KamSingw's Profile

琴日去完朋友喺屯門嘅屋企打機之後同佢去左搵野食，佢就提議去呢間叫羅麥記嘅餐廳食。離佢屋企都唔算遠，行左大概十分鐘就到。黎到之後都要等左一陣先有得入坐。呢間餐廳設計好靚，好有六、七十年代嘅feel，坐得都算幾舒服。由於喺朋友屋企食左d野嘅關係，就淨係叫左一個磚頭焗豬扒飯同埋一份麥SIR乳鴿仔。乳鴿黎先，我本身好中意食乳鴿，呢隻乳鴿亦都無令我失望。佢嘅肉好嫩，亦都好有肉汁，45蚊抵！之後就到個磚頭焗豬扒飯，原來係用方包皮黎圍住個飯，整到好似舊磚頭咁，都幾得意。食落都唔錯，豬扒唔會好乾，唔掛得知係十大必食之一。…Read More

上網睇話搬左之後唔好食，但係我都忍唔住拉左佢入去試下。今次係佢搬左之後我第一次入去食，張餐牌上面依然係咁平，叫左幾樣以前成日食既野。重慶酸辣粉、韭菜豬紅蘿蔔、勁辣魚旦，豆卜串…個fd都係叫左個重慶酸辣粉。酸辣粉冇乜點變，大大碗，多花生，酸辣。韭菜豬紅蘿蔔，幾入味，蘿蔔好甜，豬紅好食過車仔麵檔。勁辣魚旦呢…其實都係好好食，一樣彈牙，一樣咁爽口，唔粉，咬到入去都有食到辣味。個fd話佢中意食個酸辣粉，多花生大碗又抵。我諗下次係佢拉我入去食，唔係我拉佢入去！勁辣魚旦，我下次再番黎搵你啦！…Read More

平時收工就會同愛妻喺屋企食晚飯不過喺每一個月既第二個星期五，我就會同中學既老友一齊飯聚。每次都會去新地方品嚐美食，然之後不吐不快。今次真係冇介紹錯，呢間野感覺好歐陸feel，紅色sofa椅、枱布、蠟燭、掛滿畫既牆、落地大玻璃，全部都係加分要素，此外食既野都好歐陸式，用餐氣氛高雅貴格。保雲酥焗生蠔個生蠔都唔錯既今日隻蠔都幾大隻食落去個蠔海水味幾重蘑菇長通粉好香既香草味食落去好creamy但係又唔會好似出面咁淋哂正~烤羊鞍個羊鞍唔一ｄ都唔蘇，仲好juicy而且夠哂份量依個其實只係promotion優惠只要like左佢地facebook個專頁４個人就會送一個烤羊鞍大家有機會一定要試吓！…Read More

其實我一直都有食開佢既格仔餅呢間野既格仔餅我認為同普通既街邊店都差唔多而且店入面既衛生又麻麻所以我多數都只係會過嚟買左拎上樓食格仔餅裡面既花生醬好甜剛剛出爐既放上我手好香(不過要小心張雞皮紙透油整污濁隻手,如果同佢要多個膠袋就好d喇)有d食完成個之後溜溜地,成左之後兩個鐘唔駛食野好滿足啊!…Read More