Chloekp's Profile

我去買8個蛋撻，同門口姐姐講，唔該幫我3個一盒，入兩盒得了，淨低2個用紙袋入就可以。因為果兩盒3個裝，我是想分別送俾人的。但門口姐姐好惡，打斷我說話，一句就話唔得，一定要4個放一盒。我話，但我要送3個一盒俾人喎，你做咩夾硬放4個落去。她態度十分惡劣，問題是我又無要求她俾第三個盒，淨低果2個入紙袋就可以了。禁果2盒，我話分開膠袋裝，我要分別拿俾人。她又好惡話晤得，我話禁我俾錢要個膠袋得未呀。她就叫我入收銀再俾膠袋錢。我同收銀講，就算收多我膠袋錢無問題，但門口姐姐唔可以夾硬放4個一盒。最後，收銀有代門口姐姐道歉，同話我買2盒，可以有2個膠袋，無再額外收錢。想問下呢間鋪，係咪買得多，就要夾硬放哂一齊？？？買得多都是想送俾朋友食，如果我分開3次買，係咪就晤會有呢個待遇？？？我完全不介意自己食果2個用紙袋拿住走，同埋我自己都有自備袋走的。不過我只要求，送俾人果兩盒，有盒有膠袋，原來都禁困難。…Read More

在深水埗返工的我，lunch 真是有好多好選擇，單單福榮街已經整條街是食肆，我在呢區工作幾年都未試得哂。呢日想食清清地，所以同事選擇了泰國餐廳，打算食個清清地的粉麵。我點了一個泰式湯粉都只是$28，扎肉粉絲湯底清甜，扎肉幾有口感，lunch 時段仲送左熱龍眼水，$28有粉麵有飲品真是好抵。同事點了泰式炒金邊粉$58，都是送了熱龍眼水，金邊粉一上枱都幾有驚喜，賣相精美，睇得出有用心裝飾伴碟，金邊粉表層有蛋花鋪面，加上心心碟，真是要相機先食。同事說金邊粉好爽口，味道酸酸甜甜好開胃。…Read More

聽同事成日提起在旺角的鮮入為煮好味，話有花膠雞煲打邊爐，的確好養顏，女士聽到必想一試。難得book 到枱，終於可以試一試。當晚book 了六點，眼見有人walk in 但都無枱了，所以想黎食，記得預先book枱。一坐低就點了花膠雞煲，員工會將原隻雞上枱，然後在我們面前剪開隻雞，之後就可以開餐了。湯底非常濃郁，有濃濃的雞味，飲得出花膠同雞的甜味，花膠厚實，數量都幾多，雞肉好滑，淨係食雞同花膠都已經好滿足好飽了。之後我們仲點了西班牙午餐肉同牛肉，味道也不錯。兩個人飲飽食醉就走了。好味道！…Read More

話說約了一班食辣的腳仔晚飯，當然首選食辣雞煲，第一時間諗起一品雞煲火鍋。同行辣腳仔我們一起食過荃灣果間一品，一試難忘，不過荃灣太多人，去親都等成個鐘。反而，紅磡雖然都要等位，但我們呢晚只是等了大概二十分鐘。一行五個人，叫了麻辣秘製雞煲一隻$220, 點了中辣，雞的肉質好滑，而秘製辣汁才是精華所在，響玲點辣汁，真是好味的配搭。A級安格斯肥牛，牛味濃郁，我們仲叫左五杯珍寶裝的凍檸茶，哈哈，真是超級大杯，好震撼囉。😋😂…Read More

星期六晚TST食完晚飯，見天氣好，行去天星碼頭海旁吹海風聽音樂，經過碼頭見到有一間意大利雪糕店，有low fat gelato，low fat 呢兩個字已令我眼前一亮，即刻心思思想試一試。見到店外有宣傳話梅雪糕，感覺這間雪糕店幾創新。不過我都是點了最鍾意的芒果口味，天氣熱辣辣，一個芒果雪葩，清涼無比，冰感十足，雪葩芒果味重，一路食一路消暑。我選了$39單球芒果雪葩，而同行朋友點了開心果雪糕，我都有試了一淡，開心果味道濃郁，咬到少少開心果nut，好有口感。好味好味😊…Read More

星期六早上約大學同學聚舊食lunch , 同學仔家住元朗，她介紹去食好出名的永年車仔麵。專登由九龍區入元朗食個車仔麵都值得的，事關永年的秘製辣汁真是第二間車仔麵食不到的。愛食辣的我點了豬腸雞翼蘿蔔米粉，加凍奶茶，三餸一麵$35, 跟餐凍熱飲品加$11 ，埋單$46! 豬腸好乾淨，沒有"壓"味，蘿蔔淋得黎好甜蘿蔔味，雞翼也鹵得好入味，配上勁辣辣汁，果種又愛又恨，刺激味蕾的感覺，真是好過癮，精神為之一振，再飲淡凍奶茶，好滿足哦~…Read More

牛魔王出動，去金鳳抵食据扒，點了招牌牛柳餐$82, 薯菜是配粗薯條同西蘭花。牛柳配黑椒汁簡直是絕配，我點了三成熟的牛柳，因為食開金鳳感覺都是偏熟的，所以我叫三成熟，出黎效果是大概五成熟，熟度剛剛好。跟餐有餐包，湯同飲品，如果想餐飲加大要加$3 , 不過黎得金鳳食扒，真是不可以錯過加$2要蒜茸 ，作為一個牛肉同蒜茸怪，食到淡淡牛肉，感覺好滿足，加上牛柳不un，好易切，入口仲好淋，禁的價錢有呢個質數，抵到呢~哈哈!…Read More

收工同朋友宵夜吹水，就去左屋企樓下間金銘潮州粉麵，因為突然好想食牛腩，井財街間金銘我由細食到大，依幾年屋企樓下都開埋金銘，真是好開心，多了一間餐廳好選擇。今晚點了一個雙拼麵，水餃拼牛腩麵$39, 如果想單拼就平點的, $31就有了。牛腩好林，帶少少肥，但又不會太多肥，入口不會乾曾曾痴牙，牛味亦好濃郁，而水餃都幾大隻，有蝦，豬肉，黑木耳，食完都幾滿足。如果想加底，加紫菜，加菜就加$6 ，飲品加$7。 如果想食多點菜呢，單點一碟腐乳通菜就$17，菜份量都幾大，一碗麵一碟菜都好飽了，抱住肚腩回家去。…Read More

在深水埗工作的人，都會識去呢間餃子店，是我成日去的餐廳之一。最出名是自家包制的餃子，每次lunch 時段都坐滿客人，好在十二點幾去到都仲塭到位。我叫左一碗淨魚湯韮菜餃26元 , 一碗淨餃子有八隻，魚湯清甜，無味精味道，湯底配上蔥花，清清地幾健康，雖然餃子不算大隻，但韮菜味道濃郁，皮薄，餡料不錯，一個女仔lunch 叫碗淨餃，加碟菜都好足夠了，而餃子加時菜都只是一碟7元，lunch 33元，真是好抵食，是飯堂好選擇。…Read More

星期日下午尖沙咀行街街，最好就是去食過tea hea下，之前黎過呢間cafe 食晚餐，不過太飽，未試到甜品，一路心思思，今日終於有機會了。香蕉巧克力蜜糖吐司，賣相吸引，份量十足，兩個人share 食，再加杯果茶，絕配!! 吐司配上雲尼拿雪糕，蜜糖，巧克力，香蕉，吐司是塗滿蜜糖的，香脆可口，香甜又酥軟，加埋雪糕，口感不錯。cafe 裝修充滿少女感覺，座位舒服，非常優雅。意想不到的是星期日下午去食，都只是用了大約十分鐘等位而已，非常lucky 呢。…Read More

K11 開左呢間日式pancake 店，成日經過都見大排長龍，終於的起心肝星期六早上去試，十二點到已經全間店full 了，還好店外人龍不算多，排十五分鐘就可以入座。見到menu Strawberry Pancake $88好吸引，一於order 試下。pancake是用3.6牛乳，加上日本優質麵粉，pancake 鬆軟可口，配上士多啤梨色彩繽紛，賣相一流，睇見都流口水，一定要相機先食，當試第一口時，忌廉好滑，不會過甜，對於不食得太甜的我，一大驚喜，甜度剛剛好，回味無窮呀!!!! …Read More

星期六約左朋友在Cwb , 天氣熱辣辣，最好就是去happy hour 飲返杯，吹下水relax 下。行經耀華街，見到呢間酒吧有Sat & Sun happy hour set $118 , 1小食+1杯野飲，即刻心心眼衝左入去坐低試下。同朋友一人點了一個set , 度過左開心的下午。我點了Grilled Spiral Pork Sausages + white wine , 意想不到除左腸仔香口好味之外，連薯蓉都好有口感，食到有蒜茸同洋蔥香味，配上幾淡白酒，好滿足。價錢又抵，食物又好味，酒又好飲，發現到間好酒吧，真是happy hour 好地方。…Read More

收工陪朋友來到荔枝角，意想不到在工廠大廈隱藏一間環境舒服，食物又一流的西餐廳。德州燒烤漢堡Texas BBQ Burger $108一嘗Texas BBQ Burger , 足足六安市煙燻牛肉漢堡，賣相相當吸引，肉質juicy , 內有脆煙肉，生菜，車打芝士，炸洋蒽圈，非常足料，加上秘製墨西哥燒烤醬，實在配搭一流，burger 仲配有香脆薯條，酸瓜，食完整個burger 感到十分滿足，下次都會同朋友再來食, 值得一試再試。…Read More