去食，坐低叫左個豬扒烏冬，炒翡翠苗，兩樣都有少少偏咸，但尚可，跟住叫左個牛油果海鮮炒飯，我覺得算係唔錯喎～雖然料唔多，但個炒飯底爽身唔立～因為偏咸，我真係有啲渴睇黎佢策略成功左，我叫多左個椰青～但好有驚喜！好好味喎清甜得黎好重椰青味～好解渴不過我見到隔離枱個海南雞飯係好dry不過感覺上有少少混亂，但態度都幾好，都盡量為我地安排～侍應好明顯有啲係新手，冷氣比較弱～…查看更多