wai_ling's Profile

入去嘅時候侍應已經態度差，入去領教埋老闆娘嘅劣質態度⋯⋯今日一個人喺度食晏，睇住電話食，食咗10分鐘，比老闆娘鬧我：「玩電話就返屋企玩，阻住個位，知唔知好多人等緊個位！」我同佢講我都係食咗10分鐘姐，佢就話：「全部人喺度等緊你，仲喺度玩電話！仲夠膽同我講10分鐘！我唔做你生意！」（錢照收）😂O咗嘴😮其他抬都有搭枱㗎，你唔叫人坐落嚟？🤔一個人食飯，望住個電話，有咩問題？泰國餐淨係同一條街都有其他選擇，點解食個晏都要受氣！😔無下次！…Read More

平時耐唔久都會幫襯，以前啲嘢食都唔錯。呢排叫過兩次外賣自取，接電話嗰位服務員嘅態度令我唔想再幫襯。第一次係我問佢可唔可以唔要牛肉轉其他肉，一句講「冇」就完咗⋯⋯😒我知呢個係最終答案，但係街坊生意，可唔可以態度溫和啲呢😅？第二次係電話落完單之後，我問佢外賣自取有冇折？佢話「全單九折」，然後我話「OK」，佢就cut 咗線😳我以為會有句「多謝晒」或者「Bye Bye」 ? 我諗多咗😅 叫個外賣都咁，又唔使你招呼。無下次，「Bye Bye」。…Read More